Vikipediya Berpa Ucun Namized Sehifeler Arxiv 2024 May - Wikipedia - Ureyim.az

Qaralama:Aysu Murtuzayeva  • ( müzakirə | qeydlər | keçidlər | izlə | SNS-də axtar)  • [versiyalar]

Azərbaycanlı peşəkar futbolçudur. Hazırda Yüksək Qızlar Liqasında çıxış edir. Hansı ki, Azərbaycanın ən böyük peşəkar qadın liqasıdır. Həmçinin futbolçu U19 Milllisində də çıxış edir. Bu səbəblə futbolçunun ensklopedik olduəunu düşünürəm. Asif Məmmədov (müzakirə) 19:37, 15 may 2024 (UTC)

@Asif Məmmədov, qaralamada bərpa etdim. Lütfən əlavələriniz və düzəlişləriniz olacaqsa edin ki, daha rahat fikir bildirilə bilinsin və müzakirə getsin. Hörmətlə, Gadir^müzakirə 07:44, 19 may 2024 (UTC)

  Bərpa olunsun: Salam əziz yazıçılar. İstədim fikrimi tam toplayım, qısaca izah edim. Mənim fikrimcə məqalə ensklopedikdir. Futbolçu Azərbaycan Yüksək Qızlar Liqasında çıxış edir, Azərbaycanı U19 yaş qrupu üzrə UEFA rəhbərliyi altında rəsmi çempionatlarda təmsil edir. Bu sezon Azərbaycan Yüksək Qızlar Liqasında "Neftçi" forması ilə çempionluq yaşayıb. Həmçinin, növbəti sezon "Neftçi" forması ilə "UEFA Qadınlar Çempionlar Liqası" turnirində də iştirak edəcək. Sadaladığım bütün bu amillər, futbolçunun kifayət qədər peşəkar olduğunu, məqaləsinin Wikipediyada yer almasının çox önəmli olduğunu sübutudur deyə düşünürəm. Çox sağolun. Asif Məmmədov (müzakirə) 10:17, 19 iyun 2024 (UTC)

@Grenzsoldat @Nicat49 lütfən fikir bildirə bilərsiniz? Atakhanli (müzakirə) 21:34, 10 avqust 2024 (UTC)

Salam. Təəssüf ki, bizdə hələ də futbolçuların ensiklopedik əhəmiyyətlilik kriteriyaları rəsmi olaraq qəbul edilməyib. Düşünürəm ki, FİFA üzvü olan istənilən Futbol Federasiyasının ən yüksək səviyyəli liqasında azı bir oyunda çıxış etmiş istənilən futbolçunu ensiklopedik hesab etmək olar. Rusca vikidə bənzər məqalələr "n" qədərdir. Bərpa olunmasının lehinəyəm. Hörmətlə.--Nicat^{49   ⋠müzakirə⋡} 23:31, 10 avqust 2024 (UTC)

  Şərh: növbəti sezondan sonra ensiklopedik saymaq olar deyə düşünürəm əgər həqiqətən UEFA-nın təşkil etdiyi liqada cıxıs edərsə - Aylanabi (müzakirə) 08:40, 1 sentyabr 2024 (UTC)

  Bərpa olunsun: liqada çıxış edir. Qalması daha düzgündür - Hersoq01 (müzakirə) 11:56, 15 oktyabr 2024 (UTC)

Yekunlaşdırma:  Y Bərpa edilməsinə qərar verildi. Nemoralis (müzakirə) 10:06, 31 oktyabr 2024 (UTC)

Əhalinin sağlamlığının qorunması sahəsində həyata keçirilən tədbirlərin effektivliyini artırmaq, səhiyyə sisteminin maliyyə dayanıqlığını və vətəndaşların keyfiyyətli səhiyyə xidmətlərinə əlçatanlığını təmin etmək məqsədilə Azərbaycan Respublikası Prezidenti 13 may 2022-ci il tarixində Fərman imzalamışdır. Vəzifənin cənab prezident tərəfindən fərmanda qeyd edildiyi kimi yaradılması, həmin vəzifənin nə qədər məsul, önəmli olduğunun əhəmiyyətini kəsb edir. Birbaşa Azərbaycan Respublikası Prezidentinə tabedir. Hər hansısa orqana tabe deyil. Bu, vəzifənin əhəmiyyətinin hansı dərəcədə olduğunu göstərir. TƏBİB-in fəaliyyətinə cari rəhbərliyi isə TƏBİB-in Müşahidə Şurasının vəzifəyə təyin və vəzifədən azad etdiyi İcraçı direktor və onun 3 müavini həyata keçirir. Vəzifə olduqca böyük əhəmiyyət kəsb edir. Şəxsin siyasi-ictimai fəaliyyəti olduqca aktivdir. Şəxs xüsusi əhəmiyyətə malik olan hadisələrdəki əhəmiyyətli rolu adətən kifayət qədər mətbuatda geniş geniş şəkildə işıqlandırılıb. Təsdiq edən etibarlı mənbəyə istinadlar mövcüddur. Yetərincə məşhur şəxsdir və KİV-lərdə yetərli mənbələr vardır. Belə ki, şəxs VP:ŞEƏ-nin tələblərini ödəyir. Bu cür arqumentləri məqalənin bərpası üçün ciddi əsaslardır. A.Aida88 (müzakirə) 13:27, 12 may 2024 (UTC)

müzakirəyə təqdim olunan məqalə üzərində işlənilməlidir. məqalə üzərində işlənilmədən bərpaya namizəd göstərilib Atakhanli (müzakirə) 09:22, 23 may 2024 (UTC)

Salam dəyərli həmkarım. Mütləq nəzərə alacam. Təşəkkür edirəm şərhiniz üçün. A.Aida88 (müzakirə) 09:43, 23 may 2024 (UTC)

  Bərpa olunsun: - Yuxarıda qeyd etdiyim arqumentlərə əsasən. — A.Aida88 (müzakirə) 13:28, 12 may 2024 (UTC)

•   Şərh: Bioqrafiyası ilə buradan tanış olmaq olar — 85.132.29.163 06:21, 13 may 2024 (UTC)

    Bərpa olunsun: az qala səhiyyə naziri qədər mühüm bir vəzifədir. samral ^müzakirə 19:36, 21 may 2024 (UTC)

    Bərpa olunsun: .Yuxarıda sadalanan və dostların arqumentlərə əsasən Turan Etibaroğlu ^müzakirə 17:05, 22 may 2024 (UTC) — Qeyd: İstifadəçilərdən biri və ya bir neçəsi bu istifadəçinin bu səsverməyə səs ovçuluğu edilərək dəvət edildiyini düşünür.

• Təbib şəxsi ensklopedik etmir,düzdür şəxs mediada müəyyən qədər statusa malikdir amma təbib ensklopedik edəcək dərəcədə yox.   Bərpa olunmasın:Redivy (müzakirə) 09:18, 23 may 2024 (UTC)
•   Bərpa olunmasın: Qeyd edilən məlumatlar yanlış olmasa da, məlumatlarda müəyyən qədər natamamlıq var və bu da icmada çaşqınlıq yarada bilər deyə aydınlıq gətirim: TƏBİB-in prezident tərəfindən yaradılması onun sədrinin ensiklopedik olmasına heç bir formada əsas vermir. Azərbaycanda irili-xırdalı demək olar bütün dövlət qurumları prezidentin sərəncamı ilə yaradılır. Həmçinin, xeyr, TƏBİB müstəqil təşkilat deyil və birbaşa prezidentə tabe deyil. TƏBİB İcbari Tibbi Sığorta üzrə Dövlət Agentliyinin nəzdində yaradılıb və ona tabedir. Yəni bu faktla da şəxsin ensiklopedik olduğunu əsaslandırmaq mümkün deyil və bu vəzifə göstərilməyə çalışılan qədər yüksək vəzifə deyil. Bu vəzifəni səhiyyə naziri vəzifəsi ilə müqayisə etmək isə ümumiyyətlə doğru deyil. Şəxsin özü və fəaliyyəti mənbələrdə əhatə olunmayıb, mediada sadəcə sözügedən qurumun adına istinadlar var ki, zatən bütün dövlət qurumlarının adı mediada zaman-zaman hallanır. Şəxsin ensiklopedikliyi ilə bağlı sadəcə bu vəzifə arqument göstərilir və vəzifənin əhəmiyyəti əsalandırılmağa çalışılır, çünki nə məqalədə, nə də mənbələrdə şəxsin ensiklopedikliyini iddia edəcək başqa heç bir fakt yoxdur. Bu vəzifənin tək başına şəxsi ensiklopedik etmədiyi isə qeyd etdiklərim ilə göz qabağındadır. Müzakirə sonunda adminlərdən səs ovu, əsassız arqument və digər vasitələrlə məqalənin bərpa edilməsinə çalışılması məsələsini diqqətdə saxlamasını istəyirəm. — Sura Shukurlu (müzakirə) 13:26, 23 may 2024 (UTC)

  Ümumiyyətlə, hər şey bir yana, bu halı ilə bərpa olunacaq? Çox maraqlıdır mənə. Tərtib belə edilməyib demək olar. Hörmətlə, Gadir^müzakirə 13:37, 23 may 2024 (UTC)

  Bu halını da təqdim olunduğunu görüb mən bərpa etdim ki, üzərində işlər aparılar bəlkə. Hörmətlə, Gadir^müzakirə 13:40, 23 may 2024 (UTC)

  Təşəkkür edirəm hörmətli həmkarım. Qeyd etdiklərinizi nəzərə alaraq, məqaləni tamamlamağa çalışacam. A.Aida88 (müzakirə) 18:15, 23 may 2024 (UTC)

    Bərpa olunsun:@A.Aida88 xanımın fikrinə əsasən ☞QRAF☜   (✉ → ♕) 04:53, 25 may 2024 (UTC) — Qeyd: İstifadəçilərdən biri və ya bir neçəsi bu istifadəçinin bu səsverməyə səs ovçuluğu edilərək dəvət edildiyini düşünür.

  Bərpa olunsun: vəzifəsinə görə ensiklopedikdir. — Araz Yaquboglu (müzakirə) 07:23, 25 may 2024 (UTC)

• Məqaləni müəyyən maraqlara görə bərpa etdirmək üçün bütün icmanı bura dəvət eləmək heç də etik deyil :) Heç olmaya, gələnlər məqaləyə klik edib məzmununa baxardı... — Sura Shukurlu (müzakirə) 08:20, 25 may 2024 (UTC)

  Hörmətli həmkarım Siz nəyi ima edirsiniz? Etik olmayan nə var burda? İcmanın sərbəst şəkildə səs verməsinə Siz bu cür yanaşa bilməzsiniz. Bu etik deyil! Sizin dediyiniz kimi "gələnlər" arasında dəyərli idarəçimiz Araz Yaquboğluda var. Əlinizdə heç bir sübut olmadan heç kimi belə yarqılaya bilməzsiniz. A.Aida88 (müzakirə) 09:27, 25 may 2024 (UTC)

  @A.Aida88, kimin necə və nəyə görə gəldiyini çox gözəl bilirik. Qabağında səs ovu şablonu olmayan istifadəçilərin də necə və niyə gəldiyini. İnandırım ki, digər təcrübəli istifadəçilər də bilir. Bundan sonra kimlərin də gələcəyini rəqəmləyə bilərəm :) Sura Shukurlu (müzakirə) 10:08, 25 may 2024 (UTC)

  Bu Sizin fikrinizdir və iddihamlarınızdır. Amma bir daha deyirəm icmanı bu cür aşağılaya və yarqılaya bilməzsiniz! Hələki əlinizdə heç bir dəlil, sübut olmadan! A.Aida88 (müzakirə) 10:22, 25 may 2024 (UTC)

• Bu məqalə ilə bağlı qərar vermək üçün Ramin Bayramlı məqaləsi ilə müqayisə aparmaq lazımdır. Əgər Ramin Bayramlını tutduğu vəzifəyə görə ensiklopedik hesab etmişiksə, eynilə Vüqar Bayramov da ensiklopedik hesab edilməlidir. O qədər dövlət qurumu var ki, sözün düzü, müqayisə etmək, hansı qurumun hansına tabe olduğunu müəyyənləşdirmək çətindir. Yeni yarananda mən elə güman edirdim ki, TƏBİB Səhiyyə Nazirliyini əvəz etmək üçün yaradılıb. Amma bu baş vermədi. Şəxsin ensiklopedikliyi mübahisəlidir, amma məqalənin vikiləşdirilməli olduğu dəqiqdir. Belə CV formalı məqalələrin Vikipediyada saxlanılmasının əleyhinəyəm. @Sura Shukurlu, mən bu məsələni araşdırdım bir az, yaradılanda TƏBİB İST-nin tabeliyində olub, amma sonradan dəyişiklik edilib, ora tabe deyil. Şəxsin fəaliyyəti ətraflı araşdırılsa və əsaslandırılsa, məqaləni bərpa etmək olar. SNS müzakirəsindən sonra heç bir dəyişiklik etmədən məqaləni bərpa etmək doğru deyil. Eminn (müzakirə) 06:34, 31 may 2024 (UTC)

  Razıyam. Ramin Bayramlının ensiklopedik edən onu TƏBİB-in sədri olması deyil, digər fəaliyyətləridir. Məqalənin özünə də baxanda bu açıq-aydın görünür (istənilən halda müzakirəyə təqdim oluna bilər). Vüqar Qurbanov məqaləsində isə sadəcə TƏBİB sədri olması barədə məlumatlar yer alıb və ensiklopedik olması üçün iddia edilən əsas faktor da bu göstərilir. Təbii ki, TƏBİB sədri olmaq şəxsi birbaşa ensiklopedik edəcək vəzifə deyil. TəBİB-i Səhiyyə Nazirliyi ilə müqayisə etmək isə ümumiyyətlə doğru deyil. Sura Shukurlu (müzakirə) 15:36, 5 iyun 2024 (UTC)

•   Bərpa olunsun: Qeyd edildiyi kimi, TƏBİB rəhbəri əhəmiyyətli vəzifədir. Məqalənin strukturu dəyişdirilməlidir. Fəaliyyəti punkt-punkt deyil, cümlələrlə yazılmalıdır. — Toghrul R (m) 17:17, 5 iyun 2024 (UTC)

  Bütün dövlət qulluqçuları və dövlət xadimlərinin vəzifələri əhəmiyyətlidir, əhəmiyyətsiz olan var ki?)) Burada vəzifənin əhəmiyyətindən danışılmır, şəxsi təkbaşına ensiklopedik edib-etmədiyindən danışılır ki, bu vəzifənin də tələb olunan şərtləri ödəmədiyi aydındır. Mənim dünənki arqumentimdən sonra gəlib burada fikir bildirmək üçün xahiş almamısınız ki?)) Sura Shukurlu (müzakirə) 08:10, 6 iyun 2024 (UTC)

  Hər nə olur olsun, sizcə, belə etməyiniz doğrudur? Sübut olmadan (bilirəm ki, olan da deyil). İndi, məsələn, mən öz iradəmlə iştirak etsəm, eyni şeyi olacaq? Hörmətlə, Gadir^müzakirə 09:35, 6 iyun 2024 (UTC)

  Şərh: Pis əhatə olunmayıb. Amma məqalənin bu halı ilə konkret fikir bildirə bilmirəm, lehinə səs bildirən təcrübəli həmkarlarımızın mövqeləri maraqlıdır. Məqaləyə nəzər yetirmisinizmi? CV-ya oxşayır, "həmçinin bax" bölməsində verilmiş xarici keçidlərin nə məqsədlə olduğunu da anlamadım. Düzgün tərtib edilmədiyi aşikardır. Hörmətlə, Gadir^müzakirə 23:12, 7 iyun 2024 (UTC)

Yekunlaşdırma: Bərpa olunmasına qərar verilmişdir. Hörmələ — eldarado(müzakirə | fəaliyyət | meta səhifəsi) 05:25, 14 iyun 2024 (UTC)

Zəhmət olmasa, kimsə mənə əsaslı bir səbəb göstərə bilər ki, bu məqalə nəyə əsasən silinib? Məqalə Asif Məmmədov tərəfindən yaradılıb, Redivy tərəfindən SNS edilib. Amma hansı səbəb əsas götürülərək SNS edilib, çox maraqlıdır. Futbolçu Azərbaycanın ən yüksək qadın liqası olan Yüksək Qızlar Liqasında çıxış edir, üstəgəl də U-19 millisində çıxış edib. SNS-də göstərilmiş yeganə arqument odur ki, əsas millidə çıxış etməyibsə, ensiklopedik deyil. Bu isə heç bir qaydada öz əksini tapmayan bir fikirdir. Belə futbolçular (Hilal Çetinkaya) başqa vikilərdə ensiklopedik olur, bizdə yox?— Kosmik Ozan ^utora! 17:45, 13 may 2024 (UTC)

> Nahidə Məmmədova MARXAL FK (ŞƏKİ) klubunda çıxış edən [1] xanımdır və xüsusi dəyər görmədiyim üçün SNS etmişəm əgər gözümdən yayınan detal olubsa xahiş edirəm qeyd edərsiniz. Redivy (müzakirə) 08:37, 14 may 2024 (UTC)

Salam. Üzrlü sayın bəy, söhbətinizə müdaxiləsi etmiş kimi oldum, lakin bir neçə nüansı vurğulamaq çox önəmlidir. AFFA'nın saytındaki məlumatlar çox köhnədir. Bir neçə nümunə çəkmək istəyirəm: Alina Nəhmətova "Balxurma"dan 2 il öncə çıxıb, o Türkiyədə legioner həyatı yaşadı və indi "Sumqayıt" klubunda çıxış edir.^[1] Aytac Feyzullayeva da, Marxaldan çıxdı, uzun müddət Türkiyədə çıxış etdi, hətta gəlib "Sumqayıt"da da çıxış etdi, indi bir həftədir Qazaxıstana transfer olub.^[2] Saytda göstərilən "8-li İOEUGİM" 2 ildən çoxdur fəaliyyətini dayandırıb, orda heç bir oyunçu yoxdur. Leyla Ağayeva futbolu tərk etdi, indi məşqçilik edir, onun komandası "Gömrükçü" keçən il fəaliyyətini dayandırdı... Yəni aradan illər keçib, sadəcə rəsmi saytda görünür böyük gecikmə var. Ona görə tövsiyə edirəm, indi və bundan sonra da başqa istinadlara göz gəzdirəsiniz. Çox sağolun Asif Məmmədov (müzakirə) 07:28, 15 may 2024 (UTC)

@Asif Məmmədov Maraqlı məlumatdır AFFA niyə saytda yenilik etmir.? siz dediniz gördüm lakin hələdə şəxsin ensklopedik olduğunu düşünmürəm.   Bərpa olunmasın: Redivy (müzakirə) 07:12, 28 may 2024 (UTC)

  Bərpa olunsun: Düşünürəm şəxs ensklopedikdir. Azərbaycan Yüksək Qızlar Liqası 2021/2022 sezonunda Bombardir olmuşdur. Nəzərə ala bilərik ki, Azərbaycan Yüksək Qızlar Liqası tam peşəkar liqadır. Hətta bu mövsümdən etibarən, çempion olan "Neftçi" qadın klubu, Azərbaycanı Çempionlar Liqasında təmsil edəcək. Bu isə sübutdur ki, bu liqa peşəkardır. Nahidə isə, bu liqada 17 qolla bombardir olmuşdur, buna əsasən xüsusən mükafat da almışdır. Yəni, məqalənin silinməsi üçün bir səbəb görmürəm. Bərpa olunsun. Asif Məmmədov (müzakirə) 11:20, 28 may 2024 (UTC)

Yekunlaşdırma: Bərpa olunmasına qərar verilmişdir. Hörmələ — eldarado(müzakirə | fəaliyyət | meta səhifəsi) 05:28, 14 iyun 2024 (UTC)