 |
 |
Ureyim.az |  |
 |
Rışard Yerji Petru (pol. Ryszard Jerzy Petru; 6 iyul 1972, Vrotslav) — Polşa iqtisadçısı və siyasətçidi, Polşa İqtisadçılar Assosiasiyasının prezidenti, "Müasir" partiyasının qurucusu və rəhbəri, Seymin VIII və X çağırışlarının deputatı (2015–2019, 2023-cü ildən).
| Rışard Petru | |
|---|---|
| pol. Ryszard Petru | |
 | |
  | |
| 12 noyabr 2015 – 11 noyabr 2019 | |
| Şəxsi məlumatlar | |
| Doğum tarixi | 6 iyul 1972 (52 yaş) |
| Doğum yeri | |
| Fəaliyyəti | iqtisadçı, siyasətçi |
| Uşağı | 2 |
| Elmi fəaliyyəti | |
| Elm sahəsi | siyasət[1], iqtisadiyyat[1] |
|
|
|
 |
|
| ryszard.petru.nowoczesna.org | |
 Vikianbarda əlaqəli mediafayllar | |
Rışard Petru 6 iyul 1972-ci ildə Vrotslavda, universitetdə çalışan fizik ailəsində anadan olmuşdur. Vrotslavda orta məktəbi bitirmiş və bir il Vrotslav Politexnik Universitetinin kompüter elmləri və menecment fakültəsində təhsil almış, sonra Varşavaya köçərək Varşava İqtisadiyyat Məktəbindən məzun olmuşdur. Təhsil aldığı müddətdə deputat Vladislav Frasinyukun köməkçisi olmuşdur. 1995-ci ildə Leşek Balseroviçin köməkçisi olmuş, 1997–2000-ci illərdə isə onun baş nazirin müavini və maliyyə naziri olduğu dövrdə məsləhətçi kimi çalışmışdır.[2]
2001–2004-cü illərdə Dünya Bankında iqtisadçı, daha sonra bir sıra Polşa banklarında rəhbər vəzifələrdə işləmişdir. 2011-ci ildə Polşa İqtisadçılar Cəmiyyətinin sədri seçilmişdir. İqtisadi mövzularda nəşrlərin müəllifidir.[3]
2015-ci ilin mayında Rışard Petru "Nowoczesna RP" fondunu təsis edib. 2015-ci ilin avqustunda Rışard Petrunun "Nowoczesna" siyasi partiyası qeydiyyatdan keçmişdir.'[4] Həmin ilin oktyabrında keçirilən parlament seçkilərində Varşava seçki dairəsindən səkkizinci çağırış Seym deputatı mandatı qazanmışdır. Partiya bu seçkilərdə 7,6% dəstəklə dördüncü yeri tutaraq Seymdə 28 yer əldə etmişdir.[5]
17 noyabr 2018-ci ildə Yoanna Şerinq-Vilqus ilə birlikdə "Teraz!" adlı yeni qrupun yaradıldığını elan etmişdir (əvvəllər partiya kimi qeydiyyatdan keçmişdi). Bir neçə ay sonra "Teraz!" partiyası ləğv edilmişdir. Onun liderinin tərəfdarları "Rışard Petrunun Terazı!" adlı partiyanın qeydiyyatı üçün müraciət etmişdir, lakin bu partiya da həmin il ləğv olunmuşdur. 2019-cu ildə Rışard Petru siyasətdən getdiyini və biznesə qayıtdığını elan etmişdir. Həmin il parlament seçkilərində iştirak etməmişdir. 2020-ci ildə Petru "Zientek Capital Partners" kommersiya hüquq şirkətinin idarəedici tərəfdaşı olmuşdur.[6] 2021-ci ildə Liberal Düşüncə İnstitutunu təsis etmişdir. 2022-ci ilin yanvarında "Nowoczesna"ya qayıtmışdır. 2023-cü ilin mayında 43 nömrəli dairədən öz komitəsi adından Senata namizədliyini irəli sürmək niyyətində olduğunu elan etmiş, buna görə partiya sədri Adam Şlapka onun iştirakdan kənarlaşdırıldığını bildirmişdir.[7] Həmin ilin sentyabrında "Polşa 2050" ictimai hərəkatına qoşulmuşdur.[8]
Həmin il keçirilən parlament seçkilərində "Üçüncü Yol" koalisiyasından Seymə srçilmişdir. Varşava dairəsində siyahının son yerindən başlayaraq 24,192 səs toplamışdır.[9] 10-cu çağırış Seymdə iqtisadiyyat və inkişaf komitəsinin sədri və ictimai maliyyə komitəsinin üzvü olmuşdur.[10]
Rışard 1997-ci ildən Malqojata ilə evli idi. Onların Katarjina və Maqdalena adında iki qızı var. 2016-cı ildə cütlük ayrılmış və sonradan boşanmışdır. Onun yeni partnyoru parlament üzvü Yoanna Şmidt olmuşdur. Cütlük 2024-cü ildə evlənmişdir.[11]
 |
 |
UREYIM.AZ |  |
 |
|