 |
 |
Ureyim.az |  |
 |
2023-cü il HƏMAS–İsrail girov böhranı — Qəzzədə müharibə zamanı yaranmış girov böhranı. 7 oktyabr 2023-cü ildə, müharibənin əvvəlində təxminən 250 nəfər "Əl-Əqsa fırtınası" əməliyyatı çərçivəsində HƏMAS başçılığı altındakı Fələstin yaraqlıları tərəfindən İsrail ərazisindən girov götürülərək Qəzza zolağına aparılmışdır.[1][2][3][4][5]
15 dekabr 2023-cü il tarixinə əsir mübadiləsi razılaşması ilə 110 girov sağ-salamat qaytarılmışdır,[6][7][8][9][10][11] lakin İsrailə görə HƏMAS əsirliyində 24 nəfər öldürülmüşdür[12][13][14] və 5 nəfərin cəsədi hərbi əməliyyatla öz ölkəsinə qayatrılmışdır.[15][16] Qəzzə zolağında hal-hazırda 135 nəfər əsirlikdə qalır.[12]
HƏMAS yaraqlıları 30 uşaq,[17][18][19][20][21] yaşlı[22] və hamilə qadınları oğurlamışdır.[23][24] Əsirlər arasında əsgər və mülki şəxslərin dəqiq nisbəti məlum deyil. Əsirlərin Qəzzə zolağında müxtəlif yerlərdə saxlandığı ehtimal edilir.[25] Yalnız İsrail vətəndaşlığı olan girovlarla yanaşı, girovların demək olar ki, yarısı xarici vətəndaşlardır və ya bir neçə vətəndaşlığı var.[26]
HƏMAS İsrailin bütün fələstinli məhbusları azad etməsi müqabilində bütün girovları azad etməyi təklif etmişdir.[27] 2023-cü ilin oktyabr ayına qədər İsrail həbsxanalarında 5,200 fələstinlini (170-i yeniyetmə olmaqla) saxlamışdır. HƏMAS bəyan etmişdir ki, məqsədi onların azad edilməsini təmin etməkdir.[28] İsrail və HƏMAS arasında danışıqlarda bir neçə ölkə iştirak etmişdir və bu danışıqlara Qətər liderlik edir.[29]
22 noyabr 2023-cü ildə İsrail və HƏMAS 150 fələstinli məhbusun azad edilməsinə və HƏMAS-ın girovlardan təxminən 50-ni azad etməsi müqabilində dördgünlük atəşkəsə razılaşmışdır.[30][31][32]
 |
 |
UREYIM.AZ |  |
 |
|