 |
 |
Ureyim.az |  |
 |
Alpout yaşayış yeri — Qazax-Əskipara şosse yolunun Əskipara istiqamətində sağında yerləşən antik və ilk orta əsrlərə aid yaşayış yeri.
2012–2013-cü illərdə həyata keçirilən “Azərbaycanın qərb rayonlarında müxtəlif dövrlərə aid arxeoloji abidələrin elektron qeydiyyatı və xəritələşdirilməsi” layihəsi çərçivəsində bu abidə də rəqəmsal formata salınaraq Azərbaycan Respublikasının Prezidenti yanında Elmin İnkişafı Fondunun qrant layihəsi çərçivəsində Şamil Nəcəfov tərəfindən xəritələndirilmişdir.[1]
Qazax-Əskipara şosse yolunun Əskipara istiqamətində, yolun sağ kənarında yerləşən bu ərazi təqribən 1 hektar sahəni əhatə edir. Burada sonradan salınmış ayrı-ayrı müsəlman qəbirlərinə də təsadüf edilir. Əldə olunan keramika nümunələri isə ərazinin antik dövrə və erkən orta əsrlərə aid olduğunu göstərir.[2]
Bu yaşayış yeri I Alpout yaşayış məskənindən təxminən 150 metr məsafədə yerləşir və Qazax-Əskipara yolunun sağ tərəfindədir. Təqribən 1–1,5 hektar sahəni əhatə edir. Uzun illərdir ki, bu ərazi pay torpağı kimi istifadə olunaraq əkin-becərmə işlərinə cəlb olunmuşdur. Ərazidə az sayda tapılan keramika parçaları həmin yaşayış yerinin tarixinin müəyyənləşdirilməsində əhəmiyyətli rol oynayır.[2]
 |
 |
UREYIM.AZ |  |
 |
|