Rafiq Bayramov Alim - Wikipedia - Ureyim.az

Rafiq Bayramov 9 sentyabr 1976-cı ildə Göyçə mahalının Daşkənd kəndində anadan olmuşdur^[1]. Doğulduğu kənddə orta təhsilə başlasa da Azərbaycanlıların Ermənistandan köçürülməsi nəticəsində 1988-ci ildə doğulduğu kənddən ailəsi ilə birlikdə Bərdə rayonunun Yeni Daşkənd kəndinə köçmüş, Yasif Kərimov adına Yeni Daşkənd kənd tam orta məktəbində oxumuş, 1993-cü ildə isə Bakı şəhəri 12 saylı tam orta məktəbi bitirmişdir.

1993–1999-cu illərdə Azərbaycan Tibb Universitetinin pediatriya fakültəsində təhsil almışdır. 2000–2002-ci illərdə Azərbaycan Milli Elmlər Akademiyasının Fiziologiya İnstitutunda aspiranturada təhsilini davam etdirmiş və kiçik elmi işçi vəzifəsində çalışmışdır^[1].

2003-cü ildə Azərbaycan Tibb Universitetinin ağciyər xəstəlikləri kafedrasına baş laborant, 2004-cü ildə assistent, 2013-cü ildə isə dosent vəzifəsinə təyin olunmuşdur^[1]. R. İ. Bayramov 2011-ci ildə ATU-nin I müalicə profilaktika fakültəsinin dekan müavini, 2013-cü ildən etibarən isə rektorun köməkçisi vəzifəsinə təyin olunmuşdur^[2].

2011-ci ildə N. Ə. Abbasovun elmi rəhbərliyi ilə "Xroniki destruktiv ağciyər vərəmi zamanı ürəyin funksional vəziyyəti" mövzusunda namizədlik dissertasiyası müdafiə etmiş və tibb üzrə fəlsəfə doktoru alimlik dərəcəsi almışdır^[3].

R. İ. Bayramov 120-dən çox elmi məqalənin müəllifidir^[1]. Azərbaycan Tibb Universitetinin "Ağciyər xəstəlikləri" kafedrasının dosenti, tibb üzrə fəlsəfə doktorudur^[4].

2015-ci ildə Azərbaycan Tibb Universitetinin "Ağciyər xəstəlikləri" kafedrasının müdiri vəzifəsinə seçilmişdir.

Ailəlidir, 3 övladı var^[1].

1. "Vərəmin aşkar olunmuş destruktiv formalarının kimyəvi terapiya və cərrahi müalicə metodlarından sonrakı dövrdə reaktivasiyanın tədqiqi", IX Beynəlxalq Avroasiya Cərrah və Qastroenteroloqların konqresi. Bakı 15–18, 2006-cı il.
2. "Ağciyər vərəminin müxtəlif formalarında ağciyər rezeksiyasından sonra miokard və xarici tənəffüs funksiyasının öyrənilməsi" IX Beynəlxalq Avroasiya Cərrah və Qastroenteroloqların konqresi. Bakı 15–18, 2006-cı il.
3. "Клинико-иммунологические особенности атопической бронхиальной астмы при ее сочетании с туберкулезом легких у взрослых" Дни чтения Булатова Международный конгресс. Санкт-Петербург, июнь, 2006 г.
4. "Некоторые аспекты исследования туберкулиновой чувствительности у детей и подростков" XI Международный конгресс по реабилитации и иммунореабилитации. Испания 22 29.04. 2006 г.
5. "Влияние широты охвата детей и подростков пробой Манту на частоту развития туберкулезного менингита у детей и подростков" Sosial-gigiyena kafedrasının sabiq müdiri prof. İosif Felin anadan olmasının 100 illik yubiley toplusu, 2006-cı il.
6. "Kimyəvi terapiya və cərrahi yolla müalicədən sonra ağciyər vərəminin reaktivasiyasının bir neçə istiqamətdə öyrənilməsi" Əziz Əliyevin 100 illik yubileyinə həsr olunmuş toplu. 2007-ci il
7. "Патологические изменения в бронхах при разных стадиях ХОБЛ" Əziz Əliyevin 100 illik yubileyinə həsr olunmuş toplu. 2007-ci il
8. "KJB vaksinasiyasının uşaqlarda vərəm meningitinin rastgəlmə tezliyinə təsiri" İ. D. Katsın yubleyinə həsr olunmuş toplu,2008-ci il.
9. "Ftiziopulmonologiyada xroniki ağciyər ürəyinin bəzi aspektləri" A. Ə. Axunbəylinin 70-illik yubileyinə həsr olunmuş elmi təcrübi konfrans 2008-ci il.
10. "Особенности клинического течения легочного сердца и функ-циональное состояние миокарда у больных хроническим деструктивным туберкулезом легких". Журнал для аспирантов и докторантов, Курск 2009.
11. "Важность показателей эхокардиографии в оценки функции правого желудочка сердца и легочной артерии у больных туберкулезом и неспецифическими заболеваниями" ATU-nin 80 illik yubileyinə həsr olunmuş beynəlxalq elmi konfransın materialları, Bakı 2010, səh.224
12. "Lizinoprilin xarici tənəffüs funksiyasının göstəricilərinə təsirinin ağciyər ürəyi ilə ağırlaşmış vərəmli xəstələrin kompleks müalicəsində öyrənilməsi" Vərəm və ağciyər xəstəlikləri üzrə III Respublika Elmi-praktiki konfransı və I milli respirator konqresi. Elmi materiallar toplusu, 3–4 may 2010-cu il, Bakı, səh.64–66
13. "Ftiziopulmonoloji xəstələrdə ağciyər hipertenziyasının erkən diaqnostikası" II Milli Respirator Konqres (ağciyər xəstəlikləri və vərəm üzrə IV Respublika elmi-praktiki konfrans) 28–30 aprel 2011 il səh. 26–29.

• Virtual test imtanlarının ən böyük üstünlüyü: Tibb Universitetində İmtahanlara Nəzarət Qrupunun rəhbəri, tibb elmləri namizədi Rafiq Bayramov Arxivləşdirilib 2015-03-14 at the Wayback Machine — soft.tusi.biz saytı