Rafiq Celilov - Wikipedia - Ureyim.az

Cəlilov Rafiq Əsgər oğlu 1963-cü il 13 yanvar tarixində anadan olmuşdur. 1984-cü ildə Azərbaycan Xalq Təsərrüfatı İnstitutunu iqtisadçı ixtisası üzrə bitirmişdir.

1984–1989-cu illərdə Ukrayna Respublikasının "Krivorojstal" metallurgiya kombinatında nəzarət-təftiş brosunun rəisi vəzifəsində çalışmışdır. 1990-cı ildən Xəzər Dəniz Gəmiçilik İdarəsində, özəl sektorda, Azərbaycan Respublikası İqtisadi İnkişaf Nazirliyində və Azərbaycan Respublikası Dövlət Əmlakının İdarə Edilməsi üzrə Dövlət Komitəsində müxtəlif vəzifələrdə çalışmışdır.^[2]

• 14 fevral 2006-cı il tarixli Azərbaycan Respublikası Prezidentinin Sərəncamı ilə Dövlət Əmlakının İdarə Edilməsi üzrə Dövlət Komitəsinin sədrinin müavini vəzifəsinə təyin edilmişdir.^[3]
• 10 iyul 2009-cu il tarixli Azərbaycan Respublikası Prezidentinin Sərəncamı ilə Əmlak Məsələləri Dövlət Komitəsinin sədrinin müavini vəzifəsinə təyin edilmişdir.
• 13 may 2020-ci il tarixli Azərbaycan Respublikası Prezidentinin Sərəncamı ilə İqtisadiyyat Nazirliyi yanında Əmlak Məsələləri Dövlət Xidmətinin rəisinin müavini vəzifəsinə təyin edilmişdir.
• 14 sentyabr 2021-ci il tarixli Azərbaycan Respublikası Prezidentinin Sərəncamı ilə Cəlilabad Rayon İcra Hakimiyyətinin başçısı vəzifəsinə təyin edilmişdir.^[4]