. Ureyim.az

Kamil Memmedov Herbci - Wikipedia - Ureyim.az

Ana Səhifə - Kamil Memmedov Herbci
Vikipediyada bu ad-soyadlı digər şəxslər haqqında da məqalələr var; bax: Kamil Məmmədov.

Kamil Məmmədov (azərb. Məmmədov Kamil İsmayıl oğlu‎; 4 fevral 1942, Quba – 14 iyul 2023) — general[1]

Kamil Məmmədov
azərb. Məmmədov Kamil İsmayıl oğlu‎
Şəxsi məlumatlar
Doğum tarixi 4 fevral 1942
Doğum yeri Quba
Vəfat tarixi 14 iyul 2023 (81 yaşında)
Hərbi fəaliyyəti
Rütbəsi general

Mündəricat

  • 1 Həyatı
  • 2 Mükafatları
  • 3 Ailəsi
  • 4 İstinadlar

Həyatı

redaktə

Kamil Məmmədov 4 fevral 1942-ci ildə Quba şəhərinin Müxtədir küçəsindəki 45 nömrəli evdə doğulmuşdur. 1 nömrəli şəhər orta məktəbini bitirmişdir. 1959-cu ildə Qubadakı kənd təsərrüfatı texnikumuna daxil olmuş, tərəvəzçi ixtisası üzrə texnikumu bitirmişdir.[1]

12 noyabr 1963-cü ildə hərbi xidmətə çağırılmış, üç il Brest şəhərindəki artilleriya alayında xidmət etmişdir. Üçillik Tambov şəhərindəki hərbi artilleriya məktəbini 1967-ci ildə leytenant rütbəsi ilə bitirmişdir. Hərbi məktəbi əla qiymətlərə bitirdiyinə görə Almaniya Demokratik Respublikasına göndərilmişdir.[1]

1973-cü ilə kimi orada xidmət etmişdir. 1973-cü ildə baş leytenant rütbəsində baş qərargahın arxa cəbhə və Nəqliyyat Akademiyasına imtahan verib qəbul olunmuşdur. 1976-cı ildə akademiyanı mayor rütbəsində bitirmiş, Ukraynaya diviziya komandirinin müavini vəzifəsinə göndərilmişdir.[1]

Kamil Məmmədova 1979-cu ildə podpolkovnik rütbəsi verilmişdir.[1]

1982–1983-cü ildə Orta Asiyada korpus komandirinin müavini işləmiş, 1983-cü il oktyabrın 19-da Əfqanıstana korpus komandirinin məsləhətçisi göndərilmişdir. İki il iki ay dörd gün Əfqanıstanda xidmət etmişdir. 1986-cı ilin yanvarında xidmət yeri Leninqrada dəyişdirilmişdir. Leninqrad hərbi dairəsində ordu komandanının müavini təyin edilmişdir. SSRİ Nazirlər Sovetinin 1989-cu il bir noyabr tarixli qərarı ilə general-mayor rütbəsi ilə təltif olunmuşdur.[1]

Baş Qərargah Akademiyasında çalışmışdır.[1]

Mükafatları

redaktə
  • Üçüncü dərəcəli "SSRİ-də Vətənə xidmətə görə" kavaler[1]
  • "Əfqanıstanda İgidliyə görə" ordeni[1]
  • 13 medal[1]

Ailəsi

redaktə

Atası İsmayıl Məmmədtağıoğlu "Kommunizm yolu" kolxozunda dəmirçi işləmişdir.[1]

Elmar Məmmədov adlı bir oğlu var. Moskvadakı Suvorov adına hərbi məktəb 1982-ci ildə əla qiymətlərlə bitirib. Daha sonra RSFSR adına Ali hərbi məktəbə daxil olmuşdur. 1986-cı ildə leytenant rütbəsində ən uzaq N. qarnizonuna xidmətə göndərilmişdir.[1]

İstinadlar

redaktə
  1. ↑ 1 2 3 4 5 6 7 8 9 10 11 12 Şəmistan Nəzirli. Azərbaycan generalları[ölü keçid], Bakı, "Gənclik", 1991. səh.103
Mənbə — "https://az.wikipedia.org/wiki/?q=Kamil_Məmmədov_(general)&oldid=7754675"
UREYIM.AZ