Karamazov qardaşları (rus. Братья Карамазовы, /'bratʲjə karə'mazəvɨ/) — Rus yazıçısı Fyodor Dostoyevskinin romanı.
Karamazov qardaşları | |
---|---|
rus. Братья Карамазовы (Brat'ya Karamazovy) | |
![]() Karamazov Qardaşları romanında əsas qəhrəman "ideyasının siması" - Alyoşa Karamazovun və "qərib"in təsviri. 1879-cu il F.M. Dostoyevskinin rəsmlərindən | |
Janr | Fəlsəfi psixoloji roman |
Müəllif | Fyodr Dostoyevski |
Orijinal dili | Rusca |
Yazılma ili | 1878 |
Nəşr ili | 1880 |
Nəşriyyat | Ру́сский ве́стник |
Əvvəlki | Gülünc adamın yuxusu (hekayə) |
![]() |
Dostoyevskinin həyatının zirvə romanı olaraq bilinir. Romanın böyük bir hissəsi Staraya Russada yazılmışdır. Dostoyevski olduqca ağır bir dili olan roman üçün iki ilə yaxın zaman sərf etmiş və 1880-ci ilin noyabr ayında bitirmiştir. Kitabın yayımlanmasından dörd ay sonra yenə bu kitab üçün hazırladığı böyük bir layihə olan "Böyük bir günahkarın xatirələri" ilə məşğul olarkən vəfat etmişdir.
Yazıçı bu əsərində oxucunun diqqətini mənəvi-fəlsəfi məsələlərə yönəldir. Əsərin personajları – İvan, Aleksey və Dmitri Karamazovlar varlığın ilkin səbəbi və son məqsədləri haqqında mühakimələrlə məşğuldur. Onlar Tanrı və ruhun ölümsüzlüyü məsələsinə müxtəlif cür yanaşır və öz seçimlərini edirlər. Dünya ədəbiyyatında xristian təfəkkürü təsvirinin ən dərin örnəklərindən olan Karamazov qardaşları XX əsrin ən paradoksal, fəlsəfi və psixoanalitik interpretasiyalarının obyekti olmuşdur.
İl | Film | Ölkə | Rejissor | Qeydlər |
---|---|---|---|---|
1921 | Die Brüder Karamasoff | Almaniya | Carl Froelich | |
1931 | Der Mörder Dimitri Karamasoff | Almaniya | Erich Engels, Fyodor Otsep | |
1947 | I fratelli Karamazoff | İtaliya | Giacomo Gentilomo | |
1959 | The Brothers Karamazov | ABŞ | Richard Brooks | |
1968 | Karamazov qardaşları | SSRİ | Kirill Lavrov | 232 dəqiqə |
1976 | "O Julgamento" | Braziliya | Edison Braga | TV serial. 178 seriya (60 dəqiqə) |
2009 | "Bratya Karamazovy" | Rusiya | Yuri Moroz | 8 bölümlü mini serial. 440 dəqiqə. |
2010 | Karadağlar | Türkiyə | Oğuzhan Tercan | Show TV — də serial |