Serdar Ferecov - Wikipedia - Ureyim.az

Sərdar Fərəcov 1957-ci il dekabrın 8-də anadan olub. 1984-cü ildə Üzeyir Hacıbəyov adına Azərbaycan Dövlət Konservatoriyasını (indiki Bakı Musiqi Akademiyası) prof. Xəyyam Mirzəzadənin sinfində bitirmişdir. Hazırda Üzeyir Hacıbəylinin Ev Muzeyi - nin direktoru vəzifəsində çalışır. Əsərləri Avropa, Amerika və keçmiş SSRİ ərazisində müxtəlif ansambllar və ifaçılar tərəfindən ifa edilmişdir.

17 sentyabr 2019-cu ildə Azərbaycan musiqi mədəniyyətinin inkişafında xidmətlərinə görə Azərbaycanın xalq artisti fəxri adına layiq görülmüşdür.^[1]

07 may 2025-ci il tarixində Sərdar Fərəcova Azərbaycan Respublikasında mədəniyyətin və elmin inkişafında xidmətlərinə görə Azərbaycan Respublikası Prezidentinin fərdi təqaüdü verilib^[2]

Opera

• "Şəngülüm, Məngülüm" (2000) - M. Müşfiqin nağılı əsasında uşaqlar üçün rok–opera

Operetta

• "Müsyö Jordan və dərviş" (1998) - libretto müəllifindir
• "Bankir adaxlı" musiqili komediyası (2000) - libretto T. Vəliyevanındır
• "Səhnədə məhəbbət" (2000) - libretto Əli Əmirlinindir

Digər vokal əsərləri

• T. Taisoğlunun sözlərinə səs, xor və simfonik orkestr üçün "Böyük vətəndaş haqqında" Oda (1996);
• S. Şahbəylinin söz. xor və estrada-simfonik orkestri üçün "Teatr himni" /Milli teatrın 125 illiyinə həsr olunub/ (1998);
• "Dədə Qorqud" Oratoriyası (1999);
• A' capella xoru və klarnet üçün Triptix /V.Səmədoğlunun 60 illiyinə həsr olunub/ (1999);
• M.Füzulinin söz. səs və simfonik orkestr üçün "Cəfadan qeyri" qəzəl-poeması (1994);

İnstrumental əsərlər

• Orqan üçün "Qəsidə" (1991) - N. Gəncəvinin xatirəsinə
• Simli kvartet üçün 3 pyes (1991);
• Skripka və piano üçün pyeslər (2001).

Orkestr üçün

• Kiçik simfonik orkestr üçün "Yumoreska" (1995);
• Simfonik süita (1990)
• Balet süitası (1991)
• Simli orkestr üçün Süita (1995);
• Kamera orkestri üçün "Oxunmamış lay-lay" poeması (1995);
• "Matəm harayları" simfonik lövhəsi (2000);

• "Ölüləri qəbirstanlıqda basdırın" /müəllif – İ.Şıxlı/,rejissor-R.Almuradlı/ (2005)
• "Onun iki qabırğası var" /müəllif – Əli Əmirli/ ,
• "Sənsiz yaşaya bilmərəm" /müəllif – M.Haqverdiyev/ (1996);
• "Yeddi məhbusə" /müəllif – Əli Əmirli/,
• "Sevirəm səni, Türkiyə" /müəllif – Kamal Abdulla/ (1997);
• "İtkin ər" /müəllif – Əli Əmirli/,
• "Yaxşı padşahın nağılı" /müəllif – Anar/,
• "Molyer" /müəllif – M.Bulqakov/ (1998);
• "Səhra yuxuları" /müəllif – Anar/,
• "Şübhəli əhvalat" /müəllif – Qabil/,
• "Anamın gəlinlik paltarı" /müəllif – Ə.Qasımov/,
• "Yekəburun Cırtdan" /müəllif – V.Qauf/ (2001).
• S.Vurğun, R.Rza, T.Taisoğlu, Kamal Abdulla, Q.P.Elsevər və b. şairlərin söz. mahnı və romanslar(1990 – 2001).

• Bir daha himn haqqında. "Mədəniyyət" qəzeti, 07.03.1991;
• Ü.Hacıbəyovun unudulmuş "Bahar nəğməsi". "Mədəniyyət", 21.03.1991;
• "Ü.Hacıbəyov Ensiklopediyası"nda 25 məqalə. B., "Azərbaycan", 1996;
• Əgər onlar da tamamlansaydı, yaşasaydı. "Musiqi dünyası" jurnalı, №1, 1999;
• Ü.Hacıbəyov və erməni sənətçilərinin mədəni təcavüzü. "Musiqi dünyası", №3-4, 2000;
• Belə bir məktəb var. "Musiqi dünyası", №1-2, 2001.
• Respublika elmi konfranslarında mə'ruzə və çıxışlar (1990 – 2001).
• Dövri mətbuatda məqalələr (1990 – 2001).

1. Əbədi iftixarımız^[3]
2. Cavad xan (film, 2009)
3. Maestro. Özüm və zaman haqqında. Bəstəkar Xəyyam Mirzəzadə (film, 2011)