Elyas Parma Hersoqu - Wikipedia - Ureyim.az

Burbon-Parmalı Elyas (it. Elia Roberto Carlo Maria di Borbone-Parma; 23 iyul 1880^[1], Biarrits – 27 iyun 1959^[1]) — titular Parma hersoqu və Burbon-Parma ailəsinin başçısı.^[2] Özündən yaşca böyük 2 qardaşının (Henri və Jozef) səltənətləri boyunca naib olaraq xidmət etdi.

Elyas
it. Elia Roberto Carlo Maria di Borbone-Parma
Burbon-Parma ailəsinin başçısı
7 yanvar 1950 – 27 iyun 1959
Əvvəlki	Burbon-Parmalı Jozef
Sonrakı	II Robert
Naib
16 noyabr 1907 – 7 yanvar 1950
Şəxsi məlumatlar
Doğum tarixi	23 iyul 1880(1880-07-23)[1]
Doğum yeri	Biarrits
Vəfat tarixi	27 iyun 1959(1959-06-27)[1] (78 yaşında)
Fəaliyyəti	hərbi qulluqçu
Atası	I Robert
Anası	Siciliyalı Mariya Pia (Parma hersoginyası)
Uşaqları	II Robert (Parma hersoqu)
Dini	xristianlıq
Hərbi xidmət
Döyüşlər	Birinci Dünya müharibəsi
Təltifləri
Vikianbarda əlaqəli mediafayllar

1880-ci ildə Biarritsdə dünyaya gəldi. Atası Parmanın sonuncu hakim hersoqu I Robert, anası isə İki Siciliya kralı II Ferdinandın qızı Siciliyalı Mariya Piadır. Hələ 2 yaşında ikən anası doğuş əsnasında vəfat etdi və çox keçmədən atası yenidən evləndi.

25 may 1903-cü ildə Vyanada Avstriya hersoginyası Mariya Anna ilə evləndi. Cütlüyün bu nigahdan 8 övladı dünyaya gəlsə də, bunlardan yalnız biri evlənərək övlad sahibi oldu.

• Elizabet (1904-1983), evlənmədən öldü.
• Karlo Luici (1905-1912)
• Mariya Françeska (1906-1994), evlənmədən öldü.
• II Robert, titular Parma hersoqu
• Françesko Alfonso (1913-1939), evlənmədən öldü.
• İohanna İzabella (1916-1949), evlənmədən öldü.
• Alis, Kalabriya hersoginyası
• Mariya Kristina (1925-2009), evlənmədən öldü.

Atasının 1907-ci ildə vəfatından sonra böyük qardaşı Henri sürgündəki ailənin başçısı oldu və ailə mülklərinə sahibləndi. Ancaq əqli zəifliyi vardı və bu səbəblə, ögey anası İnfanta Mariya Antoniya 4 ay sonra hersoqun ilk evliliyindən doğulan 6 övladın mirasdan və dövlət idarəsindən məhrum edildiyini elan etdi. Sırf bu səbəblə, Şahzadə Elyas yaşca böyük qardaşına naib olaraq xidmət etməyə başladı.

1910-cu ildə atasının ikinci evliliyindən doğulan bacı-qardaşlarıyla ata mirasının bölgüsü üzrə ortaq məxrəcə gəldi. Bu razılığa görə, ata mirasının yarısı Şahzadə Elyasa, digər yarısı isə ögey bacı-qardaşlarına qalacaqdı. Ögey qardaşları Xavier və Sikstus sonrakı illərdə bu razılığa qarşı çıxsalar da, açılan məhkəmə işləri nəticəsiz qaldı.

Qardaşı Henrinin 1939-cu ildə ölümünün ardından, əqli zəif olan digər qardaşı Jozef taxta çıxarıldı və Şahzadə Elyas naibliyinə davam etdi. Taxt sırası isə ona 1950-ci ildə çatdı. Hersoq Jozefin ölümüylə titular Parma hersoqu olan Elyas 1959-cu ildə Ştiriyada vəfat etdi.