 |
 |
Ureyim.az |  |
 |
Bu məqaləni vikiləşdirmək lazımdır. |
İmpulsun saxlanma qanunu özünün ən mühüm praktik tətbiqini reaktiv hərəkətdə tapmışdır. Cismin bir hissəsi ondan ayrılaraq hər hansı sürətlə hərəkət etdiyi zaman, cismin özünün əks istiqamətdə hərəkət alması reaktiv hərəkət adlanır.
Reaktiv hərəkətə tüfəngin təpməsi, raketlərin, reaktiv təyyarələrin hərəkəti misal göstərilə bilər.
Yanacaq və oksidləşdirici maddələr yanma kamerasına daxil olduqdan sonra reaksiyaya girir. Nəticədə yüksək temperatur və yüksək təzyiqli qazlar əmələ gəlir. Bu qazlar raketin soplosundan, raketə nəzərən U axın sürəti ilə xaricə çıxır. Nəticədə, raket əks istiqamətdə v sürəti ilə hərəkət edir. Yerlə bağlı koordinat sistemində, startdan əvvəl raket Yerə nəzərən sükunətdə olduğundan, impuls sıfıra bərabər olmalıdır. Raket işə salındıqdan sonra da ümumi impuls sıfıra bərabər qalmalıdır.
Burada M — raketin örtüyünün kütləsi, m — isə raketin soplosundan çıxan qazın kütləsidir. İmpulsun saxlanma qanununa görə yazmaq olar:
Mv+mU=0
Mvy+mUy=0
Mv – mU=0
v=m/M*U
Yəni, raketin örtüyünün sürəti, qazın sürəti ilə qazın kütləsinin raketin örtüyünün kütləsinə olan nisbətinin hasilinə bərabərdir.
 |
 |
UREYIM.AZ |  |
 |
|