Vikipediya Inzibatci Muzakiresi Arxiv 2024 - Wikipedia - Ureyim.az

Hər kəsə salam. Düşünürəm ki, "Turalhemidli" adlı istifadəçinin blokunu açmaq olar. İstifadəçi realda özü tarixlə bağlı çoxlu yazılara müəlliflik edib və onun işlərinə bir çox məqalələrdə istinad edilib. Düşünürəm ki, keçmişdə baş vermiş anlaşılmazlıqlar və xoş olmayan hadisələr yenidən təkrarlanmayacaq. İstifadəçinin Azərbaycanca Vikipediyaya güclü töhfə verə bilmək qabiliyyətində olduğunu düşünürəm və belə bir şəxsin müddətsiz blokda olması produktiv deyil. Blokun üzərindən üç il keçib. Nə düşünürsünüz? --► Hörmətlə: SolaVirum 13:41, 23 yanvar 2024 (UTC)

Son müzakirəsində vikipediyaçılara "Nə halınız varsa görün" deyən, inzibatçıları "uşaq-muşaq" adlandıran istifadəçidən bir daha normal fəaliyyət gözləmirəm. Özü vəd etsə ki, müzakirələrdə normal iştirak edəcək, təklifi qəbul etmək olar. Özü burada nəsə yazmasa mən haradan bilim ki, istifadəçi "islah" olub? Şiroi Akuma 21:12, 26 yanvar 2024 (UTC)

Solavirum, Səlcuq Universiteti məndən sorulur :) Araşdırmağa çalışaçağam — Sortilegus (müzakirə) 21:36, 26 yanvar 2024 (UTC)

Solavirum, heç redaktor kimi fəaliyyətini incələmədən deyə bilərəm ki, şəxs kimi bu adam qeyri-ensiklopedik şəxsdir. Bizim vikipediyadan tarix sahəsi və ya digər sahələr üzrə cild-cild əsərləri olan o qədər dəyərli alimin, dosentin, professorun məqalələrini silib və ya sildiriblər ki, bəzi istifadəçilər. Bu şəxs isə Səlcuq Universitetinin magistraturasını bitirib, kitabları-filan haqqında heç bir məlumat yoxdur, amma azvikidə haqqında məqalə yaratmısınız.— Sortilegus (müzakirə) 14:30, 27 yanvar 2024 (UTC)

Qeyri-ensiklopedik şəxs olması ilə razıyam. Məqaləsinin yaradılıdığına indi fikir verdim. Tarix araşdırması etmək, hansısa saytlarda məqalə çap etdirmək şəxsi ensiklopedik etmir. Şiroi Akuma 14:35, 27 yanvar 2024 (UTC)

Müzakirə üslubunu dəyişibsə ("Vikipediya siz millətçilərin dədəsinin malı deyil") açmağı düşünmək olar. Nemoralis (müzakirə) 16:40, 27 yanvar 2024 (UTC)

White Demon, Sortilegus, mövzunun özünün ensiklopedik olduğu qənaətindəyəm, çünki Vikipediyanın özündə onun yazılarına nə qədər istinad edilib. Birinci Qarabağ müharibəsi və İkinci Qarabağ müharibəsi mövzularında etibarlı məqalələrin müəllifidir, onlar əsasında məqalələr yazılıb azvikidə, hansı ki, hansısa AMEA professorundan dəfələrlə daha əhəmiyyətlidir. "kitabları-filan haqqında heç bir məlumat yoxdur" deyəndə ki, tarixçi olmaq üçün təkcə kitab yazmaq zərurət deyil. Elədirsə, Qərb akademiyasında tarixçi qalmır. Jurnallar, elmi veb-saytlar nəyə görə var?

Qalanda ki, davranışa. Özü ilə danışmışam və qəbul etmişdi bunu, lakin heç öz müzakirə səhifəsində yaza bilmədiyini demişdi mənə. --► Hörmətlə: SolaVirum 11:26, 29 yanvar 2024 (UTC)

nəyə görə bloklanıb söhbətlərinə nəzər yetirmək üçün linklər təqdim edə bilərsiniz lütfən? Atakhanli (müzakirə) 12:47, 29 yanvar 2024 (UTC)

Qeyd olunan fikirlərlə razıyam. Fikrimcə blok haqlıdır, açılmamalıdır və şəxs də qeyri-ensiklopedik şəxsdir. Hörmətlə — eldarado(müzakirə | fəaliyyət | meta səhifəsi) 17:28, 31 yanvar 2024 (UTC)

@Atakhanli, istifadəçinin müzakirə səhifəsini oxuyun. Nemoralis (müzakirə) 19:45, 12 fevral 2024 (UTC)

Savadı və elminə söz ola bilməz. Bu formada olan danışıqları yenidən təkrar olunmasa bloku açıla bilər. Xatırladığım qədəri ilə ağır təhqirləri istifadə etməkdən heç vaxt çəkinməyib. — Baskervill ☼ - De Gəlsin ! 05:07, 17 fevral 2024 (UTC)

Burada baş tutan müzakirələr əsasında "Baskervill" adlı istifadəçinin müddətsiz bloklanmağını təklif edirəm. İstifadəçinin nəzakətsizlik halları müddətli blok səbəbi olsa da, onun səs ovu ilə əlaqədar məsələləri müddətsiz bloka səbəb olmalıdır. Səs ovu halını "Zohrab javad" adlı istifadəçi qeyd edib. Fikirlərinizi gözləyirəm. --► Hörmətlə: SolaVirum 11:31, 1 mart 2024 (UTC)

Təkcə səs ovuna görə yox, indiyə qədər etdiyi bütün hərəkətlərinə görə müddətsiz bloklanmalıdır. İnzibatçı olmayan istifadəçi olsaydı çoxdan bloklanmışdı. Başqa vaxt uzun-uzun danışanların səsi çıxmır indi. Nemoralis (müzakirə) 07:02, 4 mart 2024 (UTC)

İstifadəçinin bloklanmasının burada müzakirəsi gedir, müzakirə tamamlanmamış ona blok tətbiq etmək düzgün deyil. Ümumiyyətlə, bloklanma qərarı olacaqsa o qərarda inzibatçılardan Solavirum və Nemoralis-in dəyərləndirmələri əsas alınmamalıdır. Çünki bəllidir ki, istifadəçi Samral ilə birlikdə bu 2 inzibatçının da Baskervill ilə münasibətləri gərgindir və artıq şəxsi savaş müstəvisinə keçib. Səhv etmirəmsə siz hər üçünüz nə vaxtsa bir layihə də icra etmiş, bir otaqda oturmuş və bu səbəbdən İP-ləriniz üst-üstə düşdüyü üçün envikidə hansılarınızsa bloklanmısınız. Ona görə də bir otaqda oturan 3 nəfərin, istifadəçiyə "ingilis bayrağı" təqdim edən birinin və s. bu məsələdə həlledici qərar vermə imkanları məhdudlaşdırılmalıdır. Çünki bu birbaşa şəxsə hücum kimi qiymətləndiriləcəkdir. Nemoralis bir də xahiş edirəm, istifadəçinin blokunu qaldırın və mümkün qədər onunla müzakirədən uzaq durun. Hər halda Samrala olduğu kimi sizə və Solavirum-a da bu istifadəçi ilə bir-birinizi qarşılıqlı "iqnor" qaydası tətbiq etmək daha məntiqli görünür. Digər inzibatçılarla səs ovçuluğu məsələsinin müzakirəsini davam etdirmək olar— Sortilegus (müzakirə) 07:28, 4 mart 2024 (UTC)

Bloku açmayacam. 3 gün əvvəl də xahiş etmişdiniz və bloku açıb davam edəcəyi təqdirdə bərpa edəcəyimi bildirmişdim. Nemoralis (müzakirə) 07:29, 4 mart 2024 (UTC)

İstifadəçinin müzakirə səhifəsində yazırsınız ki, "Bəli sizi təqib etməyə davam edəcəm, çünki qayda pozmağa çox meyllisiniz. İnzibatçı statusunuz olanda asıb-kəsirdiniz, indi isə sizin heç vaxt hörmət etmədiyiniz icma siz barədə öz qərarını (70% lehinə) verib". Bu istifadəçini birbaşa təhdid etməkdir, bir də inzibatçıya yaraşmayan şərhdir. İcma qərar verdi və statusu alındı, indi neynəyək? O vaxt "asıb-kəsdiyinə" görə biz də daş-qalaq eləyək istifadəçini? Blokun qaldırılmasını adətən əvvəlcə ona görə xahiş edirəm ki, blok tətbiq edən inzibatçını məlumatlandırmadan, bloku ləğv etməyi ondan istəmədən bu addımı özümün atmamı doğru hesab etmirəm. Yoxsa ki, bloku özüm də qaldıra bilərəm. İndi siz bloklayacaqsınız və biz blok açacağıq? Sizin və Solavirum-un bu istifadəçi ilə hər hansı bir şəkildə təmasda olmanızı (istər şərhlərdə yazışmanızı, istər ona qarşı hansısa cəza tətbiq etməyinizi) doğru hesab etmirəm.— Sortilegus (müzakirə) 07:42, 4 mart 2024 (UTC)

Milyon dənə qayda pozub icmanın əsəbləriylə oynayan, buna görə fond tərəfindən də xəbərdarlıq alan birini dəstəkləməyin xahiş edirəm. Bloku açmayacam və istifadəçi nəzakətsizlik etməyə davam etsə daha da sərtləşdirəcəm. Nemoralis (müzakirə) 07:47, 4 mart 2024 (UTC)

Nemoralis, bu nə yanaşmadır? "İcmanın əsəbi" nədir? İcma deyəndə siz artıq deyəsən özünüzü, Solavirum-u və Samral-ı nəzərdə tutrsunuz deyəsən? İcma vaxtı ilə 50-60 lehinə səslə bu adamı inzibatçı seçirdi. İndi onda istifadəçi də desin ki, mən "İcmanın ulduzuyam"? Bu yazdıqlarınızdan da görünür ki, sizin istifadəçiyə münasibətiniz artıq şəxsi müstəviyə keçib. — Sortilegus (müzakirə) 08:01, 4 mart 2024 (UTC)

Son səsvermədə lehinə bölməsində yazılan rəylərə baxın, görün təkcə mən, Samral və Solavirumdur, yoxsa başqaları da var? Nemoralis (müzakirə) 08:03, 4 mart 2024 (UTC)

Hamısını oxumuşam. Necə ki, 55 lehinə 1 əleyhinə səs almaqla inzibatçı seçilmək "icmanın ulduzu" olmaq demək deyil, o cür də 19 lehinə 7 əleyhinə inzibatçı statusundan məhrum olunmaq icmanın "əsəbləri ilə oynamaq" anlamına gəlmir. İcmanın münasibəti istifadəçinin o ankı fəaliyyətinə bağlı olur. Ona görə məncə siz bloku açıb bir müddət istifadəçi ilə təmasda olmasanız yaxşı olar. Burada yaxşı olar ki, bundan sonra səs ovçuluğu məsələsini müzakirə edək.— Sortilegus (müzakirə) 08:13, 4 mart 2024 (UTC)

@Nemoralis məncə aranı sakitləşdirmək daha doğru olar. Siz isə əksinə VP:MSR hüququnu da alırsız. Yenə də deyirəm gəlin məsələləri bir az daha sakit şəkildə həll etməyə çalışaq. Şəxsi münasibətləri Vikipediyaya çəkməyin həmişə əleyhinə olmuşam. Patriot (müzakirə) 08:45, 4 mart 2024 (UTC)

  Lehinə: əvvəlki kukla hesab məsələsi və istifadəçilərin şəxsi məlumatlarının ötürülməsi məsələsini nəzərə alsaq və istifadəçinin də özünün "səs ovu/saxtakarlıq" ilə məşğul olduğunu qəbul etməsi kifayət edir ki, fəaliyyəti qeyr-müəyyən müddətə məhdudlaşdırılsın. Turkmen ^müzakirə 09:00, 4 mart 2024 (UTC)

@Patriot Kor, mənim Baskervillə heç bir şəxsi problemim yoxdur. Real həyatda heç vaxt görüşməmişik, sosial şəbəkədə də axırıncı dəfə 2021-də yazışmışıq. Nemoralis (müzakirə) 09:21, 4 mart 2024 (UTC)

Turkmen, istifadəçinin inzibatçı olduğu vaxt kukla hesabı işlətməsi müzakirə olunub, bununla bağlı o vaxt etimad səsverməsi keçirilib və vikiicma çox təəssüf ki, o vaxt ona etimad göstərib. O köhnə məsələnin bu müzakirəyə dəxli yoxdur. Səs ovçuluğu məsələsinə gəlincə - istifadəçi səs ovçuluğu edib və ovladığı səs gəlib burda onun statusunun alınmasına səs verib? Bu nə qədər məntiqlidir? Onda heç yaxşı ovçu deyil Baskervill.— Sortilegus (müzakirə) 10:16, 4 mart 2024 (UTC)

@Sortilegus məsələ icmanın etimad göstərməsi deyil axı. Məsələ istifadəçidir. İcma etimad göstərsə belə, yenə də fəaliyyətini düzəltməyib. İstifadəçiyə təziq edib ki, səsini geri götür. Ümumiyyətlə bir inzibatçının onun əleyhinə olan bir istifadəçini sosial şəbəkədən tapması və ona təziq etməsi, naməlum "planlardan" danışması sizə qəribə gəlmirmi? Siz, ya mən bunu edərikmi? Deməli düzəltmir fəaliyyətini. Turkmen ^müzakirə 10:25, 4 mart 2024 (UTC)

Turkmen məncə, tam tərsinə, son 2 ildəki fəaliyyəti xeyli düzəlib və normal fəaliyyət göstərir. Əvvəlki fəaliyyətinin, xüsusilə də bürokratlıqdan istefa verənə qədər olan fəaliyyətinin elə ən böyük tənqidçisi mən olmuşam azvikidə. Sadəcə hər müzakirədə artıq sonuclanmış məsələləri yenə qaldırmaq doğru deyil. Bu son səs ovçuluğu məsələsində isə məncə Baskervill-i günahlandırmaq doğru deyil. Çünki səs verən istifadəçi özü deyir ki, onu bura başqası dəvət edib. Bir də ki, o səs də Baskervill-in xeyrinə olmayıb. Hansı yollasa təzyiq göstərib səsi öz xeyrinə dəyişdirtsəydi o ayrı məsələ. İndi gerçəkləşməyən bir şeyə görə durub adamı bloklamaq doğru deyil. Bloklanası adam səs verən istifadəçiyə sosial şəbəkədə məlumat verən, onu bura yönləndirən adamdır. Amma onun da adını çətin ki, öyrənə bilək.— Sortilegus (müzakirə) 10:42, 4 mart 2024 (UTC)

@Sortilegus, Baskervillin istifadəçiyə təzyiq edib səsini geri götürtməyə çalışması "gerçəkləşməyib"? Nemoralis (müzakirə) 10:56, 4 mart 2024 (UTC)

@Sortilegus, çox yox bir neçə müddət öncə İM-də Samralın şəxsi məlumatlarını paylaşmışdı (inzibatçı kimi silinmiş revizyona baxmaq hüququnuz var). Özü də çox ciddi məlumatlar idi və hətta icmadan "son şans" da istəmişdi. İndi də bu məsələ. İstifadəçi deyir ki, mən bir nəfərlə səsvermə barədə danışmışam. Amma demir ki, həmin adam ona "lehinə/əleyhinə" səs verməsi üçün müraciət edib. Lakin Baskervill özü qəbul edir ki, istifadəçidən səsini geri götürməsini istəyib. Bu fakt bloklanma üçün kifayətdir. Turkmen ^müzakirə 11:02, 4 mart 2024 (UTC)

Nemoralis, istifadəçi səsini "lehinə"dən "əleyhinə" dəyişməmişdi ki. Deməli, fakt gerçəkləşməyib. Gerçəkləşmədiyi üçün də Baskervill-ə səs ovçuluğuna görə yox, səs ovçuluğuna təşəbbüsə görə nəsə demək olar. Səs ovçusu istifadəçini bu səsverməyə dəvət edən adamdır. Bir də nə səs ovçuluğu eləyib ki, statusunun qalmasına cəmi 7 istifadəçi səs verib.

Turkmen səs ovçuluğu ilə bağlı şəxsi fikrimi yazdım yuxarıda, Samralla Baskervill arasındakı heç bir məsələyə isə mən münasibət bildirməməyə çalışıram. Çünki tam şəxsi konfliktlər üzərində qurulan münasibətdir onlarınki. Düşünürdüm ki, Baskervill-in inzibatçılığı alınandan sonra bir az səngiyəcək o konfliktlər. Sizinlə də Baskervill arasındakı münasibətlərdə şəxsi nifaq müşahidə edirəm. O yazır azvikidən kənar bir səsvermədə nə bilim belə az səs topladın, siz yəqin ki, o səsvermədəki onun mövqeyini nəzərə alırsınız. Yəni məncə bütün bunları kənara qoyub birgə azvikinin zənginləşməyi üçün çalışmalıyıq. — Sortilegus (müzakirə) 11:20, 4 mart 2024 (UTC)

Cavadxan, Shafa Movsumov kimi istifadəçilər həmişə kimsə dəvət edəndə səsvermədə iştirak edirlər. Mən dəvət etməmişəm hər halda onları :) Nemoralis (müzakirə) 11:21, 4 mart 2024 (UTC)

Azvikidən kənar səsvermə isə Turkmenin builki stüard seçkisində iştirakıdır. Baskervill həqiqətən düşünür ki Turkmen sırf Baskervill ona orda əleyhinə verib deyə qərəzli davranır. Nemoralis (müzakirə) 11:23, 4 mart 2024 (UTC)

Nemoralis, mən tanımıram adlarını çəkdiyiniz istifadəçiləri, onların dəvət olunduğunu ancaq ehtimal edə bilərik. Fakt olaraq sübuta yetirilən 1 Zohrab javad istifadəçisinin dəvət olunmasıdır ki, özü etiraf edib, o da gəlib Baskervill-in statusunun alınmasına səs verib. Vikipediyadan kənar səsvermə ilə bağlı yazdığınız düzdür, həmin səsverməni nəzərdə tutub yazmışam, amma ona qədər də ikisinin arasında münasibətlərin gərgin olduğunu bilirəm, o səsvermə yaxın zamanların məsələsidir. Sadəcə Baskervill-in blokunu açmaq lazımdır, özü gəlsin ittihamlara cavab versin. Mən onun vəkili-filan deyiləm. Bu məsələlərlə də bağlı yaza biləcəyim fikirlərim bu qədər.— Sortilegus (müzakirə) 11:30, 4 mart 2024 (UTC)

Dəyərli @Sortilegus, istifadəçilərin bir-birini səsverməyə dəvət etməsi, yaxud bu haqda danışmaqları problem deyil. Problem olan istifadəçiyə səsini geri alması üçün təziq edilməsidir. Düşünürəm ki, hər şey aydındır axı. Burada əlavə danışmalıq nə ola bilərki? Dəfələrlə üzr istəməsinə, təhqirlər işlətməsinə, kukla hesab işlətməsinə, istifadəçiləri təhrik etməsinə haqq vermək üçün səbəb ola bilməz. Turkmen ^müzakirə 12:17, 4 mart 2024 (UTC)

Sortilegus, siz özünüz də bloklanmalı idiniz vaxtında, sizin də "Baskervill" ilə şəxsi münasibətləriniz var deyə hər müzakirədə ona tərəf durursunuz. Bu qədər qərəzli bir inzibatçının kimisə tərəfkeşlikdə ittiham etməsi komediyadır. --► Hörmətlə: SolaVirum 12:24, 4 mart 2024 (UTC)

  Lehinə: Turkmen-lə razıyam. Bu qədər çox qayda pozmuş istifadəçi daha da gec və pis olmadan layihəni qorumaq üçün layihədən uzaqlaşdırılmalıdır. Elə bütün bunlar xoş görülə-görülə gəlib bu həddə çatıb. Hörmətlə, Gadir^müzakirə 12:24, 4 mart 2024 (UTC)

Həm də elə danışırsınız ki, bir neçə aylıq layihədə "Samral"ın qara qaşına qara gözünə vurulub "Baskervill"ə qarşı kampaniyaya çıxmışam. "Sortilegus" ilə "Baskervill" arasında, ən azından davranış cəhətdən, bir qram fərq yoxdur. "Baskervill" heç olmazsa, kimisə "Azərbaycan düşməni" elan etmir. "Sura Shukurlu" da düz deyirdi "Sortilegus"un etimad səsverməsində, demək olar heç bir müzakirədə iştirak etmir, amma necəsə sırf özünə sərf edən hallarda baş rola keçir. Vikipediyanın xeyri əvəzinə öz maraqlarına həzz qazandırmaq istəyənlər bu platformada yalnız oxucu olaraq qalmalıdır. Heyf ki, "tanış müəllim" aurası güclüdür. --► Hörmətlə: SolaVirum 12:28, 4 mart 2024 (UTC)

Solavirum yazdığın bu ittihamlara, kobud şərlərinə görə elə bloklanmalı olan sənsən. Çox təəssüf edirəm ki, sənin kimi bir inzibatçı hamının bir-birinə hörmətlə yanaşdığı, şərhlərində etika qaydalarını gözlədiyi azvikidə bütün ab-havanı dəyişdirə bildi. Təbii ki, sənin və səni əsas dəstəkləyən 3-4 nəfərin hesabına. Amma nəzərə al ki, zamanla azvikidə hər şey dəyişir. O kobudluq ki sən edirsən, ondan qat-qat çoxunu sənə qarşı edənlər tapılacaq burada. Sadəcə mən o səviyyədə nə sənə, nə də səni dəstəkləyənlərə cavab verən deyiləm. Mənim heç həyatda danışıq tərzim o cür deyil.— Sortilegus (müzakirə) 12:38, 4 mart 2024 (UTC)

@Sortilegus, həm yazırsız Samralla olan məsələyə münasibət bildirməyəcəm, həm də yazırsız ki, mənim çox gizli, şəxsi məlumatlarımın həmin vaxt inzibatçı olan 10 neçə ilin təcrübəli istifadəçisi tərəfindən açıqlanması şəxsi konfliktdir? Ayıbdır, vallah. Gəlmisiz burda 1 otaq, 1 ip söhbəti edirsiz, öz tərəfkeşliyinizdən danışmırsız. Belə çıxır ki, sabah mən sizin hansısa gizli, məhrəm bir məlumatınızı burada paylaşsam cəzalandırmamalıyam ki, bu hərəkətim şəxsi konfliktdir? Ən azından uzunmüddətli təcrübənizə görə ədalətli olun, Sortilegus. Dünən mənim başıma gəlmiş o hadisə, sabah sizin də başınıza gələ bilər. Və əminəm ki, şəxsi münasibət deyib bu cür pərdələməyəcəksiz. O ki qaldı "səs ovçuluğuna təşəbbüs" deyib başqa bir pərdələməniz. Fakt cəhd edib? Edib. Alınmayıb? Bu artıq başqa mövzudur. Elə bil ki, kimsə sizi öldürmək məqsədilə sizə atəş açır, indi sizin əyninizdə bronjilet olur, ya bu atəş sizi öldürmür, amma ölümcül yaralayır, və ya güllə yan keçir, bu artıq başqa mövzudur. Fakt ortada əməli bir təşəbbüs var da düzdü? Belə bir hadisə olsa həmin şəxs həbs edilmir? Cəzalandırılmır? Deyilir ki, əşi əsas odu vurduğu adam ölməyib ki? Hə? Və ya real həyatda kimsə kiminsə məhrəm bir məlumatını, öz də manipulyativ və yalanla qarışdırlmış bir formada ictimailəşdirsə məhkəmə qərar verir ki, şəxsi konfliktdir, tərəflər bir birinə nə istəsə edə bilər? Sortilegus bu qədər tərəfkeşliyinizin səbəbi nədir? Şəxs inzibatçı olub mənim hüquqlarımı pozanda niyə mənim tərəfimi saxlamırdız? 1 otaq 1 ip deyirsiz, siz özünüzü niyə qruplaşma kimi aparırsız? Noldu burda onun əleyhinə münasibət bildirmiş hər kəs qruplaşmadır? 20 lehinə səs vermiş böyük bir qruplaşma? Bəlkə elə 7 əleyhinə qruplaşmadır? Axı elə bil AzViki kimi balaca bir icmada 7 nəfərlik qruplaşma daha realdır, nəinki 20. samral ^müzakirə 13:26, 4 mart 2024 (UTC)

Samral, həmişə deyir "fikir bildirməyəcəyəm", amma gəlir birinci özü başlayır. Ayıbdır, vallah. Sortilegus, etimad səsverməsində aydın müşahidə olunur ki, 3-4 nəfər deyil. Keçən ay baş tutan müzakirələrdə çox aydın başa düşdük ki, niyəsə heç kəs özündə səhv tapmaq iqtidarında deyil. --► Hörmətlə: SolaVirum 13:54, 4 mart 2024 (UTC)

Samral, Solavirum, Nemoralis siz bu məsələdə tərəfsiniz. Sizin fikirlərinizlə qərar alına bilməz. Hətta sizdən başqa daha 4-5 istifadəçi və inzibatçı var ki, bu məsələdə tərəfdir. Tərəfsiz olan məsələn, Patriot Kor kimi istifadəçilərin fikirləri əsasdır. Tərəfsiz istifadəçilər dinlənilməlidir. 3 nəfərin oturduğu 1 otaq 20 illik azviki ilə istədiyi kimi manipulyasiya edə bilməz. Samral - heç kim heç kimə atəş açıb eləməyib. Yaxşı müqayisələr aparmırsınız. Mən də deyərdim ki, biri deyib ki, "filankəsi gedib döyəcəyəm", amma döyməyib. Ortada fakt yoxdur. İcra olunmayan əmələ görə cəza nəzərdə tutulmur.— Sortilegus (müzakirə) 14:09, 4 mart 2024 (UTC)

Tərəfəmsə olsun, problem deyil, etiraz etmirəm. Amma səs ovçuluğu baş tutmayıb deyə göz yuma bilmərik. Baskervillin hərəkətlərinə çox göz yumulub, buna da elə davrana bilmərik. Nemoralis (müzakirə) 14:16, 4 mart 2024 (UTC)

@Sortilegus, sizin məntiqinizlə siz də tərəfsiniz. O qədər tərəfsiz ki, deyirsiz ki, bu mövzuya ancaq filankəs rəy bildirə bilər, o tərəf deyil. Nə gözəl. Deməli sizin tərəzi kimi bir cihazınız var və çox rahat qərar verə bilirsiniz ki, kim hansı mövzuda tərəfdir, kim deyil. Möhtəşəm. Bir bunu görməmişdik, bunu da gördük. O ki qaldı müqayisəmə sizin kimi ali savadlı pedaqoq biri bəyəm bilmirmi ki, "təşbehdə qüsur olmaz". Bu misaldır. Sözümün canını siz çox gözəl başa düşdüz ki, yəni istər real həyatda, istərsə də vikidə insanlar ancaq baş tutmuş cəhdlərinə görə yox, təşəbbüslərinə görə də cəzalandırırlar. Sizin düşüncənizə görə, sabah Vikidə kimsə kimisə hətta ölümlə təhdid etsə o təhdidi həyata keçənə qədər cəzalandırılmamalıdır hə? Deyərik ki, əşi deyib də, etməyib ki, etsə, baxarıq?))) samral ^müzakirə 14:23, 4 mart 2024 (UTC)

Samral Baskervill-i bu qədər müdafiə edəndən sonra (ki, mən haqsız yerə heç kimi müdafiə etmərəm) tərəf olmaya bilərəm? Əlbəttə ki, tərəfəm. Ona görə neytral istifadəçilərin fikirləri əsas alınmalıdır.— Sortilegus (müzakirə) 14:29, 4 mart 2024 (UTC)

Hər kəsə salam. Dostuma dəstək olmuram neçə vaxtdı, görürəm artıq hərə bir tərəfdən hücuma keçib :) Zarafat bir yana, bu açıq aşkar şəxsə hücumdur. İstifadəçinin hüququ da alındı, heç olmasa rahat buraxın fəaliyyət göstərsin, küsdürməyin. Son iki ayda Nemoralis, Solavirum və Samral Baskervill ilə müzakirələrdə ondan çox qayda pozublar. Ən çox da Nemoralis. Lakin yalnız Baskervill bloklanıb. Bunlar fakt ortadadı və hamı da görür. İnzibatçının Baskervilli bloklaması isə çox anlamsızdır. Müzakirədə olduğu istifadəçini bloklamaq tərəfli davranışdır. Heç ortada səbəb də yoxdur. Bundan əlavə qarşılıqlı əlaqə blokunu hər iki tərəf pozmasına (1, 2) baxmayaraq yalnız bir tərəfin bloklanması da tərəfli addımdır. Bütün bunlardan əlavə inzibatçı Turkmen deyir ki, "Ümumiyyətlə bir inzibatçının onun əleyhinə olan bir istifadəçini sosial şəbəkədən tapması və ona təziq etməsi, naməlum "planlardan" danışması sizə qəribə gəlmirmi? Siz, ya mən bunu edərikmi?" cavab vermək istəyirəm. Sortilegusun edəcəyinə inanmıram lakin siz və sizinlə eyni mövqedə olub Baskervillə hücum edən yoldaşlar haqqında bir neçə nəfər mənə səslərini dəyişmək təklifi etdiyinizi qeyd ediblər. Ama mən bunu hər 3 redaktədən bir yazmadım, hətta demək fikrim belə yox idi, bu müzakirəyə kimi. Çünki həmin istifadəçilər mövqelərini dəyişməyiblər və adlarını qeyd eləməyimi də istəməzlər. Uzun sözün qısası Sortilegusun qeyd etdiyi siyahıya özümü də əlavə edirəm. Bu müzakirədə Nemoralisin, Solavirumun nə də mənim fikrim nəzərə alınmamaldır. Lakin digər inzibatçılar mövzuya münasibət bildirməsələr, özüm müdaxilə edəcəm məsələyə. Hörmətlə — eldarado(müzakirə | fəaliyyət | meta səhifəsi) 14:47, 4 mart 2024 (UTC)

@Eldarado zəhmət olmasa mənim kimə təziq etdiyimi qeyd edin və sübut edin. Əks halda bu böhtandır. Və sizə blok təyin edilməsini zəruri edir. Turkmen ^müzakirə 15:09, 4 mart 2024 (UTC)

Turkmen xeyr, ortada blokluq və böhtanlıq heçnə yoxdur. Özlərindən soruşaram icazə versələr deyə bilərəm. Əks halda şəxsi məlumatların paylaşılması sayılır və bunu edə bilmərəm. Zatən həmin şəxslər səslərini dəyişmədikləri üçün sizin qayda pozmağınız təsdiqlənmir, sadəcə sual verdiniz mən də cavab verdim. — eldarado(müzakirə | fəaliyyət | meta səhifəsi) 15:13, 4 mart 2024 (UTC)

@Eldarado necə ola bilər bu? Mən heç kimə təziq etməmişəm axı. Sırf mənimlə bağlı bir daha sübut təqdim etməyinzi istəyirəm. Əks halda bir daha təkrar edirəm bu böhtandır. Turkmen ^müzakirə 15:16, 4 mart 2024 (UTC)

@Eldarado, konkret bir istifadəçi gəldi açıq-açıq yazdı ki, mənə təzyiq edib ki, səsimi dəyişim. Siz isə gəlmisiz nə danışırsız? Bezmədiz bütün qayda pozuntularına, qanunsuzluqlara baxmayaraq tərəfini saxlamaqdan? Mənim şəxsi məlumatlarımı açıqladı rəy bildirmədiz həmin vaxt. Sonra votsapdan skrinini göndərdim vikidəki həmin qanunsuzluğunun dediniz ki, görməmişəm, fikir verməmişəm. İndi hələ də tərəfini saxlayırsız? samral ^müzakirə 15:14, 4 mart 2024 (UTC)

Samral, harda tərəf tuturam. Yaxşı oxumadınız deyəsən rəyimi. Turkmen burda böhtanlıq nə var? Mən heç təzyiq sözünü belə yazmaməşam, təzyiq hardan çıxdı? Dediyim kimi razılıq versələr gəlib yazarlar və ya deyərəm əks halda qaydalara ziddir. — eldarado(müzakirə | fəaliyyət | meta səhifəsi) 15:24, 4 mart 2024 (UTC)

@Eldarado Təbii ki, böhtandır. İcma qarşısında reputasiyama ziyan vurursunuz və bunu sübut etmirsiniz. Bir inzibatçı və bürokrat kimi belə birşey etmədiyimdən əminəm və sübut etməyinizi tələb edirəm. Turkmen ^müzakirə 15:27, 4 mart 2024 (UTC)

Bunun harası şəxsi məlumatdır? Onda məndə bir şey deyim, sonra deyim ki, yox, şəxsi məlumatdır və paylaşa bilmərəm, amma doğrudur. Nə bilək? Əgər kimsə qeyd etdiyiniz kimi belə bir şey edibsə, bu, qayda pozuntusu sayılır və paylaşmağınızda problem yoxdur. Yox, əgər paylaşmırsınızsa, bu, artıq belə bir halın mövcud olub-olmadığını sual altına qoyur və ondan əlavə belə bir şeyi etdiyini iddia etdiyiniz istifadəçinin imicinə qarşı mənfi baxış formalaşdırmağa çalışırsınız. Həmçinin baş verən gün niyə bu barədə açıqlama yox, indi açıqladığınız da maraqlıdır. Zəhmət olmasa, sübutları açıq şəkildə paylaşın, ona görə qərar verilsin. Hörmətlə, Gadir^müzakirə 15:59, 4 mart 2024 (UTC)

@Eldarado sizdən cavab gözləyirəm. Turkmen ^müzakirə 21:37, 21 mart 2024 (UTC)

Ümumiyyətlə bu müzakirə əlaqəsiz yerlərə gedib çıxır. Baskervill-in bloklanması nə yerdə qaldı? Moses :) 21:49, 21 mart 2024 (UTC)

@Moses mənim bloklanmağımı niyə bu qədər istəyirsiz ? Maraqlı məqalələr üzərində işləyirəm, müzakirələrə qoşulmuram və fəaliyyətimə normal davam edirəm. Baskervill 07:01, 23 mart 2024 (UTC)

Salam Turkmen, nəyin cavabını gözləyirsiniz? İstifadəçi adının çəkilməyini istəmədi. Mənim edəcəyim nəisə yoxdur, icazə versəydi deyərdim. Ümumiyyətlə, məsələni yenidən gündəmə gətirib, mübahisəyə zəmin yaratmaq bir bürokrat statusuna sahib istifadəçiyə yaraşmır. Statuslu istifadəçilər xoş niyyətli və mübahisələrdə həll yolu tapan olmalıdır, mübahisə yaradan deyil. — eldarado(müzakirə | fəaliyyət | meta səhifəsi) 04:12, 22 mart 2024 (UTC)

@Eldarado siz istədiyinizi danışacaqsız və mən də sakitcə dinləyəcəm? Niyə? İstifadəçi yəqinki sizə yanlış məlumat ötürüb. Bu qədər. Zəhmət olmasa xoş niyyətli olun və danışarkən başqalarının icmadakı mövqeyinə ziyan vurduğunuzu və səhv etdiyinizi anlayın. Əgər əlinizdən birşey gəlmirsə, zəhmət olmasa mövcud olmayan "istifadəçidən" və "hücumdan" bəhs etməyin. Turkmen ^müzakirə 05:58, 22 mart 2024 (UTC)

@Eldarado, yaxşıdı da. Sabah mən və ya kimsə də sizin haqqınızda ürəyimiz istəyən formada ağır bir ittiham (oxu: şər, böhtan) səsləndirək. Siz də sübut tələb edəndə icazə vermədilər deyib, söhbəti fırladaq. Əladı hə? samral ^müzakirə 18:33, 22 mart 2024 (UTC)

@Samral, bu, ilk belə hal deyil. Xatırladığım qədəriylə istifadəçi @Xeyala da böhtan atmışdı, sonra əksini sübut edə bilmədi. Bəlkə mən bilmədiyim başqa belə hallar da olub. İndiki halda istifadəçi bu iddasını əsaslandıra bilməzsə, təklif edirəm ki, bu qayda pozuntusuna görə istifadəçi barədə təkrar səsvermə başladılsın. Bloklanması da zəruri olacaq. Çünki bu elə belə bir pozuntu deyil. Hər halda bunu son xəbərdarlıq kimi qəbul edə bilər. Bir də istifadəçilərin üzərinə təzyiq xarakterli şərhlər yazmaqdansa (sən hardan çıxdın, sənlə müzakirə edən yoxdu falan), iddiasını sübut etməsi yaxşı olar. Hər kəs üçün, özü üçün də. Hörmətlə, Gadir^müzakirə 06:56, 23 mart 2024 (UTC)

@Gadir, təkrar səsvermə bir az ağır olar. Bu kənardan bəhanə kimi görünər. Sanki 1 səhv etməsini gözləyirmişik ki təkrar səsverməsini keçirək filan. Zatən qaydalara əsasən ən azı 7 dəstək olmalıdır bunun üçün. Lakin istifadəçi özü cəmi 1 səslə inzibatçı və bürokrat qaldığını unutmayıb, daha məsuliyyətli olmaq əvəzinə daha da aqresivləşib başqalarını sübut edə bilmədiyi ittihamlarla gözdən salmağa cəhd edir ki, bu da sözsüz ki, cəzasız qalmamalıdır. samral ^müzakirə 07:01, 23 mart 2024 (UTC)

@Solavirum, bu müzakirəni siz başlatmışdız deyə adınızı teq edirəm. Xahiş edirəm bu müzakirəni yekunlaşdırmaq yaddan çıxmasın. samral ^müzakirə 09:57, 27 mart 2024 (UTC)

Hər kəsə salam, bu səhifənin mühafizəsi nə üçün qaldırılıb? Hörmətlə — eldarado(müzakirə | fəaliyyət | meta səhifəsi) 04:14, 22 mart 2024 (UTC)

İnzibatçıların müzakirəsi səhifəsinə istifadəçilərin də yaza bilməsinin analoqu inanmıram ki, başqa bir vikidə də mövcud olsun. Baskervill 07:09, 23 mart 2024 (UTC)

Başa düşmədim, istifadəçi yazanda nə olur? İnzibatçılıq bir üst sinifdir bəyəm? Mühafizəsi üçün heç bir məntiqi səbəb görmürəm. İnzibatçı da istifadəçidir də. İstifadəçidən fərqi nədir? Ümumiyyətlə, intervikiyə də baxanda açıq-aydın görünür ki, bu səhifənin mahiyyəti tamam başqadır. Hamıya açıq müzakirə-müraciət səhifəsidir, ruscadan götürülüb deyə (elə oradan başqa da heç yerdə mühafizə olunmayıb) mühafizə olunub. İnzibatçıların fəaliyyəti və müraciətlər burada ümumi müzakirə olunmalıdır. Ada da düzəliş vermək lazımdır. Nəyə görə inzibatçılar arasında nəyəsə qərar verilməlidir? Hörmətlə, Gadir^müzakirə 07:17, 23 mart 2024 (UTC)

Mühafizəni mən ləğv etmişəm. Bu səhifənin mühafizə olunması ilə bağlı qəbul edilmiş bir qərar görmürəm. İnzibatçılar heç kimdən artıq deyil. Vikipediyadakı müzakirələr hərkəsə açıq olmalıdır. Həmçinin səhifədə mühafizədə olduğu üçün kütləvi ismarıcları qəbul edə bilmirdi. Nemoralis (müzakirə) 10:01, 23 mart 2024 (UTC)

@Nemoralis, rəsmi prinsiplərin (qaydaların) mühafizəsi ilə də bağlı qərar yoxdu. Tam mühafizə heç düzgün deyil. Konsensus isə deyəsən bu səhifədə inzibatçı olan istifadəçilər tərəfindən alınıb və icra olunub. Hörmətlə, Gadir^müzakirə 11:01, 23 mart 2024 (UTC)

Rəsmi prinsiplərlə bağlı belə bir şey var əslində, bilmirəm ondan sonra başlayıb ya yox. Nemoralis (müzakirə) 12:21, 23 mart 2024 (UTC)

Aha, bəli. İnzibatçılar arasında qərar verildiyini vurğulamaq istəmişəm. Sizcə də ümumi müzakirə gərəkməzmi? Zamanında @Toghrul R ilə də müzakirə etmişdik bunu. Hörmətlə, Gadir^müzakirə 12:31, 23 mart 2024 (UTC)

Onda bu səhifəni ləğv edəkdə. Nə mənası qaldı KM-dan. Atakhanli (müzakirə) 11:08, 23 mart 2024 (UTC)

@Nemoralis o zaman səhifənin adı dəyişdirilməlidir. Həmin məntiqlə futbolda hücumçu topu oyun zamanı əlinə götürsün ki, bəs qapıçı bizdən artıq adamdır ki, o əllə oynaya bilir biz yox ? İnzibatçıların müzakirəsində istifadəçi niyə yazmalıdır ki ? Ağzımızda deyir ki, inzibatçıların müzakirəsi. Baskervill 11:37, 23 mart 2024 (UTC)

@Baskervill, zəhmət olmasa səsinizin tonunu aşağı salın. Yuxarıdakı başlıqda @Mosesə dediyinizin cavabını özünüz verirsiniz. Nəzakətli olun, heç kim başqa biri ilə bu ritorikada danışa bilməz. Vikipediya hansısa oyun, iş deyil, hobbidir. Müqayisəniz yersizdir. Buranın öz qaydaları var və bu qaydalardan biri də buranın açıq-azad ensiklopediya olmasıdır. İnzibatçı olanda nə olur ki? Hörmətlə, Gadir^müzakirə 11:50, 23 mart 2024 (UTC)

@Gadir səsimin tonunu nə zaman qaldırdım, bunu harada gördüz ? Yenə məni təxribata çəkməyə çalışırsız. Doğurdan harda gördüz ucadan danışdığımı ? Baskervill 11:52, 23 mart 2024 (UTC)

Həmin cümlələriniz birbaşa nəzakətsizlikdir, elə bir nida işarəsi qoymadığınız qalıb. Özünüzü nəzakətli formada da ifadə edə bilərsiniz. Mosesə demisiniz ki, müzakirələrə qoşulmuram və məqalə yazıram. Ancaq o bir yana, nəzakətsiz şərhlər də yazırsınız. Xeyr, heç kim sizi heç nəyə çəkmir. Yuxarıda sizin bloklanmanızın müzakirəsi gedir, yaxşı olar nəzakətli olasınız. Hörmətlə, Gadir^müzakirə 11:57, 23 mart 2024 (UTC)

@Moses mənim bloklanmağım üçün hesab edirəm ki, icmanın yekdil qərarı olmalıdır. @Irada, @Aydinsalis və ya Elsad Imanda olduğu kimi yekdil bir mövqe olmalıdır. @Sortilegusun daha öncəki müzakirələrdə qeyd etdiyi kimi bu məsələdə tərəf olan şəxslər qərar verməməlidirlər. Görünən odur ki, 1 aya yaxın davam edən müzakirələr də, heç də bütün viki icma (ən azından daha çox istifadəçi və inzibatçı) məsələ ilə bağlı mövqe bildirməyiblər. Baskervill 12:09, 23 mart 2024 (UTC)

@Baskervill, inzibatçı deyilsiniz. Niyə yazırsınız onda bu səhifəyə? Nemoralis (müzakirə) 12:02, 23 mart 2024 (UTC)

@Nemoralis yazan bir məni gördünüz ? Bura mənə qədər görün necə istifadəçi yazıb. Səhifənin öz başına mühafizədən kənarlaşdırılmasını doğru hesab etmədiyim üçün yazıram və bu tipli qərarların tək başına qəbul edilə bilməyəcəyini hesab edirəm. Səhifə təkrar mühafizə edilməli və yalnız inzibatçılar tərəfindən müzakirələr aparılmalıdır. Əks halda adı dəyişdirilməlidir. Səhv gördüyüm bir şeyin düzəldilməsi üçün yazıram. Baskervill 12:04, 23 mart 2024 (UTC)

Doğru hesab etmirsiniz, lap yaxşı. Fikriniz üçün təşəkkürlər. Bura sadəcə inzibatçıların yazmalı olduğunu düşünürsünüzsə yazmayın onda. İnzibatçı olmadığınız üçün bu fakt sizi narahat etməməlidir. Nemoralis (müzakirə) 12:08, 23 mart 2024 (UTC)

@Nemoralis inzibatçı olmadığımı niyə 2 dəfə qeyd etdiniz ? Niyə bu qədər aqressiv davranış nümayiş etdirirsiniz. Sizcə kənardan görünmür bütün bunlar ? Baskervill 12:10, 23 mart 2024 (UTC)

Olan şeyi demək aqressiya deyil. Zəhmət olmasa yazmayın bu səhifəyə. İnzibatçı deyilsiniz axı? Nemoralis (müzakirə) 12:11, 23 mart 2024 (UTC)

@Nemoralis siz doğru qeyd etmirsiz. Texniki olaraq yaza bildiyim səhifəyə, zəhmət olmasa yazmayın deməklə olmur. Mən bu gün yazmadım, sabah bir başqa istifadəçi ki, gəlib yazacaq ? Məsələn mən Ana səhifəyə müdaxilə edə bilmirəm, çünkü inzibatçı deyiləm. Həmin məntiqlə bu səhifəyə də texniki olaraq müdaxilə etmək imkanım olmamalıdır. Bəlkə səhifənin yuxarı hissəsinə zəhmət olmasa əziz istifadəçilərimiz bu səhifəyə heç nə yazmasınlar xəbərdarlığını əlavə edək ? Digər bir tərəfdən sizin bu səhifəni heç bir müzakirə olmadan mühafizədən kənarlaşdırmağınızın özü bir qayda pozuntusudur və bunu hamı görür. Baskervill 12:37, 23 mart 2024 (UTC)

Sizdən başqa heç bir istifadəçi (inzibatçı yox) etiraz etmədiyi üçün elə deyib, məncə. Səhifənin mühafizəsi ilə bağlı müzakirə olunub? Hörmətlə, Gadir^müzakirə 12:47, 23 mart 2024 (UTC)

@Gadir sizinlə müzakirə aparmadığım müddətcə müdaxilə etməyin lütfən. Axı mən sizinlə danışmırdım. Baskervill 18:14, 23 mart 2024 (UTC)

Baskervill istifadəçi sadəcə sizi məlumatlandırıb, nə fərqi var ki, hansı istifadəçi cavablayıb. Moses :) 19:44, 23 mart 2024 (UTC)

@Moses istifadəçi dəfələrlə başqa 2 istifadəçi arasında aparılan müzakirələrə bu tipli müdaxilələr edir və bu qətiyyən dorğu hal deyil. Baskervill 20:15, 23 mart 2024 (UTC)

Hər söhbətdə üçüncü şəxs olmalıdır :) Moses :) 20:22, 23 mart 2024 (UTC)

@Moses məsələn mən sizə yazıb sual edirən ki, cənab Moses siz heç Türkiyədə olmusuz ? @Gadirdə girib sizin yerinizə cavab verir ki, bəli olub, özü də 2 dəfə. Belə şey olar ? Nümunəni misal kimi çəkdim. Baskervill 20:35, 23 mart 2024 (UTC)

Yanlış nümunə çəkmisiniz. Spesifik sualları cavabladığımı harda görmüsünüz? Açıq ensiklopediyadır və mən də viki ilə bağlı müzakirələrə qoşuluram. Deyəsən siz də Eldarado kimi davranırsınız. Hörmətlə, Gadir^müzakirə 05:00, 24 mart 2024 (UTC)

Hansı qaydanın pozuntusudur hörmətli @Baskervill? Nemoralis (müzakirə) 20:29, 23 mart 2024 (UTC)

@Nemoralis siz daha öncə mühafizədən çıxarılmayan və inzibatçıların müzakirəsi üçün nəzərdə tutulan səhifəni mühafizədən çıxarmısız və bununla bağlı heç bir yerdə razılaşdırılmış müzakirə yoxdur. Əgər varsa zəhmət olmasa təqdim edin, oxuyaq. Bu mövzu ilə bağlı daha heç nə yazmayacağam. Baskervill 20:37, 23 mart 2024 (UTC)

Söhbəti fırladırsınız, "qayda" demisiniz, qayda göstərin. Yoxdursa zəhmət olmasa inzibatçıların müzakirə səhifəsinə yazmayın   Nemoralis (müzakirə) 20:39, 23 mart 2024 (UTC)