Amerika Muasir Diller Assosiasiyasi - Wikipedia - Ureyim.az

Təşkilat 1883-cü ildə ədəbiyyat və müasir dillərin (yəni, qədim Latın və Yunan dili kimi klassik dillər istisna olmaqla) öyrənilməsi üzrə müzakirə və müdafiə qrupu kimi təsis edilmişdir. Amerika Elmlər Akademiyasının təqdim etdiyi profilə görə, "Müasir Dillər Assosiasiyası təhsil, elmi, ədəbi və sosial məqsədlər üçün, daha dəqiq desək, İngilis, Alman, Fransız, İspan, İtalyan və digər müasir dillər və ədəbiyyatların akademik və elmi tədqiqini təşviq etmək məqsədilə yaradılmışdır."

Amerika Müasir Dillər Assosiasiyasının vəzifəli şəxsləri onun üzvləri tərəfindən seçilir. 2019–2020-ci illərdə prezident Simon Gikandi, birinci vitse-prezident Judit Batler, ikinci vitse-prezident isə Barbara Fuks olmuşdur. 2020–2021-ci il üçün prezident Judit Batler olmuşdur.^[5]

Amerika Müasir Dillər Assosiasiyası öz nizamnaməsinə uyğun olaraq, üzvləri tərəfindən vaxtaşırı seçilən İcraiyyə Şurası tərəfindən idarə olunur. İcraçı direktor Paula Krebsdir.^[6]

Amerika Müasir Dillər Assosiasiyası bir neçə akademik jurnal nəşr edir, o cümlədən Publications of the Modern Language Association of America, ədəbiyyat tədqiqatlarında ən nüfuzlu jurnallardan biri, və Profession, hazırda onlayn nəşr olunur və dil, ədəbiyyat müəllimlərinin qarşılaşdığı peşəkar məsələləri müzakirə edir.

Assosiasiya həmçinin MLA Handbook adlı bələdçi nəşr edir. Bu bələdçi əsasən orta məktəb və bakalavr tələbələri üçün nəzərdə tutulub və 6.500.000-dən çox nüsxə satılmışdır.

Amerika Müasir Dillər Assosiasiyası dil və ədəbiyyat sahəsində əsas biblioqrafiya sayılan MLA International Bibliography adlı onlayn verilənlər bazasını da hazırlayır.^[7]

1884-cü ildən etibarən Amerika Müasir Dillər Assosiasiyası dörd gün davam edən milli konfrans təşkil edir. Uzun illər boyu bu konfrans dekabrın son həftəsində keçirilirdi. 2011-ci ildən etibarən isə konfransın tarixləri 2 yanvardan sonrakı ilk cümə axşamına dəyişdirilmişdir. Konfransın keçirildiyi yerə görə iştirakçıların sayı təxminən səkkiz-on iki min nəfər arasında dəyişir və tədbir ABŞ-ın müxtəlif bölgələrində yerləşən böyük şəhərlər arasında növbə ilə keçirilir.

Amerika Müasir Dillər Assosiasiyası illik konfransı dil və ədəbiyyat üzrə alimlər üçün ilin ən böyük və ən vacib tədbiridir. Bir çox universitet və kollecin dil fakültələri konfrans çərçivəsində müəllim vəzifələri üçün namizədlərlə müsahibələr aparır, baxmayaraq ki, işə qəbul prosesi il boyu davam edir. Təşkilatın Job Information List (JIL) adlı iş məlumat bazası onlayn mövcuddur.^{[8][9][10][11][12]}

İşə yerləşdirmə fəaliyyətindən əlavə, konfrans çərçivəsində təxminən 800 sessiya keçirilir. Bu sessiyalara müxtəlif mövzularda məruzələrin təqdim edilməsi və panel müzakirələri daxildir (xüsusi sessiyalar, forumlar, poeziya oxunuşları, film nümayişləri, incəsənət və musiqi ilə əlaqəli multidisiplinar tədqiqatlar, idarəetmə iclasları) və həmçinin İngilis dili və digər dillər üzrə fakültələr, eləcə də bağlı və tərəfdaş təşkilatlar tərəfindən təşkil edilən sosial tədbirlər də baş tutur. Bundan əlavə, əsas otel və ya konfrans mərkəzinin sərgi sahələrindən birində geniş kitab sərgiləri təşkil olunur.

Noyabr 2016-cı ildə assosiasiya Humanities Commons adlı açıq girişli, fənlərarası platformanı istifadəyə verdi. Bu platforma humanitar elmlər sahəsində tədqiqat və akademik işlərə maraq göstərən hər kəs üçün açıqdır. Bu layihədə iştirak edən digər qeyri-kommersiya təşkilatları arasında College Art Association, Association for Jewish Studies və Association for Slavic, East European, and Eurasian Studies yer alır.

Assosiyasiyanın veb saytında MLA Language Map adlı dil xəritəsi mövcuddur. Bu xəritə, ABŞ-ın 2000-ci il əhalinin siyahıyaalınmasına əsaslanaraq, ölkədə və Kanadada 30 fərqli dilin və daha az yayılmış yeddi dil qrupunun danışanlarının yerləşmə bölgələri və sayları barədə ümumi məlumat və detallı statistikalar təqdim edir.

• Barber, Virginia. "The Women's Revolt in the MLA". Change Magazine April 1972. Rpt. in Women on Campus: The Unfinished Liberation. Ed. George W. Bonham. Introd. Elizabeth Janeway. Somerset, NJ: Transaction, 2006. pp. 85–94. ["The Modern Language Association is finally opening its doors to professional women and their demands for reform."]
• Florence Howe|Howe, Florence, Frederick C. Crews, Louis Kampf, Noam Chomsky, Paul Lauter, and Richard Ohmann. "Reforming the MLA." Letter to the editor. New York Review of Books, 19 December 1968. Web. 4 February 2007.
• Kimball, Roger. Tenured Radicals: How Politics Has Corrupted Our Higher Education. New York: Harper & Row, 1990. Rev. ed. Chicago: Elephant Paperbacks (Rowman & Littlefield|Ivan R. Dee), 1998. ISBN 1-56663-195-5. ISBN 978-1-56663-195-2. Print.
• Kushner, Eva. "The Modern Language Association of America". Diogenes (journal)|Diogenes 50.2 (2003): 135–138. Web. 1 July 2016.