Vikipediya Inzibatci Muzakiresi Arxiv 2008 - Wikipedia - Ureyim.az

P.S. İdarəçi müzakirəsi səhifəsinə görə Sortilegusa təşəkkür edirəm. Bu səhifə vaxta qənaet etməklə çox yaxşı oldu. --Ira 07:37, 28 Avqust 2008 (UTC)

P.S. İdarəçi müzakirəsi səhifəsinin yaradılmasına çox böyük ehtiyac vardı bu kimi məsələləri öz aramızda müzakirə etmək üçün. Həm də digər istifadəçilər də bu müzakirələri oxuya bilirlər. Emeil vasitəsilə hansısa məsələləri müzakirə etməkdənsə məncə bu variant daha məqbuldur. Təşəkkürə görə təşəkkür:) Hörmətlə:--Sortilegus 22:55, 28 Avqust 2008 (UTC)

Salamlar. Əlbəttə bu cür səhifələrə koordinə olunmuş fəaliyyət göstərmək üçün çox böyük ehtiyac var. FM-də müzakirə səhifəsində də məqalələri çıxdaş etmək üçün 1-2 bölməyə ehtiyac var. Lakin, bir məqam- bu səhifəyə bir müddət sonra qayıtsaq müzakirənin başı hara, ayağı haradır bilməyəcəyik. Ona görə də bundan sonra hər bir məsələ üçün yeni bir bölmə açmaq lazımdır və şərhləri ayrı-ayrılıqda bu bölmələrə yazaq. Yuxarıda buna oxşar nəsə yaratmağa çalışmışam.--A_M_D ^m-f 17:17, 29 Avqust 2008 (UTC)

Salam. Amd deyən yaxşı təklifdir. Dərhal bilinir ki, təcrübəli idarəçidir:) Biz hələ təzə-təzə öyrənirik:) Hər məsələni bir başlıq altında müzakirə edək. Ümid edirəm indi ismarıclarınızı mövzular üzrə paylaşdırdığıma etiraz etməzsiz. Hörmətlə:--Sortilegus 17:42, 29 Avqust 2008 (UTC)

Salamlar. az təriflə, korlanaram :) --A_M_D ^m-f 18:32, 29 Avqust 2008 (UTC)

Salamlar. Burda bəzi istifadəçilərin fəaliyyətləri vandalizmdən başqa bir şey deyil - məsələn, İstifadəçi:BEDİRO7. Bloklanmaya namizəddir.Hörmətlə: --Sortilegus 20:04, 27 Avqust 2008 (UTC)

Bu istifadəçi fəaliyyətiniz dayandırmışdır. Çox guman ki, bu istifadəçinin müvəqqəti adıdır. Fəaliyyətini bərpa edərsə və bu cür davam etdirərsə qısa müddətli bloklanma verilməsinin tərəfdarıyam. İndiki halda isə heç bir tədbir lazım deyil.--A_M_D ^m-f 05:28, 28 Avqust 2008 (UTC)

Bloklanma ilə bağlı etirazım yoxdur. Amma gəlin əvvəlcə xəbərdarlıq edək. Nə vaxtsa gəlsə oxusun. Çünki bloklasaq gərək müddətsiz bloklayaq. Çünki fəal istifadəçi olmadığından bunun ona bir oqədər də təsiri olmayacaq. Ira 07:37, 28 Avqust 2008 (UTC)

Sözügedən istifadəçi artıq 2 dəfə xəbərdarlıq alıb - bir dəfə Amd, bir dəfə mənim tərəfimdən. Burda ona görə müzakirəyə çıxardım ki, belə fəaliyyətini davam etdirsə artıq xəbərdarlıqsız-filansız bloklanacaq. Yoxsa ki, elə sonsuz olaraq gərək xəbərdarlıq edək.Hörmətlə:--Sortilegus 22:55, 28 Avqust 2008 (UTC)

Üçüncü dəfə də xəbərdarlıq edək, sonra bloklayaq. Atalar üçdən deyib.--Ira 17:19, 29 Avqust 2008 (UTC)

Gördüyüm qədər bu məsələdə razılıq əldə etdik. İstifadəçi bu cür zərərli fəaliyyətini bir daha davam etdirsə 3-cü xəbərdarlıq və dərhal blok.--Sortilegus 17:42, 29 Avqust 2008 (UTC)

Digər bir məsələ - İstifadəçi:Mary‎-nin istifadəçi səhifəsindəki xəritədir - əslində, azəri türklərinin yaşadıqları ərazilər göstərilib xəritədə. Amma istifadəçi səhifəsində bunu yazmayıb. Bu da məsələn, İstifadəçi:Cgrturka küa-nın etirazına səbəb olub. Mənim və bu istifadəçinin müzakirə səhifələrimizdə bu haqda fikirlərimizi oxuya bilərsiniz. Xəritəni yerləşdirən istifadəçi neçə müddətdir aktiv deyil. Buna görə onun bu məsələyə münasibətini öyrənmək olmur. Ya gərək xəritəni silək, ya da istifadəçinin səhifəsində şərh verək.Hörmətlə: --Sortilegus 20:04, 27 Avqust 2008 (UTC)

Bu məsələ 2 il əvvəl də qaldırılmışdı. Mən bilən mövzu ilə yazılanların şərhlərin əksəri bu səhifədə olmalıdır Hər ehtimala qarşı mövzu ilə daha yaxından tanıış olmaz üçün burara adları göstərilmiş istifadəçilərin müzakirə səhifələrinə baxmaqda fayda var.--A_M_D ^m-f 05:28, 28 Avqust 2008 (UTC)

Bu cür xəritələr isə istifadəçinin öz şəxsi müzakirə səhifəsindən başqa, digər səhifələrdən yığışdırılmalıdır. Sabah biri gəlib uydurma "böyuk ermenistan" xəritəsi qoyar. Sonra da deyərlər ki, necə olur ki, birinə olar, digərinə yox. --Ira 07:37, 28 Avqust 2008 (UTC)

Xəritə elə ancaq istifadəçinin müzakirə səhifəsindədir. Amd-nin qeyd etdiyi ssılkadan müzakirəni oxudum. Təşəkkürlər - belə müzakirənin aparıldığından xəbərsiz idim. Amma məsələ elə burasındadır ki, istifadəçi səhifəsində olduğuna görə xəritə etiraz doğurub. Düzdür, hər bir kəs öz istifadəçi səhifəsində nə məlumat istəyirsə, yerləşdirə bilər. Amma bu məlumat (həm də şəkil) qıcıqlandırıcı olmamalı, dini, irqi ayrı seçkiliyi və s. bu kimi məsələləri təbliğ etməməlidir. Elə mənim də qorxduğum odur ki, sabah biri burda öz istifadəçi səhifəsində "böyük Ermənistan" xəritəsi yerləşdirə bilər, deyər ki, öz istifadəçi səhifəmdir, nə istəyirəm edirəm. Hər halda bu məsələ bir daha ciddi şəkildə müzakirə olunmalıdır. Hörmətlə:--Sortilegus 22:55, 28 Avqust 2008 (UTC)

Xəritə istifadəçinin müzkirə səhifəsindədir və bu xəritə azərbaycnlılrın indi, eyni zamanda əsrin əvvəllərində konpakt yaşadığı yerləri göstərir və tarixi faktdır. Xəritə qonşumuzun xəritələri kimi saxta deyil. Odur ki, qalsa etiraz etmirəm.--Ira 17:19, 29 Avqust 2008 (UTC)

İstifadəçi Mary-dən şəkilin müəllif hüquqlarına aydınlıq gətirməsini xahiş etmək lazımdır. Artıq etiraz edənlərdə çoxalır və problemin böyüməməsi üçün, qısa müddət istifadəçinin müəllif hüquqları ilə bağlı lazımlı şablonu yerləşdirmədiyi halda silək--A_M_D ^m-f 18:37, 29 Avqust 2008 (UTC)

Razıyam--Ira 19:05, 29 Avqust 2008 (UTC)

Mən də razıyam--Sortilegus 19:47, 29 Avqust 2008 (UTC)

Xəbərdarlıq yadan çıxıb--A_M_D ^m-f 19:05, 13 Sentyabr 2008 (UTC)

Yaxşı müzakirə eləyib bir ümumi nəticəyə gəlmişik, əsas məsələ yaddan çıxıb:) Malades bizə:) 10 gün gözləyək. İstifadəçi onsuz da çoxdandır ki, aktiv deyil. İnanmıram səs çıxa. Artıq problemdir. Yəqin ki, şəkili silməli olacağıq. --Sortilegus 19:15, 13 Sentyabr 2008 (UTC)

Ana səhifəyə yerləşdiriləcək məqalələrlə bağlı - İran-İraq müharibəsi (1980-1988) - bu mən bilən normal məqalədir. Fikrinizi bildirin - başqa 2 məqalə də müəyyənləşdirək və 1-2 günə dəyişək ana səhifədəki məqalələri. Hörmətlə: --Sortilegus 20:04, 27 Avqust 2008 (UTC)

Məqalə isə həqiqətəndə çox gözəl məqalədir. Lakin onu burada yox Vikipediya:Fəal məzmun-a daxil etmək və orada müzakirə etmək daha məqsədəuyğundur--A_M_D ^m-f 05:28, 28 Avqust 2008 (UTC)

Fəal məzmuna daxil olunan məqalələr elə orda müzakirə səhifəsində müzakirə edilə bilər. Biz sadəcə burda çalışaq ordakı ana səhifəyə namizəd 3 məqaləni müəyyənləşdirək. Çünki bu vaxta qədər Amd özü bu işi görüb. İndi fəal idarəçi sayı artdığına görə heç bir etirazın olmaması üçün bunun belə olmasını təklif edirəm.Hörmətlə:--Sortilegus 22:55, 28 Avqust 2008 (UTC)

İran-İraq müharibəsi (1980-1988) məqaləsi yaxşı alınıb, fəal məzmuna daxil edilə bilər, əgər digər idarəçilər və fəal istifadəçilər etiraz etmirlərsə. Qlan məqalələrin müzakirəsini elə yerində aparmaq olar..--Ira 17:19, 29 Avqust 2008 (UTC)

İran-İraq müharibəsi (1980-1988) məqaləsi doğrudan da ana səhifəyə layiq məqalədir. Mən də bacardığım qədər dil qusurlarını və orfoqrafik səhvləri düzəltmişəm. Əsas 2 istifadəçi - istifadəçi Orxancalilov yaradıb və yazıb məqaləni, istifadəçi Wertuose dəyərli əlavələr edib. Amma indi nəysə problem yaranıb aralarında - bizim Viki üçün səciyyəvi haldır:) İstifadəçi səhifələrindən oxuya bilərsiz. Belədə tam bitkin məqalədir - amma əlavə etmək fikirləri var məqaləyə. Biz də ana səhifəyə qoysaq mühafizə altına alacağıq və ən azı bir ay dəyişiklik edə bilməyəcəklər. Deyirəm bir onlarla məsləhətləşək istifadəçi səhifələrinə sonra qoyaq ana səhifəyə. Bu gün Ramiz Həsənoğlu məqaləsinə dəyişikliklər etdim. Bir bu məqaləyə də baxarsız. Məncə şəxslər haqda olan məqalə kimi kifayət qədər zəngindir. Zəngin filmoqrafiyası da var. Bir də nə vaxtdır elə Orxanın və Wertuosun köməkliyi ilə bu məqalə üzərində işləyirik Nobel Ədəbiyyat Mükafatı. Ölüm-zülüm məncə babat bir şey alınır:) Məsləhətdirsə onu da bu gün ya sabah tamamlayım qoyaq ana səhifəyə. Hörmətlə:--Sortilegus 18:00, 29 Avqust 2008 (UTC)

Etirzım yoxdur. Ramiz Həsənoğlu məqaləsinə mənbə və xarici kecidlər əlavə etdim, yaxşı məqalədir. Nobel Ədəbiyyat Mükafatı məqaləsi daha çox məlumat kitabçasını xatırladır. Amma pis deyil --Ira 20:26, 29 Avqust 2008 (UTC)

Prosper Merime və Musa Cəlil məqalələrində mənbə yoxdur. Mənbə göstərilməyən məqalələrin yaxşı məqalə sayılması düzgün deyil. Prosper Merime məqaləsindəki Xarici keçidi yox yerdə mənbə kimi dəyişmək olar, amma Musa Cəlil məqaləsində hec xarici kecid də yoxdur. --Ira 20:42, 29 Avqust 2008 (UTC)

Hə baxdım. Xarici keçidlər əladı. Təşəkkürlər. O biri iradınızla da razıyam - Nobel Ədəbiyyat Mükafatı məqaləsinin daha çox məlumat kitabçasına oxşamasına. Elə ona görə fəal məzmuna əlavə etmək istəmirəm. Niçeqo:) Zənginləşdirərik. Qalsın gələn dəfəyə. Onda bu ardıcıllıqla necədir ana səhifənin bundan sonrakı məqalələri: Ramiz Həsənoğlu - İran-İraq müharibəsi (1980-1988) - Uinston Çörçill - 2 şəxs 1 hadisə. Fikrinizi bildirin. Sabah redaktə edib düzəldək - birisigün ana səhifəyə yerləşdirək. Hörmətlə:--Sortilegus 20:45, 29 Avqust 2008 (UTC)

Çox gözəl, razıyam. Musa Cəlil məqaləsini vaxt olduqca redaktə edərəm, onu da növbəti üçlüyə əlavə edərik. --Ira 12:53, 30 Avqust 2008 (UTC)

Hörmətli ağsaqqal idarəçi müəllim:) 3 məqalə -

• Ramiz Həsənoğlu
• İran-İraq müharibəsi (1980-1988)
• Uinston Çörçill

Tənbəllik eləmə dəyiş:) Öz vəzifəni yerinə yetir:) Yoxsa bu vəzifəni də əlindən alarıq ha:)

Gələn dəfəyə əla olar ki, ana səhifədəki 3 məqalənin ərəb əlifbası ilə də qarşılığı olsun. Axandan xahiş edərik, bizə kömək göstərsin bu məsələdə. Hörmətlə:--Sortilegus 20:20, 30 Avqust 2008 (UTC)

Salamlar. Məqalə seçimlərini mən başa düşmədim. Ən azı Prosper Merime məqaləsi Ramiz Həsənoğlu məqaləsi qədər zəngindir. Niyə Prosper Merime məqaləsi siyahıdan çıxarılıb? Bu məqalə FM-ə daxil edilib, onu Ana səhifədə olmağa layiq bilənlər var.

Başqa bir məsələ- sıralanma. Ramiz Həsənoğlu məqaləsi ən sonda daxil edilib, amma siyahıda birincidir. Daim FM-ə daxil edilmə ardıcıllığını nəzər almaq lazımdır.

Mən gözləyirdim ki, daha bir qeyri-şəxs məqaləsi FM-ə daxil edilsin və daha sonra Ana səhifəni yeniləyək. Azvikidə şəxs məqalələri çoxdur və Ana səhifədə iki şəxs məqaləsi olmamasını gözləmək lazımdır. Vəzifə hamımızın vəzifəsidir, sadəcə tələsik dəyişmək lazım deyildi--A_M_D ^m-f 10:05, 31 Avqust 2008 (UTC)

AMD, salam. Mən keçən dəfə də bu barədə fikrimi bildirmişdim və Sortilegus da mənimlə razılaşdı: Prosper Merime və Musa Cəlil məqalələrində mənbə yoxdur. Mənbə göstərilməyən məqalələrin yaxşı məqalə sayılması düzgün deyil.

Digər məsələ - məqalələrin sırlanmasıdır ki, məncə bunun o qədər də əhəmiyyəti yoxdur, lakin əgər Siz sıralanmanın məqalələrin daxil olduğu vaxta görə aparılmasının düzgün olduğunu deyirsinizsə, gələn dəfə bu ardıcıllığın gözlənilməsinə mən də tərəfdar olaram.

Digər məsələ - Sortilegus çox gözəl fikir söylədi: gələn dəfə Ana səhifəyə daxil ediləcək məqalələrdən biri (ola bilsin ki, elə hamısı) ərəb əlifbası ilə yazılan məqalələrdən olsa pis olmaz. Mən leyhinəyəm.--Ira 16:32, 1 Sentyabr 2008 (UTC)

Məncə Ana səhifədəki məqalələri yeniləmək olar artıq. Deyəsən 1 aydan artıq vaxt keçib. Fəal məzmuna yerləşdirilən yeni 3 məqalənin orfoqrafik, qrammatik səhvlərini düzəltmişəm. 1 şəxs - 2 hadisə Amd zakaz eləyən kimi:) Təəssüf hər üç məqalənin ərəb qrafikasına çevrilməsi deyəsən mümkün olmayacaq. Məsələn, Cəfər Cabbarlı məqaləsi kifayət qədər böyük həcmlidi. Axandan xahiş eləməyə də adam ar eləyir:) Gərək işini-gücünü atıb ərəb qrafikasına çevirsin onda o məqalələri. Gələcəkdə bəlkə ərəb əlifbasını bilən fəal istifadəçilərimizin sayı artdıqca bu problemi də yoluna qoya bilərik. Hələlik bir perspektivdə nəzərdə tutulmuş layihə kimi nəzərdə saxlayaq.Hörmətlə:--Sortilegus 20:51, 3 Oktyabr 2008 (UTC)

Məncə normal seçimdir. Həm də ərəb qrafikasına çevrilən məqalənin də ana səhifədə yerləşdirilməsi müsbət haldır. Cənublu soydaşlarımızı bəlkə bu yolla bura cəlb edə bildik. Ağdam rayonu haqda məqalədə də yoldaş Vəlibəyovun böyük əməyi var:) Kifayət qədər bitkin məqalədi. Şəkilləri də öz yerində. Fikrinizi bilmək maraqlı olardı, İradə xanım. Hörmətlə:--Sortilegus 16:31, 22 Oktyabr 2008 (UTC)

az-vikidə Vikipediya:Qaydalar kateqoriyası deyəsən yoxdur, mən tapmadım və yaratmaq fikrindəyəm. Nə deyirsiz. Ruslarda var: [1] İngilislərdə də [2] --Ira 12:53, 30 Avqust 2008 (UTC)

Çox əla olar. Elsanaturk ilə Amd bu işi başlamışdılar. Hətta Amd Kənd meydanında müzakirəyə də çıxarıb yeni qaydaları. Təəssüf ki, fikir bildirməkdə fəallıq nümayiş etdirmirlər istifadəçilər. Məncə bu işi başlamazdan öncə Amd ilə Elsanaturkun tərcümə etdikləri və burada yerləşdirdikləri və ya hələ yerləşdirmədikləri qaydaları bir nəzərdən keçirmək lazımdır ki, təkrar tərcümə olunmasın, zəhmət hədər getməsin. Sonra işi öz aramızda bölüşdürək. Rus vikisindən mənim payıma ayıracağınız qaydaların tərcüməsini qısa zamanda edə bilərəm. Lazım olar burdakı digər tərcümə etməyi bacaran dostlarımıza da kömək üçün müraciət edərik. Çünki qaydalar yaradılmasa işimiz çox çətin olacaq. Hörmətlə:--Sortilegus 18:08, 30 Avqust 2008 (UTC)

Salamlar. İstifadəçiləri maraqlandırmaq lazımdır. Daha dogrusu, hamı başa düşməlidir ki, qaydalar vacib bir şeydir. İki dəfə bu iş istifadəçilər tərəfindən lazımı qədərincə dəstəklənmədiyindən yarımçıq qalıb, həvəs olmur. --A_M_D ^m-f 15:11, 11 Sentyabr 2008 (UTC)

Salam. Səsin gəlsin:) Yəni qaydaların tərtibi sənlik deyil, demək istəyirsən? Mən istəyirəm ki, üçümüz birlikdə bu işin öhdəsindən gələk - sən, İradə xanım və mən. Qaydaları biz tərtib edib səsverməyə çıxaraq - qəbul olunub-olunmamasını istifadəçilər həll etsinlər. Həvəsdən düşmək lazım deyil:) Hörmətlə:--Sortilegus 17:07, 11 Sentyabr 2008 (UTC)

Salamlar. Burada sənin və İradə (xanım deməmyi özü istəyib :D ) kimi idarəçilər olandan sonra arxayın olmaq olar :)

Yox, mən elə demək istəmirdim. Düzdür 2 dəfə bu işə böyük həvəslə başlayıb, sonra viki cəmiyyətdən lazımi reaksiyanı almamaq həvəsimi çox öldürüb amma yenə də mən elə başa düşürəm ki, bu neçə vaxt davam edən "tənbəlliyimi" qaydalar kimi vacib bir şey üzərində işləməklə qismən unutdura bilərəm. Yuxrıda dediyim kimi bunun üçün istifadəçiləri də cəlb etmək lazımdır. Ən əvvəl isə tərcümə olunmuş qaydaları vikicəmiyyətin müzakirəsinə çıxartmaq lazımdır.təkrarən--A_M_D ^m-f 15:30, 12 Sentyabr 2008 (UTC)

Çox tərifləmə gözə gətirərsən bizi:) Nə idarəçiyik ki, hələ heç kimi bloklamamışıq:) Bu bir zarafatdı:) Zarafatsız - xeyli qayda tərcümə olunub. Başqa nəyi tərcümə etmisənsə Elsantürklə birgə "Vikipediya:Qaydalar" kateqoriyasına yerləşdirin. Onları ümumiləşdirək, redaktələr edək, başqa hansı qanunlar vacibdirsə onları tərcümə edək. Sonra bir-bir səsverməyə çıxaraq. Müzakirəyə ehtiyac yoxdur. Müzakirələrdə vikicəmiyyət passivdir. Səsvermələrdə son vaxtlar aktivlik görürəm. Qəbul olunmayan, bəyənilməyən qaydalar üzərində bir daha işləyərik. Hörmətlə: --Sortilegus 15:46, 12 Sentyabr 2008 (UTC)

Hamıya salamlar. Məncə qaydalar üzərində işləmək lazımdır və bütün istifadəçiləri də bu işə cəlb etməliyik. Bu işin öhdəsindən 2-3 nəfər gələ bilməz. ru-vikidən bəzi tərcümələr edirəm, çox vaxt aparır. İndi terminlər üzərində işləyirəm. AMD, çalışıram yaratdığınız Vikipediya: Terminlər məqaləsini zənginləşdirəm. Bəlkə bu səhifənin adını Vikipediya:Qlossari qoyar. Bir ədəbiyyatçı kimi Sortilegusun fikrini bilmək istərdim. Digər məsələ məqalələrin stilləridir. Burada məqalələrin çoxu ümumi stilə uyğun deyil, yəni mənbələr, kateqoriyalar və s. ümumi qaydalarda tələb olunan bölmələr daxil edilmirlər. Bu problemi necə həll edəcəyik?--Ira 19:33, 13 Sentyabr 2008 (UTC)

Salam İradə xanım. Əslində, qaydaların yazılması sahəsində o qədər də çox iş qalmayıb. Ru-Vikiyə mən də baxmışam, faktiki ordakı əsas qaydalar tərcümə olunub. Belə deyək də, işin 50%-i görülüb. 1-2 aya məncə, işi ümumiləşdirib ortaya bir şey çıxara bilərik (düzdür, böyük-böyük danışıram, amma bu sahədə elə bir töhfəm yoxdur). Düşünürəm ki, 10-15 günə mən də "girişim" qaydaların tərcüməsi və tərtibi məsələsinə. Hamısını hazırlayaq, sonra burda öz aramızda bir kiçik müzakirə keçirib vikicəmiyyətin səsverməsinə çıxaraq qaydaları. Özü də vacibdir ki, hər qayda üçün səsvermə ayrı-ayrılıqda keçirilsin. 2-ci məsələ - kateqoriyanın adı - dəyişməyə ehtiyac yoxdur. "Termin" ifadəsi bizdə daha çox işlənir və qəbul olunub. Məqalələrin stili isə əsas yaralı yerimizdir:) Amd deyilənə görə "Stil kitabçası" üzərində işləyir, görək ortaya nə çıxaracaq. Elə bu son müzakirələrdən birində - əcnəbi dilin hansı qısaldılmış formasına üstünlük verilməlidir, yaxud bütünlüklə yazılmalıdır - bu məsələ müzakirə olunurdu. Siz də o müzakirədə öz fikrinizi bildirdiz. Belədə bir ümumi qərara gəlmək mümkün deyil. Amma məqalə stilləri haqqında bir qayda hazırlayıb ortaya qoysaq, bu problemi də həll edərik. Məqalələrin kateqoriyalaşdırılması məsələsi ilə isə şəxsən məşğulam:) Lazımsız kateqoriyaları "təmizləmişəm". Burda "Kateqoriyalar" səhifəsinə baxsanız görə bilərsiz. Orda çox az iş qalıb. Hörmətlə:--Sortilegus 19:58, 13 Sentyabr 2008 (UTC)

Salam. Kənd meydanında bir rəy sorğusunun təşəbbüskarı kimi çıxış etmişəm. Hələ idarəçi seçilməzdən əvvəl. Məncə, ordakı rəy sorğusunun nəticələri çox maraqlıdır. Sorğu artıq tamamlanıb. Sorğunun nəticələri ilə bağlı fikirlərinizi bilmək maraqlı olardı. Hörmətlə:--Sortilegus 15:13, 15 Sentyabr 2008 (UTC)

Salam. Bu coğrafiya kateqoriyasındakı Türkiyə və Azərbaycan kəndləri məqalələrini kim doldurub silinəcək səhifələr kateqoriyasına? Heç birində də sil şablonu yoxdur - onsuz necə salıblar o kateqoriyaya? Onları nəbadə siləsiz ha hörmətli idarəçilər. Onların üstündə burdakı Türkiyəli istifadəçilərimiz elliklə çalışıblar:) Elə mən özüm də kateqoriyalaşmaları, transliterasiyası sə s. işləri görmüşəm. Çoxunda da xəritə, az-maz olsa da məlumat var. Tədricən zənginləşmək imkanları da var. Arıtlayandan sonra silmək olar - belə kütləvi yox. 700-dən çox məqalədir. Silsək yenə Vikipediyanı yıxıb böyrü üstə qoyacağıq. O kateqoriyadan çıxarmaq lazımdır həmin məqalələri. Hörmətlə:--Sortilegus 22:11, 21 Sentyabr 2008 (UTC)

Gördüm. Şablonların hansısa birində sil şablonu olmalıdır. Axtarıram, ancaq hələ ki, tapa bilmirəm. Tapa bilməyənə kimi heç bir məqaləni silməyək.--A_M_D ^m-f 18:12, 24 Sentyabr 2008 (UTC)

Nə problem varsa-bu şablonlardadır. Heç birində isə sil tapa bilmirəm. bu səhifənin lap sonuna bax-Şablon:Sil yazır. Şablon məzmununda isə görünmür--A_M_D ^m-f 18:19, 24 Sentyabr 2008 (UTC)

AMD haqlıdır, şablonu dəyişdiriblər. Sınaq üçün məqalələrin birindən şablonu ləğv etdim, məqalə Silinəcək səhifələr siyahısından itdi. Lakin şablonda nə delet, nə sil, nə remove sözləri yoxdur. Bəlkə metaya müraciət edək.--Ira 18:09, 25 Sentyabr 2008 (UTC)

Maraqlıdı. Bu şablonların heç birində bu yaxınlarda dəyişiklik aparılmayıb. Bu günəcən problem yox idi, birdən-birə hardan çıxdı bu problem? Mən Türkiyə kənd və bölgələri məqalələrini arıtlamışam bu yaxınlarda - onda da əsasən kateqoriyalaşdırılmasını qaydaya salmışam. Əsaslı şablonlardan heç birinə əl dəyməmişəm. Üstəlik də Azərbaycan kəndləri məqalələrinə ümumiyyətlə əl dəyməmişəm, amma onlar da düşüb silinəcək səhifələr siyahısına.--Sortilegus 19:09, 25 Sentyabr 2008 (UTC)

Demək belə, öz-özünə həll edildi. Problem serverdə imiş. Bundan sonra Şablon:!! kimi şablonlar əvvəldən mühafizəsinə ciddi fikir vermək lazımdır. Bu səhvi irəlidə buraxmamaq lazımdır. Bu səhifəyə baxanda niyə belə alındığını başa düşəcəksiz. Son zamanlar vikipediya serverlərindədə problem var idi. Yəqin ki, azvikidə işləyərkən texniki xəta haqqında mesajla rastlaşmısız. --A_M_D ^m-f 18:14, 27 Sentyabr 2008 (UTC)

Hamıya, salamlar. Allaha Şükür ki, xəta düshmənlərdən yox, serverdən gəlirmiş. Mən qorxdum ki, metada vandal oturub. amma serverdə xəta olmasını mən də hiss etmişəm - bəzən səhifəni qeyd etmək əmri verəndə səhv haqqında xəbər gəlir. Şablon:!! şablonunu başa düşmürəm. Bu nə deməkdir və bu şablonun əhəmiyyəti nədir. Əgər mümkünsə bir-iki kəlmə. AMD, bir məsələni də Sizinlə müzakirə etmək istərdim - VikiMənbədə problemlə üzləşmişəm. John Vandenberg daxil etdiyim kitaba lisenziya tələb edir [3], amma kitabı mənə həmin fondun nümayəndəliyindən göndəriblər və bu kitabdakı məlumatların yayılması mənbə göstərildikdə tam qanunidir. Con yaxşı oğlandır, amma deyəsən mən onu düzgün başa sala bilmirəm. VikiMənbədə idarəçi kimi məsləhətinizə ehtiyacım var.--Ira 19:52, 27 Sentyabr 2008 (UTC)

Hamıya, salamlar. Əsas 2 məsələ var:

1. Kənd meydanındakı blok məsələsi ilə bağlı səsverməyə yekun verilməli
2. Ana səhifədəki FM dəyişdirilməlidir.

Fikrinizi bildirin. --Ira 17:32, 24 Oktyabr 2008 (UTC)

... (sildim hamısını: Sortilegus) Bu cür fəaliyyətin qarşısının nə formada alına biləcəyini mən bilmirəm. Davamlı xarakter aldığına görə yəqin ki, metaya müraciət etməli olacam.--Sortilegus 20:22, 21 İyul 2009 (UTC)

Bu spamlar məni də narahat edir. MediyaViki:Spam-blacklist səhifəsinin bu spamlara aidiyyatı var? Mən belə anladım ki, bu spamları bot yaradır. Silmək çətin deyil, amma nəyə əsaslanaraq silinməlidir? --Ira 13:40, 23 İyul 2009 (UTC)

Bu gün yaradılan spamlar: ... (sildim hamısını: Sortilegus)

--Ira 15:10, 23 İyul 2009 (UTC)

Mən tapa bilmirəm hansı adresdən yaradılır bu istifadəçi müzakirəsi səhifələri. Mardetanhadan xahiş eləmişdim kömək eləsin, spam-blacklisti o yaradıb. Amma belə görünür ki, onun da xeyri yoxdur. Hər dəfə yeni-yeni sayt ünvanları reklam olunur. Onda gərək iş-gücümüzü atıb bu listə yeni sayt ünvanları əlavə etəmklə məşğul olaq. Amma bir məsələ var ki, tək bizim vikidə belə səhifələri yaratmırlar. Başqa 4-5 vikidə də yaradırlar. 1 vikidə dərhal blok qoyulur bu səhifələri yaradan ünvanlara. Baxaq görək o biri vikilər necə davranırlar, biz də elə addım atarıq. --Sortilegus 17:38, 23 İyul 2009 (UTC)

Problem həll olunub (hər halda belə görünür). 20-30 iyul 2009 arasında qeydiyyatdan keçən istifadəçi siyahısını bir daha "varaqlamaq" lazım olacaq--Sortilegus 20:30, 29 Sentyabr 2009 (UTC)