 |
 |
Ureyim.az |  |
 |
Ceylan Mumoğlu (tam adı: Ceyran Qurban qızı Nadirova; 19 dekabr 1976, Sumqayıt) — Azərbaycanlı yazıçı, tərcüməçi və publisist.
| Ceylan Mumoğlu | |
|---|---|
| Ceyran Qurban qızı Nadirova | |
 | |
| Doğum adı | Ceyran Nadirova |
| Doğum tarixi | |
| Doğum yeri | Sumqayıt, Azərbaycan SSR, SSRİ |
| Vətəndaşlığı |
 SSRİ→ Azərbaycan ;  Türkiyə |
| Milliyyəti | azərbaycanlı |
| Təhsili | M. Ə. Rəsulzadə adına Bakı Dövlət Universiteti |
| Fəaliyyəti | yazıçı, tərcüməçi və publisist |
| Fəaliyyət illəri | 2009 — h.h. |
| Əsərlərinin dili | azərbaycanca |
| ceylanmumoglu.com | |
 Vikianbarda əlaqəli mediafayllar | |
Ceyran Qurban qızı Nadirova 19 dekabr 1976-cı ildə Azərbaycan SSR-in Sumqayıt şəhərində anadan olub.[1][2]
1983-1993-cü illərdə Sumqayıt şəhər 24 nömrəli orta məktəbində təhsil alıb. 1993-cü ildə M. Ə. Rəsulzadə adına Bakı Dövlət Universitetinin Tarix fakültəsinə qəbul olunub, 1997-ci ildə həmin fakültəni bitirib. 1997-2007-ci illər ərzində müxtəlif məktəblərdə tarix müəlliməsi işləyib. 2007-ci ildən ailə quraraq Türkiyənin İstanbul şəhərinə köçüb.[1][2] 2011-ci ildən Türkiyə vətəndaşıdır.
2009-2017-ci illərdə Azərbaycanın ilk milli qadın portalı olan qadin.net saytında həmtəsisçi və baş redaktor[3] vəzifəsində işləyib.[1][2]
2009-cu ildən saytdakı fəaliyyəti ilə yanaşı ədəbi fəaliyyətə də başlamış, bir çox psixoloji, parapsixoloji araşdırma məqalələrin, müxtəlif müsabiqələrdə mükafat almış hekayələrin və "Aydınlanma səyahəti"[2][3][4][5], "Qurbağa öpüşü"[6][7], "Sev və inan" kitablarının müəllifidir.[1]
2009-cu ildən ədəbi fəaliyyətə başlayıb, ilk hekayələrini, araşdırmalarını və publisist məqalələrini yazmağa başlayıb.[1][2]
C. Mumoğlunun həmtəsisçisi olduğu qadin.net saytı 2013-cü ildə Azərbaycan İnternet Forumunun təşkil etdiyi, MilliNet - Milli İnternet Mükafatının "Ailə, uşaq və sağlamlıq" nominasiyası üzrə 1-ci yer olub.[8][9][10]
2018-ci ildə “Hədəf” nəşrlərinin “Ustad” ədəbiyyat və sənət jurnalının “Azərbaycan Xalq Cümhuriyyəti İli” münasibətilə keçirdiyi hekayə müsabiqəsində[11] "Quyu" hekayəsilə[12] iştirak etmiş[13][14] və uğurlu iştirakına görə təltif edilib.[15]
2018-ci ildən Azərbaycanda "Ustad", 2020-ci ildən isə Türkiyədə "DergiZan" jurnalında fəaliyyət göstərir və mütəmadi olaraq bu jurnallarda yazıları çıxır.
2018-ci ilin dekabr ayında "Kuyu" adlı ilk türkcə hekayəsi yayımlanıb.[16]
2021-ci ildə Qadının üç yaş dövrü romanı türk dilinə tərcümə edilib və "Kadının üç çağı" adı ilə Ankarada nəşr edilib.[17]
 |
 |
UREYIM.AZ |  |
 |
|
