 |
 |
Ureyim.az |  |
 |
Pomidor Sənaye Muzeyi "D. Nomikos" (yun. Βιομηχανικό Μουσείο Τομάτας "Δ. ΝΟΜΙΚΟΣ") – Yunanıstanın Santorini adasında yerləşən sənaye muzeyi. Muzey 1945-ci ildə açılmış və 1981-ci ildə bağlanmış tomat pastası zavodunun binasında yerləşir. Muzey Santorini adasının pomidor sənayesinin tarixinə həsr olunmuşdur. Muzeyin ekspozisiyasına artırılmış reallıq və holoqrafik ventilyatorlardan ibarət rəqəmsal sərgilər daxildir.
| Pomidor Sənaye Muzeyi "D. Nomikos" | |
|---|---|
 | |
 | |
| Əsası qoyulub | 2014 |
| Mövzu | Pomidor[d] |
| Ölkə | |
| Yerləşir | Santorini |
| 36°20′20″ şm. e. 25°25′57″ ş. u.HGYO | |
| tomatomuseum.gr | |
 Vikianbarda əlaqəli mediafayllar | |
Dimitros Nomikos ilk pomidor emalı biznesini 1915-ci ildə Messariyada qurmuşdur.[1] 1922-ci ildə Monolitosda "Balkan yarımadasındakı ilk konserv zavodlarından biri"ni açmışdır. Onun oğlu Georqi Nomikos 1945-ci ildə Vlixadada pomidor emalı zavodunu qurmuş və onu atasının şərəfinə adlandırmışdır.[2]
1950-ci ildəki vulkan püskürməsinə qədər Santorini "pomidor adası" kimi tanınırdı.[3] Pomidorlar adanın əsas məhsullarından biri sayılırdı. Əsrlər boyunca adada yetişən pomidor çeşidi vulkanik torpağa uyğunlaşmışdı və az suya ehtiyac duyurdu. Santorini pomidorunun qabığı nazik, ətli hissəsi qalın və dadı kəskin olduğu üçün tomat pastası istehsalı üçün ideal hesab olunurdu. 1950-ci illərin sonuna qədər adada 9 tomat pastası zavodu fəaliyyət göstərirdi.[1] 1956-cı ildə bölgədə daşqın və zəlzələ baş vermişdir.[2] Ən məhsuldar dövrdə hər gün 3500 səbət pomidor yığılırdı.[4] Zavod 1981-ci ildə adada pomidor yığımının azalması səbəbilə bağlanmışdır.[2] 2016-cı ildən etibarən Nomikos ailəsi Bolqarıstan, Yunanıstan və Türkiyədə bənzər zavodları işlətməyə davam edir.[4]
2014-cü ildə zavodun yerləşdiyi məkan sənaye muzeyi kimi açılmışdır.[2] Muzeyin məqsədi Santorini adasının pomidor emalı tarixini tanıtmaq və qeydə almaqdır. Muzey Santorini İncəsənət Fabriki adlı daha böyük bir təşkilatın bir hissəsidir.[5][6]
Muzeyin kolleksiyasına dəzgahlar və alətlər, eləcə də, arxiv materialları daxildir.[2][1] Muzeydə sərgilənən ən qədim dəzgah 1890-cı ilə aiddir.[1] Kolleksiyaya tomat pastası istehsalı üçün elektrik enerjisinin alınmasında istifadə olunan qaynama qazanları sərgilənir; keçmişdə yaxınlıqdakı körfəzdən nasosla dəniz suyu çəkilirdi.[4]
Muzey sərgisi pomidorun yığılması, emal edilməsi və tomat pastasının hazırlanması proseslərini əhatə edir.[7] Sərgilər üçün holoqrafik ventilyatorlar, artırılmış reallıq və eşitmə qabiliyyətini itirmiş şəxslər üçün nitq-mətn dəstəyi kimi rəqəmsal texnologiyalardan istifadə olunur.[8] Keçmişdə zavod tərəfindən istehsal olunmuş tomat pastası muzeyin suvenir mağazasında satılır.[4]
.jpg)
 |
 |
UREYIM.AZ |  |
 |
|
