Persepolis Film - Wikipedia - Ureyim.az

Parisdəki Orli hava limanında Tehrana uçmağa hazırlaşan təyyarəni gözləyən Mərcan "Mərci" Sətrapi doğma şəhərinə qayıtmaqda bir qədər tərəddüd edir. O, həmin gün boyu hava limanında geridə qoyduğu illər barədə dərindən düşünməyə xeyli vaxt sərf edir.

1979-cu il. İranda şaha qarşı üsyanlar baş qaldırır. Mərcinin orta təbəqədən olan ailəsi də xalqın bir üzvü kimi mitinqlərə qatılır, lakin Mərcinin onlara qoşulmasına isə icazə verilmir. Mərcinin dayısı Anuş həbsdən yenicə azadlığa buraxılıb və onların evinə şam yeməyinə dəvət alır. Qonaqlıq zamanı əmisi ona hokümətdən gizləndiyi vaxtlar başına gələn bir sıra hadisələrdən söz açır. Mərci onun danışdıqlarına həvəslə qulaq asır. Şahın devrilməsi ölkədə seçkilərin keçirilməsi üçün zəmin yaradır. Ancaq bu seçkilər İslam fundamentalistlərinin xeyrinə yekunlaşır. Onların hökmü ilə qadınların qapalı geyinməsi, hicab taxması qanun olur. Hadisə fonunda Mərcinin ailəsinə sarsıdıcı xəbər gəlir: əmisi Anuş inanclarına görə həbs olunaraq edam edilib. Zamanla bir çox iranlı ölkədən ayrılmağa məcbur qalır.

İran-İraq müharibəsinin başlaması ilə İranda vəziyyət daha da pisləşir. Hökumətin tezliklə vətəndaşların hüquqlarını əlindən alacağını təsəvvür etmək heç də çətin deyil. Mərciyə qayıtsaq, onun əmisi Tahir bu yaxınlarda infarkt keçirir və o, mütləq əməliyyat üçün İngiltərəyə aparılmalıdır. Lakin ölkəni tərk etmək yalnız Səhiyyə Şurasının icazəsilə olmaqdadır. Mərcinin xalası kömək üçün icazə istəməyə getsə də, xəstəxaya çatanda anlayır ki, oranın müdiri, necə deyərlər, olduqca yaşlı, pəncərə yuyan, çox da bacarığı olmayan, dini qaydalara tabe olan bir adamdır. Kaş bunu bəri başdan bilsəydilər. Bir yol kimi saxta pasport üçün Xosroya üz tuturlar. Belə heç də adi olmayan Xosro da kommunist baxışlarına görə hazırda başı dərddə olan Nilüfər adlı qadını öz evində gizlədir. Təəssüf ki, qarşı tərəfin də Nilufəri yaxalanması və edam etməsi çox vaxt çəkmir. Həmin hadisənin nəticəsidir ki, Xosro aradan çıxır, Tahiri isə ölüm öz yanına alır.

Mərci artıq yeniyetməlik illərinə qədəm qoyub. Təccüblü deyil ki, o, qeyri-qanuni şəkildə əldə etdiyi ağır metal musiqisi dinləyir və Qərb üslubunda olan paltarlar geyinir. Mərci hətta bir az irəli gedib hoküməti tərifləyən müəlliminə də qarşı çıxır. Bu hərəkətlərindən dolayı onu məktəbdən qovurlar. Bu hadisənin xofu isə Mərcinin valideynlərini basır. Çünki əvvəl şahid olduqları onlara bir dərs idi. Mərci Məlum kəsləri hiddətləndirə bilərdi. Belə olan halda valideynləri (anası) narahat olaraq onu rəfiqəsinin yanına, Vyanadakı Fransız məktəbinə göndərməyi planlaşdırır.