. Ureyim.az

Bojidar Delic - Wikipedia - Ureyim.az

Ana Səhifə - Bojidar Delic

Bojidar Deliç (serb. Божидар Делић / Božidar Delić; 20 fevral 1956 – 23 avqust 2022, Moskva) — Yuqoslaviya hərbçisi və Serbiya siyasətçisi, Yuqoslaviya Federativ Respublikası Silahlı Qüvvələrinin general-mayoru, 22 may 2007-ci ildən 31 may 2012-ci ilə və 2 avqust 2022-ci ildən 23 avqust 2022-ci ilə qədər Serbiya Respublikası Xalq Məclisinin sədr müavini. Serbiya Radikal Partiyası və Serbiya Proqressiv Partiyası da daxil olmaqla bir sıra siyasi partiyaların fəalı olmuşdur. "Sevgi, iman, ümid" siyasi hərəkatının (Nemanya Şaroviç ilə birlikdə) təsisçisidir. 2022-ci ildə Serbiyada keçirilən ümumi seçkilər ərəfəsində "Milli-Demokratik Alternativ" hərəkatının seçki siyahısına daxil edilmişdir.

Bojidar Deliç
serb. Божидар Делић
Şəxsi məlumatlar
Doğum tarixi 20 fevral 1956(1956-02-20)
Vəfat tarixi 23 avqust 2022(2022-08-23) (66 yaşında)
Vəfat yeri
  • Moskva, Rusiya
Fəaliyyəti siyasətçi, hərbi qulluqçu
Dini Serb Pravoslav Kilsəsi
Hərbi xidmət
Döyüşlər
  • Kosovo müharibəsi
Rütbəsi general-mayor
Vikianbarın loqosu Vikianbarda əlaqəli mediafayllar

Mündəricat

  • 1 Erkən illəri
  • 2 Hərbi xidməti
  • 3 İstinadlar
  • 4 Xarici keçidlər

Erkən illəri

redaktə

Bojidar Deliç 20 fevral 1956-cı ildə Kosovo-Mitoxiya Muxtar Vilayətində (Serbiya Xalq Respublikası, Yuqoslaviya Federativ Xalq Respublikası) Cakovitsa şəhəri yaxınlığındakı Petrovats (indiki Lyuqbinar) kəndində anadan olmuşdur. Petrovatsda ibtidai məktəbin dörd sinfini, Cakovitsada isə daha dörd sinfi bitirmişdir.[1][2] Sonra Belqrada köçmüş, burada Yuqoslaviya Xalq Ordusunun Quru Qoşunları Hərbi Akademiyasını və Milli Müdafiə Məktəbini bitirmişdir.[3]

Hərbi xidməti

redaktə

Təhsilini başa vurduqdan sonra Bileça şəhərində quru qoşunlarında leytenant kimi xidmət etmiş, ehtiyat zabitlər üçün təlim mərkəzində çalışmışdır.[4] 1991–1992-ci illərdə mayor rütbəsində Yuqoslaviya qoşunları tərkibində Dubrovnikin mühasirəsində iştirak etmişdir.[1] Sonra podpolkovnik rütbəsinə yüksəldilmiş və komandanlığın icazəsi ilə Bosniya müharibəsi cəbhəsinə, Nevesinyeyə yollanmışdır. Serb Respublikası Ordusunun 715-ci Bileça (15-ci Hersoqovina) motoatıcı briqadasının qərargah rəisi olmuşdur.[2][4][5]

1995–1999-cu illərdə Deliç Yuqoslaviya ordusunun 549-cu motoatıcı briqadasına komandanlıq etmiş və bu briqada ilə Kosovo müharibəsində iştirak etmişdir.[2] Xüsusilə, polkovnik Deliç Paştrik döyüşündə briqadaya rəhbərlik etmiç və ehtiyat mövqelərə çəkilmək təklifinə cavab olaraq əsgərlərinə demişdir: "Geri çəkilmək yoxdur — arxada Serbiyadır". Bu döyüşdə 26 Yuqoslaviya əsgəri həlak olmuşdur. Deliç hər bir insanın hansı şəraitdə həlak olduğunu dəqiq bildiyini, lakin bu itkilərin qarşısını almağın mümkün olub-olmadığını dəfələrlə özündən soruşduğunu söyləmişdir.[6] Kumanovo sazişinin imzalanmasından sonra Yuqoslaviya qoşunları Kosovo və Metoxiyanı tərk etməli olmuşdur,[4] lakin Deliç briqadası ilə bir müddət Leskovatsda qalmış və 16 iyun 1999-cu ildə Yuqoslaviya Silahlı Qüvvələri komandanlığından briqadanın aldığı "Xalq Qəhrəmanı" ordenini qəbul etmişdir.[7] Deliçin komandanlığı altında Kosovoda Rusiyadan olan könüllülər Anatoli Lebed (gələcək Rusiya Qəhrəmanı) və Albert Andiyev döyüşmüşdür.[8]

1999-cu ildə[1] Deliç general-mayor rütbəsinə yüksəldilmişdir.[9] 5 oktyabr 2000-ci ildə, Slobodan Miloşeviçin devrildiyi gün, Deliç Belqrad korpusuna komandanlıq etmişdir,[2][10] lakin ona tabe olan qoşunlar hadisələrə müdaxilə etməmişdir.[3] 2002–2005-ci illərdə Yuqoslaviya (sonra Serbiya və Monteneqro) Quru Qoşunlarının Baş Komandanlıq əməliyyat idarəsində xidmət etmişdir. 2005-ci ildə təqaüdə çıxmışdır.[11][12] Buna baxmayaraq, sonradan Ali Məhkəmə onun təqaüdə çıxmasını qanunsuz hesab etmişdir.[1]

Beynəlxalq Keçmiş Yuqoslaviya Tribunalının (MTBÜ) iclaslarında o, Yuqoslaviya Prezidenti Slobodan Miloşeviç,[13] general Vladimir Lazareviç[14] və Serbiya Prezidenti Milan Milutinoviçin müdafiəsi üçün şahid kimi çıxış etmişdir. Həmçinin, Serbiya Radikal Partiyasının lideri Voislav Şeşelin müdafiəsi üçün şahid kimi çıxış etməyə hazır olduğunu bəyan etmişdir.[1][3]

İstinadlar

redaktə
  1. ↑ 1 2 3 4 5 "Božidar Delić" (serb). Istinomer. 2011-12-02 tarixində arxivləşdirilib. İstifadə tarixi: 2022-02-07.
  2. ↑ 1 2 3 4 "Преминуо Божидар Делић" (serb). Радио-телевидение Сербии. 2022-08-23. 2022-09-24 tarixində arxivləşdirilib. İstifadə tarixi: 2022-09-24.
  3. ↑ 1 2 3 "Božidar Delić" (serb). Otvoreni Parlament. 2018-03-27 tarixində arxivləşdirilib. İstifadə tarixi: 2022-02-07.
  4. ↑ 1 2 3 Nikola Janić. "Herojski put 549. mtbr iz Prizrena – Božidar Delić" (serb). Koreni. 2019-03-23. 2019-03-25 tarixində arxivləşdirilib. İstifadə tarixi: 2022-02-07.
  5. ↑ Катарина Лане. "В Сербии скончался генерал Божидар Делич". Балканист. 2022-08-23. 2022-09-24 tarixində arxivləşdirilib. İstifadə tarixi: 2022-09-24.
  6. ↑ "Komandant Delić: Znam kako je poginuo svaki vojnik na Paštriku" (serb). Радио-телевидение Сербии. 2019-05-23. 2023-10-02 tarixində arxivləşdirilib. İstifadə tarixi: 2022-09-25.
  7. ↑ "Penzionisani general Božidar Delić posetio vojnike u Leskovcu zajedno sa veteranima njegove ratne brigade" (serb). Rešetka. 2021-06-16. 2023-10-11 tarixində arxivləşdirilib. İstifadə tarixi: 2023-10-09.
  8. ↑ Sitat səhvi: Yanlış <ref> teqi; infobalkan adlı istinad üçün mətn göstərilməyib
  9. ↑ Under orders: war crimes in Kosovo. Human Rights Watch. 2001. 96. ISBN 9781564322647.
  10. ↑ "Uloga vojske u revoluciji – Mitovi 5. oktobra (4)" (serb). Vreme.com. 2010-10-06. 2022-02-07 tarixində arxivləşdirilib. İstifadə tarixi: 2022-02-07.
  11. ↑ "Odšteta po zakonu?" (serb). Данас[serb.]. 2012-01-13. 2022-02-07 tarixində arxivləşdirilib. İstifadə tarixi: 2022-02-07.
  12. ↑ Sitat səhvi: Yanlış <ref> teqi; политика adlı istinad üçün mətn göstərilməyib
  13. ↑ "Predmet Slobodan Milošević (IT-02-54) – svedok Božidar Delić – 11. jul 2005" (PDF). 2005-07-11. 2022-06-30 tarixində arxivləşdirilib (PDF). İstifadə tarixi: 2022-09-24.
  14. ↑ "ULOGA BENZINA U KRETANJU KOSOVSKIH IZBEGLICA". Centar za tranzicijsku pravdu. 2022-02-07 tarixində arxivləşdirilib. İstifadə tarixi: 2022-02-07.

Xarici keçidlər

redaktə
  •   INTERVJU: Božidar Delić – Srbi su stari i ponosni narod, moramo čuvati našu tradiciju! (21.8.2021)
  •   BEZ USTRUČAVANJA – Božidar Delić: Mi imamo ludaka na čelu države koji je opasan po ceo narod!
  • Милан Галовић, Димитрије Буквић. "Јуриш војске на границу са Албанијом" (serb). Политика. 2019-03-25. İstifadə tarixi: 2022-09-24.
Mənbə — "https://az.wikipedia.org/wiki/?q=Bojidar_Deliç&oldid=8146243"
UREYIM.AZ