 |
 |
Ureyim.az |  |
 |
Aytac Soltan qızı Əhmədova (18 iyul 1993) — azərbaycanlı jurnalist və siyasi məhbus; Meydan TV-nin reportyoru. 2024-cü il dekabrın 6-da Meydan TV jurnalistlərinə qarşı açılmış cinayət işi çərçivəsində həbs edilib.[1] Aytac Tapdıq və iş üzrə həbs edilən daha altı nəfər barəsində Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham verilib.[2]
| Aytac Tapdıq | |
|---|---|
 Aytac Tapdıq 2024-ci ildə | |
| Doğum tarixi | 18 iyul 1993 (31 yaş) |
| Doğum yeri | |
| Vətəndaşlığı | Azərbaycan |
| Fəaliyyəti | jurnalist, siyasi məhbus |
| Fəaliyyət illəri | 2015-ci ildən |
| Tanınır | "Meydan TV"nin jurnalisti |
 Vikianbarda əlaqəli mediafayllar | |
Aytac Tapdıq və digər jurnalistlərin həbsi yerli və beynəlxalq insan hüquqları təsisatları tərəfindən siyasi motivli hesab olunub, onların azadlığa buraxılması üçün Azərbaycan iqtidarına çağırışlar edilib.[3]
Hazırda Ədliyyə Nazirliyinin Penitensiar Xidmətinin Bakı İstintaq Təcridxanasında saxlanılır.[4][5]
Aytac Soltan qızı Əhmədova 1993-cü il, iyulun 18-də Bakı şəhərində anadan olub. 2010-cu ildə Yasamal rayonunda 158 nömrəli tam orta məktəbdən məzun olub. 2010-cu ildə Azərbaycan Dövlət Pedaqoji Universitetinə qəbul olub. Bakı Jurnalistika Məktəbinin (BJM) məzunudur.
2015-ci ildən Meydan TV-də jurnalist-reportyor olaraq çalışır. 2022-ci ildə Meydan TV-də yayımlanan MeyArt proqramının aparıcısı olub. Peşə fəaliyyəti ərzində dəfələrlə saxlanmalarla, polis müqaviməti və pis rəftarla üzləşib.
Aytac Tapdıq və daha altı nəfər 2024-cü il dekabrın 6-da Bakı Şəhər Baş Polis İdarəsində Meydan TV-yə qarşı açılmış cinayət işi çərçivəsində həbs edilib. Onların hər biri barəsində Cinayət Məcəlləsinin 206.3.2-ci (qaçaqmalçılıq — qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.[6] Onlar ittihamları rədd edib, həbslərini peşə fəaliyyətləri ilə əlaqəndirib. Dekabrın 8-də Aytac Tapdıq barəsində həbs qətimkan tədbirinin seçilməsi ilə bağlı istintaq orqanın təqdimatına baxılıb. Xətai Rayon Məhkəməsində hakim Sülhanə Hacıyevanın sədrliyi ilə ayrı-ayrılıqda qətimkanla bağlı təqdimatlara baxılıb. Təqdimatlar təmin edilib və Aytac Tapdıq da daxil olmaqla saxlanılan şəxslərin hər biri barəsində 4 ay müddətinə həbs qətimkan tədbiri seçilib. Meydan TV jurnalistlərinin həbsi Amnesty International,[7] Jurnalistləri Müdafiə Komitəsi (CPJ),[8] Sərhədsiz Reportyorlar,[9] Freedom Now,[10] həmçinin yerli və beynəlxalq ictimaiyyət tərəfindən sərt tənqid edilib, jurnalistlərin azadlığa buraxılması üçün Azərbaycana çağırışlar edilib.
 |
 |
UREYIM.AZ |  |
 |
|