 |
 |
Ureyim.az |  |
 |
Kəramət Böyükçöl (tam adı: Kəramət Qəşəm oğlu Nəcəfov; 17 oktyabr 1987[1], Əliqullar, İmişli rayonu[1]) — Azərbaycan yazıçısı və publisisti.
| Kəramət Böyükçöl | |
|---|---|
 Böyükçöl 2022-ci ildə | |
| Doğum tarixi | 17 oktyabr 1987[1] (37 yaş) |
| Doğum yeri | |
| Uşağı | 2 |
| Atası | Qəşəm Nəcəfzadə[1] |
| Təhsili |
|
| Fəaliyyəti | yazıçı, publisist, hekayə yazıçısı[d] |
| Janrlar | roman, povest[d], hekayə |
| Üzvlüyü |
|
 Vikianbarda əlaqəli mediafayllar | |
Kəramət Böyükçöl 17 oktyabr[2] 1987-ci ildə İmişli rayonunun Əliqulular kəndində anadan olub.[3] Səbail rayonu 51 saylı orta məktəbi bitirib. 2007–2011-ci illərdə Bakı Dövlət Universitetinin Filologiya fakültəsini bitirib.[4]
2010-cu ildə Azərbaycan Yazıçılar Birliyinə üzv olmuşdur. 11 noyabr 2015-ci ildə sərt tənqidləri və çıxışları səbəbilə Azərbaycan Yazıçılar Birliyinin üzvlüyündən kənarlaşdırılıb.[5][6] Böyükçöl üzvlükdən kənarlaşdırılqdan sonra da davamlı olaraq Azərbaycan Yazıçılar Birliyini və onun üzvlərini tənqid etməkdədir.[7]
Böyükçöl 18 avqust 2020-ci ildə kirayə qaldığı bir evdə sərxoş halda "Facebook" hesabından açdığı canlı yayımda hökuməti tənqid edərkən[8] polis tərəfindən basılmış və zor tətbiq edilərək saxlanılmışdır.[9][10] O, canlı yayımda ölkənin digər bəzi məşhurlarına qarşı təhqiramiz ifadələrdən istifadə etmişdir.[11] Polis verdiyi açıqlamada qonşuların bu vəziyyətdən rahatsız olduğunu və şikayət etdiklərini bildirmişdir.[12][13][14] Həmçinin polis yazıçının pis vəziyyətdə olduğunu və intihar edəcəyindən şübhələndiklərini bildirmişdir.[15][16] Böyükçöl bir gün sonra sərbəst buraxılmış[17][15][13] və yazıçının xəstəxanada məcburi müalicəsinə başlanılmışdır.[18][19]
"YouTube" kanalında "Kəramətinə şükür" adlı həftəlik proqram hazırlamış və bu proqramda siyasi mövzular müzakirə edilmişdir.[20]
7 oktyabr 2021-ci ildə sağlamlıq problemləri ilə əlaqədar olaraq təkrar məcburi müalicə üçün Bakı Şəhər Narkoloji Dispanserə yerləşdirilmiş[21] və 3 həftə sonra, 26 oktyabr 2021-ci ildə müalicəsini tamamlayaraq buraxılmışdır.[22][23]
2023-cü ildə "Elçibəyin sirri" adlı kitabını oxucularına təqdim etmişdir.[24]
Uzun müddət fəaliyyətini səyyar kitab satıcısı kimi davam etdirən Böyükçöl[25] 31 yanvar 2024-cü ildə Kerazon adlı kitab mağazasının açılışını etmişdir.[26] O, daha sonra bu mağazayı bağlamışdır və "qazel" alaraq satıcılıq fəaliyyətinə "yeriyən kitab mağazası" ilə ölkənin regionlarında davam edəcəyini bildirmişdir.[27]
Böyükçöl sazı "cahillik aləti" adlandırıb və "meyxana kimi bir şey" olduğunu bildirib.[28]
İki dəfə evlənib, ilk evliliyindən bir qızı, ikinci evliliyindən bir oğlu var.[29] Atası Qəşəm Nəcəfzadə yazıçı və publisistdir.[30] Böyükçölün bir bacısı və bir qardaşı var.[31]
 |
 |
UREYIM.AZ |  |
 |
|
