 |
 |
Ureyim.az |  |
 |
Macarıstanda buddizm 1951-ci ildən etibarən rəsmi təşkilatlanma mərhələsinə qədəm qoymuşdur. Həmin il Ernyo Hetenyi Almaniyada Buddist Missiyasını təsis etmişdir.[1]O, Mahayana məktəbinə mənsub Arya Maitreya Mandala buddist ordeninin üzvü idi. Lakin ilk buddist icmanın əsası daha erkən, 1890-cı illərdə indiki Rumıniya ərazisində yerləşən Maromarossiqet şəhərində qoyulmuşdur (bu şəhər hazırda Siqetu Marmației adlanır).[2] Həmin dövrdə Yojef Holloşi buddist inancını qəbul etmiş və "Buddista Káté" ("Buddist Katexizisi", 1893) adlı ilk macar dilində buddist təlim kitabçasını yazmışdır. Bu hadisə Macarıstanda Dharma təliminin artıq bir əsrdən çoxdur mövcud olduğunu göstərir.[3][4]
Buddizm Macarıstanda ilk dəfə XIX əsrin sonlarında akademik maraqlar çərçivəsində tanınmağa başlamışdır.[5] Şərq fəlsəfəsinə olan maraq və oriyentalist araşdırmalar buddist mətnlərin tərcüməsi və yayılmasına səbəb olmuşdur. XX əsrin ortalarında, xüsusilə 1950–60-cı illərdə buddizmə maraq artmış, bəzi şəxsi təlim qrupları və dini cəmiyyətlər formalaşmağa başlamışdır. Lakin kommunist dövründə dinlərə qarşı sərt nəzarət olduğundan buddist icmalar gizli və məhdud şəkildə fəaliyyət göstərirdi.[6]1989-cu ildə kommunist rejimin süqutundan sonra Macarıstanda dini azadlıqlar genişləndi və buddizm cəmiyyətləri rəsmi şəkildə qeydiyyatdan keçməyə başladı. Bu dövrdən etibarən müxtəlif buddist məktəblər fəaliyyətə başladı, o cümlədən[7]:
Hazırda Macarıstanda müxtəlif buddist məbədlər, mərkəzlər və meditasiyaya yönəlmiş təşkilatlar mövcuddur. Ölkədəki ən böyük buddist təşkilatlardan biri Buddha’s Way Foundation (Buddha Útja Alapítvány) hesab olunur.[8]
Macarıstanda buddistlərin sayı rəsmi statistikaya görə azdır. 2011-ci il siyahıyaalmasına əsasən, təxminən 10,000 nəfər özünü buddist kimi təqdim etmişdir.[9] Bu rəqəm əhalinin ümumi sayına görə az olsa da, Buddizm xüsusilə şəhər əhalisi[10], intellektuallar və alternativ həyat tərzi axtaranlar arasında maraq doğurmağa davam edir. Macarıstanda bəzi universitetlərdə buddist fəlsəfəyə dair kurslar keçirilir. Buddist mərkəzlər meditasiya və fəlsəfə dərsləri ilə yanaşı, mədəni tədbirlər və tibbi yardım layihələri də həyata keçirirlər.[11][12]Macarıstanda buddist cəmiyyətlər rəsmi olaraq dini icma kimi tanınır və fəaliyyətlərini qanuni şəkildə həyata keçirirlər. 2011-ci ildə qəbul edilən yeni dinlər haqqında qanuna görə, bəzi buddist təşkilatlar statuslarını qoruyub saxlaya bilmiş, digərləri isə yenidən qeydiyyatdan keçməyə məcbur olmuşdur.
 |
 |
UREYIM.AZ |  |
 |
|
