 |
 |
Ureyim.az |  |
 |
Elçin Ağaqulu oğlu Tağıyev (1 iyul 1989, Zəhmətabad, Puşkin rayonu – 1 oktyabr 2020, Goranboy rayonu) — Azərbaycan Müdafiə Nazirliyinin Quru Qoşunlarının kapitanı; 2020-ci ildə Qarabağ müharibəsi zamanı Madagizin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Elçin Tağıyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Biləsuvar rayonu, Azərbaycan |
| Vəfat tarixi | (31 yaşında) |
| Vəfat yeri | Goranboy rayonu, Azərbaycan |
| Dəfn yeri | Biləsuvar rayonu, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2011—2020 |
| Rütbəsi | |
| Döyüşlər | |
| Təltifləri |
      |
Elçin Ağaqulu oğlu Tağıyev 1989-cu il, iyulun 1-də Biləsuvar rayonunun Zəhmətabad kəndində anadan olub.[2][1]
1995-2004-cü illərdə Ə. Rəhmətov adına Zəhmətabad kənd tam orta məktəbində təhsil alıb. 2004-cü ildə sənədlərini Cəmşid Naxçıvanski adına hərbi liseyə verib və 2007-ci ildə oradan məzun olub.[1] 2011-2015-ci illərdə Heydər Əliyev adına Azərbaycan Ali Hərbi Məktəbində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 24 iyun 2011-ci il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 9 il ərzində motoatıcı taqım komandiri, qərargah bölüyünün taktiki komanda məntəqəsinin rəisi, motoatıcı bölüyün komandiri, motoatıcı tabor komandirinin maddi-texniki təminat üzrə müavini, motoatıcı taborun qərargah rəisi - tabor komandirinin müavini, motoatıcı taborun komandiri vəzifələrində xidmət edib.[1]
Müxtəlif illərdə müdafiə nazirinin əmrləri ilə 3-cü dərəcəli "Qüsursuz xidmətə görə" medalı, "Azərbaycan Silahlı Qüvvələrinin 95 illiyi" yubiley medalı, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Madagizin azad edilməsi uğrunda gedən döyüş əməliyyatlarına qatılıb. Oktyabrın 1-də Goranboy rayonu istiqamətində döyüş tapşırığının icrası zamanı şəhid olub.[1] Biləsuvar rayonunun Zəhmətabad kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Suqovuşanın azad olunmasına görə" və "Vətən uğrunda" medalları ilə təltif edilib.[4][5]
Evli idi. Dəryanur adında 1 qızı, Tağı və Məhəmməd adında 2 oğlu var.
 |
 |
UREYIM.AZ |  |
 |
|