 |
 |
Ureyim.az |  |
 |
Taleh Adil oğlu Kərimov (6 mart 1985, Sumqayıt – 31 oktyabr 2020, Qubadlı rayonu) — Azərbaycan Müdafiə Nazirliyinin Quru Qoşunlarının mayoru; 2020-ci ildə Qarabağ müharibəsi zamanı Qubadlının azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Taleh Kərimov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Sumqayıt, Azərbaycan SSR |
| Vəfat tarixi | (35 yaşında) |
| Vəfat yeri | Qubadlı rayonu, Azərbaycan |
| Dəfn yeri | Sumqayıt Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2007—2020 |
| Rütbəsi |
 Mayor |
| Döyüşlər | |
| Təltifləri |
        |
Taleh Adil oğlu Kərimov 1985-ci il, martın 6-da Sumqayıt şəhərində anadan olub.[2][1]
2003-cü ildə Sumqayıt şəhərində "İstedad" liseyindən məzun olub. 2003-2007-ci illərdə Heydər Əliyev adına Azərbaycan Ali Hərbi Məktəbində təhsil alıb. 2008-ci ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 22 iyun 2007-ci il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 13 il ərzində motoatıcı taborun qərargah rəisinin kəşfiyyat üzrə köməkçisi - kəşfiyyat taqımının komandiri, kəşfiyyat bölməsi rəisinin məlumatların toplanması üzrə köməkçisi, hərbi hissənin kəşfiyyat rəisi - kəşfiyyat bölməsinin rəisi, Kəşfiyyat Baş İdarəsinin Kəşfiyyat İdarəsinin Planlaşdırma və əlaqələndirmə şöbəsinin qoşun kəşfiyyatı bölməsinin baş zabiti vəzifələrində xidmət edib.[1]
Müxtəlif illərdə müdafiə nazirinin əmrləri ilə 2-ci və 3-cü dərəcəli "Qüsursuz xidmətə görə", Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın, Füzulinin və Qubadlının azad edilməsi uğrunda gedən döyüş əməliyyatlarına hərbi hissənin kəşfiyyat bölməsinin rəisi vəzifəsində qatılıb. Oktyabrın 31-də Qubadlı rayonu istiqamətində döyüş tapşırığının icrası zamanı şəhid olub.[1] Sumqayıt Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Füzulinin azad olunmasına görə", "Qubadlının azad olunmasına görə" və "Vətən uğrunda" medalları ilə təltif edilib.[4][5][6][7]
Evli idi.
 |
 |
UREYIM.AZ |  |
 |
|