Vikipediya Heftenin Secilmis Siyahisi 32 Hefte 2018 - Wikipedia - Ureyim.az

Ana Səhifə - Vikipediya Heftenin Secilmis Siyahisi 32 Hefte 2018

Türkiyə Superkubokunu qazanan baş məşqçilərin siyahısı — (türk. Türkiye Süper Kupası kazanan teknik direktörler listesi) — Super Liqa çempionu ilə Türkiyə Kuboku çempionunun qarşılaşdığı Türkiyə Superkubokunu mövsümlərə görə qazanan baş məşqçilərin siyahısı. 1966-ci ildən 1999-cu ilə qədər "Prezident kuboku" adı ilə təşkil edilən turnir 1999-2005-ci illər arasında təşkil olunmamışdı. 2006-cı ildən "Superkubok" adı ilə təşkil edilməyə başlamışdır. Oynanılan otuz yeddi matçda iyirmi səkkiz fərqli baş məşqçi kubokun sahibi olmuşdur. Kuboku qazanan ilk baş məşqçi "Qalatasaray" komandası ilə kubokun sevincini yaşayan Gündüz Qılınc, ilk xarici baş məşqçi isə "Beşiktaş" komandası ilə kuboku qazanan Lyubişa Speycdir. Kuboku ən çox qazanan baş məşqçi isə Əhməd Suat Özyazıçıdır. O, bu kuboku 4 dəfə qazanmışdır.

İki baş məşqçi iki il ardıcıl çempion olmuşdur. Bu baş məşqçilər 1976-1977-ci illərdə "Trabzonspor" komandası ilə çempion olan Əhməd Suat Özyazıçı və 1996-1997-ci illərdə "Qalatasaray" komandası ilə kuboku əldə edən Fateh Terimdir. İki baş məşqçi iki fərqli komanda ilə müvəffəqiyyət qazanmışdır. İlk dəfə bu uğura 1978-1980-cı illərdə "Trabzonspor", 1982-ci ildə isə "Qalatasaray" komandası ilə Özkan Sümər nail olmuşdur. Sonrakı baş məşqçi isə 1994-cü ildə "Beşiktaş", 2009-cu ildə "Fənərbaxça" komandası ilə kuboku əldə edən Kristof Daumdur.

Arxiv – Digər seçilmiş siyahılar...

Mənbə — "https://az.wikipedia.org/wiki/?q=Vikipediya:Həftənin_seçilmiş_siyahısı/32._Həftə_2018&oldid=7011651"