Uefa Cempionlar Liqasi 2021 2022 - Wikipedia - Ureyim.az

2021–22 UEFA Çempionlar Liqasında UEFA-ya üzv olan 54 ölkə federasiyasından 80 komanda mübarizə aparır. (Lixtenşteyn Futbol Federasiyasının yerli futbol liqası olmadığı üçün bu turnirə qatıla bilməyəcək.) Ölkələrin sırası UEFA Ölkə Reytinqinə əsasən müəyyən edilir. Reytinqə əsasən:

• 1-dən 4-cü sıraya qədər olan ölkələrdən dörd klub.
• 5 və 6-cı sıralarda yer alan ölkələrdən üç klub.
• 7-dən 15-ci sıraya qədər olan ölkələrdən iki klub.
• 16-dan 55-ci sıraya qədər ölkələrdən bir klub (Lixtenşteyn xaric).
• Öz liqalarında ÇL-də oynamağa haqq qazanmadılarsa, ötən mövsümün UEFA Çempionlar Liqası və UEFA Avropa Liqası çempionu.

Ölkələrin toplam xalları 2015–16-cı il mövsümündən 2019–20-ci il mövsümünə qədər klub müsabiqələrində mübarizə aparmış ölkə komandalarının toplam xallarıdır.^[7]

• (UAL) — UEFA Avropa Liqası çempionunun aid olduğu assosiasiya

Qeyd

Aşağıdakı cədvələ əsasən klublar mübarizəyə qoşulurlar.^[8]

Notes

Oyunların tarixləri aşağıdakı kimidir.^[12] Qrup mərhələsi istisna olmaqla bütün turların püşkü İsveçrənin Nyon şəhərində, UEFA-nın qərargahında atıldı. Qrup mərhələsinin taleyinə isə İstanbulda aydınlıq gəldi.^[13]

Bu mərhələnin püşkü 8 iyun 2021-ci ildə atıldı.^[14] Yarı final matçları 22 iyunda, final isə 25 iyunda oynandı. Oyunlar Farer adalarının Torshavn şəhərində yerləşən Qundadalur stadionunda oynanmalı idi,^[15] lakin həmin vaxt Farer adalarında pandemiya nisbətən kəskin xarakter aldığından, bundan əlavə hökumətin bunun qarşısını almaq üçün keçirdiyi məhdudiyyətlər səbəbindən UEFA oyunların Albaniyada keçirilməsini məqsədəuyğun gördü.^[16]

Bu mərhələnin qalibi olan "Priştina" klubu birinci təsnifat mərhələsinə vəsiqə qazandı. Bu turda məğlub olan klublar isə UEFA Konfrans Liqasının ikinci təsnifat mərhələsində mübarizəni davam etdirəcək.

Birinci təsnifat mərhələsinin püşkü 15 iyun 2021-ci ildə atıldı.^[17] İlk oyunlar 6 və 7 iyulda, ikinci oyunlar isə 13 və 14 iyulda oynandı. Bu mərhələdə mübarizəni dayandıran klublar Konfrans Liqasının ikinci təsnifat mərhələsində yollarına davam edəcəklər. ("Slovan Bratislava" — "Şemrok Rovers" cütü istisna olmaqla. Əlavə xüsusi püşkün nəticəsində məlum oldu ki, bu cütün məğlub tərəfi Konfrans liqasının üçüncü təsnifat mərhələsində mübarizəni davam etdirəcək)

İkinci təsnifat mərhələsinin püşkü 16 iyunda atıldı.^[18] İlk matçlar 20 və 21 iyulda, ikinci matçlar isə 27 və 28 iyulda oynandı. Bu mərhələdə mübarizəni dayandıran klublar Avroliqanın üçüncü təsnifat mərhələsində yollarına davam etdilər.

Üçüncü təsnifat mərhələsinin püşkü 19 iyul 2021-ci ildə atıldı.^[19] İlk matçlar 3 və 4 avqustda, ikinci matçlar isə 10 avqustda oynandı. Bu mərhələdə mübarizəni dayandıran çempion klublar Avroliqanın play-off turunda, çempion olmayan klublar isə qrup mərhələsində iştirak etmək hüququnu əldə edəcəklər.

Play-off turunda da bundan öncəki iki təsnifat mərhələsində olduğu kimi komandalar iki yerə bölünür: çempionlar və çempion olmayanlar. Bu mərhələdən etibarən artıq turnirdə video köməkçi hakim (VAR) texnologiyasından istifadə olunur.

Play-off turunun püşkü 2 avqust 2021-ci ildə atıldı.^[20] İlk matçlar 17–18, ikinci matçlar isə 24–25 avqustda oynanacaq. Bu mərhələdə mübarizəni dayandıran klublar Avroliqanın qrup mərhələsində iştirak hüququ əldə edəcəklər.

Qrup mərhələsinin püşkü 26 avqust 2021-ci ildə, İstanbulda atıldı. (Digər iki UEFA klub turnirinin də püşkatma mərasimi İstanbulda keçiriləcək) Püşkə əsasən 32 klub hərəsində dördü olmaqla səkkiz qrupa ayrılır. (Eyni ölkədən klubların düşməməsi və Rusiya və Ukrayna komandalarının bir düşməməsi şərti ilə) Püşkatma üçün klublar aşağıdakı kriteriyalara əsasən dörd səbətdə olurlar:

• 1-ci səbətdə ötən mövsümün Çempionlar Liqası, Avropa Liqası qalibləri və 2020-ci ilin Ölkə Reytinqinə əsasən ilk 6 federasiyanın çempionları iştirak edir. (Əgər ötən mövsümün Çempionlar Liqası və yaxud Avropa Liqası qalibi həm də öz liqasında çempion olubsa, o zaman bu torbada 7-ci sırada olan federasiyanın da çempionu iştirak edir.)
• 2, 3 və 4-cü səbətlərdə klublar 2021-ci il UEFA Klub Reytinqinə görə düzülürlər.

Hər qrupda komandalar dairəvi sistem üzrə bir-biriləriylə həm evdə həm də səfərdə matçlar keçirirlər. Qrup oyunlarının sonunda 1 və 2-ci yeri tutmuş komandalar növbəti mərhələyə yüksəlir. Qrupunu üçüncü yerdə başa vuran klublar isə Avroliqanın 1-ci 1/8 Final mərhələsində oynama hüququ qazanır.

Çempionlar Liqasına qatılan komandalar avtomatik olaraq UEFA Gənclər Liqasına da qatılır.

Matçlar 2021-ci ilin 14–15 sentyabr, 28–29 sentyabr, 19–20 oktyabr, 2–3 noyabr, 23–24 noyabr və 7–8 dekabr tarixlərində oynanacaq.

26 klub mübarizəyə elə bu mərhələdən başlayır. "Şerif Tiraspol" ilk dəfədir ki, bu mötəbər turnirin qrup mərhələsində iştirak edir. Bununla yanaşı, ilk dəfədir ki, bir Moldova klubu Çempionlar Liqasının qrup mərhələsində iştirak şansı əldə edir.

Qeydlər:

1, 2↑ Qarşı-qarşıya matçlarda topların fərqi: Sportinq Lissabon +1, Borussiya Dortmund –1.

1/8 Final mərhələsindən etibarən komandalar iki matçlı klassifikasiya sistemi ilə mübarizə aparırlar.

Püşkün mexanizması aşağıdakı kimidir:

• 1/8 Finalda qrupunu birinci bitirən səpələnmişlərlə qrupunu ikinci bitirən səpələnməmişlər bir-birləriylə cütləşir. Turun ikinci matçına səpələnmişlər ev sahibliyi edir. Eyni ölkədən komandalar bu mərhələdə qarşılaşa bilməz.
• 1/4 Final mərhələsindən etibarən artıq klublar səpələnmiş və ya səpələnməmişlər olaraq bölünməyəcək, həm də eyni ölkədən komandalar artıq bir-biriləri ilə üzləşə bilər.

1/8 Final mərhələsinin püşkatma mərasimi 13 dekabr 2021-ci ildə atıldı. Mərasim bitdikdən sonra püşkatma zamanı bəzi texniki səhvliklərin olduğu üzə çıxdı. Belə ki, "Vilyareal"ın potensial rəqibləri arasında "Mançester Yunayted"in də adı daxil edilibmiş. (əslində bu baş verməməli idi, çünki iki komanda da eyni qrupdan çıxmışdılar)^[21] Buna görə, mərasim bitdikdən təxminən 2 saat sonra yenidən püşklər atıldı.^[22]

İlk matçlar 15, 16, 22 və 23 fevral, ikinci matçlar isə 8, 9, 15 və 16 mart 2022-ci il tarixlərində oynandı.

1/4 Final mərhələsinin püşkü 18 mart 2022-ci ildə atıldı.^[23] İlk matçlar 5 və 6 aprel, ikinci matçlar isə 12 və 13 apreldə oynandı.

Yarı finalın müqəddəratı da öncəki mərhələdə olduğu kimi 18 mart 2022-ci ildə müəyyənləşdi.^[23] İlk matçlar 26–27 aprel, ikinci matçlar isə 3 və 4 mayda oynandı.

• 2021–22 UEFA Avropa Liqası
• 2022 UEFA Superkuboku
• 2021–22 UEFA Konfrans Liqası