 |
 |
Ureyim.az |  |
 |
Muhəmmədəli Məmmədzadə - “Göyəzən” Ağırlıqqaldırma Klubunun təmsilçisi; Ağırlıqqaldırma üzrə Avropa birinciliyinin qızıl və gümüş (2023), gümüş və bürünc mükafatçısı (2024).
| Muhəmmədəli Məmmədzadə | |
|---|---|
| Şəxsi məlumatlar | |
| İdman növü | Ağırlıqqaldırma |
| Komandası | Göyəzən ağırlıqqaldırma Klubu |
"Göyəzən” Ağırlıqqaldırma Klubunun təmsilçisidir. O həm 2023, həm də 2024-cü illərdə ağırlıqqaldırma üzrə keçirilmiş Avropa birinciliyində fərqlənməyə nail olub.
2023-cü ildə yaşı 15-ə qədər olan oğlanlar arasında 96 kq çəki dərəcəsində mübarizə aparıb. O birdən qaldırma hərəkətində 117 kq-ı qaldırıb və bu hərəkətdə bütün rəqiblərini üstələyərək qızıl medal qazanıb.[1]
Məhəmmədəli təkanla qaldırma hərəkətində də uğurlu çıxış edib. O, 138 kq-ı başı üzərinə qaldırıb və bu hərəkətdə gümüş medala sahib çıxıb. Toplam 255 kq (117+138) nəticə göstərən Məmmədzadə yekun sıralamada da gümüş medal əldə edib.
Məhəmmədəli Məmmədzadə 2024-cü ildə Yunanıstanın Saloniki şəhərində 15 və 17 yaşlı yeniyetmələr arasında ağırlıqqaldırma üzrə Avropa birinciliyində təkanla qaldırma hərəkətində 146 kq-ı başı üzərinə qaldıraraq bu hərəkətdə gümüş medal əldə edib. Avropa Ağırlıqqaldırma Federasiyası (EWF) tərəfindən təşkil edilən bu çempionat Avropa ölkələrinin gənc idmançılarını bir araya gətirərək onların güc və texniki bacarıqlarını nümayiş etdirməyə imkan verir.[2] Yarış həm fərdi, həm də komanda nəticələri üzrə qiymətləndirilir. Muhəmmədəli toplam 266 kq (120+146) nəticə ilə yekun sıralamada bürünc medal qazanıb.[3][4][5]
 |
 |
UREYIM.AZ |  |
 |
|