Vikipediya Bilirsinizmi 36 Hefte 2021 - Wikipedia - Ureyim.az

Vikipediya məqalələrindən

• Azərbaycan Dövlət Akademik Opera və Balet Teatrı Rusiya imperiyası ərazisində kürünün ilk istehsalçıları olan və "Balıq kürüsü kralları" ləqəbi ilə tanınan Mayılov qardaşlarının vəsaiti hesabına tikilmişdir.
• Qədim Çində Sıçuan əhalisi səhvən udulmuş iynələri əritmək üçün panda sidiyindən istifadə edirdi.
• Əslən azərbaycanlı olan İran diplomatı Əbdül Hüseyn Sərdari İkinci dünya müharibəsi zamanı bir çox yəhudini Holokostdan xilas etdiyinə görə "iranlı Şindler" ləqəbi ilə tanınır.
• Rəvayətə görə 1862-ci ildə alman alim Fridrix Avqust Kekule yuxusunda quyruğunu dişləyən ilan görmüş və yuxudan ilhamlanaraq benzolun quruluşunu (şəkildə) vermişdir.
• Yapon dilində "kitto katsu" ifadəsi "sən mütləq qalib gələcəksən" mənasına gəldiyi üçün Kit Katlar Yaponiyada uğur simvoludur.