Baki Parklarinin Siyahisi - Wikipedia - Ureyim.az

Paytaxt Bakıda və şəhərətrafı ərazilərdə bir sıra rahat və gözəl parklar vardır. Bu parklar insanların asudə vaxtlarını əyləncəli və səmərəli keçirməsi ilə yanaşı, biomüxtəlifliyin qorunmasında əhəmiyyətli rol oynayır.^[1] Bakıdakı parkların siyahısı aşağıdakılardır.^[2]

Park		Şəkli
Bakı bulvarı	Bakı bulvarı şəhərin əsas görməli yerlərindən biridir. Bulvarın rəsmi adı Dənizkənarı Milli Pakdır. 2009-cu ildə bu parkın 100 illiyi qeyd olunmuşdu. Bu gün uzunluğu 5,6 km olan parkın 25 km-dək genişləndirilməsi nəzərdə tutulur[3].
Filarmoniya bağı	Bu bağın əsası 1830-cu ildə qoyulub. Filarmoniya bağı həmçinin uzun müddət Qubernator bağı da adlandırılmışdı.
Fəvvarələr meydanı	Bakının ilk mərkəzi meydanlarından biridir.[4] Fəvvarələr meydanı 1868-ci ildə inşa edilmişdir. Bu meydan həmçinin Parapet bağı və Karl Marks meydanı kimi adlandırılmışdı. 2010-cu ildə Fəvvarələr meydanı yenidən bərpa edilmişdi.
Xaqani bağı	Bakının ən köhnə parklarından biridir. Tikilmə tarixi 1870-ci illərə təsadüf edir. Bu bağ Molokan bağı kimi də tanınır.
Dağüstü Park	Bakının mərkəzində yerləşən bu park Sovet dövründə Kirov parkı adlandırılmışdı. 2013-cü ildə bağ yenidən əsaslı şəkildə bərpa olunub.
Zabitlər parkı	Bu park İkinci Dünya müharibəsi zamanı həlak olan əsgərlərin xatirəsinə həsr olunmuşdur. Müharibədən sonra park Sovet İttifaqı qəhrəmanı Həzi Aslanovun adını daşımışdı.[5] 2011-ci ildə əsaslı təmir-bərpa işlərindən sonra sakinlərin ixtiyarına verilmişdi.
Sahil bağı	Sovet dövründə əsası qoyulan bu park "26 Bakı Komissarı meydanı" kimi adlandırılmışdı. 2009-cu ildə bərpa işlərindən sonra yeni görünüş əldə etmişdi.
Səməd Vurğun bağı	Paytaxtın qədim parklarından biri olan Səməd Vurğun bağının əsası 1882-ci ildə qoyulmuşdu. 1961-ci ildən parkın mərkəzində heykəltaraş F. Əbdürrəhmanov və memar M. Hüseynovun hazırladığı şairin heykəli ucaldılmışdı.
Dədə Qorqud parkı	Bu müasir park 2013-cü ildə açılıb. Parkın ərazisində sahəsi üç hektar olan süni göl və şəlalə var[6].
Hüseyn Cavid parkı	Bu park Azərbaycan Elmlər Akademiyasının yaxınlığında yerləşir. 1993-cü ildə parkda Hüseyn Cavidin heykəli ucaldılmışdı. Bu abidənin müəllifi heykəltaraş Ömər Eldarovdur.
M. Ə. Sabir bağı	Bağın əsası 1920-ci illərin əvvəlində qoyulub. 1922-ci ildə parkda M. Ə. Sabirin heykəli ucaldılmışdı. 1950-ci illərdə parkda yaşıllaşdırma və genişləndirmə işləri aparıldı. Şairin xatirəsinə parkda 1958-ci ildə yenidən abidə ucaldıldı. Abidənin müəllifləri heykəltaraş Cəlal Qaryağdı və memar H. Əlizadə və E. İsmayılovdur.
Mərkəzi Botanika bağı	1935-ci ildə Botanika İnstitutunun dəstəyi ilə Mərkəzi Botanika Bağının əsası qoyulmuşdu. Bağın ərazisi 16 hektardır.
Mərdəkan Dendrarisi	Abşeron yarımadasında yerləşən Mərdəkan Dendrarisi 1895–1920-ci illərdə xeyriyyəçi və neft milyonçusu Murtuza Muxtarovun şəxsi bağı olmuşdur. Bağın ərazisi 24 hektardır. Mərdəkan Dendrarisi 2005-ci ildə Dünya Botanika Bağlarının, 2009-cu ildə isə Amerika Botanika Cəmiyyətinin üzvü seçilib.