 |
 |
Ureyim.az |  |
 |
Ləkətağ körpüsü — Culfa rayonunun Ləkətağ kəndində, Səfəvilər dövründə Əlincəçayın üzərində salınmış tarixi memarlıq abidəsi, körpü.
| Ləkətağ körpüsü | |
|---|---|
 | |
 | |
| 39°17′07″ şm. e. 45°48′13″ ş. u.HGYO | |
| Ölkə |
 Azərbaycan |
| Şəhər | Culfa |
| Yerləşir | Ləkətağ |
| Aidiyyatı | Səfəvilər |
| Tikilmə tarixi | XVI-XVII əsrlər |
| Üslubu | Naxçıvan memarlıq məktəbi |
| Vəziyyəti | Fəaliyyət göstərir |
| Əhəmiyyəti | Yerli əhəmiyyətli |
  Ləkətağ körpüsü |
|
Ləkətağ körpüsü Naxçıvan Muxtar Respublikası Nazirlər Kabinetinin 2007-ci il 21 noyabr tarixli 98 nömrəli qərarı ilə ölkə əhəmiyyətli memarlıq abidələri siyahısına salınıb.
Ləkətağ körpüsü XVI–XVII əsrlərdə, Səfəvilər dövründə tikilib.[1][2] Naxçıvan memarlıq məktəbinin nümunəsi körpü bir aşırımlıdır[3] və Əlincəçayın sol sahilində yerləşən digər Culfa kəndlərini Ləkətağ ilə əlaqələndirmək məqsədilə inşa olunub.[4][5] Ərəfsə və Ləkətağ kəndlərinin arasında yerləşən bu körpüyə insanlar bəzən "Ərəfsə körpüsü", "Culfa körpüsü" də deyirlər.[6][7]
Tağvari formada olan körpü müxtəlif həcmli çay və dağ daşlarından tikilib.[8] Onun tağı kənarlarda yonulmuş ağ daşlardan, ortada isə müxtəlif çay daşları ilə hörülüb.[8] Bərkidici maddə kimi iri qum və əhəng qarışığı olan gəcdən istifadə olunub.[8][9] Aşağı hissədə körpünün eni 7 metrdir.[9] Onun hündürlüyü daş özülə qədər 5, çaya qədər 6,5 metrdir. Körpünün eni 2,7 metrdir.[1][10]
Naxçıvan Muxtar Respublikası Nazirlər Kabinetinin 2007-ci il 21 noyabr tarixli 98 nömrəli qərarı ilə Ləkətağ körpüsü ölkə əhəmiyyətli memarlıq abidələri siyahısına salınıb.[11]
2019-cu ildə dağılma təhlükəsi olan körpü bərpa olunub.[6] Körpünün sağ və sol tərəflərində divarları bərkidilib, dayaqları möhkəmləndirilib.[7] Çay yatağında yayılan suyun sərbəst keçməsinə imkan yaratmaq məqsədilə körpünün sol hissəsində əlavə olaraq 3 kiçik suötürücü tağ qurulub.[6][7]
 |
 |
UREYIM.AZ |  |
 |
|
