 |
 |
Ureyim.az |  |
 |
Mirqasım Çeşmazər(1920 – 2000) ― 1954-1959-cu illərdə Azərbaycan Demokrat Firqəsinin sədri, alim.
| Mirqasım Çeşmazər | |
|---|---|
 | |
| Doğum tarixi | |
| Vəfat tarixi | 2000 |
| Fəaliyyəti | inqilabçı, siyasətçi |
| Partiyası | Azərbaycan Demokrat Firqəsi |
| Mükafatları |
  |
 Vikianbarda əlaqəli mediafayllar | |
Azərbaycan Milli Hökuməti dövründə Təbriz fədai dəstələrinin komendantı, Mir Cəfər Pişəvərinin köməkçisi, Azərbaycan Radio komitəsinin sədri olub.
Mirqasım Mikayıl oğlu Çeşmazər 1920-ci ildə anadan olub.[1] 1938-ci ildə Azərbaycan SSR-dən deportasiya olunub.[2]
1944-cü ildə yaradılmış Tudə partiyasının Təbriz Komitəsinin üzvü olub[3]. Azərbaycan Demokrat Firqəsinin Mərkəzi Komitəsinin üzvü olub[4][5]. 945-ci il noyabrın 20-də Təbriz Ərk teatrının binasında Azərbaycan Xalq Konqresi fəaliyyətə başlayıb.[6][7][8] Mirqasım Çeşmazər də bu konqresdə nümayəndə kimi iştirak edib.[9] 1945-ci il dekabrın 10-dan 1946-cı il yanvarın 15-ə qədər Təbriz fədai dəstələrinin komendantı[10], 1946-cı ilin yanvar ayından iyun ayına qədər S.C.Pişəvərinin köməkçisi olub[11]. 1946-cı il aprelin 26-da Azərbaycan Radio komitəsinin nəzdində açılmış Təbriz radiosunun sədri olub.[12][13][14] 1946-cı il sentyabrın 3-də Azərbaycan Demokrat Firqəsinin yaradılmasının birinci ildönümündə milli-demokratik hərəkatda iştirak etdiyi üçün "Səttarxan" ordeni ilə təltif olunub[15][16]. 1946-cı ildə S.C.Pişəvəri, Mirqasım Çeşmazər və digərlərinin təşəbbüsü ilə Tehran qoşununun Azərbaycana gəlməsinə müqavimət göstərmək məqsədi ilə "Babək müqavimət dəstəsi" yaradılıb[17]. Milli Hökumət dağıldıqdan sonra bir müddət Təbrizdə gizli yaşayıb. Bir neçə ay sonra Bakıya mühacirət edib.[18] Burada "Azərbaycan Demokrat Firqəsinin yaranması və fəaliyyəti" mövzusunda elmi işi müdafiə edərək tarix elmləri namizədi alimlik dərəcəsi alıb. AMEA-nın Şərqşünaslıq İnstitutunda «Cənubi Azərbaycan tarixi» şöbəsində elmi fəaliyyətlə məşğul olub[19].
Mirqasım Çeşmazər 1954-cü ildə Azərbaycan Demokrat Firqəsinin konfransında seçkilər yolu ilə firqənin sədri seçilib[20]. 1954-cü ildən 1959-cu ilə qədər Azərbaycan Demokrat Firqəsinin sədri olub[21][22]. 1986-cı ildə, Bakıda "Azərbaycan Demokrat Partiyasının yaranması və fəaliyyəti" adlı monoqrafiyasını çap etdirib.[23] 1988-ci ildə başlamış Meydan hərəkatının iştirakçısı olub.
2000-ci ildə dünyasını dəyişib.
 |
 |
UREYIM.AZ |  |
 |
|
