Diyez Isaresi - Wikipedia - Ureyim.az

"#" simvolu (diyez işarəsi, octothorpe) — kompüter klaviaturasında olan bu simvoldan müxtəlif məqsədlər üçün istifadə olunur:

• UNIX mühitində: Komanda sətrinin çağırışında (PROMPT) supervizor (ROOT (2)) səlahiyyətinin olmasını göstərir.
• UNIX proqramlarının bir çoxunun konfiqurasiya fayllarında, Windows sisteminin konfiqurasiya fayllarının bir hissəsində, bir sıra proqramlaşdırma dillərində (Perl, Python), Unix əməliyyat sisteminin komanda örtüklərində bir sətirli şərh işarəsi kimi istifadə olunur.
• HTML fayllarında: İstinadlarda faylın daxilindəki hər hansı bir bölümün, hissənin və s. bəlgəsinin adından əvvəl qoyulur.
• Simmetrik olduğundan birenli şriftlərdə (MONOSPACED FONT) psevdoqrafik görüntülərin yaradılması üçün istifadə olunur.
• C, C++ dillərində kompilyatorun preprosessorunun direktivini göstərir.
• Pascal dilində simvolların ASCII kodlarını göstərmək üçün istifadə olunur.
• printf funksiyalar ailəsində qiymətlərin alternativ formada çıxışa verilməsini göstərmək üçün idarəedici ardıcıllığın daxilində istifadə olunur.
• Basic dilində dəyişənin adından sonra qoyulmuşsa, verilənlər tipinin "ikiqat dəqiqlikli sürüşkən nöqtəli" olmasını göstərir.
• Visual Basic proqramlaşdırma dilində "tarix" verilənlər tipini göstərmək üçün (məsələn, #2/27/06#).

Musiqidə diyez işarəsi (#) bir notu yarım ton yüksəldən simvoldur. Məsələn, Do notu diyez alarsa, Do# (Do diyez) adlanır və səs bir qədər yüksək səslənir. Bu işarə nota yazılarında və akkordlarda geniş istifadə olunur.

• Misal:
  • Do → Do#
  • Fa → Fa#

Diyez işarəsi bəzi tonal sistemlərdə modulyasiya və melodik ifadəliliyi artırmaq üçün istifadə edilir.