Hafiz Baxis - Wikipedia - Ureyim.az

Hafiz Baxış 1932-ci il oktyabrın 15-də Zəngəzur mahalı Qafan bölgəsinin Yuxarı Girətağ kəndində müəllim ailəsində anadan olmuşdur. Orta məktəbi 1950-ci ildə Qafan bölgəsinin Şəhərcik kəndində bitirmişdir.

1950–1952-ci illərdə Qovşud kəndində ibtidai sinif müəllimi işləmiş, 1952 – 1956-cı illərdə Azərbaycan Dövlət Teatr İnstitutunun teatr və kino aktyorluğu fakultəsində təhsil almışdır. Tələbə ikən 1954-cü ildə Azərbaycan diviziyasında bədii özfəaliyyət dərnəyinin rəhbəri olmuşdur. 1956–1961-ci illərdə Sumqayıt şəhərində tərbiyəçi, pionerlər evinin və mədəniyyat sarayının direktoru vəzifəsində çalışmışdır.

1961-ci ildə Azərbaycan Dövlət Radio və Televiziya verilişləri Komitəsində rejissor köməkçisi, rejissor, yüksək dərəcəli rejissor vəzifələrində fəaliyyət göstərmişdir. İlk şeirləri "Sosialist Sumqayıtı" qəzetində dərc olunmuşdur, "Samur – Dəvəçi kanalı" adlı ilk şeiri də həmin qəzetin 1957-ci il 9 fevral tarixli sayında , "Zirvə" adlı ilk poeması isə "Azərbaycan" jurnalının 1968-ci il 2-ci sayında çap olunmuşdur. Bundan sonra o altı poema qələmə alsa da lirik şair kimi tanınmışdır. İyirmidən çox şeirinə musiqi bəstələnmişdir.

1989-cu il sentyabrın 7-də vəfat etmişdir.

1. "Azərbaycan oğluyam". B.: , 1980.- s., nüs.
2. "Sona bülbüllər". B.: , 1983.- s., nüs.
3. "Eşqimi sönməyə qoymaram". B.: , 1989.- s., nüs.
4. "Dağlar üçün darıxmışam". B.: , 2001.- s., nüs.
5. "Bu torpağa bağlıyam". (nəğmələr, şeirlər və poemalar) B.: İqtisad Universiteti, 2002.- 218 s.,500 nüs.
6. "Ömür bir yarpaq imiş". B.: Şirvannəşr, 2002.- 100 s., 300 nüs.
7. "Ana layla deyir", Bakı: "Zərdabi LTD" MMC, 2012. - 296 s., 1000 nüs.

• Tamxil Ziyəddinoğlu, "Hafiz Baxış-80". Bütöv Azərbaycan qəzeti, №36(168), 17-23 oktyabr 2012-ci il.