Vikipediya Heftenin Yaxsi Meqalesi 37 Hefte 2015 - Wikipedia - Ureyim.az

Ana Səhifə - Vikipediya Heftenin Yaxsi Meqalesi 37 Hefte 2015

Kim Possibl — əsası Mark MakKorkl və Bob Şuli tərəfindən qoyulmuş, 2002-2007-ci illərdə istehsal olunmuş, Emmi mükafatı qazanmış ABŞ animasiya serialı. Əslində 65 hissə olan seriala tamaşaçıların istəyi ilə daha 22 hissə əlavə olunmuş və beləliklə hissələrin sayı 87-ə çatmışdır. İlk dəfə Disney Channel kanalında yayınlanmışdır. Türkiyədə TRT 1 və Disney Channel, Rusiyada Pervıy Kanal, STS, "Disney Channel (Russia)" kanallarında nümayiş olunmuşdur. Serial həm kiçiklərin, həm də böyüklərin böyük rəğbətini qazanmışdır.

Serialda ABŞ-nin uydurulmuş Middlton şəhərində yaşayan Kim Possibl adında 13 yaşlı gənc bir qız, ən yaxın dostu Ron Stoppabl və Ueyd Load ilə birgə dünyanı pisliklərdən qurtarmalarından söhbət açılır. Serial əslində uşaqlar üçün düşünülmüşdü, amma gülməli səhnələri və bir çox hərəkətləri sayəsində bir çox yetkin tamaşaçıların böyük rəğbətini qazanmışdır.

"Kim Possibl" sözü "Impossible" sözündən götürülmüşdür. Mənası İngiliscədən "Mümkün olmayan" deməkdir. Yəni, Kim Possibl mümkün olmayan tapşırıqları məsuliyyətlə yerinə yetirir. Bəzən elə hallar olur ki, Kim Possibl dostlarının köməyi olmadan tapşırıqları yerinə yetirməyə məcbur olur. İlk dəfə "Kim Possibl" serialı 7 iyun 2002-ci ildə bütün dünya ölkələrinə yayınlanmışdır. "Kim Possibl" serialının yayım tarixi 7 sentyabr 2007-ci il tarixində başa çatmışdır. (Davamı...)

Arxiv – Digər yaxşı məqalələr...

Mənbə — "https://az.wikipedia.org/wiki/?q=Vikipediya:Həftənin_yaxşı_məqaləsi/37._Həftə_2015&oldid=7026340"