Muzakire Neriman Nerimanov - Wikipedia - Ureyim.az

Məqalə tərəflidir. Nərimanovun Zəngəzur və Qarabağla bağlı erməni tərəfkeşliyi də verilməlidir:

Qars müqaviləsindən əvvəl aparılan danışıqlarda N.Nərimanovun daima eyni məsələni – Türkiyənin Gümrü müqaviləsindən imtina etməsini qabartmasına cavab olaraq türk heyətinin üzvü Rıza Nur üzünü ona tutaraq soruşur: «Sizin üçün hansı məsələ daha önəmlidir: Azərbaycan məsələsi, yoxsa erməni məsələsi?»

N.Nərimanov cavab verir: Bəli, ilk öncə erməni məsələsi.

Rıza Nurun «Yəni onları (erməniləri – V.Q.) himayəmi edəcəksiniz?» sualına N.Nərimanov təhdidkaranə tərzdə aşağıdakı cavabı verir: «Lazım olsa ermənilərlə birləşib sizə qarşı müharibə də apararıq».

TBMM Gizli Celse Zabıtları, s. 229; K.Karabekir. İstiklal Harbimiz. C. II, s. 1067, 1073. samral ^müzakirə 22:08, 16 fevral 2025 (UTC)Cavabla

1921-ci ildə çıxışı var (arxivdə də var bu çıxış): “Qarabağın taleyinə yalnız Qarabağın erməni vətəndaşları referendum ilə qərar verəcək.” samral ^müzakirə 22:09, 16 fevral 2025 (UTC)Cavabla

Nəriman Nərimanovun 01.12.1920 tarixindəki bəyanatı:

“Sovet Azərbaycanı Ermənistan və Zəngəzurda ən yaxşı yoldaşlarımızın-kommunistlərin günahsız qanını tökmüş və tökən daşnakların hakimiyyətinə qarşı əməkçi erməni xalqının mübarizəsinə yardım göstərərək elan edir ki, bundan belə heç bir ərazi məsələləri əsrlərdən bəri qonşu olan iki xalqın: ermənilərin və müsəlmanların bir-birinin qanını tökməsi üçün səbəb ola bilməz; Zəngəzur və Naxçıvan qəzalarının ərazisi Sovet Ermənistanın bölünməz ərazisidir ; Dağlıq Qarabağın əməkçi kəndlərinə isə öz müqəddəratını təyin etmək hüququ verilir, Zəngəzurun hüdudlarında bütün hərbi əməliyyatlar dayandırılır; Sovet Azərbaycanın qoşunları isə buradan çıxarılırlar. Sovet Azərbaycanı malik olduğu tükənməz sərvətlərin-neft, kerosin və digər məhsulların qapılarını Sovet Ermənistanı üçün geniş açır". samral ^müzakirə 22:11, 16 fevral 2025 (UTC)Cavabla

@Yousiphh, @En Merker, @Qızılbaş Nemoralis (müzakirə) 22:25, 16 fevral 2025 (UTC)Cavabla

Ümumiyyətlə bu məqalə yenidən yazılmalıdır. Çünki məzmunu çox köhnədir. Amma verdiyiniz məlumatlarda bəzi səhvlər var. Ən əsası isə Rza Nurun xatirələrinə istinad etməli deyilik. Adam uydurmaların şahıdır. Yousiphh (müzakirə) 23:12, 16 fevral 2025 (UTC)Cavabla

• Məqalədə tərəfli mövqelər çoxdur. Məzmunu çox köhnədir. Amma qərəzli mövqenin də bu məqaləyə əlavə edilməsinə qarşıyam. Nərimanovun fəaliyyətinə dair son illərdə neytral mövqeli əsərlər həsr edilib. Onların məqalənin yenidən işlənməsində istifadəsinin daha faydalı olacağını düşünürəm. Rıza Nurun mənbə kimi qəbul edilməsinin isə qarşıyam. Ümumiyyətlə onu qeyd edim ki, Türkiyə mənbələri çox vaxt mübahisəlidir. Ciddi qəbul edilməli deyil, təhrif həddən artıq çoxdur. --Tarixi Nadir (müzakirə) 09:49, 25 fevral 2025 (UTC)Cavabla