. Ureyim.az

Qaralama Ulvi Mansurov - Wikipedia - Ureyim.az

Ana Səhifə - Qaralama Ulvi Mansurov
Bu məqalənin giriş hissəsi çox qısadır.
Xahiş edilir, məqalənin təlimat xarakterli giriş hissəsini təkmilləşdirin və məqalənin bütün əhəmiyyətli aspektləri barədə ixtisarlaşdırılmış formada məlumat verin. Məqalənin preambulası ilə bağlı mübahisə yaranıbsa, müzakirə səhifəsinə baş çəkin.
Ülvi Mansurov
Şəxsi məlumatlar
Doğum tarixi 13 dekabr 1983 (41 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Təhsili Uorvik Universiteti
İxtisası İqtisadiyyat
Atası Eldar Mansurov
Vikianbarın loqosu Vikianbarda əlaqəli mediafayllar

Ülvi Eldar oğlu Mansurov (13 dekabr 1983, Bakı) — iqtisadiyyat üzrə fəlsəfə doktoru, "Azərbaycan İnvestisiya Şirkəti"nin icraçı direktoru.

Həyatı

redaktə

Ülvi Mansurov 13 dekabr 1983-cü il Bakı şəhərində anadan olub. 2000–2006-cı illərdə Azərbaycan Dövlət İqtisad Universitetinin Mühasibat uçotu və audit fakültəsində təhsil alıb. 2013-cü ildə Ü. Mansurov iqtisadiyyat üzrə fəlsəfə doktoru dərəcəsini alıb. 2012–2015-ci illərdə Uorvik Universitetində təhsil alıb, Warwick Business School proqramının məzunudur.

Ü. Mansurov əmək fəaliyyətinə 2001-ci ildə Azərbaycan Beynəlxalq Bankının Sahil filialında başlayıb, 2012-ci ilədək Mərkəzi xəzinədarlıq, Maliyyə menecmenti, Daxili audit departamenti, Mühasibatlıq və büdcə proqnozlaşdırılması departamentlərində müxtəlif vəzifələrdə çalışıb.

2012-ci ildə "Bank Technique" İdarə Heyətinin sədri vəzifəsinə seçilib və bu vəzifədə üç il çalışıb. O, 2015-ci ildə Azərbaycan Beynəlxalq Bankının İdarə Heyəti sədrinin müavini vəzifəsinə seçilib.

Ü. Mansurov 31 mart 2017-ci ildə nəqliyyat, rabitə və yüksək texnologiyalar naziri Ramin Quluzadənin əmri ilə "Azərpoçt"un baş direktoru təyin olunub.[1] Bir müddətdən sonra tutduğu vəzifədən öz xahişi ilə azad edilib.

18 yanvar 2018-ci ildə Vergilər naziri Mikayıl Cabbarovun əmri ilə nazirlikdə yeni yaranmış İqtisadiyyat sahələrinin analitik təhlili və ekspertizası departamentinə Ülvi Mansurov baş direktor təyin edilib.[2]

13 avqust 2020-ci ildə İqtisadiyyat naziri Mikayıl Cabbarovun əmri ilə "Azərbaycan İnvestisiya Şirkəti" ASC-nin icraçı direktoru vəzifəsinə təyin edilib.[3]

Şəcərəsi

redaktə
  • Məşhur bəstəkar Eldar Mansurovun oğludur[1].

İstinadlar

redaktə
  1. ↑ 1 2 "Eldar Mansurovun oğlu yüksək vəzifəyə gətirildi". 2019-08-26 tarixində arxivləşdirilib. İstifadə tarixi: 2017-03-31.
  2. ↑ "Tanınmış bəstəkarın 35 yaşlı məmur oğlu". 2018-03-22 tarixində orijinalından arxivləşdirilib. İstifadə tarixi: 2018-01-19.
  3. ↑ "İqtisadiyyat Nazirliyində yeni kadr təyinatları aparılıb". 2021-02-27 tarixində arxivləşdirilib. İstifadə tarixi: 2020-08-14.
 
Bu səhifənin əlavə və ya daha spesifik kateqoriyalara ehtiyacı var. Xahiş olunur ki, səhifəni redaktə edərək uyğun kateqoriyaları yerləşdirəsiniz. (may 2025)
Mənbə — "https://az.wikipedia.org/wiki/?q=Qaralama:Ülvi_Mansurov&oldid=8149136"
UREYIM.AZ