Vikipediya Berpa Ucun Namized Sehifeler Arxiv 2025 Yanvar - Wikipedia - Ureyim.az

Şəhid mayor Vüsal Vəliyev haqqında iki kitab, yüzlərlə məqalə, şeirlər yazılmış, onlarla süjet çəkilmiş, xatirə bulaq-abidə kompleksi inşa edilmiş, haqqında İrəvan Dövlət Dram-teatrında "Səs" adlı tamaşa ərsəyə gətirilmişdir. Altı medal və Azərbaycan bayrağı ordeni ilə təltif edilib. Respublikadakı xatirə kitablarında, rayon ensklopediyalarında haqqında yazılar yer alır. Bu hallar şəhidin ensklopedik olduğunun göstəricisidir. 193.105.123.215 12:04, 14 yanvar 2025 (UTC)

Məqalə bərpaya namizəd göstərildiyi üçün məzmunu bərpa etdim. Ümid edirəm müzakirə müddətində məzmun daha da təkmilləşdiriləcək və uyğun hala gətiriləcək. Allah şəhidlərimizə rəhmət eləsin. Yəqin ki, yeni məlumatlar da var. Lütfən siz əlavələrinizi edin. Mən də vaxt edib uyğun redaktələri edəcəm. Sura Shukurlu (müzakirə) 15:10, 14 yanvar 2025 (UTC)

"google" və "youtube"da şəhid mayor Vüsal Vəliyev adını yazmaq kifayət edir ki, yüzlərlə mənbə ortaya çıxsın. Bundan əlavə şəhidin xatirəsinə həsr edilmiş facebook və instaqram səhifələrində də dolğun məlumat əks olunub. 37.61.112.94 03:22, 15 yanvar 2025 (UTC)

ŞƏHİD MAYOR VÜSAL İSLAM OĞLU VƏLİYEV

1988-ci il iyulun 15-də Şərur rayonunun Dizə kəndində anadan olub.

1994-2002-ci illərdə Şərur rayon Dizə kənd orta məktəbində, 2002-2005-ci illərdə Heydər Əliyev adına Hərbi liseydə, 2005-2009-cu illərdə isə Heydər Əliyev adına Ali Hərbi Məktəbdə hərbi təhsilin sirrlərinə yiyələnib. 2012-ci ildə Xüsusi Təyinatlı Qüvvələr təlimini uğurla başa vurub.

Vüsal Vəliyevə 22.06.2009-cu il tarixdə leytenant,  26.06. 2012-ci il tarixdə baş leytenant, 26.06.2016-cı il tarixdə kapitan, 20.08.2020-ci il tarixdə isə mayor rütbəsi verilmişdir.

2009-cu ildən “leytenant” hərbi rütbəsində Beyləqan rayonunda xidmətə başlayıb. Tank əleyhinə taqımın komandiri, motoatıcı taqım komandiri, motoatıcı taborun qərargah bölüyünün komandiri, motoatıcı bölüyün komandiri, tank əleyhinə bölüyün komandiri, motoatıcı taborun qərargah rəisi, tabor komandirinin müavini, motoatıcı taborun komandiri vəzifələrində Beyləqan, Füzuli, Ağdam, Tərtər, Tovuz, Qazax və Göygöl-Murovdağda xidmət edib, “mayor” hərbi rütbəsinəcən yüksəlib.

Xidmət etdiyi müddətdə mayor Vüsal Vəliyevə “Azərbaycan Respublikası Silahlı Qüvvələrinin 95 illiyi (1928-2013) Yubiley medalı”, “Azərbaycan Ordusunun 100 illiyi (1918-2018) Yubiley Medalı”, “10 il Qüsursuz xidmətlərə görə” 3-cü dərəcəli medalı, Azərbaycan Respublikası Müdafiə Naziri General-Polkovnik Zakir Həsənov tərəfindən təqdim edilmiş xüsusi medalla təltif olunub.

Vüsal Vəliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsi zamanı həmlə taborunun komandiri olub. Murovdağdan başlanan döyüş yolu Şuşanın azadlığınadək davam edib. Mayor Vüsal Vəliyev noyabrın 9-da Şuşa döyüşləri zamanı şəhid olub. 14 dekabr 2020-ci il tarixdə Şərur rayonundakı Şəhidlər Xiyabanında dəfn olunub.

Hərbi hissə qarşısında qoyulmuş bütün tapşırıqların icrası zamanı vəzifə borcunu şərəflə yerinə yetirdiyi, döyüşdə şücaət və igidlik göstərdiyi üçün mayor Vüsal Vəliyev ölümündən sonra Azərbaycan Respublikasının Prezidenti İlham Əliyevin Sərəncamıyla “Vətən uğrunda”, “Kəlbəcərin azad olunmasına görə”, “İgidliyə görə” medalları və “Azərbaycan bayrağı” ordeni ilə təltif edilib.

Mayor Vüsal Vəliyev nişanlı idi.

3 dekabr 2024-cü il tarixdə C.Cabbarlı adına İrəvan Dövlət Azərbaycan Dram Teatrında şəhid mayor Vüsal Vəliyevin xatirəsinə ehtiramla Adilə Nəzərin “Axirətdən gələn səs” qəhrəmanlıq dramı əsasında İftixar Piriyevin “Səs” adlı rejissor tamaşası təqdim edilib.

Şəhid mayor Vüsal Vəliyevin haqqında “Qisas 44” və “Vüsalın dastanı” adlı iki kitab çap olunub. Onun doğulduğu Dizə kəndində əziz xatirəsinə “Şəhid Vüsal bulağı” adlı abidə-bulaq kompleksi inşa edilib. Şəhid mayor Vüsal Vəliyev haqqında onlarla televiziyada sujet hazırlanıb, yüzlərlə məqalə, şeir və mahnılar yazılıb. Ölkənin müxtəlif məktəblərində onun adına otuzdan artıq sinif otaqları verilmişdir.

N saylı hərbi hissədə şəhid mayor Vüsal Vəliyevim adına post verilib. Doğulduğu Dizə kəndindəki ata evində xatirəsinə həsr olunmuş ev muzeyi yaradılıb. 37.61.112.94 03:24, 15 yanvar 2025 (UTC)

Şəhid mayor Vüsal Vəliyevin xatirəsinə həsr edilmiş facebook səhifəsində onunla bağlı dolğun məlumat var.

https://www.facebook.com/profile.php?id=100069430496058&mibextid=ZbWKwL 193.105.123.215 13:24, 16 yanvar 2025 (UTC)

Təşəkkür edirəm. Şəhidimizin fotosunu da bərpa edib məqaləsinə əlavə etdim. Sura Shukurlu (müzakirə) 15:50, 16 yanvar 2025 (UTC)

Sizə təşəkkür edirəm. Çox sağ olun. 193.105.123.215 09:30, 17 yanvar 2025 (UTC)

Allah rəhmət eləsin. Əvvəla onu qeyd edim ki, sosial şəbəkə hesabları etibarlı mənbə deyil (ətraflı baxın: Vikipediya:Etibarlı mənbələr). Məqaləyə fikir bildirə bilmək üçün bütün bu detallar mənbələrlə birlikdə məqaləyə əlavə olunmalı və dəstəklənməlidir. @Sura Shukurlu, faylı bərpa etmisinizsə, zəhmət olmasa, onu lisenziyalaşdıraraq Əİ-yə uyğunlaşdırın. Hörmətlə, Qədir (müzakirə) 14:35, 16 yanvar 2025 (UTC)

Təşəkkürlər.

Məqaləyə mənbələr əlavə olunub, bütün lazımlı məlumatlar yazılıb. Bərpası üçün məncə başqa maneə qalmayıb. 5.44.34.122 04:40, 21 yanvar 2025 (UTC)

Vüsal Vəliyev "Kəlbəcərin azad olunmasına görə" medalı ilə təltif olunub. Şablonda şəxsin iştirak etdiyi döyüşlərin qeyd edildiyi "döyüşlər" hissəsində Şuşanın azad edilməsi ilə birlikdə Kəlbəcər istiqamətindəki döyüşləri də qeyd edək? Bu döyüşlər adətən Murovdağ döyüşləri kimi qeyd olunur. Sura Shukurlu (müzakirə) 10:01, 21 yanvar 2025 (UTC)

Salam. Vüsalın döyüşə ilk başladığı yer Murovdağ-Kəlbəcər istiqaməti olub. 27 sentyabrda müharibə başlayan gün Murovdağda həmlə taborunun komandiri kimi döyüşə qatılıb. 9 noyabrda Şuşada şəhid olub. 37.61.116.16 19:18, 21 yanvar 2025 (UTC)

Oldu o zaman Murovdağ döyüşlərini də qeyd edirəm. Əlavə nə olsa lütfən bildirin. Sura Shukurlu (müzakirə) 15:52, 23 yanvar 2025 (UTC)

 Y Hörmətlə, Qədir (müzakirə) 19:04, 23 yanvar 2025 (UTC)

---

 Y Məqalənin bərpa olunmasına qərar verildi. Hörmətlə, Vikotals (müzakirə) 17:08, 11 fevral 2025 (UTC)

kapitan Türkiyədəki Kara Harp Okulunun məzunudur. Vətən Müharibəsi zamanı XTQ zabiti kimi Şuşada şəhid olub. Orden,medalları və haqqında kifayət qədər mənbələri var.

Shafa Movsumov (müzakirə) 09:24, 17 yanvar 2025 (UTC)

Məqalə bərpaya namizəd göstərildiyi üçün məzmunu bərpa etdim. Allah rəhmət etsin. --Sura Shukurlu (müzakirə) 21:54, 19 yanvar 2025 (UTC)

Təşəkkür edirik doğmaları adından ! Shafa Movsumov (müzakirə) 11:24, 4 mart 2025 (UTC)

---

Yekunlaşdırma:  Y Bərpa edilmədi. Məqalənin ensiklopedik tələblərə cavab verməsi barədə ətraflı arqument göstərilməyib. Nemoralis (müzakirə) 01:26, 30 mart 2025 (UTC)

Məqalə səsvermə ilə silinsə də, Babək Aslanov həqiqətən tanınmış ictimai xadimdir, 90-cı illərdən bu günə qədər ölkənin ictimai-siyasi həyatında fəal iştirak edib. Sadəcə Laçın rayonu İcra Hakimiyyəti başçısının müavini kimi tanınmayıb, Laçın rayonu barədə respublika əhəmiyyətli tədbirlərin çoxunda iştirak edən laçınlılar arasında çox fəal ictimai xadimdir, hər iki Qarabağ müharibəsinin iştirakçısıdır, 1994-cü ildə Horadiz kəndi uğrunda gedən döyüşlərdə yaralanıb. Hal-hazırda Azərbaycan Qarabağ müharibəsi əlilləri, veteranları və şəhid ailələri ictimai birliyinin Laçın filialının sədridir. Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsində İctimai Şuranın üzvüdür. Yəni bu şəxsin tanınmış ictimai xadim olmasını şübhə altına almaq mümkün deyil. Xahiş edirəm bunları nəzərə alıb Babək Aslanov haqqında məqaləni bərpa edəsiniz Melikov Memmed^⇒email 08:24, 23 yanvar 2025 (UTC)

 Y Hörmətlə, Qədir (müzakirə) 11:02, 23 yanvar 2025 (UTC)

  Bərpa olunmasın: Məqalədəki şəxs ensiklopedik deyil. Verilmiş mənbələr belə xəbərlərdən başqa bir şey deyil. Hələ YAP üzvü olması elə qeyd olunur ki, elə bil sovet dövründə yaşayayırıq və KPSS üzvlüyü dəhşət vacib bir şeydi.

Yousiphh (müzakirə) 21:09, 18 fevral 2025 (UTC)

  Bərpa olunmasın: həm @Yousiphh fikirləri həmçinində əlavə olaraq ensklopedik bir dəyər yoxdur sadəcə PR xarakterlidir. Redivy (müzakirə) 14:53, 9 mart 2025 (UTC)

---

Yekunlaşdırma:  Y Bərpa olunmamasına qərar verildi. Nemoralis (müzakirə) 01:27, 30 mart 2025 (UTC)

Salam , indi baxıram, kütləvi silinən məqalələr arasında şəhid Polis Baş Serjantı Nazim Abdullayev haqqında məqalə də var. Bu düzgün deyil, çünki Nazim Abdullayev polis əməkdaşı olub və onun haqqında bir çox kitablarda məlumatlar həmçinin adını daşıyan 2 küçə, auditoriya və xatirə baralyef abidəsi vardır.Sağlığında göstərdiyi qəhrəmanlığa görə Ulu Öndərimiz tərəfindən "Azərbaycan Bayrağı" ordeni ilə təltif olunub və həmçinin tanınmış qəhrəmanlarımızdan biridir.Xahiş edirəm bunları nəzərə alıb Abdullayev Nazim Xanlar oğlu haqqında məqaləni bərpa edəsiniz. Nurlan Allahverdyev (müzakirə) 20:03, 24 yanvar 2025 (UTC)

Məqalə bərpaya namizəd göstərildiyi üçün məzmunu bərpa etdim. Allah rəhmət etsin. --Sura Shukurlu (müzakirə) 21:00, 25 yanvar 2025 (UTC)

Allah cəmi şəhidlərimizə və cəmi dünyadan köçənlərinizə rəhmət eləsin.Çox sağ olun. Nurlan Allahverdyev (müzakirə) 21:22, 25 yanvar 2025 (UTC)

---

Yekunlaşdırma:  N Bərpa edilməməsinə qərar verildi. Nemoralis (müzakirə) 01:28, 30 mart 2025 (UTC)