Azerbaycan Yuksek Qizlar Liqasi 2023 2024 - Wikipedia - Ureyim.az

AFFA Yüksək Qızlar Liqasında oyunlar bir qrupda 9 komanda olmaqla iki dövrədən ibarət dairəvi sistemlə keçirilir. Qələbəyə görə 3 (üç) xal, heç-heçəyə görə 1 (bir) xal verilir. Məğlubiyyətə görə isə xal verilmir.

Komandaların xalları bərabər olarsa, turnir cədvəlindəki sıralama aşağıdakı göstəricilərə görə müəyyən olunur:

• Komandaların öz aralarında keçirdikləri oyunlarda qazandıqları xallara əsasən;
• Komandaların öz aralarında keçirdikləri oyunlarda vurulmuş və buraxılmış qolların sayına əsasən;
• Bütün oyunlarda vurulmuş və buraxılmış topların fərqinə görə;
• Bütün oyunlarda vurulmuş qolların sayına əsasən;
• Komandaların qələbə saylarına əsasən;
• Ən az qırmızı və sarı vərəqələrə görə toplamış xalların fərqinə əsasən (sarı vərəqə 1 xal, qırmızı vərəqə 3 xal);
• Bütün göstəricilər eyni olarsa, yenidən komandalar arasında bir oyun keçirilir və nəticəyə əsasən turnir cədvəlində yer müəyyən edilir.

mənbə: ^[1]

Qeyd: "Şəmkir" klubu çempionatın 2-ci dövrəsinin başlarında, əsasnamənin müddəalarını pozduğu üçün liqadan diskvalifikasiya edilir.

• Çempionatda sadəcə 1 heç-heçə qeydə alınmışdır. "İnter" (Xaçmaz) doğma meydanda "Qəbələ" ilə 1-1 hesablı heç-heçə əldə etmişdir. ^[2]

• Çempionatın və Azərbaycan futbol tarixinin ən böyük hesablı qələbəsi "Olimpiya Ağcabədi" (Əvvəl "Aran" idi) və "Baku Juniyors" arasında baş tutan oyunda qeydə alındı. Bakı komandası, Ağcabədi təmsilçisini 52-0 hesabla məğlub etdi. ^[3]

• "Neftçi" klubunun futbolçusu Aysun Seydiyeva "Olimpiya Ağcabədi" klubuna qarşı oyunda 38 qol vurdu. ^[4]