Çərkəz Həsən bəy — çərkəzəsilliOsmanlı hərbi xadimi, Sultan Əbdüləzizin qaynı. O, Hüseyn Avni Paşanı Əbdüləzizi öldürməkdə günahlandırmış, 15 iyun 1876-cı ildə hökumət iclasına basqın etmiş, iki nazir (müdafiə naziri Hüseyn Avni Paşa və xarici işlər naziri Rəşid Paşa), iki əsgər və bir xidmətçini öldürmüş, bir naziri (Kayseri Dəniz Qüvvələri naziri Əhmət Paşa) yaralamışdır. O, bu hadisədən sonra, 17 iyun 1876-cı il səhər saatlarında edam edilmişdir. O, 1850-ci ildə çərkəz aristokratiyasının nümayəndəsi İsmayıl bəyin ailəsində dünyaya gəlib. Ailənin Çərkəz Həsəndən başqa, sonradan Sultan Əbdüləzizin həyat yoldaşı olan və Nəsrin adını alan Neşərək Qadınəfəndi adlı böyük bir qızı da var idi. Qızı Sultanın hərəminə, Həsən isə əsgərliyə getdikdən sonra İsmayıl bəy qalan ailə üzvləri ilə birlikdə Silivridə yaşamağa davam etmişdir.
