Vaqif Şirin oğlu Abışov (27 fevral 1955, İmişli) — Azərbaycan tarixçisi, tarix üzrə elmlər doktoru, dosent, AMEA A. A. Bakıxanov adına Tarix və Etnologiya İnstitutunun "Mənbəşünaslıq və tarixşünaslıq" şöbəsinin müdiri.[1]
Vaqif Abışov | |
---|---|
Vəzifədədir | |
29 oktyabr 2016-cı ildən | |
Əvvəlki | Yaşar Kələntərli |
11 iyun 2011 – 2013 | |
Əvvəlki | Mikayıl Rəhimov |
Sonrakı | Teyyub Qənioğlu |
Şəxsi məlumatlar | |
Doğum tarixi | 27 fevral 1955(1955-02-27) (70 yaş) |
Doğum yeri | |
Partiya | |
Təhsili | |
Fəaliyyəti | alim, tarixçi, universitet müəllimi[d] |
Elmi fəaliyyəti | |
Elm sahəsi | tarix |
Elmi dərəcəsi | tarix üzrə elmlər doktoru (2018) |
Elmi adı | aparıcı elmi işçi |
İş yeri | AMEA A.A.Bakıxanov adına Tarix İnstitutu |
Vaqif Abışov 1955-ci il fevralın 27-də Azərbaycan Respublikasının İmişli şəhərində anadan olmuşdur. 1962–1972-ci illərdə İmişli şəhər N. Nərimanov adına 1 saylı orta məktəbdə təhsil almışdır.
Vaqif Abışov 1973–1975-ci illərdə ordu sıralarında hərbi xidmətdə olmuşdur. 1975–1980-ci illərdə Bakı şəhərində H. Z. Tağıyev adına Toxuculuq fabrikində müxtəlif vəzifələrdə işləmişdir.
Vaqif Abışov 1981–1986-cı illərdə Bakı Dövlət Universitetinin Tarix fakültəsində ali təhsil almışdır. O, 1986–1999-cu illərdə Lənkəran şəhər 3 saylı orta məktəbdə, eyni zamanda 1992–1999-cu illərdə Lənkəran Dövlət Universitetində pedaqoji fəaliyyətlə məşğul olmuşdur.
Ailəlidir, üç övladı var.
Vaqif Abışov 1995-ci ildən "1917–1918-ci illərdə erməni millətçilərinin Azərbaycan xalqına qarşı soyqırımı" adlı tarix üzrə fəlsəfə doktoru dissertasiya mövzusu üzərində işləyərək, 2007-ci ildə onu müvəffəqiyyətlə müdafiə etmiş və tarix üzrə fəlsəfə doktoru elmi dərəcəsi almışdır.
Vaqif Abışov 2000–2003-cü illərdə AMEA Milli Münasibətlər İnstitutunda elmi işçi, 2003-cü ildən AMEA A. A. Bakıxanov adına Tarix İnstitutunda elmi işçi, böyük elmi işçi, 2014-cü ildən isə aparıcı elmi işçi vəzifəsində işləyir.
2018-ci il martın 28-də Vaqif Abışov "Şimali Azərbaycanda sovet hakimiyyəti qurulmasının tarixşünaslığı" adlı doktorluq dissertasiyasını müdafiə edib. 2019-cu il 12 aprel tarixində isə tarix üzrə elmlər doktoru elmi adı təsdiq olunmuş və diplomunu almışdır.[1]