Ali Kafkasyali - Wikipedia - Ureyim.az

1953-cü ildə Türkiyənin Şərqində — Qarsda doğulub. Atası Hacı Kafkasyalı vaxtilə Azərbaycanda Sovet bolşevik hakimiyyətinə qarşı üsyanda, qaçaq hərəkatında iştirak etmiş, 1930-cu illərin əvvəllərində təqiblərdən qorunmaq üçün Türkiyəyə mühacirət etmək məcburiyyətində qalmışdır.

Atatürk, Girəsun, Qazaxıstan Hoca Ahmet Yesevi Beynəlxalq Türk-Qazax Universitetlərində elmi və pedaqoji fəaliyyət göstərmişdir. Universitetlərdə işə başlamazdan əvvəl altı il Fransada, 15 il Türkiyənin müxtəlif şəhərlərində müəllim və idarəçi işləmişdir. Əsərləri, həmçinin qazax türkcəsinə, rus, fars dillərinə çevrilmişdir.^[1]

Güney Azərbaycan mövzusu Ali Kafkasyalının elmi yaradıcılığının əsas istiqamətlərindən birini təşkil edir. O, 1998-ci ildən başlayaraq dəfələrlə İrana getmiş, azərbaycanlıların yaşadıqları elləri oba-oba gəzib-dolaşmış, ədəbi-mədəni dəyərlər ilə bağlı araşdırmalar aparmış, sənədlər toplamışdır. Altı cildlik "İran türk ədəbiyyatı antologiyası" (2002), "İran türklərinin aşıq mühitləri" (2006) və "İran türk aşıqları və milli kimlik" (2007) kitablarını nəşr etdirmişidir.^[2]

• "İran türk ədəbiyyatı antologiyası" (2002)
• "İran türklərinin aşıq mühitləri" (2006)
• "İran türk aşıqları və milli kimlik" (2007)