 |
 |
Ureyim.az |  |
 |
Məhərrəm Bazdul (bosn. Muharem Bazdulj; 1977[1], Travnik, Bosniya və Herseqovina Sosialist Respublikası, Yuqoslaviya SFR) — boşnakəsilli Serbiya jurnalisti, tərcüməçisi və yazıçısı. Onun tarixi fantastika əsəri "Bayron və gözəllik" Con K. Koks tərəfindən ingilis dilinə tərcümə edilmişdir.[2]
| Məhərrəm Bazdul | |
|---|---|
 | |
| Doğum tarixi | 1977[1] |
| Doğum yeri | |
| Təhsili | |
| Fəaliyyəti | jurnalist, yazıçı, tərcüməçi |
 Vikianbarda əlaqəli mediafayllar | |
19 may 1977-ci ildə Bosniya və Herseqovinanın Travnik şəhərində anadan olmuşdur. Sarayevo Universitetinin filologiya fakültəsini "İngilis dili və Amerika ədəbiyyatı" ixtisası üzrə bitirmişdir. Anası Nura Bazdul-Hubicar və atası Saleh Bazdul hər ikisi Travnikdən olan, mükafat almış ədəbi müəlliflərdir. Ədəbi və publisistik mətnlərini müxtəlif jurnal və qəzetlərdə dərc etdirir: "Abraham", "Dani", "İza", "Litsa", "Oslobođenje" (Sarayevo); "Kollaps" (Mostar); "Divan" (Travnik); "Reporter" (Belqrad və Banya Luka); "Vremya" (Belqrad); "Feral Tribune" (Split); "Novi Omanut", "Pontes", "Zarez" (Zaqreb); "Bal Kanis" (Lyublyana); "Forum", "Naşe pismo" (Skopye).[3]
Zaqrebdə nəzəriyyə, mədəniyyət və təsviri sənət jurnalı olan "Tvrđa"nın redaksiya heyətinin üzvüdür. Kitabları alman, ingilis və polyak dillərinə tərcümə edilərək nəşr olunmuş, hekayələri və esse-ləri isə 12 başqa dildə dərc edilmişdir. Pol Oster və Salman Ruşdinin esselərini, həmçinin İosif Brodski, Filip Larkin, Vilyam Batler Yeyts və Riçard Vilburun şeirlərini tərcümə etmişdir. 2012-ci ildən Belqradda (Serbiya) yaşayır və çalışır. Onun bütün əsərləri serb dilində yazılmışdır. Kitabları alman, ingilis və polyak dillərinə, hekayələri və esseləri isə onlarla başqa dilə tərcümə edilib nəşr olunmuşdur.[4]
Məhərrəm Bazdulun əsərləri Serbiyada, həmçinin Bosniya və Herseqovinada yüksək qiymətləndirilir. 2014-cü ildə o, Serbiyanın iki ən yüksək jurnalist mükafatını qazanmışdır. Onlar "jurnalist cəsarəti və araşdırma və analitik jurnalistikada xüsusi nailiyyətlərinə görə" verilən "Stanislav Staşa Marinkoviç" mükafatı və "ən yaxşı köşə və ya şərhə görə" Serbiya Jurnalistlər Assosiasiyasının "Boqdan Tirnanim" mükafatıdır. Bundan əvvəl, 2013-cü ildə o, Bosniya və Herseqovina Jurnalistlər Assosiasiyasının "çap mediası kateqoriyasında ən yaxşı jurnalist" mükafatını almışdı.[5]
10 may 2021-ci ilə qədər "Oslobođenje" qəzetinin köşə yazarı olmuşdur, lakin Vışeqradda Peter Handkenin "İvo Andriç" böyük mqkafatını "İkinci qılınc — May nağılı" kitabı üçün alması münasibətilə keçirilən qəbulda iştirak etdikdən sonra bu əməkdaşlıq dayandırılmışdır.[6][7]
Ailəlidir, bir övladı var. 2022-ci ildən etibarən o, Rusiyanın dövlətə məxsus təbliğat şəbəkəsi olan "Russia Today"in Serbiya şöbəsinə töhfə verir.[8]
 |
 |
UREYIM.AZ |  |
 |
|