Con Malkaz David Şalikaşvili (gürc. ჯონ მალხაზ დავით შალიკაშვილი; ing. John Malchase David Shalikashvili; 27 iyun 1936[1][2][…], Varşava – 23 iyul 2011[3][1][…], Madiqan Ordu xəstəxanası[d], Vaşinqton) — 1992-1993-cü illərdə NATO Müttəfiq Qüvvələrinin Avropadakı Ali Komandanı, 1993-1997-ci illərdə ABŞ Birləşmiş Qərargah Rəisləri Komitəsinin 13-cü sədri vəzifəsində çalışmış ABŞ generalı.[5] O, Varşavada mühacirətdə olan gürcü zabit Dimitri Şalikaşvili və onun polşalı həyat yoldaşı Mariya Rüdiqer-Belyayevanın ailəsində anadan olub. 1996-cı ildə Hərbi Dənizçilik Kollecinin Məzunlar arasında Görkəmli Liderlik Mükafatının ilk laureatı olmuşdur.[6]
Con Şalikaşvili | |
---|---|
ing. John Shalikashvili | |
| |
Şəxsi məlumatlar | |
Doğum adı | John Malchase David Shalikashvili |
Doğum tarixi | 27 iyun 1936(1936-06-27)[1][2][…] |
Doğum yeri |
|
Vəfat tarixi | 23 iyul 2011(2011-07-23)[3][1][…] (75 yaşında) |
Vəfat yeri | |
Vəfat səbəbi | insult |
Dəfn yeri | |
Vətəndaşlığı | |
Atası | Dimitri Şalikaşvili[d] |
Təhsili |
|
Hərbi fəaliyyəti | |
Qoşun növü | ABŞ Ordusu |
Xidmət illəri | 1958–1997 |
Rütbəsi | general[d] |
Döyüşlər | |
Təltifləri |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
![]() |
Şalikaşvili ABŞ-də anadan olmayan ilk və hələ ki yeganə ABŞ Birləşmiş Qərargah Rəisləri Komitəsi sədridir. O, taqımdan diviziyaya qədər hər bir bölmə komandanlığında xidmət etmişdir.[7] 2011-ci ildə, 75 yaşında olarkən vəfat edib.[8]
Şalikaşvili orta əsr gürcü zadəgan ailəsi Şalikaşvili nəslindəndir. Atası Şahzadə Dimitri Şalikaşvili (1896-1978) Gürcaanidə anadan olub[9] və Rusiya İmperator Ordusunda xidmət edib. O, rus generalı Dmitri Staroselskinin nəvəsidir.
Bolşevik inqilabından sonra Dimitri Gürcüstan Demokratik Respublikası ordusunda polkovnik-leytenant rütbəsinə yüksəlib. Sovet İttifaqı 1921-ci ildə Gürcüstana hücum edib işğal edəndə Dimitri Türkiyədə diplomatik xidmətdə idi. Dimitri daha sonra Polşadakı digər gürcü mühacirlərə qoşuldu və burada polyak və qismən alman əsilli olan,[10] keçmiş çar ordusu generalı Rüdiqer-Belyayevin qızı Mariya ilə tanış oldu və onunla evləndi. Onların üç övladı, Otar, Con və Geyl oldu. Dimitri burada Polşa Ordusunda (digər gürcü mühacirlər ilə birlikdə) müqaviləli zabit kimi xidmət edib.