Vikipediya Inzibatci Muzakiresi Arxiv 2015 - Wikipedia - Ureyim.az

Salam idarəçi və istifadəçi həmkarlarım. İstifadəçi:NKOzinin idarəçilikdən imtina etməsindən xəbəri olan varmı? Başa düşdüyüm qədər könüllü olaraq bu addımı atıb. Amma səbəbini bilsək yaxşı olardı. --Araz Yaquboglu (talk) 14:40, 30 dekabr 2014 (UTC)

I am wondering whether the apparent conflict of interest additions of the recipes and links to 1001dad.com is within the scope of your community. You can see a list of the additions in the report at m:User:COIBot/XWiki/1001dad.com Billinghurst (talk) 00:57, 15 mart 2015 (UTC)

Salam. Düşünürəm ki, istifadəçi Aydın Məmmədovun məsələsini müzakirə edərək yekun nəticəyə gəlməyin vaxtıdır. Həmin istifadəçinin blokunun açılması zamanı bir çox idarəçilərin əlehinə olmasına baxmayaraq şəxsən mən normal fəaliyyət göstərəcəyinə ümid edirdim. Üstəlik, təcrübəli idarəçilərdən Ceklinin də həmin istifadəçi ilə bağlı məsuliyyəti üzərinə götürməsi inamımı daha da artırırdı. Lakin, azvikidə baş verən son hadisələr bu məsələ ətrafında yenidən düşünməmizin və problemi birdəfəlik həll etməyimizin lazımlığını ortaya çıxarır. Azvikinin ən aktiv istifadəçilərindən biri olan Keete 37 (Farid Aliev) mənim, o cümlədən aktiv idarəçilərin hamısının müzakirə səhifələrinə yazaraq həmin istifadəçidən şikayət edir. Məsələni araşdırdıqda, istifadəçinin haqqlı olmasını və görmək olar. Bu istifadəçi bloku açıldıqdan sonra, normal fəaliyyət göstərəcəyinə söz vermiş olmasına baxmayaraq, daim kənd meydanında, müxtəlif istifadəçilərin və məqalələrin müzakirə səhifələrində lazımsız, yorucu və uzun müzakirələr açır, normal əxlaq qaydalarına sığmayan ifadələr işlədir, bir sözlə azvikinin ümumi fəaliyyətinə pozucu təsir göstərir. İstifadəçilər məqalə yaratmağa və redaktə etməyə sərf edəcəkləri vaxtı onun sözlərinə cavab verməklə keçirirlər. Öz adı ilə demək istəmədiyi fikirləri ip ilə yazır, istədiyi kimi ağzına gələni danışır. İstifadəçi keete 37-yə ünvanlanmış son təhqirlərindən sonra qaydaları əsas götürərərk həmin istifadəçini bloklaya biləcəyimi düşünsəm də, istifadəçinin bir neçə dəfə mənimlə də münaqişə yaratmasını nəzərə alaraq, tərəfsizliyin təmin olunması məqsədiylə məsələnin idarəçilərin müzakirəsinə çıxarılmasının daha düzgün olacağına qərar verdim. 09.04-12-04.2015-ci il tarixləri arasında mümkün qədər bütün istifadəçilər məsələ ilə bağlı fikirlərini bildirsinlər və bu problemi birdəfəlik həll edək. Şəxsən mən həmin istifadəçinin fəaliyyətinin müddətsiz məhdudlaşdırılmasından başqa bir çıxış yolu görmürəm. Hörmətlə --sefer azeri 10:52, 9 aprel 2015 (UTC)

Çıxış yolunuzu düzgün hesab etmirəm cənab sefer azeri. Aydın Məmməov tərəfindən uzun və yorucu müzakirələrin aparıldığını və bu müzakirələrin çox zamanda nəticəsiz tamamlandığını qəbul edirəm. Həmin şəxs bizə daha faydalı və zəngin fəaliyyət göstərməsi barədə vəd versədə buna əməl etmədi. Fərz edək ki, yenidən müzakirələrdə iştirak etmək yolunu tutub və niyyəti siz demiş Azvikinin ümumi işini pozmaqdır. Bu iddianı səsləndirən cəmi 2 şəxs var. Siz və Keete 37 (Farid Aliev). Hər biriniz dəyərli istiadəçilərsiniz və Azviki üçün göstərdiyiniz xidmətlər əvəzolumazdır. Ancaq bu o demək deyil ki, sizin istəyinizinlə biz kimisə blokla göndərməliyik. Aydın Məmməov Şəkidə mövcud olan bir məbəd barədə təkrar məqalə yaradır. İdarəçimiz Cekli sözü gedən məqalənin üzərinə təkrar şablonu əlavə edir, ancaq buna baxmayaraq Keete 37 (Farid Aliev) qarşı tərəfi tarixi saxtalaşdırmaqda ittiham edərək mübahisə başladır. O deyir, bu deyir və sonda siz də gəlib yazırsız ki, gəlin bloklayaq. Mən bir idarəçi kimin heç kimin bloklanmasını arzu etmirəm. Vəziyyətdən tək bir çıxış yolu var. Aydın Məmmədov tərəfindən yaradılan məqalərə siz, sizin tərəfindən yaradılan məqalərədə o müdaxilə etməyəcək. Azviki geniş məkandır, burada hamı üçün yer tapılar. :) Hörmətlə:--Baskervill ^müzakirə 11:03, 9 aprel 2015 (UTC)

Baskervill məsələ məqalə məsələsi deyil, bu istifadəçi durmadan hər kəsi təhqir edir. Sizcə istifadəçiyə qarşı "işverən", "iftiraçı", "sayaqlamaq" kimi ifadələr işlətmək nə qədər düzgündü? Mən də istifadəçilərin fəaliyyətinin birdəfəlik məhdudlaşdırılmasına qarşıyam. Lakin, əgər hansısa bir istifadəçinin təhqirləri başqa aktiv istifadəçilərin azvikini tərk etməsinə səbəb olacaqsa, məncə həmin istifadəçinin təhqirlərinə görə cəzalandırılması daha yaxşı seçimdir. Ayrıca mən istəyimə görə həmin istifadəçini bloklamaq məqsədi güdsəydim, məsələni burda müzakirəyə çıxarmaz, elə məni təhqir etdiyi vaxt onu bloklayardım. --sefer azeri 11:21, 9 aprel 2015 (UTC)

2 deyil, 3 nəfər. Mən lap əvvəldən demişdim ki, bu istifadəçinin bloku açılmamalıdır. Bütün fəaliyyəti ilə vikipediyanın işini pozur - 10% dəyərli fəaliyyət göstərirsə, 90% konfliktlər, aşağılayıcı şərhlər və s. Bir məqaləyə əlavələr etdi, mən məqaləni redaktəsinə açdım (söhbət Dairəvi məbəd məqaləsindən gedir). Sonra ordakı əlavələrini silib dublikat məqalə yaratdı. Yəni bu adam bloklanmazdan əvvəl necə fəaliyyət göstərirdisə indi də elə fəaliyyət göstərir. Heç bir dəyişiklik yoxdur. Halbuki burda 1 il bloklu qalan və sonra çox dəyərli fəaliyyət göstərməyə başlayan istifadəçi örnəyi də var (Murad). Bloklanan vaxtı da söyüşlər və təhqirlər yazırdı, nə bilim xaker dəstəsinə-filan başçılıq edirdi. Amma bloku Cekli açıb və məsuliyyəti tam üzərinə götürüb və bu istifadəçini o bloklamalıdır. Belə düşünürəm ki, bloklanacaqsa da daimi bloklanmalıdır, bundan sonra blokunun açılasmı müzakirə olunmamalıdır, hansısa istifadəçi adı ilə, İP ilə fəaliyyətə cəhdinin dərhal qarşısı alınmalıdır. Yoxsa elə burda bu istifadəçi ilə bağlı konfliktlərin ardı-arası kəsilməyəcək, təhqir, söyüşün də biri bir qəpiyə olacaq. Hörmətlə--Sortilegus (müzakirə) 16:29, 9 aprel 2015 (UTC)

Cənab Sortilegus mövcud vəziyyətdə Aydın Məmməov qarşı tərəfin məqalələrinə müdaxilə etmirdi və başını aşağı salıb öz məqalələrini zənginləşdirirdi. Sizinlə razıyam ki, dublikat bir məqalə yaradıb, ancaq bununla yanaşı bir necə maraqlı məqalə də yazıb. Əgər Aydın Məmməov qarşı tərəfin müzakirə səhifəsinə daxil olub nəsə yazsaydı mən sizinlə razı olardım. Burada isə məsələ tamamilə başa çürdür. Bir şəxs öz məqaləsini yaratmaqla məşğuldur (səhv düz nəsə edir) və bu an biri gəlib onun keçmiş məsələləri barədə danışır və daha sonra qeyd edir ki, sən filan idarəçi kimi fəaliyyət göstərə bilmərsən. Biri də çıxıb demir ki, onun bura nə dəxlisi var ? Səmimiyyətimə inanın ki, mən heç bilmirəm Aydın Məmməov bu dəqiqə haradır və onunla sosial şəbəkə üzərindən belə heç bir ünsiyyətim yoxdur. Sadəcə gördüklərimə əsasən bir qərar verməyə çalışıram. Kimsə yaxşı məqalə yazırsa bunu bizim başımıza qaxanç etmək lazım deyil. Hörmətlə:--Baskervill ^müzakirə 18:58, 9 aprel 2015 (UTC)

Wertuose, Cekli829, Sultan11, Araz Yaquboglu, Eminn zəhmət olmasa məsələ ilə bağlı fikrinizi bildirin. --sefer azeri 11:08, 19 aprel 2015 (UTC)

Həmkarım Baskervillin fikirləri ilə razıyam. Mən bir idarəçi kimi bu məsələdə heç kimin bloklanmasını arzu etmirəm. --►Cekli829 13:15, 19 aprel 2015 (UTC)

Mən ümumiyyətlə bəzi istifadəçilərin Aydın Məmmədova belə tolerant yanaşmalarının səbəbini anlamıram. Ünsiyyətdə olduğum çox sayda digər vikilərin istifadəçilərinin və özümün digər vikilərdə qarşılaşdığım təcrübə onu göstərir belə istifadəçilər Vikipediyaya verdikləri faydanın ağına-bozuna baxmadan ömürlük bloklanırlar. Çünki, yuxarıda Sortilegusun da qeyd etdiyi kimi, "10% dəyərli fəaliyyət göstərirsə, 90% konfliktlər, aşağılayıcı şərhlər və s" ilə Vikipediyanın işini pozur. Vaxtilə blokunun açılması şərtlərini artıq dəfələrlə pozduğunu da demək olar. Ona görə də hesab edirəm ki, artıq 2 ilə yaxındır ki, hamımız üçün baş ağrısına çevrilmiş və gərginlik yaradan bu şəxsin müddətsiz blokunu bərpa edək. IP-lərini bloklamaq üçün stüardlara müraciət edə bilərik. Onun indiyədək istifadə etdiyi bütün IP-lərdən redaktəyə qadağa qoyula bilər.--Wertuose (müzakirə) 07:06, 20 aprel 2015 (UTC)

Yekunlaşdırma:Bir aya yaxındır ki, davam edən müzakirədə iştirak edən idarəçi yoldaşların çoxu istifadəçi Aydın Məmmədovun təkrar bloklanmasıdan yana olduqlarını qeyd etdilər. Digər idarəçi yoldaşlar isə adlarını qeyd etməmizə baxmayaraq fikir bildirmədilər. Bu onların ya neytral mövqedə durduqlarını, ya da məsələyə rəy bildirmək istəmədiklərini göstərir. Çoxluğun fikrini nəzərə alaraq istifadəçi Aydın Məmmədovun fəaliyyətini müddətsiz məhdudlaşdırıram. Bütün idarəçi yoldaşlardan xahiş edirəm, gələcəkdə hansısa istifadəçinin blokunu açmaq istəyərkən idarəçilərin müzakirə səhifəsində yazıb hər kəsin fikrini öyrənsinlər ki, bu cür problemlərlə özləşməyək. Hörmətlə --sefer azeri 07:42, 4 may 2015 (UTC)

Bütün viki cəmiyyəti salamlayıram. 17 sentyabr 2014 - 1 oktyabr 2014 tarixləri arasında Azvikinin idarəçilərdən biri Progerdən idarəçilik statusunun alınması barədə səsvermə keçirilimişdir. Həmin zaman səsəvermədə Azviki üçün fantastik hesab edilə biləcək sayda 47 nəfər iştirak etdi. 15 etibarsız səsin fonunda 16 nəfər lehinə, 16 nəfər isə əlehinə səs verdi. Nəticə Progerin idarəçilik bayrağı özündə saxlanıldı. Viki cəmiyyət fəalları yaxşı bilir ki, həmin səsvermədə aktivlik göstərən şəxslərdən biri də mən idim. Düşünürdüm ki, Progerə bir daha şans vermək lazımdır və o, bu qədər insanın ona olan etimadını mütləq doğruldacaq. İnsafən özü də bu barədə yağlı vədlər verirdi. Vəziyyət elə gətirdi ki, Proger həmin tarixdən etibarən üst-üstə yığanda 10 redaktə belə etməyib. Viki cəmiyyətin inamını sarsıtdığım və yoldaş Progerə görə çətin duruma düşdüyüm üçün mənə inanlardan üzr istəyirəm. Bu üzrü kiməsə görə yox, sırf öz daxili vicdanıma görə edirəm. İndi isə keçək əsas məsələyə. Ən qısa zamanda (elə günü sabahdan) 15 günlük bir səsvermə ilə Progerdən idarəçilik statusunun alınmasını təklif edirəm. Adam zatən bu saatdan sonra bir iş görəsi deyil. Sosial şəbəkələr üzərindən yazılan yazılarımı oxuyub, cavab vermir. Gəlin bu məsələni həll edək. Hörmətlə:--Baskervill ^müzakirə 11:40, 5 may 2015 (UTC)

Digər idarəçi yoldaşların da etirazı yoxdursa, səsvermənin başladılması üçün bir maneə görmürəm.--sefer azeri 12:13, 5 may 2015 (UTC)

Mən də həmkarlarımın fikri ilə razıyam. Proger keçən dəfəki status məsələsində hamını inandırmağa çalışdı ki, daha fəaliyyət göstərəcək. Amma bunu görmədik. Bu dəfə xahiş edirəm heç kimə yağlı vədlər verməsin. --Araz Yaquboglu (müzakirə) 15:12, 5 may 2015 (UTC)

Bu səfər yağlı vədlər verməsinin heç bir əhəmiyyəti yoxdur. Çünki özü belə mövcud vəziyyəti qəbul edib və idarəçi kimi fəaliyyət göstərməkdə maraqlı deyil. Əgər Sortilegus və Wertuose bir etiraz etmirsə (bu arada bu iki şəxsin fikiri də mühümdür) səsvermə sabah axşamdan başladılsın. --Baskervill ^müzakirə 18:57, 5 may 2015 (UTC)

Düşünürəm ki, səsverməyə ehtiyac yoxdur. Birincisi, yeni etimad qazanıb bir idarəçi kimi. Bu qədər tez-tez etimad səsverməsi keçirmək düzgün deyil. İkincisi, idarəçilərin fəaliyyətsizliyi haqqında prinsipi hazırlayıb qəbul etmək lazımdır ki, belə hallarda səsvermə-filan keçirməyə ehtiyac qalmasın - fəal olmayan idarəçinin statusu avtomatik alınsın. Üçüncüsü, idarəçi özü bu vəzifəni daşımaq istəmirsə metaya müraciət edib idarəçilik bayrağını təhvil verə bilər. Dördüncüsü isə, keçən dəfə bu idarəçi üçün səsvermə keçiriləndə elə hörmətli idarəçimiz Baskervill də aralarında olmaqla bəzi istifadəçilər kampaniya şəklində sosial şəbəkələrdə təbliğat aparıb, ildə-ayda 1-2 redaktə edən istifadəçiləri səsverməyə cəlb edib idarəçinin statusunun saxlanılmasına nail oldular və bu sonra elə həmin sosial şəbəkələrdə böyük qələbə kimi qeyd edildi, Proger azvikinin lideri kimi təqdim olundu. İndi nə oldu ki? O vaxt statusun alınmasına səs verən təcrübəli istifadəçiləri dinləmək lazım idi, küyə getmək lazım deyildi. Qarantiya da yoxdur ki, yenə səsvermə keçirsək qarşı tərəf eyni təbliğatı aparıb "yatmış" istifadəçilər hesabına statusunu qoruyacaq. Bu da olacaq oyun-oyuncaq. Ona görə ən düzgün yol prinsipin qəbul olunmasıdır. Hörmətlə:--Sortilegus (müzakirə) 20:25, 5 may 2015 (UTC)

Hörmətli idarəçilər! Bildiyiniz kimi 2 həftədən artıdır ki Azərbaycanda LGBT tarixi məqaləsinin silinməsi haqqında müzakirələr getdi. Mayın 5-də Baskervill məqalənin saxlanması haqqında qərar verdi [1]. Lakin verdiyi qərarın nəyə əsaslandığını göstərmədi. Çünki verilən qərar ilk növbədə Vikipediya qaydalarına və əsas da İnterfeysin yazdığı kimi Vikipediya:Orijinal tədqiqata yer verməmək qaydasına söykənməliydi. Lakin Baskervill qərar verərkən yazır: "Fikir bildirən yoldaşların 10 nəfəri məqalənin silinməsini, 11 nəfəri isə saxlanılmasına səs verib. Qeyd etmək lazımdır ki, səsvermə prosesində iştirak edən yoldaşların heç də hər birinin səsvermədə iştirak etmək hüququ yoxdur. Bu məsələ sosial şəbəkələrdə də müzakirə edildi. Karoçi mən təklif edirəm ki, məqalə silinməsin." Axı belə bir ifadə məqalənin saxlanması üçün arqument ola bilməz. Baskervill daha sonra yazır " Orjinal təhqiqat olaraq adlandırılan bölümlər çıxarıla, dəyişdirilə və ya silinə bilər. Ancaq məqalənin silinməsinə qarşı bu qədər şəxs varkən məqaləni silmək böyük bir ədalətsizlik olardı. Məqalə saxlanılır. "

1. Qərar verilərkən "Orjinal təhqiqat olaraq adlandırılan bölümlər" məqalədən çıxarılmadı,
2. Əgər səsverənlərin səsvermə hüquqları yox idisə "məqalənin silinməsinə qarşı bu qədər şəxs" deyiləndə kimlər nəzərdə tutulurdu?
3. Məqalənin saxlanması haqqında qərarın "səsvermə hüququ olmayan"ların səslərinin sayına görə verilməsi ümumiyyətlə absurddur.

Xahiş edirəm, məsələyə Vikipediya qaydaları çərçivəsində baxılsın. --İrada (müzakirə) 07:53, 6 may 2015 (UTC)

İrada xanım, məqalənin mübahisə doğuran hissələri, məhz məqalənin müzakirə səhifəsində (burada yox) müzakirə edilə, dəyişdirilə və ya məqalədən çıxarıla bilər. Siz özünüz də idarəçisiniz və səsvermədə iştirak edənlərin hansının səsvermə hüququnun olması-hansının olmamasını yoxlaya bilərsiz. Şəxsən mən yoxlamışam, məqalənin silinməsinə səs verən Nabiyev adlı istifadəçi xaric digər istifadəçilər hamısı səsvermə hüququ olan istifadəçilərdi. Məsələyə vikipediya qaydaları çərçivəsində baxılıb və sizin silinmə iddianız məhz vikipediyaçıların səs çoxluğu ilə rədd edilib. Görünür azvikidə heç də, hamı sizin kimi homofob mövqedən yanaşmır məsələyə. Bu isə Azərbaycan vikipediyasının gələcəyinə ümidi daha da artırır! --sefer azeri 08:41, 6 may 2015 (UTC)

Sefer azeri, əsəbləşməyin. Əgər idarəçilərin hamısı hesab edir ki, Azərbaycanda Homoseksullığın tarixi ilə tədqiqat aparanlar olub, o zaman etiraz etmirəm, qoy qalsın. Amma məsələ ondadır ki, mən bu məsələ ilə əlaqədar tarix institutunun bir neçə əməkdaşı ilə görüşdüm və onlar bildirdilər ki, bu məsələ ilə bağlı Azərbaycanın nə elmində, nə də KİV-də tədqiqat aparılmayıb. Amma yenə deyirəm - idarəçilər hesab etsələr ki, sizin tədqiqat yeriniz Vikipediya ola bilər, mən etiraz etmirəm. Qoy qalsın! Mənim Vikipediya ilə bağlı treninqlərdə dinləyiciləri təəəccübləndirən daha bir əlavə materialım olacaq :) --İrada (müzakirə) 10:20, 6 may 2015 (UTC)

Azərbaycana dəxli olmayan bir məqalədir - skiflər belə gəldi, Lenin belə getdi, Stalin belə dedi, Nikolay belə yazdı... Yəni Azərbaycanı işğal edən, burdan gəlib-keçən nə dövlət, xalq varsa onlarda olan homoseksualizm yazılıb Azərbaycanın ayağına. Öyrənmək lazımdır ki, onlarda adamyeyənlik (hannibalizm)-filan olmayıb ki - o məntiqlə oturub "Azərbaycanda adamyeyənliyin tarixi" məqaləsi də yazmaq olar. Məsələn, əgər monqollarda olubsa - monqollar Azərbaycana hücum ediblər - buna əsaslanıb belə şeylər hazırlamaq olar. Bir bəlkə orda Azərbaycanla əlaqə olan şey Əli Əkbərin sərsəmləməsidir - o da bədii əsər. Məqalənin saxlanılmasını istəyən istifadəçilər heç biri düz-əməlli arqument gətirib əsaslandırmadılar mövqelərini. Çox təəssüf doğurur səsvermənin nəticələri. --Sortilegus (müzakirə) 20:08, 6 may 2015 (UTC)

İrada xanım, mən əsəbləşmirəm. Sadəcə səsvermənin bitməsindən sonra, məhz sizin istədiyiniz nəticə alınmadığına görə, burada yenidən müzakirə açmanızı özüm də daxil olmaqla, orda məqalənin saxlanmasına səs vermiş bütün istifadəçilərə qarşı təhqir hesab edirəm. Belə çıxır ki, bizim nə fikirləşməyimizin əhəmiyyəti yoxdur, siz istəyinizə nail olmayınca mövzu ətrafına manipulyasiyanı davam etdirmək fikrindəsiniz. Bizim tarix institutu bir çox məsələləri tədqiq etməyib, amma bu o demək deyil ki, həmin məsələlər haqqında azvikidə məqalələr yaradılmamalıdı. Ümumiyyətlə Tarix İnstitutu və onun əksər əməkdaşlarının tədqiqatları vikipediya üçün akademik mənbələr hesab edilmirlər və sırf propoqanda xarakteri daşıyırlar. Sortilegus skiflər məhz Azərbaycan respublikası ərazisində yaşayıblar və İşquz adlı dövlət qurublar, həmçinin azərbaycanlıların etnogenezində iştirak ediblər. Azərbaycan həm Monqol imperiyasının, həm Çar Rusiyasının, həm də SSRİ-nin tərkibində olub. Çingiz xanın, Nikolayın və Stalinin homoseksualizmə qarşı verdikləri qərarlar Azərbaycan ərazisində də işləyib. Bunların hamısını mənbələrə əsaslanır. Siz məqalənin ilkin formasını görməmisiniz, məqalənin müəllifi mənim redaktəmdən sonra məqalənin yerləşdirdi və mən bir çox faktların sadəcə vikipediyada yayımlanmaması üçün məqalədən çıxardım, onların əksəri məhz XIX-XX əsrlərə aid məsələlərdir. Ordubadi haqqında məsələlər ümumiyyətlə şok edici faktlardan dəhşətə gəlmişdim. Amma bütün bu məsələləri ixtisar etdim və xahiş etdim yerləşdirilməsin, amma əmin olun ki, bu mövzu ilə bağlı xeyli məlumatlar və mənbələr var. Mirzə Cəlil və Ordubadinin nəşr olunmuş xatirələrini əldə edib oxuyun sədəcə. Müzakirələrdə də qeyd etdiyim kimi, məqalədə mübahisə doğuran məsələlər məqalənin müzakirə səhifəsində müzakirə edilib dəyişdirilə, silinə və ya yerinə yeni məlumatlar əlavə edilə bilinər.--sefer azeri 20:56, 6 may 2015 (UTC)

Vikipediya qaydalarını bilməyən və ya bilmək istəməyən idarəçilərin nəzərinə. Əvvəlcə məqalənin adından başlayıram:

• Vikipediya:Məqalənin adlandırılması qaydasında yazılıb: "Məqalənin adı mümkün qədər qısa və aydın olmalıdır. Azərbaycanca danışan oxucunun ən çox tanış olduğu varianta üstünlük verilməlidir, bu mubahisə yaradarsa onda Azərbaycan dilində olan ensiklopediya, dərslik və ya akademik nəşrlərdə istifadə olunmuş varianta üstünlük verilməlidir."

• • Məqalənin adı isə Azərbaycanda LGBT tarixi versiyasına dəyişdirilib, baxmayaraq ki, stabda Azərbaycanda homoseksualizmin tarixi yazılıb. Sizcə "Azərbaycanda LGBT tarixi" ifadəsi Azərbaycanca danışan oxucunun ən çox tanış olduğu variantdır? Çıxın küçəyə və yoldan keçənlərdən soruşun LGBT nədir? Əlbəttə ki, siz deyə bilərsiniz ki, müasir gənclər bu sözü bilirlər. Amma qaydalarda yazılıb ki, ən çox tanış olan variant.
  • Qaydada deyilir: "mubahisə yaradarsa onda Azərbaycan dilində olan ensiklopediya, dərslik və ya akademik nəşrlərdə istifadə olunmuş varianta üstünlük verilməlidir". Hansı dərslikdə və ya akademik nəşrdə məqalənin adı yazılıb?

Hələlik bu qədər. Məntiqli cavab verildiyi halda təhlilimi davam etdirəcəm, əks halda məqalə silinməlidir. İdarəçilərin müzakirədə qeyri aktivliyi qaydaları bilmədikləri və ya tərəfli olmaları fikri yaradır. --İrada (müzakirə) 11:55, 9 may 2015 (UTC)

P.S. Növbəti sualım belə olacaq: Qaydalarda yazılıb: məqalələrin adları etibarlı mənbələrə əsaslanmalıdır. Etibarlı mənbə deyəndə, burada, mütəxəssis(lər) tərəfindən yazılmış azərbaycan dilində mənbələr nəzərdə tutulur. Mən məqalədə" mütəxəssis(lər) tərəfindən yazılmış azərbaycan dilində mənbələr" görmədim.--İrada (müzakirə) 11:55, 9 may 2015 (UTC)

Hər birinizi salamlayıram. Ümidvaram Kənd Meydanında yazdığım son məlumatları oxumusunuz və azvikinin idarəçilərindən biri olan İrada xanımın şəxsi həyatıma kobud müdaxiləsindən xəbərdarsınız. Vago və Ceklinin oxşar vasitələrlə azvikidən tam və ya qismən uzaqlaşdırılmasından sonra növbəti hədəf kimi mən seçilmişəm. Lakin, həmin istifadəçinin məndən sonra növbəti qurbanının kim olacağı məlum deyil. Uzun illik idarəçilik fəaliyyəti ərzində bir dənə də olsun nümunəvi məqalə yaratmayan həmin istifadəçi daha çox yaratdığı qalmaqallar, mübahisələr və hay-küylə yadda qalıb. Saxta vətənpərvərlik maskası altında mütəmmadi olaraq yaratdığı mübahisələr xeyli sayda istifadəçinin azvikini tərk etməsi ilə nəticələnib. Dövlət orqanları vasitəsiylə onlardan bəzilərinin şəxsi həyatlarına kobud müdaxiləyə nail olunub (konkret faktlar sadalaya bilərəm). Özünü hər yerdə vikitexnologiyalar üzrə mütəxəssis kimi təqdim edən bu istifadəçinin fəaliyyət tarixçəsinə baxdıqda əslində vikipediyanın inkişafında bir çox adi istifadçilərdən belə daha az payı olduğunu görmək olar. Buna baxmayaraq hər yerdə özünü vikipediyanın nümayəndəsi kimi təqdim edən bu xanım məni kimi onlarla seçilmiş məqalə müəllifi, Azərbaycan tarixi və mədəniyyəti ilə bağlı yüzlərlə məqalə yazmış bir istifadəçini sifarişlə məqalə yazmaqda günahlandırır. Halbuki özü illərdir ki, vikipediyanı qazanc mənbəyinə çevirib, işlədiyi idarənin işçiləri adından saxta hesablar yaradaraq istədiyi vaxt keçirilən səsvermələrə təsir edir, azviki ilə istədiyi kimi manipulyasiya edir. Bütün yuxarıda sadaladıqlarımı nəzərə alaraq istifadəçi İradadan idarəçi bayrağının alınması üçün səsvermənin keçirilməsini təklif edirəm. Onsuz da onun gördüyü fəaliyyəti (əsasən informasiya texnologiyaları haqqında mənbəsiz və istinadsız 5-6 cümləlik məqalələr yaradılması) yerinə yetirmək üçün idarəçi statusuna ehtiyac yoxdu. Lakin, bu istifadəçinin imkanlarının bir qədər məhdudlaşdırılması azvikinin gələcək inkişafı yolunda yeni üfüqlərin açılmasına səbəb olacaq. Hörmətlə --sefer azeri 07:48, 10 may 2015 (UTC)

Hörmətli idarəçilər. Mən fikirləşirdim ki, Wertuose artıq təcrübəli və qaydaları yaxşı bilən bir istifadəçi kimi ədalətli qərar verəcək. Amma onun qaydalarla belə manipulyasiya etməsinə söz tapa bilmirəm:

• Wertuose məqaləni oxumadan qərarlar verir. Belə biabırçı hadisə yalnız az-vikidə ola bilər...
• Wertuose mənim Səfər Azərini təqib etdiyimi deyirsə demək Səfərin yüklədiyi şəkillərdəki mesajları da heç oxumayıb. Amma mən yuxarıda dedim ki, mən Səfərlə yox başqa adamla yazışırdım və Səfər qeyri-etik şəkildə müzakirəyə daxil olaraq təhqirə keçdi. Mən Səfərin səhifəsinə daxil olmamışam və ona hç bir zaman FB-da müraciət etməmişəm. Wertuose, zəhmət çəkin şəkillərdəki mesajları diqqətlə oxuyun.
• Wertuose, siz yazırsınız ki, "Yuxarıda istinad edilən mənimlə istifadəçi e-citizen arasındakı 100 il əvvəlki hadisədə mənim ad və soyadım açıqlanmışdı" ona görə onu blokladız. Mənim də soyadım açıqlandı və siz onu şəxsi məlumat hesab etmirsiz. Tərəfli olmanızı belə açıq şəkildə heç olmasa göstərməyin. Bloklanmaya əsas görmürsüzsə bu o demək deyildir ki, hamı qaydalara tüpürə bilər. Sizin də tərəfli idarəçi kimi etimad səsvermənizin keçirilməsini tələb edirəm. Bu məsələnin həllində isə ümidim digər idarəçilərə və META-yadır. Metaya xəbərdarlığımı etdikdən sonra Səfəri özüm bloklayacam. Səfər elə bilməsin ki, hamıya qarşı etdiyi özbaşınalıqları mənə də edə bilər. --İrada (müzakirə) 15:52, 11 may 2015 (UTC)

Mənim, Səfər Azərinin və Vikipediya qaydaları ilə manipulyasiya etdiyinə görə Wertuose-un etmad səsverməsinin keçirilməsini tələb edirəm. --İrada (müzakirə) 15:52, 11 may 2015 (UTC)

3 etimad səsverməsinə ehtiyac yoxdur. Əsas narazılıqlar Səfərin fəaliyyətindəndir. Onun üçün etimad səsverməsi keçirilə bilər. Yoxsa "paçka-paçka" etimad səsvermələri keçirilsə azvikidə yenidən qruplaşmalar yaranacaq - idarəçilər bir-birini "vurmağa" başlayacaqlar. Hansı idarəçinin də hansı ilə münasibətlərinin gərgin olduğu hamıya bəllidir. Bundan sonra azvikinin bütün iş sistemi pozulacaq, dərəbəylik yaranacaq. --Sortilegus (müzakirə) 21:27, 11 may 2015 (UTC)

Məndə elə düşünürəm. Burada aktiv fəaliyyət göstərən idarəçilərin demək olar ki, hər birindən kimsə narazıdır. Sadəcə biz total narazılığa səbəb olan şəxs barədə etimad səsverməsi təşkil etməliyik. Düşünürəm ki, həmin yoldaşın kimliyidə hamı üçün bəllidir. Təxmini hesablamalarıma əsasən Səfərdən narazı olan 10-15 nəfər aralığında adam var. Bu rəqəm Azviki kollektivinin 60% dan bir qədər çoxdur. Sözü geden səsverməni ən qısa zamanda təşkil edilməsini idarəçimiz Sortilegusdan rica edirəm. Hörmətlə:--Baskervill ^müzakirə 07:47, 12 may 2015 (UTC)

Mən də Baskervillin fikirləri ilə razıyam. Bir etimad səsverməsi keçirilsin və inanın ki, bu söz-söhbətlər demək olar ki yığışdırılacaq. --Araz Yaquboglu (müzakirə) 08:36, 12 may 2015 (UTC)

Düşünürəm ki, etimad səsverməsindən çəkinmək lazım deyil. Əgər kimsə mənim barəmdə belə bir səsvermənin keçirilməsini arzu edirsə bunu etməsinə özüm iki əlli razılıq veririrəm. Əgər bir idarəçi belə bir səsvermənin keçirlməsinə israrla qarşıdırsa deməli özü də gözəl bilir ki, II dəfə seçilməyəcək. Səfər yaxşı yazardır və inanıram ki, nəticənin necə olmasından aslı olmayaraq biz hər zaman onun timaslında maraqlı məqalələr görəcəyik. --Baskervill ^müzakirə 08:40, 12 may 2015 (UTC)

sefer azeri-nin etimad səsverməsinin keçirilməsinə etiraz edən idarəçilərin fikirlərini də bilmək yaxşı olardı. Müzakirələrdən artıq 7 gün keçməsinə baxmayaraq etiraz edənlər olmadı. Mən də daxil olmaqla 4 nəfər idarəçi sefer azeri-nin etimad səsverməsinin keçirilməsinə razıdır. Bu barədə artıq Meta-ya xəbər verildiyini nəzərə alaraq [[2]] etimad səsverməsinin keçirilməsinin vaxtı çatdığını hesab edirəm. Belə fikirləşirəm ki, bu səsverməni Baskervill təşkil etsə yaxşı olar. Əks halda səsverməni mən özüm də keçirə bilərəm. --İrada (müzakirə) 16:00, 19 may 2015 (UTC)

İrada xanım, düşünürəm ki, gərək insan nə qədər öz hərəkətlərindən utanmaya ki, etdiklərinə görə başqalarının cəzalandırılmasını tələb edə. Çox maraqlıdır, siz mənim işlədiyim şirkətin direktoru ilə əlaqə saxlayıb onun vasitəsiylə mənə təsir etməyə çalışır, fəaliyyətimi məhdudlaşdırmağa cəhd edirsiz, əks cavab aldıqda isə məni, işlədiyim şirkəti və müdirimi şantaj etməkdən belə çəkinmirsiz. Amma əvəzində gəlib burda mənim cəzalandırılmalı olduğumu bildirirsiz. Həqiqətən də çox maraqlıdır, Sortilegus, Baskervill və Araz müəllim, siz həqiqətənmi İrada xanımın bu hərəkətinin doğru olduğunu fikirləşirsiz? Yəni sabah işlədiyiniz və ya təhsil aldığınız universitetin rəhbərliyinə sizin fəaliyyətiniz haqqında şikayətlər edilməyə başlansa, və ya çalışdığınız obyektə hansısa dövlət orqanlarının işçiləri gəlib məhz vikipediyadakı könüllü fəaliyyətinizə görə işinizdə problem yaratsalar o zaman da mı, indiki kimi İrada xanımı müdafiə edəcəksiz? Mən çox radikal fəaliyyət göstərdiyimi, buna görə də bir çox istifadçilərin məndən narazı olduğunu bilirəm, lakin, bu o demək deyil ki, İrada xanımın etdiklərinə göz yummaq lazımdı. Niyə haqqı olduğu kimi demirsiz? --sefer azeri 05:54, 20 may 2015 (UTC)

sefer azeri, terbiyesizlik etməyin, evinizdə deyilsiniz. Mənim bütün hərəkətlərim Vikipediya qaydaları çərçivəsindədir. Facebook-da Vikipediyadakı məqalə müzakirə oluna bilər. Siz də mən işlədiyim təşkilatın rəhbəri ilə FB-da məqalə müzakirə edə bilərsiniz, hətta mənim viki-dəki fəaliyyətim haqqında ona məlumat verə bilərsiniz. Əgər düzgün məlumat versəniz bəlkə də rəhbərim mənə bir "çox sağ ol!" deyər. Vikipediyada fəaliyyətiniz hansı sa bir təşkilatı və ya orqanı narahat edirsə, demək fəaliyyətinizi bir də nəzərdən keçirməlisiniz. Yalnız cinayət edənlər öz aqibətlərindən narah olurlar.

Etmad səsverməsinə gəldikdə isə bu yalnız mənim fikrim deyil. Vikipediyada bir çox fəal istifadəçilər sizin saymazyana və özbaşına fəaliyyətinizdən narazıdırlar. İdarəçilərin də bir hissəsi yuxarıdakı müzakirələrində səsvermənin keçirilməsinə razı olduqlarını bildirdilər. Hətta bu təklifi ilk dəfə elə Bürokrat özü verdi: "Mən artıq neçə müddətdir deyirəm ki, Səfər üçün etimad səsverməsi keçirilməlidir. Çünki onun fəaliyyətindən narazı olanların sayı 1 deyil, 5 deyil. Amma bunun üçün qanuna görə idarəçilərin ümumi qərarı olmalıdır. Bürokrat statusu haqq vermir ki, təkbaşına belə qərar qəbul edim."[3]. Odur ki, hər şey Vikipediya qaydaları çərçivəsindədir.--İrada (müzakirə) 06:56, 20 may 2015 (UTC)

İrada xanım məncə siz artıq düzgün etmirsiniz. Burada 1-2 idarəçi kiminsə idarəçi olmasını arzu etmirsə bu etimad səsverməsi keçirməyə əsas vermir. Fakt odur ki, sefer azerinin qalmasını arzu edən idarəçi və istifadəçilərdə var, ancaq sizi həmin şəxslərin fikirləri maraqlandırmır. Bəli məndə istərdim ki, sefer azeri ona deyilən tənqidlərdən nəticə çıxarsın və gələcək fəaliyyətində bütün baş vermiş neqativ hadisələri nəzərə alsın. Mənə təklif edirsiniz ki, etimad səsverməsini başladım. Vallahi özümü lap kukla kimi hiss etdim. Həm axı siz istifadəçi səhifənizi silməklə Azvikidə olan fəaliyyətinizi dayandırmışdınız. Əgər yenidən fəaliyyət göstərmək niyyətiniz varsa zəhmət olmasa üslubunuzu dəyişin. sefer azeri vikidən kənarlaşdırılandan sonra onun yaratdığı məqalələri yarada biləcəksiniz ? fərz edək ki, çıxdı getdi və siz qalib gəldiniz, bununla əlinizə nə keçəcək ? Bütün bu söz-söhbətlərdən ən çox Azviki ziyan çəkir. Kənd meydanında istifadəçinin biri fəaliyyətini dolayı yolla bu söhbətlərə görə dayandırdığını elan edir, bir başqasının idarəçi statusunun alınmasından söhbət gedir. Hamını pərən-pərən salandan sonra nə olacaq ? Mən deyim Qoqulu bəy kimi tək qalacağıq burada. Necə ki, 3 idarəçi və 2 istifadəçi artıq gedib. Belə gedişlə məndə getmək istəyirəm. --Baskervill ^müzakirə 12:48, 20 may 2015 (UTC)

Baskervil, siz bir gün bir şey yazırsız, bir-neçə gün keçəndən sonra özünüzün yazdığınızı təkzib edrsiniz. Yuxarıda yazırsınız: Təxmini hesablamalarıma əsasən Səfərdən narazı olan 10-15 nəfər aralığında adam var. Bu rəqəm Azviki kollektivinin 60% dan bir qədər çoxdur. Sözü geden səsverməni ən qısa zamanda təşkil edilməsini idarəçimiz Sortilegusdan rica edirəm. Bu sözləri siz yazmısız. Mən hesab edirəm ki, kişinin sözü bir olar. Sefer azerin qalmasını və indiyə kimi bütün etdiklərinin düzgün olduğunu fikirləşən idarəçilər varsa yazsınlar və fikirlərini əsaslandırsınr. İndiki vəziyyətdə bu istifadəçinin bir idarəçi kimi ziyanı xeyrindən çoxdur. Bu ifadə isə: "gərək insan nə qədər öz hərəkətlərindən utanmaya ki" artıq onun nə qədər sərhədləri aşdığını göstərir. Utanmaz odur və ona bu tərbiyəni verənlər. Belə tərbiyəsiz idarəçi az-vikidə olmamalıdır. Əgər istifdəçilər onu idrəçi kimi görmək istəyirlərsə səsvermədən qorxmamalıdır. Bu da sizin sözlərinizdir. --İrada (müzakirə) 16:28, 20 may 2015 (UTC)

İrada xanım, hər halda kimin hansı tərbiyəyə malik olduğunu siz bir daha öz ifadələriniz və hərəkətlərinizlə sübut etmiş oldunuz. Şəxsən mən kimisə şantaj etməyə utanardım. Həmçinin kiminsə valideynlərinə söyməyə də. Ümidvaram idarəçi yoldaşlarımız heç olmasa yuxarıdakı sözlərinizi oxuyub reaksiya verəcəklər (təbii əgər burda bir-birimizin əsil nəcabətinin söyülməsini normal hesab etmirlərsə). Hörmətlə --sefer azeri 16:56, 20 may 2015 (UTC)

"Tərbiyənizə" söz ola bilməz. "Maşallah olsun" sizin kimi gənclərə! Qisasçılıq fəaliyyəniniz isə [4] sizin nə qədər kinli olmanızı sübut etdi. Mən də fəaliyyətimi tam bərpa edib sizin bütün məqalələrinizə əl gəzdirə və hətta silə də bilərəm. --İrada (müzakirə) 17:00, 20 may 2015 (UTC)

Hər kəsin tərbiyəsi ortadadı sözsüz ki.)) Mən heç kimdən qisas almıram. Problemi məqalələri redaktə edib düzəltmək bizim işimizdi. Özüm məqalə yaratdıqda isə, mümkün qədər yaxşı keyfiyyətli məqalə yaratmağa çalışıram ki, sonra problem olmasın. Həmçinin digər istifadəçilərin mənim tərəfimdən yaradılmış məqalələri redaktə edib zənginləşdirmələri də mənə xoşdu. Yaratdığım məqalələrin sonrakı taleyi isə məni ümumiyyətlə maraqlandırmır. Çünki, sizdən fərqli olaraq mənim heç bir şəxsi marağım yoxdur. Buyurub istədiyiniz məqaləni redaktə edə və ya silə bilərsiz. İstənilən mənfi hərəkətinizi mənə qarşı yox, vikipediyaya qarşı etmiş olacaqsınız. Çünki, sizdən fərqli olaraq, neçə illərdi mənim bütün fəaliyyətim azvikinin inkişafına hədəflənib. O ki, qaldı "fəaliyyətimi bərpa edim" məsələsinə)) yuxarıda Baskervillin də qeyd etdiyi kimi, məncə də, siz fəaliyyətinizi heç dayandırmamısınız, adətən etdiyiniz kimi, mütəmmadi olaraq problemlər yaratmağa və qalmaqalları qızışdırmağa davam edirsiz. Hörmətlə --sefer azeri 18:11, 20 may 2015 (UTC)

Bəli həmin sözləri mən yazmışam. sefer azeridən narazı olan kifayət qədər şəxs var. Həmin şəxslərin kimliyi hər birimizə aşağı-yuxarı məlumdur. İdarəçilərimiz arasında Səfərdən də narazı olan şəxslər var. Reallıq isə budur ki, bəzi idarəçilər Səfər barədə neqativ düşünmür. Konkret olaraq Acategory, Babək Akifoğlu, Eminn, Wertuose, Sultan11 və Cekli829-un adlarını çəkmək olar. Bu yoldaşlar etimad səsverməsi barədə bir söz demədiyi halda siz onların adından danışmağa və məsələni tez-tələsik həll etməyə çalışırsınız. Əgər bu şəxslərdə HƏ desə atasına ləhnət etiraz edənin. Mənə deyirsiniz ki, kişinin sözü bir olar. Mən sözümün üstündən dönməmişəm və sizi də ağzınızdan çıxan sözlərə fikir verməyə dəvət edirəm. Yalandan istifadəçi səhifəsi zad silməklə deyil ki.--Baskervill ^müzakirə 18:17, 20 may 2015 (UTC)

Birdə yuxarıda qeyd edirsiniz ki, Mən də fəaliyyətimi tam bərpa edib sizin bütün məqalələrinizə əl gəzdirə və hətta silə də bilərəm. Ümumiyyətlə, siz fəaliyyətinizi nə zaman dayandırmısınız ? Vallahi əvvəllər indikidən daha passiv idiniz. Birdə ki, siz deyəsən bizimdə idarəçi olduğumuzu unutmusunuz. Əgər tərəfinizdən dolğun, mənbəli və üzərində zəhmət olan məqalələrin silinməsi halı müşahidə edilsə bilin ki, hər biri geri qaytarılacaq. Nəsə. --Baskervill ^müzakirə 18:41, 20 may 2015 (UTC)

Xahiş edirəm etika çərçivəsində müzakirələrimizi davam etdirək. Hər halda idarəçi öz fəaliyyəti ilə digər istifadəçilərə nümunə olmağa çalışmalıdır. --Sortilegus (müzakirə) 22:03, 20 may 2015 (UTC)

İdarçilər! Vikipediyada minlərlə redaktəyə ehtiyacı olan, qaralama şablonu qoyulan məqalələr var. Onları redaktə etmək üçün idarəçi olmaq vacib deyil. Odur ki, idarəçilərə bir daha müraciət edirəm: mənim şəxsi məlumatlarımı Vikipediyaya gətirdiyini və müxtəlif istifadəçilərin müraciətlərini, həmçinin, yuxarıdakı müzakirələri nəzərə alaraq səfər azərinin etimad səsverməsinin keçirilməsini vacib hesab edirəm.

Hesab edirəm ki, idarəçilər mənə hörmət etmirlərsə, heç olmasa bu müraciətlərə reaksiya göstərməlidirlər:

• • ”Sefer azerinin idarəçiliyi: Bütün azviki idarəçilərindən xahiş edirəm ki, Sefer azerinin idarəçilikdən kənarlaşdırılması … “ [5]
  • Sefer azerini dayandırın.” [6]
  • ”Qisasçiliq zəminində ilin əvvəlindən etibarən 3-cü bloklanmağım “ [7]
  • ”İdarəçi Sefer azerinin bloklanması və idarəçilik statusundan məhrum edilməsi ilə bağlı vəsatət “ [8] və s.

Bu müraciətlər yalnız bir səhifədəndir, bütün müraciətləri toplayıb vaxtınızı almaq istəmirəm. Hesab edirəm ki, vəziyyəti siz məndən də yaxşı anlayırsınız.--İrada (müzakirə) 18:38, 20 may 2015 (UTC)

Yuxarıda da qeyd etdiyim kimi, Səfərdən razı və narazı olan şəxslər var. Sizin təkidlə tələb etdiyiniz idarəçilikdən kənarlaşdırılmaq məsəsləsi təəssüf ki, baş tutmayacaq. Çünki Səfərin qalmasını istəyən yoldaşlar var və həmin insanlarda bizlər kimi idarəçi, istifadəçilərdir. Siz özünüz barədə etimad səsverməsinin keçirilməsinə razısınızmı ? Məncə yox. Səfər sosial şəbəkələrdə olan yazışmaların yayımlanmasına görə özü tərəfindən 3 günlük bloklanıb. Bəlkə də 3 gün kifayət edəcək bir müddət deyil, ancaq bunun cəzası əsla idarəçilikdən kənarlaşdırılmaq olmamalıdır. Ən azından yayımlanan yazışmalar hər bir kəsi üçün public yəni ümumi olan səhifələrdə görülən yazılardır. Səfər arxivdən nəsə məxvi bir şey çıxarmıyıb ki? Vallahi niyyətim Səfəri dəstəkləmək deyil. Düzü özü ilə də heç aram yoxdur. Sevmirəm bu adamı :) Ancaq bu o demək deyil ki, siz burada belə bir formada istədiyinizi edə bilərsiniz. --Baskervill ^müzakirə 18:45, 20 may 2015 (UTC)

Baskervil, məndən olsa bütün idarəçilərin birlikdə etimad səsverməsinin keçirilməsini arzulayıram. Öz-özünü bloklamaq hələ günahkar olmasını boynuna almaq demək deyildir. Özünü nə üçün blokladı - siz məndən də yaxşı bilirsiz. Əgər siz mənə hörmət etmirsinizsə, bu sizin şəxsi işinizdir. Amma Vikipediya qaydalarına əsasən yuxarıda şikayət edən hər bir istifadəçinin fikirlərinə hörmət etmək idarəçilərin borcudur. Hər zaman Vikipediya qaydalarını mən yada salıram, mən də pis adam oluram. Bəlkə elə bir çox idarəçilər kimi kənardan müşahidəçi olmaq, "mən qarışmıram" siyasəti ilə hərəkət etmək, "Vikipediyada nə baş verir-versin, mənə nə" demək və hamının gözündə "yaxşı" olmaq lazımdır. Amma heyif ki, mən idarəçiliyi bir qədər başqa cür təsəvvür edirəm. Bir daha təkrar edirəm. Mənə hörmət etmirsinizsə öz işinizdir, amma Vikipedya qaydalarına uyğun olaraq şikayətlər nəzərə alınmalıdır. --İrada (müzakirə) 18:59, 20 may 2015 (UTC)

Mənim Azvikidə fəaliyyət göstərən bütün istifadəçi və idarəçilərə o cümlədən sizə böyük hörmətim var İrada xanım. Sizinlə bir necə dəfə görüşmək imkanımız olub və düşünürəm ki, siz mənim necə biri olduğumun şahidi olmusunuz. Mən sizi başa düşürəm ki, sizin sefer azeridən şikayətiniz var və onun idarəçilik statusunun əlindən alınmasını tələb edirsiniz. Ancaq siz nəzərə almırsınız ki, belə ciddi bir məsələdə digər idarəçilərindən fikirləri mühümdür. --Baskervill ^müzakirə 19:13, 20 may 2015 (UTC)

Salam, hörmətli həmkarlar. Bildiyiniz kimi, az-viki artıq neçə ildir ki, bu istifadəçinin hədsiz sayda müzakirə səhifələrindəki destruktiv fəaliyyəti ilə mübarizə aparır. Bir neçə dəfə müddətsiz bloklansa da, müxtəlif IP-lərdən daxil olaraq öz mənasız və mövzudan kənar müzakirələri ilə istifadəçiləri və idarəçiləri boğaza yığır. Vikipediyadan kənarda istifadəçiləri təhdid və təhqir edir, Vikipediyada təmənnaslz olaraq öz vaxtını və əməyini sərf edən şəxslərə qara yaxır, onları pulla işləməkdə ittiham edir və sair ürəkbulandırıcı və çox səviyyəsiz söhbətləri ilə Vikipediyanın fəaliyyətini və vikipediyaçıların əhval-ruhiyyəsini korlayır. Təklif edirəm ki, stüardlara müraciət edərək onun qlobal bloklanmasını xahiş edək. Qlobal blok qoyulduğu halda onun IP-lərdən daxil olmasına da avtomatik nəzarət ediləcək. Həmçinin, təklif edirəm ki, müzakirə səhifələrində hər hansı şərhin Aydın Məmmədova aid olduğuna dair şübhə olduqda, həmin IP və ya istifadəçi dərhal müddətsiz bloklansın, onun yazdığı bütün şərhlər və onunla aparılan bütün müzakirələr isə izi qalmadan silinsin. Hesab edirəm ki, yalnız bu cür tədbirlərdən sonra onun fəaliyyətinə son qoya bilərik. Əks təqdirdə, onun kimi pulu hər şeydən üstün görən, pul almadan məqalə yaratdığmıza, Azərbaycan dilində geniş məlumat bazasının yaranması ideyasına inandığımıza, Cənubi Azərbaycanlılar üçün öz dillərində Vikipediya, yəni son nəticədə bir təhsil layihəsi yaratmaq istəyimizə inanmayan, bunu qəbul edə bilməyən zehnə malik birinin Vikipediyada at oynatmasına daha bir neçə il dözməli olacağıq. Xahiş edirəm münasibət bildirin və bu məsələni artıq kökündən həll edək.--Wertuose (müzakirə) 07:59, 20 avqust 2015 (UTC)

Salam, yuxarıda qeyd etdiyiniz fikirlərlə tamamilə razıyam, təkliflərinizi birmənalı olaraq dəstəkləyirəm. Hörmətlə --sefer azeri 05:07, 26 avqust 2015 (UTC)

Məncə də bu problemi artıq birdəfəlik həll etməyin vaxtı gəlib.--Sortilegus (müzakirə) 13:04, 26 avqust 2015 (UTC)

Qeyd edilən təklifləri mən də dəstəkləyirəm. Tədbir görməyin vaxtıdır.--Emin • ismarış 20:38, 29 avqust 2015 (UTC)

Wertuosenin fikirləri ilə razıyam. --Araz Yaquboglu (müzakirə) 04:53, 30 avqust 2015 (UTC)

Hər hansı əlavə təklif varmı, başqa hansı tədbirlər görülə bilər? Mənim ağlıma gələnlər yuxarıda yazdıqlarımdı. Əgər yoxdursa, onda stüardlara müraciəti yerləşdirəcəm yaxın 1-2 gündə.--Wertuose (müzakirə) 04:20, 4 sentyabr 2015 (UTC)

Stüardlar bu məsələdə bizə kömək edə bilməyəcəklər. Belə ki, istifadəçinin digər vikilərdə də aktivliyini sübut etmək lazımdır. Əgər təkcə az-vikidə fəaliyyət göstərirsə, o halda biz məsələni daxildə həll etməliyik. Odur ki, yuxarıda qeyd etdiyim dərhal bloklama və yazılanların tarixçədə iz qoymadan silinməsini həyata keçirək.--Wertuose (müzakirə) 09:48, 8 sentyabr 2015 (UTC)