Vikipediya Berpa Ucun Namized Sehifeler Arxiv 2023 Noyabr - Wikipedia - Ureyim.az

Dövlət Məşğulluq Agentliyinin İdarə Heyətinin sədri Mustafa Abbasbəyli barəsində yaradılan Vikipedia səhifəsi əsassız yerə silinmişdir. Səhifənin bərpasında yardımçı olmağınızı xahiş edirik. Mustafa Abbasbəyli barəsində təsdiqedici bir neçə keçid linklərini əlavə edirəm.

1. https://dma.gov.az/agentlik/struktur/idare-heyeti/dovlet-mesgulluq-agentliyinin-idare-heyetinin-sedri

2. https://sosial.gov.az/elaqe/elaqe-melumatlari/elaqe-melumatlari/nazirlik-ve-rehberlik

3. https://report.az/elm-ve-tehsil-xeberleri/mustafa-abbasbeyli-dunyada-peselerle-bagli-yeni-yanasmalara-ayaq-uydurmaliyiq/

4. https://azertag.az/xeber/banm_de_mezunlarin_mesgulluq_reytinqi_platformasinin_teqdimati_olub-2807827 Aynur Nabili (müzakirə) 13:59, 21 noyabr 2023 (UTC)

  Əleyhinə: @Aynur Nabili, qeyd etdiyiniz linklər Dövlət Məşğulluq Agentliyini ensiklopedik edir və zatən məqaləsi də var. samral ^müzakirə 01:04, 28 yanvar 2024 (UTC)

•   Bərpa olunmasın: VP:ŞEƏ şərtlərini ödəmir. Grenzsoldat 19:40, 31 yanvar 2024 (UTC)
•   Bərpa olunmasın: — Patriot (müzakirə) 18:14, 18 fevral 2024 (UTC)

Yekunlaşdırma: Bərpa olunmamasına qərar verildi. Nemoralis (müzakirə) 07:05, 7 mart 2024 (UTC)

Fərman Xəlilov məqaləsi bərpa olunmalıdır. Bu məqaləni silən zaman adıçəkilən dəyərli alimimizin fəaliyyətini araşdırmaq lazım idi. Fərman Xəlilov Azərbaycanın tanınmış ədəbiyyatşünaslarından biridir və onun Azərbaycan ədəbiyyatına misilsiz xidmətləri olmuşdur. Dəyərli alimimiz filologiya elmləri doktoru,dosent olmaqla yanaşı, onun 22 monoqrafiya və kitabı, 200-dən çox məqalə və konfrans materialları çap olunmuşdur. O, Naxçıvan teatrının tarixi, Əliqulu Qəmküsar, "Molla Nəsrəddin" jurnalı, "Sabir ədəbi məktəbi", "Əbdürrəhim bəy Haqverdiyev", "Hacı Mirbağır Mirheydərzadə", "Şərq qapısı" qəzeti mövzularında Azərbaycan elminə böyük töhfələr vermişdir. Onun Cənubi Azərbaycan, xüsusilə də Mirzə Əli Möcüz haqqında əvəzolunmaz araşdırmalarından bu gündə faydalanılır. Fərman Xəlilovun məqalələri Rusiya, Türkiyə, İran, Kanada və digər ölkələrdə dərc edilmişdir. Onun elmi rəhbərliyi altında bir sıra dissertasiya işləri müdafiə edilmiş, elmimizə dəyərli alimlər yetişdirmişdir. Onun haqqında iki dəfə biblioqrafiya dərc edilmiş, bir sıra nüfuzlu alimlər Fərman Xəlilovun elmi fəaliyyətini yüksək qiymətləndirmişlər. Fərman Xəlilov Naxçıvanda Tədqiq və Tətəbbö cəmiyyətinin itib-batmış protokollarını arxivin toz basmış rəflərindən tapıb işıq üzünə çıxarmışdır. O, hazırda AMEA Naxçıvan Bölməsi Əlyazmalar Fondunun baş direktorudur. O, farsdilli, ərəbdilli və türk dilli əlyazmaların tədqiqi sahəsində böyük xidmətlər göstərmişdir. Fərman Xəlilov hazırda bir sıra nüfuzlu jurnalların (məsələn, 2020-ci ildə AMEA M.Füzuli adına Əlyazmalar İnstitutunun orqanı "Əlyazmalar yanmır" elmi jurnalının redaksiya heyətinin üzvü seçilmişdir) redaksiya heyətinin üzvüdür. O, 2006-cı ildən Azərbaycan Yazıçılar Birliyinin üzvüdür. Fərman Xəlilov Naxçıvan Dövlət Arxivində bir sıra fondlar yaratmışdır. Belə ki, o, 1980-1985-ci illərdə Naxçıvan MR Dövlət Arxivində ədəbiyyat və incəsənət xadimlərinin (H.Razi, M. Tutayuq, Q. Baharova və b.) şəxsi fondlarının yaradılmasında fəal iştirak etmişdir. Fərman Xəlilovun Naxçıvan MR Dövlət Arxivində 701 nömrəli şəxsi fondunda (1986-cı ildə yaradılmışdır) Azərbaycan ədəbiyyatı, mədəniyyəti və maarifi tarixi ilə əlaqədar bir sıra sənədlər mühafizə olunmaqdadır. Fərman Xəlilovun 31 il pedaqaqoji stajı vardır. Onun kitablarının adları: 1.Naxçıvanı öyrənən elmi cəmiyyət. Bakı: Nurlan, 2005, 196 s. 2.Mirzə Əli Möcüz. Biblioqrafiya. Bakı: Nurlan, 2007, 148 s. 3.Mirzə Əli Möcüzün əlyazmaları. Bakı: Nurlan, 2008, 256 s. 4.Cənubi Azərbaycan şairi Mirzə Əli Möcüz. Bakı: Elm və təhsil, 2010, 420 s. 5.Naxçıvan teatrı. Məqalələr, xatirələr (F.Cəfərovla). Naxçıvan, Əcəmi, 2014 296 s. 6.Mirzə Əli Möcüzün avtoqrafları // Azərbaycan EA Xəbərləri (ədəbiyyat, dil, incəsənət seriyası). 1980, № 2, s.65-70, 7.İranlı möcüzşünaslar // Kültür evreni (ictimai elmlər üzrə beynəlxalq yurnal). Ankara, 2009, № 4 , s.413-418. 8.Cənubi Azərbaycan şairi Mirzə Əli Möcüzün rusdilli oxuculara təqdimi tarixindən // Beynəlxalq elmi jurnal, Moskva, 2009, № 4, s.70-72. 9.Şəbüstər mühiti və Mirzə Əli Möcüz (uşaqlıq və yeniyetməlik illəri) // “Yaprağ” məcəlləsi, Qorqan (İran). 2010, № 50, s.79-85. 10.Mirzə Əli Möcüz / XX əsr Cənubi Azərbaycan ədəbiyyatı tarixi. Bakı: Qanun, 2013, s.157-196. 11.Naxçıvanın elmi, ədəbi və mədəni mühiti: tədqiqlər. Birinci kitab. Naxçıvan: Əcəmi, 2017, 248 s.; İkinci kitab. Naxçıvan: Əcəmi, 2019, 200 s. 12.Azərbaycan Milli Elmlər Akademiyası Əlyazmalar Fondu. Naxçıvan: Əcəmi, 2019, 64 s. Mən, Fərman Xəlilovun Azərbaycan elminə verdiyi töhfələrin heç yüzdə birini yazmadım. Onun elmi fəaliyyəti haqqında yüz A4 listi yazsam, az olar. Belə bir dəyərli alimimizin wikipediada olan məqaləsini silmək, ən azı ədalətsizlikdir. İstəsəniz, fəaliyyətindən yenə yazım. Mən, Fərman Xəlilov adlı məqalənin wikipediaya bərpa olunmasını xahiş edirəm. Yunishalil (müzakirə) 16:09, 25 noyabr 2023 (UTC)

Salam @Yunishalil. İnzibatçılardan xahiş edək məqaləni qaralama fəzasında bərpa etsin, siz də bütün bu dediklərinizi səliqəli şəkildə(vikipediya qaydaların uyğun formada) məqaləyə əlavə edəsiniz. Daha sonra məqaləni elə bu səhifədə bərpaya təqdim edəsiniz, istifadəçilər də fikirlərini bildirsinlər. Əmələ gələr?— Bikar ^müzakirə 16:25, 25 noyabr 2023 (UTC)

Salam bir daha. İnzibatçılardan necə xahiş etmek olur? Men yolunu bilmirem axi. Kömek edesiniz, zehmet olmasa Yunishalil (müzakirə) 17:47, 25 noyabr 2023 (UTC)

@Nemoralis mümkünsə nəzər yetirin.— Bikar ^müzakirə 17:51, 25 noyabr 2023 (UTC)

Həll etdim. Araz Yaquboglu (müzakirə) 05:33, 26 noyabr 2023 (UTC)

•   Bərpa olunsun: Məqaləni BNS-ə təqdim edən Yunishalil alim haqqında kifayət qədər detalları açıqlayıb. Alimin fəaliyyəti, filologiya elmləri doktoru, Azərbaycan Yazıçılar Birliyinin üzvü olması da onu ensiklopedik edir. Amma mütləq məqalə üzərində işlənilməli, istinadlar artırılmalıdır. — Araz Yaquboglu (müzakirə) 06:33, 5 dekabr 2023 (UTC)
•   Bərpa olunsun: qeyd olunan fikirlərlə razıyam Memoli13 (müzakirə) 16:28, 5 dekabr 2023 (UTC)
•   Bərpa olunmasın: Şəxs cəmiyyətdə mötəbər biri kimi tanına, fəaliyyəti onu tanıyanların hamısı tərəfindən olduqca əhəmiyyətli olaraq qiymətləndirilə bilər, amma burada nə şəxsin özünün, nə də fəaliyyətinin əhəmiyyətini müzakirə etmirik. Şəxsin ensiklopedikliyi, yəni haqqında vikidə ayrıca məqalənin mövcud olması üçün şəxs ilə bağlı ikinci dərəcəli etibarlı mənbələrdə əhəmiyyətli dərəcədə əhatə olunmuş məlumat mövcud olmalıdır. Bu əsas meyar ödənmədiyi üçün şəxs ensiklopedik deyil və haqqında ayrı məqalə mövcud ola bilməz. İndiki halda məqalənin vəziyyətindən də mövzu haqqında vikipediyanın məzmun standartlarına uyğun ayrıca məqalə yazacaq qədər mənbə və məlumatın mövcud olmadığı görünür və bu özü niyə ensiklopediklik üçün əsas meyarın bu olduğunu sübut edir. — surə ^m 10:12, 28 dekabr 2023 (UTC)

    Sual: @Sura Shukurlu, şəxsin adını Google-a yazıb axtarmısız? samral ^müzakirə 02:10, 28 yanvar 2024 (UTC)

  @Samral Əlbəttə. Hansı mənbə mənim rəyimi təkzib edir? 1-ci istinadda məzmun yoxdur, ancaq adı və kim olduğunu öyrənmək olar (həmçinin tələb olunan növdə mənbə nümunəsi də deyil), 2-cidə bircə dəfə sadəcə adı çəkilib ki, əsərə rəy verib, 4-cü şəxsin öz yazısıdır, özü haqqında heç bir məlumat təqdim etmir, 5-ci ikincidərəcəli mənbə olmaması ilə birlikdə, şəxsin oğlu haqqındadır, 6-cıda da şəxs haqqında məlumat yoxdur. Mənbə başlığı altındakı science.gov.az yenə heç nə təqdim etmir məqalə yazmaq üçün. Geridə qalır azərtac, (3-cü istinad) hansı ki, yetərli məlumat yoxdur fəaliyyəti haqqında, həmçinin yubileyi ilə bağlıdır, şəxsin öz fəaliyyətinin nə dərəcədə yüksək dəyərləndirdiklərini göstərmir bizə; aqra.az, mən bilən ikincidərəcəli mənbə nümunəsi sayılmır və əsas odur ki, yenə şəxsin fəaliyyətinin nə dərəcədə dəyərləndirildiyini göstərmir; və ikisahildəki yazı, yaxşı mənbə nümunəsidir, amma bircə mənbənin diqqətinə görə mövzu ensiklopedik olmur. Bu 3-ü xaricində digərlərində rəyimdə dediyim kimi məqalə yazmaq üçün məlumat yoxdur, bu mənbələr ancaq hər hansı faktı sübut etmək üçün istifadə oluna bilər, şəxsin nə dərəcədə ensiklopedik əhəmiyyətli olduğunu sübut etmək üçün yox. Həmin 3 mənbə də ensiklopedikliyi təmin etmir. @Dr.Wiki54 səxsin fəaliyyəti ilə bağlı fikriniz maraqlıdır. surə ^m 18:51, 28 yanvar 2024 (UTC)

  Ensiklopedik olduğunu deyənlər konkret olaraq nəyə görə ensiklopedikdir əsaslandıra bilmir 😃 Belə olduğu halda niyə bərpa olunsun deyib o da maraqlıdır :)) surə ^m 19:12, 28 yanvar 2024 (UTC)

  @Sura Shukurlu, mən əsaslandırmışam. Məqaləyə, siz bəyənməsəz də, kifayət qədər istinadlar və mənbələr də əlavə etmişəm. Vallah mənə elə gəlir ki, əslində bəzi məqamlarda (məsələn Əzizə Cəfərzadənin romanlarının SNS-i kimi) siz özünüz də hiss edirsiz səhv etdiyinizi, sadəcə, sanki bunu etiraf etmək çətin olur. Baxın, sizin çox gözəl fəaliyyətiniz var. 99 faiz hallarda SNS-də də haqlı olursuz, BNS-də də. Di gəl ki, 1 faiz hallarda elə müqavimət göstərirsiz, şoka düşürəm. Adam elmlər doktorudur. Dissertasiyaları, elmi kitabları, pedaqoji fəaliyyəti, əmək təcrübəsi hamısı super. Yəni şəxs ŞEƏ qaydasına da uyğundur, EƏEX qaydasına da, amma siz mənbə/istinad bəyənmirsiz. Dəhşətə gəlirəm sadəcə. Siz hər belə edəndə mən özümə söz verirəm ki, sizinlə mübahisə etməyəcəm. Amma təəssüf ki, sözümdə dura bilmirəm. Baxın, hər kəs səhv edə bilər. Həmçinin ola bilər ki, bir məqalə əvvəlcə bərbad vəziyyətdə ola və biz haqlı olaraq onu qeyri-ensiklopedik hesab edib SNS edək, ola da bilər elə vəziyyətinə görə SNS edək, amma sonra problemlər aradan qaldırılarsa, şəxsin ensiklopedikliyi sübut edilərsə burda niyə müqavimət göstərməliyik ki? Bəyəm bizim yeganə və əsas məqsədimiz məqalə sildirməkdi? Məncə yox. samral ^müzakirə 22:33, 28 yanvar 2024 (UTC)

  @Samral Siz yenə əsaslandırmırsınız axı, deyirsiniz ki, "ŞEƏ və EƏEX qaydalarına uyğundur", niyə uyğundur, hansı meyarına uyğundur? "Elmlər doktorudur. Dissertasiyaları, elmi kitabları, pedaqoji fəaliyyəti, əmək təcrübəsi hamısı super" arqumenti qaydaları əks etdirir, mənim yazdığım isə sadəcə mənbə bəyənməməkdirmi? Mən kankret olaraq sizin də qeyd etdiyiniz qaydalara görə bu mənbələrin ensiklopedikliyi əsaslandırmadığını sübutu ilə qeyd etmişəm. Həmçinin xeyr, mənim belə bir kompleksim yoxdur, olsa belə bunu bilib müzakirələrdən uzaq duraram ki, olan məqalələrə olmasın. Dediyiniz müzakirədə də ən azından qaydalara istinadən müzakirə gedirdi. surə ^m 09:24, 29 yanvar 2024 (UTC)

•   Bərpa olunsun: məqalədəki məlumatlardan, yəni şəxsin elmi, pedaqoji və əmək fəaliyyətindən ensiklopedik olduğu aydın olur. Bu mənada şəxs VP:ŞEƏ və VP:EƏEX qaydalarına əsasən tam şəkildə ensiklopedikdir. Məqalədəki yeganə problem "tək mənbə" problemi idi ki, onu da həll etdim. samral ^müzakirə 02:13, 28 yanvar 2024 (UTC)
•   Bərpa olunmasın: VP:ŞEƏ şərtlərini ödəmir. Grenzsoldat 19:40, 31 yanvar 2024 (UTC)

  Bərpa olunmasın: "Vikipedia daxilində görürəm AMEA aid demək olar kim var vikipediya daxilindədir. Gərək müzakirəyə şəxsin elmi rütbəsi doset-dir professor olsa düşünməq olardı məqaləni, eləcədə o statusda nə qədər insan var. Bunlardan əlavə yaradıcılığa gəldikdə isə hansı perespektivdə kitablardır başa düşə bilmədim çünki bir kitab fondun nəznindən tərcümə olunub digər tədqiqat üçün olunub və s.. " ✡ Redivy ✡ (müzakirə) 00:30, 4 fevral 2024 (UTC)

Yekunlaşdırma: Bərpa olunmamasına qərar verildi. Nemoralis (müzakirə) 07:06, 7 mart 2024 (UTC)

Bəstəkar 2009 Sidney film festivalının qalibi, Kann və Bethoven kimi bir sıra beynəlxalq, həmçinin diplom, tərifnamə və sertifikatlarla təltif edildiyi yerli festival və tədbirlərin iştirakçısı və laureatıdır. Azərbaycanda və Türkiyədə yayımlanmış bir sıra tammetrajlı bədii film (kino), teleserial, 1 tammetrajlı animasiya filminin, tv kanallardakı ident musiqilərinin, həmçinin Azərbaycan və Türkiyənin bir sıra tanınmış və debütant müğənnilərinin mahnılarının bəstəkarıdır. Bütün bu və digər məqamlar etibarlı və ilkin mənbələrdə öz əksini tapıb və məqalədə qeyd edilib. samral ^müzakirə 16:41, 25 noyabr 2023 (UTC)

•   Bərpa olunsun: Bəstəkar kimi şəxs ensiklopedikdir. Təltifləri də onun bəstəkar kimi tanındığından xəbər verir. Haqqında internetdə geniş məlumat bazası var. Məqalə də stil qaydalarına görə əla işlənilib. — Araz Yaquboglu (müzakirə) 06:24, 5 dekabr 2023 (UTC)

  @Araz Yaquboglu, iştirakınıza görə təşəkkür edirəm. Kənd Meydanı, Facebook, Telegram hər yerdə paylaşmışam ki, BNS-də müzakirələrdə aktiv iştirak edək, amma baxıram ki, maraq yoxdu. Bu məqaləni artıq 10 gündür müzakirəyə çıxarmışam. Ona görə də mən bns etsəm də artıq məcbur özüm rəy yazmaq qərarına gəldim. Şəxsin niyə ensiklopedik olduğunu yuxarıda əsaslandırmışam. Məqalənin özü də VP:SK-ya uyğundur. Mənbələr də yoxlanılabilərdi. Xülasə bütün qaydalara əməl edilib.   Bərpa olunsun: samral ^müzakirə 15:44, 5 dekabr 2023 (UTC)

  Qəbul edildi — Turkmen ^müzakirə 06:11, 6 dekabr 2023 (UTC)

Qeyd olunan şəxsin daha öncə məqaləsi üç dəfə SNS olunmuşdur. Iki dəfə SNS olunan zaman əsaslı müzakirə zamanı məqalə saxlanılmışdır [1] [2]. Daha sonra təkrarən şəxsi qərəzlər marağına məqalə təkrarən SNS olunaraq "səsvermə" əsasında silinmişdir [3]. Şəxs tam olaraq siyasətçi ensiklopedik tələbləri ödəyir "Dövlət başçısı tərəfindən birbaşa vəzifəyə təyin olunan şəxslər (Məsələn: Nazirlər, komitə, agentlik sədrləri və s)". Həmçinin googledə [4] axtarış zamanı şəxs haqqında onlarla mötəbər saytlarda məqalələr görmək mümkündür. Hər kəsi ədalətli olmağa çağırıram Memoli13 (müzakirə) 10:40, 30 noyabr 2023 (UTC)

  Cavab: @Memoli13, hansı qərəzlər uğruna? Bəlkə qərəzli olan sizsiniz? Bu şəxsin həyat yoldaşı barədə də EnVikidə məqalə yaratmışdız. Müzakirə vaxtı şəxsin qeyri-ensiklopedikliyi sübut edildi və həmin məqalə silindi. Və əsil sizin bu ailə ilə bağlı məqalələrdə VP:ÖR qaydasını pozduğunuz hiss olunur. Həmçinin oxşar fəaliyyətinizə görə EnViki başda olmaqla başqa vikilərdə də bloklanmısız. Və son olaraq yazmısız ki, güya 2 dəfə müzakirə ilə saxlanılıb, 3-cü dəfə isə səsvermə ilə silinib. Səhv deyirsiz. İlk dəfə səs ovçuluğu ilə saxlanılıb. Orada sübut etmişəm bunu. 2-ci dəfə də səs ovçuluğu oldu, amma bu dəfə heç əslində saxlanılmasına da yox, silinməsi üçün konsensus olmadığına qərar verildi. Halbuki silinsin deyənlərin arqumentlərinin tutarlılığına görə 1-ci müzakirə zamanı, məxsusən 2-ci müzakirə zamanı silinməli idi. 3-cü dəfə ona görə silindi ki, çünki xəbər tutub səs ovçuluğu edə bilmədilər. Zəhmət olmasa, səhv şeylər iddia edib, burada fərqli fikirlər formalaşdırmayın. Mən hələ sizin qaydalara zidd şəkildə uzun müddət azərbaycanlı məşhur bir reperin adından adıvızın da sonuna "official" artırıb sui-istifadə etmənizi heç demirəm. Çünki bu müzakirəyə birbaşa aidiyyatı yoxdur. samral ^müzakirə 19:11, 30 noyabr 2023 (UTC)

Dünyada 40 000 dən çox ABD Malik adında şəxs var. İstənilən şəxs istədiyi təxəllüsü özünə götürə bilər. Mən heç kimin adından istifadə etməmişəm. Əgər etmişəmsə isbatlayın. Iki dəfə səs ovçuluğu ilə silinməyib, həmin rəylərə baxış keçirsək görərik ki, yazılan rəylər aktiv istifadəçilər tərəfindən bildirilib və əsaslı rəylərdir. Az wikidə olan məqalələrin böyük qismi en wikidən silinib, bu həmin şəxslərin ensiklopedik olmadığını göstərir? Şəxs hal-hazırda ensiklopedik tələblərı ödəyir. Prezident tərəfindən vəzifəyə təyin olunub [5]. İqtisadiyyat Nazirliyinin strukturuna daxil olan tabeliyindəki 3 qrum var. Onlardan 2-nin rəisi haqqında məqalə var Memoli13 (müzakirə) 19:28, 30 noyabr 2023 (UTC)

@Memoli13, min dənə yoxe, heç 10 dənə deyil ABD Malik. Söhbət məhz ABD Malik adlandırmasından gedir, bizdə Əbdülmalik kimi yazılan Abd al-Malik-dən filan danışmırıq biz. Üstəgəl də sonuna "official" artırasan. İsbata gəldikdə isə bu sizə isbat edilib və sizdən də ona görə tələb edilib ki, adınızı dəyişin. Nəysə bu söhbət keçmişdə qalıb. Misal çəkdim sadəcə. Mövzumuza qayıdaq. Hər 2 müzakirəyə kim baxsa görər ki, orada açıq-aşkar səs ovçuluğu (dəvət) elementləri də var idi. Bunu orda da kim ki, səs ovçuluğu etmişdi, onlara sübut etmişdim faktlarla. Həmçinin xeyli də rəy əvəzinə, səs var idi. Hamısı da qalsın deyənlər. Prezident sərəncamına gəldikdə o müzakirəni diqqətlə oxusaydız görərdiz ki, orada da qeyd etmişəm ki, Azərbaycan prezident respublikası (məsələn İtaliya, Yunanıstan, 4-5 il əvvələ kimi Türkiyə, son bir neçə ildi Ermənistan parlament respublikasıdı. Yəni əksər qərarları baş nazir və parlament verir) olduğu üçün, hətta fondlara belə, bəzi nazirliklərin tabeliyində olan agentlik və xidmətlərə belə, hətta müavinləri belə Prezident təyin edir bizdə. Hətta bu yaxınlarda qərar verildi ki, Bakının icra başçısına müavinləri də Prezident təyin edəcək, digər icra başçıları isə özlərinə müavin təyin edəndə PA ilə razılaşdıracaq. Xülasə bu arqument hər zaman keçərli deyil. samral ^müzakirə 20:24, 30 noyabr 2023 (UTC)

VP:SİYASƏTÇİ: "Dövlət başçısı tərəfindən birbaşa vəzifəyə təyin olunan şəxslər (Məsələn: Nazirlər, komitə, agentlik sədrləri və s)." Nemoralis (müzakirə) 20:27, 30 noyabr 2023 (UTC)

Xeyr, ad məsələsi heç kim tərəfindən isbat edilməyib. Wikipedia qaydalarına zidd olduğu bildirilib və digər istifadəçilərin köməkliyi ilə istifadəçi adımı dəyişmişəm. Siz onda digər Samral adında olan şəxslərin adından istifadə edirsiniz? Bu absurd yanaşmadır. Rəylərə diqqətlə baxmışam, məqalənin üçüncü müzakirəsində səs ovçuluğu daha çox diqqət çəkir, silinməsi üçün heç bir tutarlı arqument göstərilmir. "Dövlət başçısı tərəfindən birbaşa vəzifəyə təyin olunan şəxslər (Məsələn: Nazirlər, komitə, agentlik sədrləri və s)." Şəxs siyasətçi kriteyaların tam ödəyir. Medyada fəaliyyəti geniş işıqlandırılıb. Digər rəyimdə bildirdiyim kimi İqtisadiyyat Nazirliyinin strukturuna daxil olan tabeliyindəki 3 qrum var. Onlardan 2-nin rəisi haqqında məqalə var, göstərilən şəxs haqqında niyə olmasın? Digərləri kimi eyni vəzifədədir. Memoli13 (müzakirə) 20:45, 30 noyabr 2023 (UTC)

•   Bərpa olunsun: Şəxs haqqında yazmayan xəbər saytı qalmayıb. Bir balaca googlamaq bəs edir. - Onyeddi ^(müzakirə) 00:18, 1 dekabr 2023 (UTC)
•   Bərpa olunmasın: şəxsin ensiklopedikliyi şübhə doğurur. Məqaləsi reklam xarakterli olub. Məzmundan görünür. Olunduğu hər iki SNS-də "səs ovçuluğu" aşkardır. Orda səs verənlərin çoxunun eyni mərkəzə bağlı olduğu sonradan aşkar olundu. — Tarixi Nadir (müzakirə) 07:25, 3 dekabr 2023 (UTC)

  Şəxs VP:SİYASƏTÇİ: kriteyaların tam ödəyir. Digər rəylərimdə daha ətraflı bildirmişəm. Şəxs müğənni, aktyor, rejissor deyilki məqaləsi reklam xarakterli olsun. Reklam xarakterli məqalələr əsasən bu kateqoriyadan olan şəxslərdə olur. Digər dediyiniz "səs ovçuluğu" məqalənin silinməsində istifadə olunub. 2 nəfər arqument gətirmədən rəy bildirib və müzakirə yekunlaşdırılıb. Memoli13 (müzakirə) 09:05, 3 dekabr 2023 (UTC)

•   Bərpa olunsun: Şəxs VP:SİYASƏTÇİ kriteyaların ödəyir Memoli13 (müzakirə) 11:02, 9 dekabr 2023 (UTC)

Araz Yaquboglu Salam. Məqaləni qaralama halına gətirməyə köməklik göstərə bilərsiniz? Memoli13 (müzakirə) 12:00, 16 dekabr 2023 (UTC)

Həll etdim. Araz Yaquboglu (müzakirə) 12:33, 16 dekabr 2023 (UTC)

Təşəkkür edirəm. Mövzü ilə bağlı sizində fikriniz maraqlıdır Memoli13 (müzakirə) 19:11, 16 dekabr 2023 (UTC)

•   Bərpa olunsun: Şəxs VP:SİYASƏTÇİ kriteriyalarına cavab verir, Əhəmiyyətli bir qurum rəhbəridir. Şəxs haqqında mötəbər media qurumlarında saysız istinadlar var, geniş məqalələr dərc edilib, Google axtarışında şəxs haqqında təxminən 138.000 nəticə çıxır. Mövzu ilə bağlı hərkəsin fikri maraqlıdır. İnterland (müzakirə) 20:44, 18 dekabr 2023 (UTC)

Yekunlaşdırma: Bərpa olunmasına qərar verildi. Nemoralis (müzakirə) 12:26, 20 dekabr 2023 (UTC)