Mehmed Burhaneddin Efendi Ii Ebdulhemidin Oglu - Wikipedia - Ureyim.az

Atası Sultan Əbdülhəmidin səltənətində 19 dekabr 1885-ci ildə Ulduz sarayında dünyaya gəldi. 1891-ci ildə qardaşları Əbdülqadir Əfəndi və Nuri Əfəndi ilə birlikdə sünnət edildi. 29 iyul 1913-cü ildə Albaniya müstəqillik qazandıqdan sonra Albaniya taxtına namizəd seçilsə də, bu təklifi qəbul etmədi. 1921-ci ildə İraq generallarının dəvəti ilə İraq taxtına çıxmaq istəsə də, Birləşmiş krallığın müdaxiləsi ilə bu plan baş tutmadı. 5 iyun 1949-cu ildə Nyu-Yorkda vəfat etdi. Cənazəsi gəmiylə İstanbula gətirilsə də, limana daxil olmasına icazə verilmədi. Bu səbəblə cənazə Dəməşqə göndərildi və burada dəfn olundu.

• Nurbanu Hidayət xanım (1891-1946, Sivas)— Leyla Açbanın böyük bacısıdır. 15 iyul 1907-ci ildə Ulduz sarayında evlənmişdir. 1 övladı oldu.
  • Mehmed Fəxrəddin Əfəndi (26 noyabr 1911, İstanbul - 13 iyul 1968, Nyu-York) — 1933-cü ildə Parisdə əslən yunan olan Lili adlı bir xanımla evlənmişdir. Xanımı İkinci Dünya müharibəsi əsnasında Afinada baş verən bombardman zamanı həlak olmuşdur. Fəxrəddin Əfəndi bir daha evlənməmiş, övladı olmamışdır.
• Aliyə Mələk Nazlıyar xanım (13 oktyabr 1892, İstanbul - 31 avqust 1976, Ankara) — Çərkəz Hüseyn bəyin qızıdır. 7 iyun 1909-cu ildə Nişantaşı köşkündə evlənsələr də, 1919-cu ildə ayrıldılar. 1 övladı oldu. Ancaq daha sonra ayrıldılar. Aliyə xanım 1921-ci ildə Cavid bəylə (ö. 1926) evləndi və bu nigahdan 1 oğlu daha oldu.
  • Ərtoğrul Osman Əfəndi (d. 31 avqust 1912, İstanbul — ö. 26 sentyabr 2009, İstanbul)
• Georgina Leonora Mosselmans (d. 23 avqust 1900, Niderland — ö. 1969) — 29 aprel 1925-ci ildə Parisdə evlənsələr də, həmin il ayrıldılar.
• Elsie Deming Jackson (d. 6 sentyabr 1879, Nyu-York — ö. 12 may 1952, Nyu-York) — 3 iyul 1933-cü ildə evləndilər.

• https://archive.org/stream/GenealogyOfTheImperialOttomanFamily2005#page/n31/mode/2up