 |
 |
Ureyim.az |  |
 |
Bu məqalə Quşyuvası ilə demək olar ki, eyni mövzudan bəhs edir və hər ikisinin eyni başlıq altında birləşdirilməsi mümkündür. |
Nəbilər (əvvəlki adı: Quşyuvası[1]) — Azərbaycan Respublikasının Kəlbəcər rayonunun Günəşli kənd inzibati ərazi dairəsində kənd.[2]
| Nəbilər | |
|---|---|
| Ölkə | |
| Region | Kəlbəcər rayonu |
Kəndin keçmiş adı Quşyuvası idi, bu ad ərazidə çox sayda quş yuvası olduğuna görə idi. Kəndin bünövrəsini qoyan Nəbi adlı şəxsin şərəfinə, kəndin adı 1992-ci ildə dəyişdirilərək, Nəbilər adlandırıldı. Kəndin hazırki Nəbilər adı Nəbi nəslindən olanlar yaşayan kənd mənasındadır.[1]
Yaşayış məntəqəsi XIX-cu əsrdə indiki Laçın rayonunun Alxaslı kəndindən çıxaraq köçüb gəlmiş ailələr tərəfindən salınmışdı. Bu yaşayış məntəqəsi qızılquş yuvaralı olan Quşyuvası adlanan meşəlik ərazisində salınmışdı. Bu səbəbdən yaşayış məntəqəsi Quşyuvası adlandırılmışdı[3]. Kəndin bünövrəsini Nəbi adlı şəxs qoymuşdu. 1992-ci ildə bu kənd Nəbinin şərəfinə Nəbilər adlandırılmışdı.[1]
Nəbilər kəndi 1993-cü ildə Ermənistan Silahlı Qüvvələri tərəfindən işğal edilmişdi. 25 noyabr 2020-ci ildə Üçtərəfli bəyanat əsasında azad olunmuşdu.[4]
13 dekabr 2021-ci il tarixində Azərbaycan Respublikasının Müdafiə Nazirliyi Nəbilər kəndindən videogörüntülər hazırlamışdı[5].
Nəbilər kəndinin ərazisi meşəlikdir[1], kənd dağətəyi ərazidə yerləşir[3].
Nəbilər kəndinə məxsus olan bu yaylaqlar var: Şartapılan yurd, Dərədamının yurdu, Evinqabağı yurd, Yelliyurd, Maralatan yurd, Qapanlı yurdu, Əmrahın damının yurdu, Donuzdamı yurdu[1].
Nəbilər kəndinə məxsus olan bu bulaqlar var: Bəhmənin bulağı, Şor bulaq, Şəmşirin bulağı[1].
Nəbilər kəndinə məxsus olan bu məşhur yerlər var: Şişinbaşı, Baxacaq, Məmmədin darı, Qaraqayalar, Şoralının kahası, Tələlər[1].
 |
 |
UREYIM.AZ |  |
 |
|
