Vikipediya Kend Meydani Arxiv Iyun 2025 - Wikipedia - Ureyim.az

Vikidə qanunvericlik aktları ilə bağlı rəsmi mənbə olan Hüquqi Aktların Dövlət Reyestrinə avtomatik istinad yaradanda müəllif kimi "Crocusoft" şirkətinin adı qeyd olunur. Həmin sirkət saytı yaratmış olsa belə, e-qanun resursu "Normativ hüquqi aktlar haqqında" Konstitusiya Qanununun XIV fəslinə əsasən Prezident fərmanı ilə təsdiq edilmiş “Hüquqi aktların Azərbaycan Respublikasının Hüquqi Aktların Dövlət Reyestrinə daxil edilməsi qaydaları haqqında Əsasnamə”yə uyğun olaraq yaradılıb.

Resursun yaradılması zamanı podratçı təşkilat Crocusoft öz adını müəllif scriptinə yazıb. Ona görə də viki texnologiyası qeyd olunan texniki qüsur baş verir.

Bunları nəzərə alaraq, texniki üsullar tətbiq etməklə, Azərbaycanca məqalələrin istinad hissisində "Crocusoft" sözünün "Hüquqi Aktların Dövlət Reyestri" sözləri ilə əvəz edilməsi təklif olunur.

Eyni zamanda, həmin resursa avtomatik istinad yaradılarkən "en" (ingilis) dili işarəsi qoyulur. Bu da e-qanun saytının ilkin olaraq ingilisdilli resurs kimi yaradılması olmuşdur. Sonradan, ingilis dilindəki səhifə genişləndirilməsə də, scriplər dəyişdirilməyib. Bu barədə şirklətin təsisçisinə və texniki məsul şəxsinə məlumat verilib. Ancaq, mövcud vəziyyətdə istinad e-qanun sisteminin azərbaycan dilindəki hissəyə aparır. Ona görə də, bütün hallarda "en" dil işarəsinin az şarəsinə dəyişdirilməsi və ya silinməsi təklif edilir. Lawyer.F (müzakirə) 08:49, 2 iyun 2025 (UTC)

Toghrul R, Nemoralis Lawyer.F (müzakirə) 08:50, 2 iyun 2025 (UTC)

Siz yəgin ki e-qanun.az saytını deyirsiniz. Dili əllə (manual) "en"dən "az"-a dəyişmək olar. Müəllif hissəsidə "Crocusoft" olmasını düzgün saymıram - onu da əllə silmək olar. Ümumiyyətlə müəlliflik hissəsində nəsə yazılması düz olarmı? Qanunun müəllifi kimdir? "Hüquqi Aktların Dövlət Reyestri" yazmaq bilmirə nə qədər düz olar, ən azı ona görə ki hansı qrafada yazılmalıdır? Amma məsələn saytın adı (Name of the website) var - bəlkə oraya saytın adını (Azərbaycan Respublikasının Ədliyyə Nazirliyi Hüquqi aktların vahid elektron bazası) yazsaq kifayətdir?

Bu dəyişikliklər avtomatik tədbiq edilə bilsəydi yaxşı olardı, amma əmin deyiləm ki, Vikipediyanın inzibatçıları bunu texniki olaraq eləyə bilə, yəgin ki hər dəfə əllə edilməli olacaq... Zohrab Javad (müzakirə) 09:44, 2 iyun 2025 (UTC)

Bəli, e-qanun.az saytını nəzərdə tuturdum. Məndə "Crocusoft" Azərbaycanca səhifələrdə "Last name" qrafasında gəlir. rast gəldiklərimi özüm düzəliş edirəm. Amma, belə səhifələrin sayı çoxdur. "Hüquqi aktların vahid elektron bazası" ifadəsi hələ ki, qanunvericlikdə öz əksini tapmayıb. Amma, "Hüquqi Aktların Dövlət Reyestri" ifadəsi "Normativ hüquqi aktlar haqqında" Konstitusiya Qanununda təsbit olunub. Ona görə, hüquqi baxımdan sonuncu daha uyğun görünür. Yenə də baxın. Lawyer.F (müzakirə) 13:37, 2 iyun 2025 (UTC)

meta:Web2Cit parametrlərində dəyişdirmək lazımdır. Nemoralis (müzakirə) 09:49, 2 iyun 2025 (UTC)

YM şablonund "İcma" qrafasını doldurandan sonra yayımlananda eyni sətirdən atl-alta ikisi göstərilir. Bu qluku necə həll etmək olar? Toghrul R, Nemoralis Lawyer.F (müzakirə) 15:08, 4 iyun 2025 (UTC)

Nümunə məqalə göstərə bilərsiz? Nemoralis (müzakirə) 21:17, 4 iyun 2025 (UTC)

Hər kəsə salam. Azərbaycan Vikimediaçılarının İstifadəçi qrupu Yunanıstanın Saloniki şəhərində baş tutacaq olan Mərkəzi və Şərqi Avropa Vikimediaçılarının görüşü üçün öz nümayəndələrini seçir. İştirak xərcləri təşkilatçılar tərəfindən qarşılanır. 3-10 iyun 2025-ci il tarixləri arasında Azərbaycan Vikimedia cəmiyyətinin üzvləri bu səhifədə öz namizədliyini təqdim edə bilərlər. Hörmətlə --eldarado(müzakirə | fəaliyyət | meta səhifəsi) 21:50, 3 iyun 2025 (UTC)

White Demon, zəhmət olmasa Sitenotice-a da yerləşdirin bu bildirişi. Təşəkkür edirəm. --eldarado(müzakirə | fəaliyyət | meta səhifəsi) 21:55, 3 iyun 2025 (UTC)

@Eldarado, bizim istifadəçi qrupunun idarə heyəti seçilməyib axı. Hansı idarə heyəti seçəcək sonda? Sousou no Frieren 23:02, 3 iyun 2025 (UTC)

White Demon, doğrudan, kim seçir? Ya səsvermə? --► Hörmətlə: ChanisCaucasi 01:31, 4 iyun 2025 (UTC)

İdarə heyətinin hazırki üzvləri bizik və hər il bu seçimləri təşkil edib nümayəndələri yollayırıq. Dəfələrlə bu mövzuda dəstək istəmişik heç kəsə maraqlı gəlməyib. Əgər maraq varsa hazırladığım idarə heyəti seçimini başlada bilərik, lakin bir iki istifadəçi də gərək dəstək olsun bu işdə. Seçim üçün fonddan alət almalıyıq, danışmışam sadəcə qaydaları, seçim şərtlərini və tarixi müəyyən etməliyik. Hörmətlə--eldarado(müzakirə | fəaliyyət | meta səhifəsi) 14:01, 4 iyun 2025 (UTC)

Eldarado "biz" konkret kimlərdir? --► Hörmətlə: ChanisCaucasi 20:21, 4 iyun 2025 (UTC)

Bu idarə heyəti üzvləri hansı səsvermə yolu ilə seçilib? Nemoralis (müzakirə) 21:17, 4 iyun 2025 (UTC)

@Eldarado, cavabınız üçün təşəkkür edirəm. Qeyd etmək istəyirəm ki, Azərbaycan vikimediyaçıları istifadəçi qrupunun idarə heyəti mövcud deyil. Bir redaktə ilə idarə heyəti formalaşmır. Eminn (müzakirə) 10:34, 5 iyun 2025 (UTC)

Salam Eminn, təbii ki, bir redaktə ilə formalaşmır. İstifadəçi qrupumuzun yaradıcıları Wertuose və Sortilegusdur. Bu fond tərəfindən imzalı sənədlə təsdiqlənib. Daha sonra onların qərarı ilə mən də bu sıraya qatılmışam. Board member təyin etmək isə yeni bir təklif idi. Məqsəd isə istifadəçi qrupumuzun fəaliyyətini genişləndirmək və chapter olmağa kimi yüksəlməkdir. Yəni idarə heyəti hələki təyin olunmayıb, hazırda bu işi contact personlar görür. Başqa sualınız varsa buyurun. Hörmətlə --eldarado(müzakirə | fəaliyyət | meta səhifəsi) 15:21, 5 iyun 2025 (UTC)

Onu da qeyd edim ki, istifadəçi qrupun işlərini idarə etmək könüllüdür və biz hər il istifadəçiləri dəvət edirik kömək etmək üçün. Bunun üçün hansısa səsverməyə və ya sənəd sünədə ehtiyac yoxdur. Misal üçün, qısa müddət öncə Nemoralis wikimedia.az saytına dəstək üçün hesab istədi və təmin edildi. Bundan bir müddət öncə tədbirlərin təşkili üçün Aida xanım bizdən email istədi təmin edildi. Yəni deməyim odur ki, qapı hər kəsə açıqdı və hamımızın məqsədi birdir, sadəcə birlikdə yaxşı mənada qruplaşıb iş görmək lazımdır. Mövzunu mübahisəyə və ya qarışıqlığa yönəltmək sadəcə hamımızı həvəsdən salır. Tədbirlərə nümayəndə seçimi isə bu qrupun sadəcə çox kiçik bir işidir lakin nədənsə hər kəs sadəcə bu mövzu açılanda maraq göstərir istifadəçi qrupun işinə. Hörmətlə --eldarado(müzakirə | fəaliyyət | meta səhifəsi) 15:56, 5 iyun 2025 (UTC)

Eldarado idarə heyəti barədə müzakirələr bir neçə ildir ki, davam edir, sadəcə tədbir ilə bağlı deyil. Məsələ odur ki, danışırıq, həll edə bilmirik. Spesifik olaraq sizinlə və ya bu tədbirlə bağlı deyil, yanlış anlamayın. --► Hörmətlə: ChanisCaucasi 14:37, 6 iyun 2025 (UTC)

ChanisCaucasi, təşəkkür edirəm açıqlama üçün. Görünən odur ki, digər istifadəçilər sizinlə həmfikir deyil buna görə yuxarıdakı açıqlamanı qeyd etdim. İdarə heyətinə gəldikdə isə artıq bu il çalışacam bitirək. İlk öncə qaydaları redaktəyə və müzakirəyə çıxaraq və daha sonra isə fonddan səsvermə üçün toollarından istifadə etmək üçün müraciət edəcəyik. --eldarado(müzakirə | fəaliyyət | meta səhifəsi) 15:17, 6 iyun 2025 (UTC)

@Eldarado, hansı sənədlə @Wertuose və @Sortilegus istifadəçi qrupunun yaradıcıları olaraq təsdiqlənib? Harda və hansı formada qərar verilib ki, siz də o sıradasınız? Bunlar ciddi məsələlərdi. Qeyri-müəyyən formada 3 nəfərin adı illərdi ordadı və elə görünür ki, sanki heç vaxt dəyişməyini istəmirlər. Son illərdə ümumiyyətlə @Wertuosedən başqa digər şəxsləri heç bir tədbirdə görməmişəm. Heç bir iş görmədən istifadəçi qrupunun əlaqədar şəxsləri olaraq o siyahıda adlarınızı saxlamaq icmaya hansı fayda verir? Eminn (müzakirə) 11:36, 11 iyun 2025 (UTC)

İstifadəçi qrupunun yaradılması ilə bağlı 2014-də Wertuose ilə mən fonda müraciət etmişik, qrupun yaradılması üçün lazım olan sənədləri toplamışıq, yazışmalar aparmışıq. Sonra da Eldorado qoşulub bu işə. Orada idarə heyətindən söhbət getmir. Key people (açar şəxs) - yəni əlaqə saxlanılan şəxslərdir. İdarə heyəti yerli təmsilçilik (chapter) alınandan sona formalaşa bilər. 11 ildir də təəssüf ki, azviki yerli təmsilçilik ala bilməyib. Yerli təmsilçiliyin alınması üçün gərəkən işləri Azərbaycanda olan aktiv vikipediyaçılar etməlidirlər. Mən 2012-ci ildə Azərbaycanda yaşamadığım üçün bu işlərlə uzaqdan məşğul olmağım mümkün deyil, Azərbaycanda olsaydım düşünürəm ki, çoxdan yerli təmsilçilik məsələsinin müsbət həllinə nail olmuşduq. --Sortilegus (müzakirə) 12:31, 11 iyun 2025 (UTC)

Eminn istifadəçi qrupunun key people-i olmaq üçün Göygöldə, ya Şamaxıda keçirilən tədbirdə iştirak etmək vacib deyil. O tədbirlərə heç azvikiyə uzaqdan-yaxından dəxli olmayan adamlar da qatıla bilər və ya elə tədbirlər hansısa qeyri-hökumət və ya hökumət təşkilatları tərəfindən düzənlənə bilər. Key people-ın daha çox azvikinin daxilində olub-bitənlərdən xəbərdar olması vacibdir.--Sortilegus (müzakirə) 12:40, 11 iyun 2025 (UTC)

@Sortilegus, ikinci abzas barədədir sualım. İstifadəçi qrupunun fəaliyyəti daha çox daxili yox, "offline" olmamalıdırmı? Hansı ki, metadakı səhifəyə də baxanda bunu görmək olar. Üstəgəl sizin dediyinizin əksi olaraq digər istifadəçi burada idarə heyətinin var olduğunu qeyd edir. Turkmen ^müzakirə 12:58, 11 iyun 2025 (UTC)

@Sortilegus, idarə heyəti formalaşdırmaq üçün chapter olmaq vacib deyil. İran Vikimediaçıları İstifadəçi Qrupu chapter deyil, amma iki-üç həftə əvvəl idarə heyəti formalaşdırıblar. Sousou no Frieren 13:10, 11 iyun 2025 (UTC)

Düşünürəm ki, namizədlər səhifəsində digər istifadəçilərin şərhləri üçün bölmə qoyulsa yaxşı olar. Türklərin etdiyi kimi. Mən məsələn ChanisCaucasi və Turkmenin namizədliyini dəstəkləyirəm. ChanisCaucasi artıq neçə tədbirdə iştirak edib, xarici istifadəçiləri də tanıyır, AzVikinin problemlərini dilə gətirməkdən çəkinmir. Turkmen də ki, neçə illərdi ki, AzVikidə oflayn tədbirlərdə daim iştirak edir, xarici istifadəçiləri də qiyabı olaraq tanıyır, düşünürəm ki, belə bir tədbirdə iştirakı vikiicma üçün də, özü üçün də müsbət olardı. Sousou no Frieren 14:54, 11 iyun 2025 (UTC)

Mən dəfələrlə qeyd etmişəm ki, İdarə heyəti yeni bir ideyadır. Səbəbi isə istifadəçi qrupu üçün görülən işlərdə dəstək almaqdır. Biz hər dəfə dəvət edirdik istifadəçiləri, lakin heç kəs maraq göstərmirdi, düşündük bəlkə idarə heyəti olsa istifadəçilərdə maraq yaranar. Əlaqələndirici şəxslər isə ayrı mövzudur digər bütün istifadəçi qruplarda olduğu kimi. Hörmətlə --eldarado(müzakirə | fəaliyyət | meta səhifəsi) 15:21, 11 iyun 2025 (UTC)

White Demon, iranlıların istifadəçi qruplarının praktikasını bilmirəm, yeni bir şeydir hər halda, amma o vaxtı yadıma gəlir ki, fondla yazışmada biz soruşmuşduq onlardan idarə heyəti ilə bağlı, demişdilər lazım deyil. Əsas da soruşmağımızın səbəbi idarə heyətində 7 ya 14 nəfərin təmsil olunma tələbi, ehtiyatda olan üzvlər, hər 1 ya 2 ildən bir yeni seçki və yeni üzvlərin seçilməsi tələbi və s. idi (rəqəmlərdə yanlışlığa yol verə bilərəm, 11 il qabağın söhbətidi), bunlar yerli təmsilçilik üçün vacibdir, istifadəçi qrupu üçün yox. Bizdə də o vaxt heç bu qədər aktiv redaktor yox idi ki, idarə heyəti seçilsin və tez-tez yenilənsən. İndi yerli təmsilçilik də olsa, ya istifadəçi qrupunun idarə heyətinin seçilməsi imkanı da varsa və ya bu tip beynəlxalq tədbirlərdə iştirak məsələsi aktiv azviki redaktorlarının ümumi müzakirəsi ilə olacaqsa - mən bütün bunları dəstəkləyirəm. Key people-nin məsuliyyəti azalır və məsuliyyəti idarə heyəti üzvləri və aktiv istifadəçilər öz aralarında bölüşür. Sabah konfransa göndərilən şəxs azvikini orada doğru dürüst təmsil edə bilməyəcəksə, bunun məsuliyyəti 3 nəfərin üzərində qalmır ki, niyə bu adamı seçib göndərmisiniz, səbəb olaraq aktiv redaktorların istəyi göstərilə bilər. Baxmaq lazımdır, həm chapter-lər, həm də user group-lar üçün fondun bir nizamnamə şablonu olmalıdır, o şablona görə hərəkət etmək lazımdr.--Sortilegus (müzakirə) 15:54, 11 iyun 2025 (UTC)

Son dövrlərdə idarə heyəti ilə bağlı müzakirələrin tez-tez gündəmə gəlməsini nəzərə alaraq gəlin hər şeyi sıra ilə izah edim və bir çox sualların cavabını hamı özü üçün tapa bilsin:

1. İstifadəçi qrupunun yaradılmasına dair görüş 2014-cü ilin 23 avqust tarixində Bakı şəhərində keçirilib və 8 nəfər iştirak edib. Həmin görüşdə istifadəçi qrupunun adı və qrup rəhbəri təsdiqlənib. Bununla bağlı bütün iştirakçılar sənəd imzalayıblar, çünki qeydiyyat üçün Fondun belə bir tələbi var idi. Həmin imzalı sənədin surəti məndə qalmaqdadır. Həmin sənəddə imza edən şəxslərin istifadəçi adı, adı və soyadı, telefon nömrəsi, imeyl ünvanı və imzası yer alır. Fərdi məlumatlar olduğuna görə onu Vikipediyada paylaşa bilmirəm. Görüşdə iştirak edən və imza edənlərin istifadəçi adlarını isə sadalaya bilərəm: Sefer azeri, Eminn, Araz Yaquboglu, Baskervill, Sultan11, Cekli829, Wertuose, Sortilegus.
2. Bizim istifadəçi qrupu ilk yaradılan qruplardan biridir. Ümumiyyətlə, Vikimedia Fondunun istifadəçi qruplarının yaradılmasındakı əsas məqsədi o dövrdə hamının çapter olmaq üçün çoxsaylı müraciətlərindən sonra çapter və tematik təşkilatlardan fərqli olaraq, daha sadə struktura malik, öz ölkəsində qeyri-rəsmi fəaliyyət göstərə bilən, dövlət qeydiyyatı, nizamnamə və digər hüquqi məsələlər, habelə sonrakı illik hesabatlılıq baxımından tələblər olmayan, öz daxilində daha sürətli qərarlar qəbul edərək Vikimedia layihələrində və təbliğat məsələlərində aktiv fəaliyyət göstərməsi mümkün olan bir təşkilati forma yaratmaq idi.
3. İdarə heyətinin olmasına dair istifadəçi qrupları qarşısında konkret bir tələb yoxdur, yəni məcburi deyil. Amma Fonddan qrant alan istifadəçi qruplarında alınan pulun düzgün istifadəsinə nəzarət baxımından bir neçə nəfərin kollektiv nəzarətinin olması üçün idarə heyətinin olması müsbət qarşılanır. İstifadəçi qrupları çapterlə demək olar ki, eyni hüquqlara malikdir, lakin çapterlərin əsas üstünlüyü Fonddan illik büdcə ala bilmələri və öz ölkələrində Vikimedia Fondunu təmsil edən yerli qeyri-hökumət təşkilatı kimi fəaliyyət göstərmələridir. Yəni çapterlər daha çox qrant ala bilir və bu səbəbdən çapter olmaq məqsədi olan istifadəçi qruplarında da idarə heyətinin formalaşdırılmasına ehtiyac yaranır.
4. Azərbaycanda qrant haqqında qanuna görə xaricdən rəsmi yolla qrant almaq demək olar ki, mümkün deyil. İcazə verilən rəsmi mexanizm isə çox uzundur və qrant verəndən, ya da qrant almaq istəyəndən asılı deyil, dövlət qurumlarından asılıdır, amma ən əsas məsələ odur ki, Vikimedia Fondunun özü bu cür yollarla qrant verməkdə maraqlı deyil.
5. Azərbaycan vikimediaçıları istifadəçi qrupunun idarə heyəti olmasa da, istifadəçi qrupunun görüşlərində iştirak edənlər təsdiq edər ki, həmişə müxtəlif fəaliyyətləri öz aramızda bölüşdürmək üçün müzakirələrimiz olub, işlər həvalə edilib və görüşdən sonra müəyyən işlər də görülüb, amma bu adətən qısa müddət davam edir və növbəti görüşdə başqa şəxslərə eyni işi tapşırmaq məcburiyyətində qaldığımız hallar olub. Buna ən bariz nümunə kimi sosial şəbəkə hesablarının idarə edilməsini göstərə bilərəm. İndiyədək bəlkə də 10 müxtəlif admin gəlib keçsə də, istifadəçi qrupunun Facebook səhifəsində daimi aktivlik təmin edilə bilmir.
6. Soruşsanız ki, bəs filan vikidə niyə yaxşı alınır, bizdə alınmır, bunun səbəbi də ilk növbədə məhz qrant məsələsidir. Yəni onların çoxunda görülən işin bir hissəsi könüllü də olsa, ödənişli fəaliyyət də var.

Bizdə idarə heyətinin yaradılması təbii ki, mümkündür, amma yuxarıda qeyd etdiklərimi icmallaşdırsam, idarə heyətinin olub-olmamasının az-viki üçün xeyri və ya zərəri onun icra edəcəyi vəzifələrdən asılıdır.--Wertuose (müzakirə) 09:02, 12 iyun 2025 (UTC)

@Wertuose, bu izahın yuxarıdakı digər iki izahla arasında təcrübə etibarı ilə fərq böyükdür. Diqqətinizə və geniş izaha görə təşəkkür edirəm. Hesab edirəm ki, digər iki istifadəçi ümumiyyətlə istifadəçi qrupunun və gördükləri işin mahiyyəti etibarı ilə bu məsələdən çox uzaqdır və bunu görmək çətin deyil. Turkmen ^müzakirə 09:25, 12 iyun 2025 (UTC)

@Sortilegus, Göygöldə və ya Şamaxıda keçirilən tədbirlərdə iştirak etməyin vacib olduğunu qeyd etməmişəm və heç elə düşünmürəm, amma Göygöldə və digər şəhərlərdə keçirilən tədbirlər həmin istifadəçi qrupunun fəaliyyətləri siyahısında yazılıb. İstifadəçi qrupu həm də oflayn fəaliyyət üçündür, ona görə təkcə azvikinin daxili vəziyyətini bilmək kifayət etməyəcək. Vikipediyaya töhfə vermək üçün başqa alətlər, statuslar var. İstifadəçi qrupunun səhifəsində idarə heyəti bölməsi var və orada iki nəfərin adı var. @Wertuose-nin qeyd etdiyi görüşü xatırlayıram. Lakin bu qərarın harada və necə verildiyini xatırlamıram. Necə qərar verilib, hansı prosedur üzrə verilib. Hansı müddətə təyin olunub? Növbəti üzvlər 6 il müddətində niyə seçilməyib və s. @Eldarado tərəfindən qaydalarda bu bənd hansı müzakirələr əsasında silinib? İstifadəçi qrupu Azərbaycanda olan Vikimedia layihələri üçün fəaliyyət göstərməlidirsə, idarə heyəti niyə Azərbaycanda yaşamağı məcburi deyil, daha dəqiq desək, niyə 2024-ci ildən bəri məcburi deyil? CEE 2025 üçün nümayəndələr necə seçildi? Hansı kriteriyalar əsas götürüldü? Çox sual var, amma cavab yoxdur. İndiki vəziyyətində istifadəçi qrupu işləmir, bu vəziyyəti dəyişmək lazımdır. Eminn (müzakirə) 10:37, 12 iyun 2025 (UTC)

@Eminn, iradlarınız kifayət qədər əsaslıdır və məntiqli cavablar tələb edir. Sizin pis-yaxşı bu mövzularda təcrübəniz var; təklif edirəm ki, yeni qaydalar üzərində işləmək barədə təşəbbüs göstərməyə cəhd edəsiniz. Həm də cari vəziyyətdən çıxış yolu barədə təkliflərinizi qeyd edəsiniz, siz də, bu mövzuda təcrübəsi olan digər istifadəçilər də. Hörmətlə, Qədir (müzakirə) 10:56, 12 iyun 2025 (UTC)

• Salam. Məncə bu müzakirə artıq uzun müddətdir eyni suallara və cavablara qapanıb. Hamımız eyni məqsədə — Azərbaycan vikicəmiyyətinin daha aktiv və şəffaf fəaliyyətinə nail olmağa çalışırıq. İstifadəçi qrupunda idarə heyətinin rəsmi formalaşmaması artıq neçə müddətdir narahatlıq doğurur və düşünürəm ki, bu məsələni daha artıq uzatmadan, konkret addımlarla yekunlaşdırmalıyıq. Əgər bu il səsvermə və seçki alətləri vasitəsilə idarə heyətinin yaradılması üçün real addım atılacaqsa, mən şəxsən bu prosesi dəstəkləməyə və lazımi işlərdə iştirak etməyə hazıram. Amma bəzi haqlı iradlarım olacaq, düşünürəm ki, iszlərdə mənimlə razılaşarsınız. Az.viki icması elə də böyük icma deyil, əksəriyyət bit-birini tanıyır. Uzun illərdi həllini tapmayan bir nüans var.

Qeyd edimki, Wikimedia Foundation tərəfindən "chapter" statusu almaq üçün yalnız daxili təşəbbüs və fəaliyyət kifayət etmir. İlk növbədə ölkənin qanunvericiliyində dəyişiklik edilməlidir. Çünki hazırkı qanunvericilik şəraitində beynəlxalq fondlardan – xüsusilə də xarici qrantlardan – vəsait almaq, qeyri-hökumət təşkilatlarının fəaliyyətini genişləndirmək faktiki olaraq mümkünsüzdür. Bu vəziyyət həm yerli təşəbbüslərin inkişafına, həm də beynəlxalq təşkilatlarla əməkdaşlığa ciddi əngəl yaradır. Birdə bu fikrə Key people-ın daha çox azvikinin daxilində olub-bitənlərdən xəbərdar olması vacibdir daha geniş aydınlıq gətirim. Key people Viki icmanın daixlində olmalıdır. "Key people" anlayışı sıradan bir ad və ya status deyil. Bu şəxslər yalnız texniki olaraq hansısa sənəddə adlarının yazılması ilə deyil, real və aktiv şəkildə icmanın içində olmalıdırlar. Onlar Azərbaycandilli Vikipediya icmasının gündəlik fəaliyyətindən, problemlərindən və dinamikasından xəbərdar olmalı, aktiv istifadəçilərlə daimi və sağlam ünsiyyətdə olmalıdırlar.Əks halda bu şəxslərin "azvikinin təmsilçiləri" kimi təqdim olunması sadəcə formal xarakter daşıyır və gerçəkliyi əks etdirmir. Çünki "key people" olmaq təkcə təşkilati fəaliyyətə aid bir məsələ deyil — bu status həm də icmanın içindən çıxan, onun etimadını qazanan və daim onunla bir yerdə olan şəxslərə aid olmalıdır. Əgər bu şəxslər icmanın yarısından çoxu ilə davamlı mübahisə halındadırsa, digər bir hissəsi ilə isə küsülü və ya uzaq münasibətdədirsə, onların “təmsilçi” statusu ciddi şəkildə sorğulanmalıdır. Belə vəziyyətdə bu şəxslər nə icmanın ruhunu daşıyır, nə də real ehtiyaclarını təmsil edə bilir. Bundan əlavə, idarə heyətində edilən dəyişikliklər, xüsusilə “key people” statusuna aid dəyişikliklər, təkbaşına və qeyri-şəffaf şəkildə aparılmamalıdır. Belə vacib bir məsələ azı məsləhətləşmə yolu ilə, istifadəçi qrupunun üzvləri ilə fikir mübadiləsi aparıldıqdan sonra həyata keçirilməlidir. Əks halda bu, şəffaflıq və ədalət prinsiplərinə zidd olaraq qəbul edilir və icmada haqlı narazılıqlara səbəb olur. Unutmayaq ki, Vikipediyanın əsasında duran əsas prinsip könüllülük və şəffaf icma idarəçiliyidir. Əgər bu prinsiplər pozularsa, istənilən status – istər “key people”, istərsə də idarə heyəti üzvü – kağız üzərindəki formal bir təyinatdan irəli gedə bilməz. Və ən əsası onuda deyim ki, bəli, mən düşünürəm ki, əgər bir şəxs "key people" (açar şəxs) statusunu daşıyırsa, onun düşərgələrdə və digər icma tədbirlərində iştirakı vacibdir. Bu tədbirlər sadəcə ekskursiya və ya qeyri-ciddi yığıncaqlar deyil — burada Vikipediya icmasının aktiv üzvləri bir araya gəlir, offline formada ünsiyyət qururlar (*key people-i olmaq üçün Göygöldə, ya Şamaxıda keçirilən tədbirdə iştirak etmək vacib deyil. O tədbirlərə heç azvikiyə uzaqdan-yaxından dəxli olmayan adamlar da qatıla bilər* - heç düzgün fikir və yanaşma deyil), fikir mübadiləsi aparırlar və bəzən illərlə onlayn müzakirə edilən məsələlər bir saatlıq canlı söhbət zamanı öz həllini tapır. Bu cür düşərgələr, seminarlar və görüşlər Vikipediya icması üçün sosial və təşkilati baxımdan olduqca əhəmiyyətlidir. Açar şəxslərin bu tədbirlərdə iştirak etməməsi həm onların icmadan uzaq düşdüyünü göstərir, həm də icmanın onlarla bağlı qərarlarına qarşı inamsızlıq yaradır. Əgər sən icmanı təmsil edirsənsə, onda icma ilə birlikdə olmalısan – bu həm onlayn, həm də offline şəkildə olmalıdır.Burada əsas məsələ “təmsil etmək” anlayışıdır. Təmsil etmək o deməkdir ki, sən həmin icmanın ruhunu, ehtiyaclarını, fikirlərini və narahatlıqlarını anlayırsan, onları tanıyırsan və birbaşa içində yer alırsan. Bu isə yalnız ekran arxasında oturmaqla deyil, real qarşılıqlı əlaqə və ünsiyyətlə mümkündür. --A.Aida88 (müzakirə) 15:16, 12 iyun 2025 (UTC)

A.Aida88, mən tək onu bilirəm ki, AzViki icması yetimdir. Onu nə daxildə, nə də xaricdə hərləyən yoxdur. Qalmışıq avara, kim haradan söz desə, qoşulub gedirik dalıyca. Hələlik bu qədər, bir qədər marağım ölüb çox şeyə. Nəsə deməyin də yeri yoxdur, onsuz yetimik. --► Hörmətlə: ChanisCaucasi 15:19, 12 iyun 2025 (UTC)

Eminn əslində dəfələrlə izah etmişəm yenə də qısa qeyd edim ki, idarə heyəti bir layihədi və hələ ki qüvvədə deyil, qaydaları da həmçinin. Qaydalar təsidqlənmədiyi üçün davamlı dəyişilir və mənim tərəfimdən edilən dəyişikliklər digər viki praktikalar əsasında edilir. Hal hazırda fondun tanıdğı "key people" var, onlar da könüllü istifadəçi qrupunun fondla arasında əlaqələndirici şəxsləridi. Bu niyə hamını bu qədər narahat edir, xüsusən də tədbirlərə seçim ərəfəsində. Pis yaxşı hər dəfə yeni yeni istifadəçilər göndərməyə çalışırıq. Dəfələrlə dedim dəstək istədim, sayt yaratdım hər kəsə yazdım dəstək üçün, maddi dəstək deyil sayt üzərində dəstək istədim. Heç kəs ciddi yanaşmadı, daha sonra düşündük çətindi bu saytda işləmək, viki dizaynında portal istədik fonddan yenə hər kəsdən dəstək istədik ki, aktiv saxlayaq saytı. Bu dəfə bir neçə istifadəçi sağolsun dəstək etdi, fikrimcə, bu insanlar həqiqətən təmənnasız azvikinin inkişafı üçün çalışırlar. Bu gün o dəstək edən şəxslər gəlib bu sözləri yazmırlar, yenə də fikrimcə onlar əsl vikipediyaçıdırlar və viki məntiqini çox gözəl anlayırlar. A.Aida88 bir kitab söz yazmısız amma unutmusuz ki, yazasız bunlar öz fikrinizdi. Çox qarışıq, əlaqəsiz və bəziləri yanlış ifadələrdir. Vikipediya azad olduğu kimi tədbirləri də azad olmalıdır, fərqi yoxdur local və beynəlxalq tədbirlər. Hörmətlə--eldarado(müzakirə | fəaliyyət | meta səhifəsi) 15:50, 12 iyun 2025 (UTC)

Məncə, icmanın bu barədə arzuları normal qarşılanmalıdır. Layihənin vəziyyətini nəzərə alsaq, tədbir vaxtlarında məsələnin aktuallaşması da çox normaldır. Həmçinin bu mövzu dəfələrlə müzakirəyə çıxarılsa da, həlli yönündə addımlar atılmayıb. Yenə eyni hal təkrarlanır. Hər halda, icma bura səsvermə yolu ilə üzvlər seçmək haqqına sahibdir. Hörmətlə, Qədir (müzakirə) 16:08, 12 iyun 2025 (UTC)

Aida xanım ilə razıyam. Bu arada, az.wikimedia.org-un ana səhifəsindəki məlumatları yeniləmişəm, uzun vaxtdır ki, yeniləyən yox idi. Nemoralis (müzakirə) 16:38, 12 iyun 2025 (UTC)

@Eldarado, kimlərin gedəcəyini indi kim seçdi? Səsvermə filan edərdik də. samral ^müzakirə 23:33, 12 iyun 2025 (UTC)

@Eldarado Əvvəla, burada yazdıqlarım təbii ki, mənim şəxsi fikirlərimdir və bu, təhqir və ya təhdid xarakteri daşımır. Bunu ayrıca qeyd etməyə ehtiyac görməmişdim, çünki hər bir istifadəçinin müzakirə səhifələrində və metada fikrini bildirmək hüququ var. Əgər konkret hər hansısa ifadələrimin yanlış olduğunu düşünürsünüzsə, zəhmət olmasa, onları dəqiqləşdirin ki, dialoq əsasında müzakirə edə bilək. Kiməsə uyğun olmayanda, fikilər nədənsə öz fikrimiz olmur))). Kaşki o kitab cümlələrinə diqqətlə yanaşsaydınız. “Qarışıq və əlaqəsiz” deməyiniz isə daha çox ümumi rəy kimi səslənir, konkret arqument əvəzinə. Mən burada illərdir bu icmada iştirak edən bir insan kimi müşahidələrimi, təcrübəmi və real faktları paylaşmışam. Yazdıqlarım icmanın vəziyyəti və qərarların necə verildiyi ilə bağlıdır. Əgər bu suallar sizi narahat edirsə, deməli, ortada ciddi bir şəffaflıq və dialoq problemi var. Vikipediya bəli, azaddır. Amma “azadlıq” anlayışı xaos və sistemsizlik anlamına gəlmir. Azadlıq məsuliyyətlə birgə olur. Tədbirlərin də azad olması prinsipini dəstəkləyirəm, amma bu “kim gəldi gəlsin, kim istədi təmsil etsin” demək deyil. İcmanı təmsil edən şəxslər bu icmanın içindən çıxmalı, bu icmanın problemlərini bilməli, icma ilə qarşılıqlı əlaqədə olmalıdır. A.Aida88 (müzakirə) 19:16, 15 iyun 2025 (UTC)

• Keçən nümayəndə seçimlərində də yazmışam, AzVikidə aktiv çalışan istifadəçi elə də çox deyil və hər birinin nə vaxtsa hansısa konfransda iştirak hüququ və haqqı var. Və mən növbəlik prinsipini təklif etmişəm, fikrimdə də dururam. Çox təəssüf ki, hər dəfə seçim belə mübahisələrə səbəb olur. Keçən dəfə guya təşkilatçılar seçir deyə izah olundu, bu dəfə əvvəl dedilər idarə heyyəti, sonra isə “key people”lər. Nə isə düz gəlmir. Belə görünürki, hamısı bəhanədir. Bu məsələyə bir əncam çəkilməlidir. Nizama salınmalıdır. --Tarixi Nadir (müzakirə) 05:29, 13 iyun 2025 (UTC)

  Onda razıyam ki, çox dəfə getmiş istifadəçilər nəsə gətirməlidir AzVikiyə, lakin biz bunu görmürük. Bu seçmə mərhələ AzVikiyə töhfə vermək üçündür, yoxsa kiminsə yay tətilini qarşılamaq? --► Hörmətlə: ChanisCaucasi 15:04, 13 iyun 2025 (UTC)

Salam. Sizcə məqalələrdəki "görkəmli" sözü, əsasən məqalənin girişində verilir, neytrallığı pozur? (Məncə Azərbaycanın görkəmli şəxsiyyətləri məqaləsi buna aid deyil, orda seriyanın öz adıdı) — Bikar ^müzakirə 07:50, 5 iyun 2025 (UTC)

Razıyam. Hətta "məşhur" kimi sözləri etibarlı mənbələrə istinad edərək işlətməliyik. "Görkəmli" isə lap qiymətverici leksikadır və qəbulolunmazdır. --Мурад 97 (müzakirə) 10:40, 5 iyun 2025 (UTC)

Çıxarılmalıdır. Neytrallığı pozur. Sousou no Frieren 11:15, 5 iyun 2025 (UTC)

Preambuladan çıxaraq ok, yaşayış obyektlərindəki altbaşlıqları da ensiklopediyaya uyğun olaraq "Ensiklopedik şəxslər" qoyaq. Hörmətlə, Qədir (müzakirə) 14:33, 5 iyun 2025 (UTC)

Vikipediya:Vikimübaliğə qaydalarına ziddir bu ifadə və oxşarları. --► Hörmətlə: ChanisCaucasi 17:07, 5 iyun 2025 (UTC)

Ru-Viki: Низами Гянджеви: один из крупнейших поэтовсредневекового Востока, крупнейший поэт-романтик в персидской эпической литературе

En-Viki: Nizami Ganjavi: Nizami is considered the greatest romantic epic poet in Persian literature,who brought a colloquial and realistic style to the Persian epic. His heritage is widely appreciated in Afghanistan,Republic of Azerbaijan, Iran,the Kurdistan region and Tajikistan.

Fikrimcə, dahi və görkəmli neytrallığı pozmur. Əlalxüsus buna mənbə varsa. Zohrab Javad (müzakirə) 17:58, 5 iyun 2025 (UTC)

Zohrab Javad "dahi" və "görkəmli" sözlərinin istifadə edilməsi üçün çoxsaylı etibarlı mənbə lazımdır. Nizamidə də elədir. Əks halda, bir-iki mənbədirsə, istinad verilməlidir. Məsələn, "X və Y nəşrinə görə, Z XXI əsrin ən görkəmli sənətkarlarından biridir". --► Hörmətlə: ChanisCaucasi 18:39, 5 iyun 2025 (UTC)

Sifət kimi işlədilməsi uyğun deyil. @Мурад 97, "məşhur" da bura aiddir. Məsələn, belə vermək olar: "X filmi ilə məşhurluq qazanmışdır.". Hörmətlə, Qədir (müzakirə) 11:17, 6 iyun 2025 (UTC)

Salam, hazırda İnkubatorda Azərbaycanca Vikisəyahət layihəsi var. Bir müddət orada mən və digər həmkarlar fəaliyyət göstərsələr də, layihə hazırda passivdir. Bu layihə aktivləşsə və Vikisitat, Vikilüğət kimi müstəqil sayta çevrilsə, internetdə Azərbaycan dilində məzmunun artmasına kömək edə bilər. Sadəcə 3-6 ay ərzində aktiv 3-4 redaktor lazımdır. Düşünürəm ki, belə bir maraqlı yenilik və dəyişiklik yaxşı olardı. Turkmen ^müzakirə 08:03, 10 iyun 2025 (UTC)

Salam. Çalışdım məlumat yerləşdirim. Zəhmət olmasa yoxlaya bilərsiz. NurAy (müzakirə) 13:38, 10 iyun 2025 (UTC)

@NurAy, 👍 Turkmen ^müzakirə 15:44, 10 iyun 2025 (UTC)

Salam. Botun kütləvi şəkildə qaralama halında (1-2 cümləlik) məqalə yaratmasına münasibətinizi bilmək istərdim - buna icazə verilir? Sofia (müzakirə) 13:23, 9 iyun 2025 (UTC)

Hansı mövzuda məqalələr? Nemoralis (müzakirə) 16:43, 12 iyun 2025 (UTC)

bitki növləri, yaşayış məntəqələri və s. Sofia (müzakirə) 16:45, 12 iyun 2025 (UTC)

CEE Hub приглашет вас принять участие в семинаре в среду, 25 июня 2025 года, 16:00 UTC. Анна Продрому, лауреат премии "Женщины в сфере технологий" по версии журнала FORBES 2023, сделает презентацию и ответит на вопросы на тему «ИИ: друг, враг или что-то среднее?». Регистрация открыта здесь. --TRistovski-CEEhub (müzakirə) 13:17, 16 iyun 2025 (UTC)

MediaWiki message delivery (müzakirə) 17:43, 17 iyun 2025 (UTC)

Salam, Metadan göndərilən ümumi bildiriş tipli mesajların buradan ayrılması yaxşı olardı. Təklif edirəm bunun üçün VP:Kənd meydanı/VMF səhifəsi yaradaq. Həmçinin KM-nın başlıq şablonuna da həmin səhifəyə xüsusi keçid yerləşdirək. Maraqlı olanlar da elanlara oradan baxsınlar. Çünki bu elanlar konkret müzakirə əhəmiyyəti daşımır, sadəcə bildiriş-xəbər mahiyyəti var. KM-da isə icma əhəmiyyətli mövzular müzakirə olunduğu üçün həm buraya uyğun deyil, həm də tez-tez göndərildiyi üçün səhifəni yükləyir və bəzi mövzuları diqqətdən kənar qoya bilir. Bir çox vikidə də bu mesajlar üçün eyni şeyi tətbiq ediblər: wikidata:Q93462772#sitelinks-wikipedia. Etiraz yoxdursa, tətbiq edə bilərəm. Turkmen ^müzakirə 08:16, 21 iyun 2025 (UTC)

Dəstəkləyirəm. Patriot (müzakirə) 15:08, 21 iyun 2025 (UTC)

👍 Hörmətlə, Qədir (müzakirə) 17:06, 21 iyun 2025 (UTC)

Elələri var ki, icmanın fikrini soruşmaq məqsədilə göndərilir. Nemoralis (müzakirə) 17:33, 21 iyun 2025 (UTC)

@Nemoralis, elə elanlar tək-tük olur və spesifik oxucuları olur. Təcrübəli redakorları (1-2 nəfər) çıxmaqla demək olar elanların mətnini oxuyan belə yoxdur. Son 10 ildə gördüyüm bir neçə dəfə reaksiya verilər, ya yox. Turkmen ^müzakirə 18:34, 21 iyun 2025 (UTC)

Nemoralis haqlıdır. Elə mövzular olur ki, bütün icmanı maraqlandırır. Məsələn, yeni Vektorla bağlı olmuşdu. Olmaz ki, elanlar xüsusi səhifəyə, sorğular bura verilə? Hörmətlə, Qədir (müzakirə) 18:42, 21 iyun 2025 (UTC)

Təbii ki, yox. Turkmen ^müzakirə 19:23, 21 iyun 2025 (UTC)

Problem yoxdur. İcmanı maraqlandıran bu tip sorğuları fərdi qaydada əlavə edə bilərlər. Vektor temasında da elə olmuşdu. Hörmətlə, Qədir (müzakirə) 19:35, 21 iyun 2025 (UTC)

👍 Turkmen ^müzakirə 22:49, 21 iyun 2025 (UTC)

Turkmen, məncə sənədləşdirmə və rahatlılıq baxımından arxivləşdirmələr də digər layihələrdəki kimi ayrı aparılsın. Hörmətlə, Qədir (müzakirə) 16:09, 23 iyun 2025 (UTC)

•   Lehinə: Səhifə üçün təşəkkür edirəm, əla olub; bura xeyli yüngülləşəcək. Hörmətlə, Qədir (müzakirə) 14:51, 23 iyun 2025 (UTC)

 Y tətbiq edildi.--Turkmen ^müzakirə 05:23, 28 iyun 2025 (UTC)

Salam. Sizləri burada mövqe və fikir bildirməyə dəvət edirəm. Hörmətlə, Qədir (müzakirə) 03:44, 19 iyun 2025 (UTC)

Yenidən salam. Biz Vikimedia Fondunun Təhlükəsizlik Məhsulları komandasıyıq və müvəqqəti hesablar ilə əlaqəli müzakirələrə davam etmək istəyirik. Bu layihə xüsusilə bu funksiyanın müdafiə etməsi üçün nəzərdə tutulmuş anonim redaktorlara aiddir. Lakin bu, mentorlar, patrullar və inzibatçılar kimi icma üzvlərinə, yəni redaktələri geri qaytaran, istifadəçiləri bloklayan və ya vikinin təhlükəsiz və dəqiq olmasının bir hissəsi kimi anonim redaktorlarla başqa şəkildə qarşılıqlı əlaqədə olan hər kəsə aiddir

Müvəqqəti hesablar pilot vikilərdə uğurla aktivləşdirilib və indi biz onu daha çox vikidə aktivləşdirmək istəyirik. Azərbaycanca Vikipediyanın böyüklüyünə əsasən, iyun ayında bu viki üçün müvəqqəti hesabları aktiv etməyi planlaşdırırıq. Fərqli vikilərdə problemsiz aktivləşdirmə etmək üçün biz zamanla mərhələlərlə Müvəqqəti Hesabları təqdim edəcəyik. Planımız 30 iyun ərəfəsində burada aktivləşdirməkdir.

Niyə biz müvəqqəti hesabları iyun ayında aktivləşdirməyi düşünürük? (niyə daha sonra yox)

Müvəqqəti hesablar üçün əsas funksionallıq (patrulların iş axını, alətlər və s.) gözlənildiyi kimi işləyir. Stüardlar və yüksək hüquqları olan digər istifadəçilərlə birlikdə icma üzvlərinin effektiv şəkildə nəzarət edə və patrul edə bilməsinə əmin olmaq üçün bir çox istifadə hallarını proqnozlaşdırmışıq və həll etmişik. Biz bir sıra dəstəkləyici funksiyalar da yaratmışıq (IP məlumatı, Avtomatik aşkarlama, Qlobal töhfələr və s.).

İndi biz bunun böyük icmalar üçün də yaxşı işlədiyinə əmin olmaq istəyirik. Sadəcə proqnozlaşdırmaq mümkün olmayan bir çox nüans və qabaqcıl funksionallıq var – müvəqqəti hesablar əvvəlcə böyük vikilərdə işləməlidir. İyun ayında müvəqqəti hesabların aktivləşdirildiyi icmaların, bu ilin sonunda sonuncu plan ilə birlikdə əldə edəcək icmalara nisbətən təkmilləşdirmə təklif etmək üçün daha çox imkanı və vaxtı olacaq. Buna görə də biz hesab edirik ki, sizin vikinizdə indi aktivləşdirilməlidir.

Nə üçün müvəqqəti hesablar olacaq?

Anonim redaktorlar üçün defolt olaraq bizim vikilərimiz redaktə etmək üçün daha təhlükəsiz olmalıdır. Müvəqqəti hesablar insanlara hesab yaratmadan vikiləri redaktə etməyə davam etməklə yanaşı, redaktələrini IP ünvanlarına açıq şəkildə bağlamaq imkanı verir. Hesab edirik ki, bu, vikilərə dəyərli töhfələr verən və sonradan hesablar yarada və redaktorlar, inzibatçılar və digər istifadəçilərdən ibarət icmamızı inkişaf etdirə biləcək anonim redaktorlarımızın maraqlarına uyğundur. Vikilərdə anonim redaktorlara onların IP ünvanlarının redaktələri ilə əlaqələndiriləcəyi barədə xəbərdarlıqlar göstərilsə də, bir çox insan IP ünvanının nə olduğunu və ya ondan gözləmədikləri şəkildə onlar haqqında başqa məlumatları tapmaq üçün istifadə edilə bildiyini başa düşmürlər və ya bilmirlər.

Bundan əlavə, moderasiya proqramlarımız və alətlərimiz istifadəçiləri və fəaliyyət nümunələrini müəyyən etmək üçün şəbəkə mənşəyinə (IP ünvanlarına) çox güvənir, xüsusən də IP ünvanlarının özləri identifikator kimi daha az stabil olur. Müvəqqəti hesablar, daha dəqiq bloklarla birlikdə anonim redaktorlarla daha dəqiq qarşılıqlı əlaqə yaratmağa imkan verir və pis niyyətli istifadəçilərlə eyni IP ünvanlarından istifadə edən yaxşı niyyətli istifadəçiləri istəmədən tez-tez bloklamağımızı azaltmağa kömək edə bilər.

Müvəqqəti hesablar necə işləyir

Anonim istifadəçi bu vikidə redaktə yayımladıqda, bu istifadəçinin brauzerində kuki əlavə olunacaq və bu kuki ilə əlaqəli müvəqqəti hesab avtomatik olaraq yaradılacaq. Bu hesabın adı nümunəyə uyğun olacaq: ~2025-1234567 (tilda, cari il, ədəd). Son dəyişikliklər və ya səhifə tarixçəsi kimi səhifələrdə bu ad göstəriləcək. Kukinin vaxtı yaradıldıqdan 90 gün sonra bitəcək. Mövcud olduğu müddətdə bu cihazdan edilən bütün redaktələr bu müvəqqəti hesaba aid ediləcək. İstifadəçi kukiləri silməsə və ya başqa cihaz və ya veb brauzerdən istifadə etməsə, IP ünvanı dəyişsə belə, eyni hesab olacaq. Hər redaktə zamanı istifadə edilən IP ünvanının qeydi redaktədən sonra 90 gün ərzində saxlanılacaq. Bununla belə, yalnız bəzi istifadəçilər onu görə biləcəklər.

Bu, müxtəlif istifadəçi qrupları üçün nə deməkdir?

Sizdən xahişimiz və növbəti addımlar

• IP ünvanları haqqında məlumatlardan istifadə edən və ya anonim istifadəçilər üçün əlçatan olan alətlər, botlar, qadcetlər və s. bilirsinizsə, onların testwiki və ya test2wiki-də işlədiyini yoxlamaq istəyə bilərsiniz. Əgər siz könüllü tərtibatçısınızsa, tərtibatçılar üçün sənədlərimizi və xüsusən də kodunuzun necə yenilənməsinə ehtiyac ola biləcəyi bölməsini oxuyun.
• Müvəqqəti hesab təcrübəsini sınamaq istəyirsinizsə, testwiki və ya test2wiki-yə gedin və daxil olmadan redaktə edin.
• Həll edilməli olan hər hansı çətinlik görürsünüzsə bizə bildirin. Biz kömək etməyə çalışacağıq, əgər imkanımız yoxdursa, mövcud variantları nəzərdən keçirəcəyik.
• IP ünvanlarına girişə ehtiyacı ola biləcək yüksək səviyyəli hüquqları olmayan istifadəçilər üçün tələblər haqqında əvvəlki mesajımıza baxın.

Layihə haqqında daha çox öyrənmək üçün tez-tez verilən suallara baxın - orada çoxlu faydalı cavablar tapa bilərsiniz. Siz həmçinin yeniləmələrə baxa bilə (biz yenicə birini dərc etmişik) və yeni bülletenimizə abunə ola bilərsiniz. Mənimlə (Szymon) vikidən kənarda danışmaq istəyirsinizsə, məni Discord və Telegram-da tapa bilərsiniz. Təşəkkürlər! Translated by Nemoralis SGrabarczuk (WMF) (müzakirə) 14:15, 24 iyun 2025 (UTC)

Hörmətli Vikipediya cəmiyyəti,

Azərbaycanlılar məqaləsində xalqın etnik kimliyini ifadə etmək üçün “Azəri” termini işlədilib. Lakin bu ifadə həm elmi ədəbiyyatda, həm də ictimai yaddaşda geniş şəkildə tənqid olunur. Bir çox mənbələrdə bu termin sovet ideologiyasının məhsulu kimi göstərilir və xalqımızın gerçək etnik kimliyini – türk, Azərbaycan türkü, azərbaycanlı – kimi ifadələrlə əvəz edilməsinin daha doğru olduğu qeyd olunur.

Bu məsələ ilə bağlı müvafiq mənbələr, istinadlar və arqumentlərlə müzakirə səhifəsində əsaslı etiraz irəli sürülmüşdür. İstifadəçiləri bu müzakirəyə dəvət edir və mövcud ifadənin dəyişdirilməsini açıq şəkildə tələb edirik.

📎 Müzakirə keçidi: Müzakirə:Azərbaycanlılar#Azərbaycanlılar məqaləsində etnik terminoloji uyğunsuzluq barədə etiraz

--Şövqü (müzakirə) 05:06, 28 iyun 2025 (UTC)

Xoş gördük. Son günlər Rusiyada soydaşlarımıza qarşı baş verən hadisələr haqqında məqalə yazmağa başlamışam. Amma adı ürəyimə yatmır nəsə. Çünki orda təkcə OMON olmayıb. Başqa ad təklifi olanlar varsa yazsalar sevinərəm. Rəcəb Yaxşı (müzakirə) 08:54, 30 iyun 2025 (UTC)

Bəlkə "Rusiyada təhlükəsizlik qüvvələrinin azərbaycanlılara hücumu" yazım? — Bu imzasız yazı Rəcəb Yaxşı (m • t) adlı istifadəçi tərəfindən əlavə edilib; 08:55, 30 iyun 2025 (UTC)

Hacı Əli Davafuruş maddəsi Farsca vikipediyada Hacı Əli Davaçı (yəni Dərmançı, dərman satan) olaraq qeyd edilsə də, maraqlı bir şəkildə azərbaycancada Davafuruş (yəni satan anlamına gələn farsca furuş sözü ilə) olaraq qeyd edilib. Xahiş edirəm, Davafuruşu Davaçı olaraq dəyişdirəyin.

Bu işə baxan hansı admindir dəqiq bilmədiyim üçün buraya qeyd etdim. Hörmətlə.

Qızılbaş (müzakirə) 22:59, 30 iyun 2025 (UTC)

Qızılbaş, VP:ADM. --Мурад 97 (müzakirə) 09:14, 1 iyul 2025 (UTC)