Vikipediya Silinmeye Namized Sehifeler Arxiv 2015 Iyul - Wikipedia - Ureyim.az

Azərbaycan türk xalqı olduğundan onun mifologiyası elə Türk mifologiyasıdır. Qazaxıstanın ayrı, Türkmənistanın ayrı mifologiyası ola bilməz. Bu məqalənin isə nə neytral mənbəsi, nə də intervikisi var.   Silinsin: --Shahrux (müzakirə) 10:29, 21 iyun 2015 (UTC)

  Qalsın: Məncə saxlanıla bilər. Google-də araşdırsaz "Azərbaycan mifologiyası" kimi ifadələrlə rastlaşmaq olar. --Serk@nl@nd 13:39, 21 iyun 2015 (UTC)

  Qalsın: --Araz Yaquboglu (müzakirə) 13:40, 21 iyun 2015 (UTC)

Dostlar hər dilin vikipediyasında mifologiya ilə maraqlanan şəxslər var. Əgər Azərbaycan mifologiyası adlanan bir şey olsa idi, digər dillərdə ən azından qaralama şəklində bu haqda məqalə olardı. Google-da hansısa məlumatların çıxması bu məqaləni saxlamaq üçün kifayət deyil.--Shahrux (müzakirə) 09:07, 28 iyun 2015 (UTC)

  Qalsın: Azərbaycan mifologiyası haqqında lazımi qədər mənbə var--Melikov Memmed^⇒email 05:13, 29 iyun 2015 (UTC)

---

Qərar: İstifadəçilərin fikirlərinə əsasən məqalənin saxlanılmasına qərar verildi. --Baskervill ^müzakirə 22:18, 12 iyul 2015 (UTC)

Məqalənin tərkibi Azərbaycan SSR-ə köçürülə bilər.--Shahrux (müzakirə) 13:23, 21 iyun 2015 (UTC)

  Silinsin:--Shahrux (müzakirə) 13:24, 21 iyun 2015 (UTC)

  Köçürülsün: Mən də razıyam --Serk@nl@nd 13:27, 21 iyun 2015 (UTC)

  Köçürülsün:Azərbaycan SSR məqaləsinə köçürülsün.--Araz Yaquboglu (müzakirə) 13:40, 21 iyun 2015 (UTC)

  Silinsin:--Keete 37 (Farid Aliev) (müzakirə) 09:12, 28 iyun 2015 (UTC)

  Qalsın:Bu məntiqlə Azərbaycan tarixi məqaləsini də Azərbaycan məqaləsinə köçürməliyik.--Sortilegus (müzakirə) 10:29, 28 iyun 2015 (UTC)

  Köçürülsün: və sonra   Silinsin: --Мурад 97 (müzakirə) 11:29, 28 iyun 2015 (UTC)

  Qalsın: Azərbaycan SSR tarixi məqaləsi geniş şəkildə konkret tarixi hadisələri göstərir, Azərbaycan SSR məqaləsi isə ümumi şəkildə bu respublika haqqındadır, bu məqaləni oxuyan insanı çox vaxt bu qədər geniş tarixi faklar maraqlandırmaya bilər və bu səbəbdən onların birləşdirilməsi düz deyil--Melikov Memmed^⇒email 05:03, 29 iyun 2015 (UTC)

  Qalsın: --Araz Yaquboglu (müzakirə) 05:13, 4 iyul 2015 (UTC)

  Qalsın: Məqalənin ayrıca məqalə kimi saxlanılmasında bir problem görmürəm. --Baskervill ^müzakirə 22:19, 12 iyul 2015 (UTC)

---

Qərar: İstifadəçilərin fikirlərinə əsasən məqalənin saxlanılmasına qərar verildi. --Baskervill ^müzakirə 22:20, 12 iyul 2015 (UTC)

İstifadəçilərin fikirləri necədir? Bu səhifə silinsin ya hansı məqaləyəsə köçürülsün. --Araz Yaquboglu (müzakirə) 08:53, 28 iyun 2015 (UTC)

  Silinsin: Dağlıq Qarabağın tarixi adlı bir məqalə düzəltmək olar. Ancaq hər dövrə, xüsusilə 5 il kimi qısa bir vaxt haqqında ayrı məqalə olmasına ehtiyac yoxdur.--Shahrux (müzakirə) 09:09, 28 iyun 2015 (UTC)

  Silinsin: Mənasız məqalələrin sayı təəssüflər olsun ki, bizdə həddindən artıq çoxdur. --Keete 37 (Farid Aliev) (müzakirə) 09:11, 28 iyun 2015 (UTC)

  Silinsin: --Serk@nl@nd 10:06, 28 iyun 2015 (UTC)

  Qalsın: Dağlıq Qarabağ Muxtar Vilayətinin tarixi və ya Dağlıq Qarabağın tarixi kimi adlandırıb saxlamaq olar.--Sortilegus (müzakirə) 10:31, 28 iyun 2015 (UTC)

  Qalsın: Dağlıq Qarabağ Muxtar Vilayətinin tarixi adlandırılsın və saxlanılsın.--Asparux Xan Bulqar (müzakirə) 16:41, 28 iyun 2015 (UTC)

  Qalsın: Dağlıq Qarabağın tarixi kimi adlandırıb saxlamaq lazımdır.--Melikov Memmed^⇒email 05:09, 29 iyun 2015 (UTC)

  Qalsın: --Araz Yaquboglu (müzakirə) 05:14, 4 iyul 2015 (UTC)

  Silinsin: Belə mənasız məqalə ömrümdə görməmişdim.--Baskervill ^müzakirə 22:31, 12 iyul 2015 (UTC)

---

Qərar: İstifadəçilərin fikirlərinə əsasən məqalənin silinməsinə qərar verildi. --Baskervill ^müzakirə 22:22, 12 iyul 2015 (UTC)

Qərar verən istifadəçi ilə müzakirə olundu və məqalənin adının dəyişdirilməsi şərti ilə saxlanıldı. --Araz Yaquboglu (müzakirə) 04:54, 18 iyul 2015 (UTC)

Bütün istifadəçiləri salamlayıram. Balakən rayonu kəndləri siyahısında bu iki kənd göstərilib. Amma bu adlar kəndlərin adı keçən dövlət sənədlərində qeyd edilməyib. Kimsədə məlumat varmı belə kəndlər ümumiyyətlə olubmu, olubsa nə zaman ləğv olunublar ?--Asparux Xan Bulqar (müzakirə) 10:54, 3 iyul 2015 (UTC)

Balakən İcra Hakimiyyətinin rəsmi saytında da yoxladım, bu iki kənd adı yoxdur. Amma burada belə bir şeylə də rastlaşdım: 1 Qeyd olunub ki, "Balakənin Qazmalar kəndinin “Qoztala” adlanan ərazisində aşkarlanan arxeoloji mədəniyyət qalığı torpaq təpə kurqan tipinə aiddir. "--Serk@nl@nd 11:49, 3 iyul 2015 (UTC)

Adətən dövlət sənədlərinin axtarışı üçün istifadə etdiyim saytlarda bu adlara rast gəlmədim. Ola bilər ki, bu adlar kənd yox məhəllə adıdır. Ona görə idarəçilərdən rica edirəm bu məqalələri silsinlər.--Asparux Xan Bulqar (müzakirə) 11:57, 3 iyul 2015 (UTC)

Qoztala toponim kimi   Qalsın:, Qızlartala isə heç olmasa toponim də deyilsə   Silinsin:. --Araz Yaquboglu (müzakirə) 05:16, 4 iyul 2015 (UTC)

Qoztala toponim kimi   Qalsın: mənbə də var [1]; Qızlartala   Silinsin: haqqında mənbə yoxdur, gələcəkdə mənbə olarsa yenidən yaradılar, bir sətirlik məqalədir--Melikov Memmed^⇒email 05:14, 6 iyul 2015 (UTC)

Qoztala   Qalsın:, Qızlartala   Silinsin:--Serk@nl@nd 15:48, 7 iyul 2015 (UTC)

---

Qərar: Aparılan müzakirələrin ardından Qoztala məqaləsinin saxlanılmasına Qızlartala məqaləsinin isə silinməsinə qərar verilimişdir.--Baskervill ^müzakirə 22:27, 12 iyul 2015 (UTC)

Bu səhifənin silinməyini təklif edirəm. Bir cümlə belə yoxdur. Ümumiyyətlə, Azərbaycanın diplomatik nümayəndəlikləri haqda səhifələrin bəzilərində heç bir ensiklopedik məlumat yoxdur. Sadəcə əlaqə vasitələri var. Başqa belə məqalələr: [2], [3], [4] və s.--Emin • ismarış 15:36, 7 iyul 2015 (UTC)

  Qalsın: Əsas odur ki, ensiklopedikdir. Lazım gəlsə "Səfirlik" şablonunu yaradıb məqaləyə əlavə edərəm.--Serk@nl@nd 15:47, 7 iyul 2015 (UTC)

  Qalsın: Ancaq məqalənin adı Fransanın Azərbaycandakı səfirliyi olaraq dəyişdirilsə, daha yaxşıdır. Çünki Googleda [5] bu varianta daha çox rast gəlinir.--Shahrux (müzakirə) 16:02, 7 iyul 2015 (UTC)

Müəyyən əlavə olundu indi. Ümid edirəm, qeyd etdiyim və etmədiyim əlaqəli məqalələrdə də lazımi dəyişikliklər aparılacaq. Bu əlavələrə qədər səhifədə ensiklopedik heç nə yox idi.--Emin • ismarış 16:04, 7 iyul 2015 (UTC)

  Qalsın: Xeyli zənginləşdirilib. Ümumiyyətcə digər istənilən 1-2 cümləlik məqalələrin üzərində işləmək lazımdır. Mövzulu ayların birini Təkmilləşdirmə ayı etmək lazımdır. --Araz Yaquboglu (müzakirə) 04:25, 8 iyul 2015 (UTC)

---

Qərar: İstifadəçilərin fikirlərinə əsasən məqalənin saxlanılmasına qərar verildi. --Baskervill ^müzakirə 22:23, 12 iyul 2015 (UTC)

Məncə   Silinsin:. --Araz Yaquboglu (müzakirə) 05:33, 10 iyul 2015 (UTC)

Reklam xarakterli məqalələr müzakirəsiz silinməlidir, müzakirə etməyə dəyməz, idarəçilərə aid bir iş--Melikov Memmed^⇒email 05:44, 10 iyul 2015 (UTC)

Məqalə yeni yaradılsa siz deyən kimi o dəqiqə silmək olardı. Amma məqalə 2 avqust 2007‎-ci ildən burada olduğu üçün razılıqla silinməlidir. --Araz Yaquboglu (müzakirə) 06:23, 10 iyul 2015 (UTC)

---

Qərar: İstifadəçilərin fikirlərinə əsasən məqalənin silinməsinə qərar verildi. --Baskervill ^müzakirə 22:24, 12 iyul 2015 (UTC)

Sözügedən məqalə 1-2 dəfə tərəfimdən silinsədə müxtəlif İP-lərdən yenidən yaradılıb. Məqalədə olan şəxs sosial şəbəkə üzərində mənimlə təmas qurdu və dedi ki, mənim məqaləmin silinməsinə bir sözlə müdaxilə edilməsinə bizim haqqımız yoxdur. Yoldaş elə zənn edir ki, mənim ona qarşı bir qərəzim var. Aktiv istifadəçilərin və idarəçilərin məsələyə fikir bildirməsini rica edirəm. Şəhriyar Tağızadə ensiklopedik bir şəxsdirmi ? --Baskervill ^müzakirə 08:37, 15 iyul 2015 (UTC)

  Silinsin:Qeyri-ensiklopedikdir və silinməlidir. Bu tip mükafat sahibləri haqda məqalələr yaradılsa, onda az-vikidə məqalə sayı milyonu rahatlıqla keçər. Karyerasına hələ "başlamayan" rejissor haqda məqalə olması təbii ki, gülməlidir.--Wertuose (müzakirə) 09:10, 15 iyul 2015 (UTC)

  Silinsin:--Serk@nl@nd 09:40, 15 iyul 2015 (UTC)

  Silinsin: Məqalədə inandırıcı heç bir məlumat yoxdur. Ciddi olaraq bircə dənə də ensiklopediklik şərtlərinə cavab verən hal yoxdur ki, deyəsən ki buna görə qalsın. Ona görə də silinməlidir. Gələcəkdə, yəni, 5-10 ilə ensiklopedik olarsa o zaman məqalə yaradılar. --Araz Yaquboglu (müzakirə) 11:08, 15 iyul 2015 (UTC)

  Silinsin:--Asparux Xan Bulqar (müzakirə) 12:27, 15 iyul 2015 (UTC)

  Silinsin: --Baskervill ^müzakirə 15:29, 15 iyul 2015 (UTC)

  Silinsin:--Nicat49 (müzakirə) 21:04, 15 iyul 2015 (UTC)

  Silinsin:--Keete 37 (Farid Aliev) (müzakirə) 20:14, 15 iyul 2015 (UTC)

  Silinsin:--sefer azeri 21:30, 15 iyul 2015 (UTC)

  Silinsin: Şəxs hələ ki, ensiklopedik deyil. Gələcəkdə inşəAllah ensiklopedik olar biz də məqaləni bərpa edib zənginləşdirərik.--samral ^müzakirə 15:25, 16 iyul 2015 (UTC)

---

Qərar: Bütün istifadəçilərin fikirləri üst-üstə düşdüyündən vaxtından əvvəl məqalənin silinməsinə qərar verildi. --Araz Yaquboglu (müzakirə) 14:56, 18 iyul 2015 (UTC)

Məncə belə bir siyahının yaradılmasına ehtiyac yoxdu. Birincisi ona görə ki, Qərbi Azərbaycan ifadəsi elmi ədəbiyyatda Ermənistan ərazisinə istinadən işlədilmir. Heç bir ciddi elmi ədəbiyyatda Ermənistan ərazisinin Qərbi Azərbaycan adlandırılmasını göstərmək mümkün deyil. Hansısa ölkə ərazisindəki abidələrin (dini, tarixi, mədəni və sair qruplaşdırma aparmadan) sırf əlifba sırasına görə siyahısının tərtib edilməsi təcrübəsi məncə vikidə yoxdu. Əgər varsa nümunə göstərin baxaq. Məqalənin silinməsini və ya saxlanacaqsa adının dəyişdirilməsini təklif edirəm. Hörmətlə --sefer azeri 05:38, 22 iyul 2015 (UTC)

  Qalsın:Səfər bəy belə məqaləyə ehtiyyac əlbəttə var (mənim fikrimcə). Adın dəyişdirilməsi zamanı ordan "Azərbaycan" kəliməsi çıxarılsa məqaləyə ümumiyyətlə ehtiyyac olmur. Məqalə daxilində sıralanma məsələsinə olan iradınızı doğru qəbul edirəm yəni bölgü aparılmalı sonra o bölgü daxilində əlifbası sırası gözlənilməlidir.--Asparux Xan Bulqar (müzakirə) 06:20, 22 iyul 2015 (UTC)

Hörmətli Araz Yaquboğlu. Diqqətinizə görə təşəkkür edirəm. Tövsiyənizə uyğun olaraq məqalənin adının daha da dürüstləşdirilməsi üçün kiçik dəyişiklik etdim. Hesab edirəm ki, tarixi Azərbaycan torpağı olan Qərbi Azərbaycan ərazisində (Qərbi Azərbaycanın hansı bölgə olduğu barədə elə Vikipediyadakı Qərbi Azərbaycan və Qərbi Azərbaycanın mahalları məzalələrinə bir daha nəzər yetirməyinizi arzu edirəm) tarixin müxtəlif dönəmlərində yaradılmış və sonralar ermənilər tərəfindən dəfələrlə saxtalaşdırılmış zəngin mədəni irsimizlə hər bir soydaşımız yaxından tanış olmalı, həmin abidələri tanımalıdır. Məncə bu siyahı bu sahədə vikipediyada olan məlumatların bir mənbədə toplanmasına xidmət edir. Siyahıya yalnız Vikipediyada ayrıca məqalə kimi yer tutan abidələrin adları daxil edilmişdir. Düşünürəm ki, ermənilərin Azərbaycanın mədəni və mənəvi sərvətlərini "özününkiləşdirmək" sahəsində qızğın təbliğatının getdiyi bir dövrdə, ermənilərin bu torpaqlarda olmadıqları bir dövrdə yaradılmış qədim türk abidələrinin diqqətlə araşdırılması və geniş ictimaiyyətə tanıdılması məşcə, bu gün Azərbaycan Vikipediyaçılarının qarşısında duran ən müqəddəs vəzifələrdən biridir. Hörmətlə: Rəşid Nurməmmədov (müzakirə) 06:35, 22 iyul 2015 (UTC) 12:3022 iyul 2015

  Qalsın: --Zaur Turan (1994) (Müzakirə) 09:22, 22 iyul 2015 (UTC)

  Qalsın: Lazımlı bir siyahıdı məncə. Bəzi məqalələri axtaranda burada daha rahat tapılır.--Araz Yaquboglu (müzakirə) 09:35, 22 iyul 2015 (UTC)

Asparux Xan Bulqar özünüzün də qeyd elədiyiniz kimi, siyahının adı dəyişdiriləcəyi halda ümumiyyətlə belə bir siyahının formalaşdırılmasına ehtiyac qalmır. Yəni dolayısı yolla etiraf edirsiniz ki, siyahının yaradılmasında əsas məqsəd Ermənistan ərazisinin "Qərbi Azərbaycan" kimi təqdim edilməsi və bu ərazidəki abidələrin (mənşəyindən asılı olmayaraq) süni yolla azərbaycanlılaşdırılmasıdır. Ümumiyyətlə tarixlə bağlı məqalələrdə bu "Qərbi Azərbaycan" ifadəsinin işlədilməsinin qarşısını birdəfəlik almaq lazımdı. Çünki, Qərbi Azərbaycan tarixi anlamı olmayan, XXI əsrdə ortaya atılmış irredentist layihədir. Məncə bu cür hallara yol verib azvikinin elmi nüfuzunu bir az da aşağı salmaq lazım deyil. Vikipediya vətənpərvərlik eləmək yeri deyil, elm yeridir, elmi mənbələr varsa istinad edin, yoxdursa siyahının adı dəyişdirilməlidir. Lakin, yuxarıda da qeyd elədiyim kimi, heç bir vikidə ölkələrdəki bütün abidələrin bu cür qarışıq siyahısının yaradılması təcrübəsi yoxdu, ona görə də siyahının silinməli olduğunu düşünürəm. Hörmətlə --sefer azeri 09:45, 22 iyul 2015 (UTC)

Araz bəy, məqalələri rahat tapmaq üçün kateqoriyaları qaydaya salmaq lazımdı, daha yeri gəldi-gəlmədi vikidəki bütün məqalələri qondarma adlı bir siyahıda birləşdirmək yox. Hörmətlə --sefer azeri 09:45, 22 iyul 2015 (UTC)

Səfər bəy "irredentist" sözünü "Qərbi Azərbaycan" məsələsində çox yersiz olaraq işlətdiz. Biz burda "Səfəvilər İmperiyası" tərkibinə daxil olan Pakistanda Azərbaycan abidələrindən danışmırıq. İrəvan, Naxçıvan, Borçalı xanlıqları, Şörəyel sultanlığı və Qazax həmçinin Şəmşəddil sultanlıqları ərazisində qurulmuş Ermənistan adlı dövlətdən danışırıq. O adını çəkdiyim feodal dövlətləri isə elə Rusiya tərəfindən işğal ediləndə işğalçının özü tərəfindən Azərbaycan ərazisi hesab edilirdi. Məqalə filan coğrafiyada yaradılmış tarixi abidələr haqqındadır, filan etnos tərfindən yaradılmış abidələr haqqqında deyil.--Asparux Xan Bulqar (müzakirə) 09:54, 22 iyul 2015 (UTC)

Hər şey kateqoriya ilə həll olunmur. Elə isə onda Kateqoriya:Almaniya şəhərləri varsa Almaniya şəhərlərinin siyahısına nə ehtiyac var? Qərbi Azərbaycan məsələsinə gəldikdə isə (en:Western Azerbaijan (political concept)) heç də ingilislər ağılsız və elmsiz deyillər.--Araz Yaquboglu (müzakirə) 10:01, 22 iyul 2015 (UTC)

  Silinsin:Məqalənin adı Ermənistan ərazisindəki tarixi və dini abidələrin siyahısı şəklində verilsə, onun saxlanılmasına lehinə yanaşmaq olar, lakin indiki halda məqalənin adı bütövlükdə Ermənistanın suverenliyinə birbaşa olaraq zidd hərəkətdir və neytrallıqdan kənardır. --Keete 37 (Farid Aliev) (müzakirə) 10:08, 22 iyul 2015 (UTC)

  Bəyəm biz, eləcə də, dövlətimiz Ermənistanın suverenliyini tanıyırıq ki? --Araz Yaquboglu (müzakirə) 10:38, 22 iyul 2015 (UTC)

Asparux Xan Bulqar birincisi, əgər məqalə konkret olaraq hansısa tarixi vilayətin (və ya dövlətin) ərazisindəki abidələr haqqındadırsa o zaman da məqalənin adının dəyişdirilməsinə ehtiyac var. Çünki, tarixşünaslıqda Qərbi Azərbaycan anlayışı yoxdu (İrandakı Qərbi Azərbaycan ostanını nəzərdə tutmuram). Tarixin hansısa dövründə indiki Ermənistan republikası yerləşdiyi ərazinin Qərbi Azərbaycan adlandırılmasını iddia edə bilməzsiniz. Çünki belə bir adlandırma olmayıb, heç bir mənbədə bu haqqda məlumat verilmir. Mən də bilirəm ki, həmin ərazilərin böyük bir hissəsi XX əsrin II yarısına qədər türk mənşəli tayfalar və digər müsəlman xalqların məskunlaşdığı ərazilər olub, lakin, bu heç də süni şəkildə o əraziləri "Qərbi Azərbaycan" adlandırmağımıza əsas verməməlidir. Ola bilər ki, sizin üçün Ermənistan Qərbi Azərbaycandı, lakin, ciddi elmi ədəbiyyatda həmin ərazilər bu cür adlandırılmır. İkincisi, işğalçı deyərkən Çar Rusiyasını nəzərdə tutursunuzsa, bu zaman da Azərbaycan ifadəsinin işlədilməsi düzgün deyil. Çünki, Çar Rusiyası "Azərbaycan" dövlətinə (və ya dövlətlərinə) qarşı yox, konkret adlandırması, hökmdarı və dövlət rəmzləri olan müstəqil (formal da olsa) xanlıqlara qarşı mübarizə aparırdı. Rəsmi sənədlər və yazışmalarda da bu kiçik feodal dövlətləri birlikdə Cənubi Qafqaz xanlıqları adlandırılırdı (və heç də bu xanlıqların hamısı müasir Azərbaycan ərazisini əhatə etmir.) Hörmətlə --sefer azeri 10:10, 22 iyul 2015 (UTC)

Araz Yaquboglu mən də hər şeyin kateqoriya ilə həll olunmadığını bilirəm, lakin, sırf sizin qeyd elədiyiniz kimi, hansısa abidə haqqında məqalənin daha asan tapılması üçün süni adlandırması olan qarışıq bir siyahının yaradılmasının doğru olmadığını düşünürəm. Envikiyə verdiyiniz keçiddə də mənim yuxarıda qeyd etdiklərim yazılıb. Qərbi Azərbaycan tarixi anlamı olmayan irredentist siyasi layihədir. Envikidə bu layihə haqqında əlumat olması bizim layihədə iddia olunan ərazidəki abidələrin siyahısını yaratmalı olduğumuz anlamına gəlmir. Bir fikirləşin, enviki və ya ruvikidə belə bir siyahı yaratmağa cəhd eləsəniz nəticəsi nə olar? Niyə bilərəkdən özümüzü gülməli vəziyyətə salırıq ki? Guya bizim bir siyahı yaradıb erməni abidələrini Azərbaycan abidəsi kimi təqdim eləməyimizlə Ermənistan çevrilib Qərbi Azərbaycan olacaq? Yox əlbəttə ki, bu sadəcə bəzi istifadəçilərin vətənpərvərlik hisslərinin sakitləşdirilməsinə xidmət edəcək, halbuki bunu etməyin başqa yolları da var. Məsələn, Ermənistandakı etnik azərbaycanlılar tərəfindən yaradılmış abidələr haqqında zəngin məqalələr yarada bilərsiz. Mövcud məqalələri zənginləşdirə bilərsiz. Hazırda müzakirəsi gedən siyahıda göstərdiyiniz erməni abidələrinin bir çoxunun yaradılması dövründə heç Azərbaycan sözü formalaşmamışdı. Bu qədər saxtalaşdırmaya nə ehtiyac var axı?--sefer azeri 10:18, 22 iyul 2015 (UTC)

Mənim yazdığım aydın olsun deyə dəqiqləşdirim: o xanlıqlara ona görə Azərbaycan xanlıqları deyilir ki, onlar Azərbaycan türklərinə aid sülalələr tərəfindən Azərbaycan adlı ölkənin ayrı-ayrı hissələrində qurulub və bütün xanlıqlarda əhalinin əsasını (dövlət quran) Azərbaycan türkləri təşkil edib. Əhali bir tərəfə məsələ o ərazilərin vahid Azərbaycan məmləkətinə (əyaləti, diyarı, ölkəsi) aid olmasıdır, yəni Ermənistan (Armeniya, Ərməniyyə) adlı ölkə ilə əlaqəsi yoxdur. Ermənistan dövləti konkret olaraq Azərbaycanın şimal-qərbində Rusiya İmperiyasının və Sovet İmperiyasının fəaliyyəti nəticəsində yaradılıb. "Azərbaycan" ifadəsinin düzgün olmayaraq işlətdiyi üçün iradınızı gərək mənə yox I Pyotra, Bronevskiyə və ilaxıra bildirəsiz. Hələ rəsmi sənədlərə qalsaq Gürcüstan (Kartli-Kaxeti krallığı/xanlığı) da Şirvan, Qarabağ kimi Azərbaycan məmləkətində vilayət olub (1770-də kralın öz dilindən yazılmış məktub). Siz ki, bunları bilməlisiz, əgər bilərəkdən guya o xanlıqların Azərbaycan xanlıqları olmasını inkar edirsizsə sizi anlamıram.--Asparux Xan Bulqar (müzakirə) 10:27, 22 iyul 2015 (UTC)

"Azərbaycan adlı ölkə" nədir? "Azərbaycan məmləkəti" (diyarı, ölkəsi, əyaləti) nədir? Yuxarıda da, qeyd elədiyim kimi söhbətin konkret hansı ərazidən (və ya tarixi ərazidən) getməsini dəqiqləşdirmək lazımdı. Məsələn, əgər sırf İrəvan xanlığı ərazisini nəzərdə tutursunuzsa o zaman Tatev monastırının həmin siyahıda verilməsi düzgün deyil, çünki monastırın yerləşdiyi ərazi Qarabağ xanlığının tərkibində olub. Üstəlik xanlıqların abidələrinin siyahısı yaradılırsa, sırf xanlıqlar dövründə inşa edilmiş abidələri həmin siyahıya əlavə eləmək lazımdı. Məsələn, XIII əsrdə Hülakülərin vassalı olmuş Zaxaryanlar tərəfindən inşa etdirilmiş Geqard monastırını hansı əsasla Azərbaycan abidəsi elan edirik? Abidəni inşa etdirən sülalə etnik baxımdan azərbaycanlı deyil, ərazi isə monqol mənşəli Elxanilər imperiyasının ərazisidir. Bu cür misalları siyahıdakı bütün abidələr haqqında göstərmək mümkündür. Dəqiqləşdirmək lazımdı siyahıda konkret hansı abidələr (və ya hansı ərazidəki abidələr) göstərilib. İndiki halda həmin siyahı Ermənistan Respublikası ərazisindəki abidələrin siyahısıdı. Lakin, qeyd elədiyim kimi, başqa vikilərdə bu cür qarışıq siyahıların yaradılma təcrübəsi yoxdu, ona görə də siyahı silinməlidi məncə. --sefer azeri 10:49, 22 iyul 2015 (UTC)

Səfər bəy sülalə və ya dövlət lap xan (çin) sülaləsi olsun: bu ki, ölkənin Azərbaycan olmasını dəyişmir. Karnamaq-i Ardaşiri Papaqandan bu yana Azərbaycan adlı ölkənin sərhədləri və coğrafiyası N qədər əlyazma mənbədə verilib. Məqalə filan coğrafiyada olan tarixi abidələr haqqındadır.--Asparux Xan Bulqar (müzakirə) 11:01, 22 iyul 2015 (UTC)

  Silinsin: Sefer azerinin fikri ilə razıyam. Qərbi Azərbaycan müəyyən tarixi regiondur, amma hansısa inzibati statusu yoxdur. Naxçıvan MR-in tarixi abidələri siyahısını yaratmaq olar, Abşeron rayonunun tarixi abidələri siyahısını yaratmaq olar, lakin adıçəkilən məqalədəki abidələr Ermənistan Respublikasının dövlət sərhədləri daxilindədir. Buna görə siyahının adı "Ermənsitandakı tarixi və dini abidələrin siyahısı" olmalıdır.--Serk@nl@nd 12:22, 22 iyul 2015 (UTC)

  Silinsin: Bir tərəfdən Ermənistanı müstəqil dövlət kimi tanıyıb, digər bir tərəfdən isə belə məzmunlu məqalələrin yaradılması gülməlidir. Mən indiki Ermənistan ərazisinin erməni torpağı olduğunu iddia etmirəm. Həmin ərazidə məlum hadisələrə qədər minlərlə azərbaycanlılar yaşayıblar. Yaşayan azərbaycanlıların müxtəlif dini, mədəni, elmi abidələr və tikililərdə yaratması normaldır. Təklif edirəm ki, məqalənin adı Ermənistan ərazisində olan Azərbaycanla bağlı tarixi abidələr və ya buna bənzər bir formada olsun. Əks halda Dərbəndə olan abidələrlə bağlıda Şimali Azərbaycanda olan tarixi abidələr başlıqlı məqalə yarada bilərik.--Baskervill ^müzakirə 13:56, 22 iyul 2015 (UTC)

---

Bəylər gəlin bir məsələni aydınlaşdıraq: nə Ermənistan nə də Azərbaycan qarşılıqlı olaraq bir-birlərinin suverenliyini və ərazi bütövlüyünü tanımır.--Asparux Xan Bulqar (müzakirə) 14:57, 22 iyul 2015 (UTC)

Asparux Xan Bulqar hansısa dövlətlərin bir-birini tanımamasının azvikinin fəaliyyətinə dəxli yoxdu. Azviki Azərbaycan respublikasının mövqeyini əks etdirən mənbə deyil, nüfuzlu/ciddi elmi mənbələrə əsaslanan akademik elmi ensiklopediyadır. Azərbaycan respublikasının Ermənistanın suverenliyini tanımaması o demək deyil ki, azvikidə də Ermənistan respublika kimi təqim edilməməli və onun ərazisi heç bir tarixi əsası olmayan bir termin altında verilməlidir. Hörmətlə --sefer azeri 16:40, 22 iyul 2015 (UTC)

Hörmətli Səfər Azəri. Sizin hər bir vasitədən istifadə edərək - gah Qərbi Azərbaycan adlı ərazinin olmaması, gah Ermənistanın müstəqilliyinin və suverenliyinin tanınmasına zərbə kimi, gah da orfoqrafik səhvlərə yol verildiyini iddia edərək yaradılan məqalənin silinməsinə təkid göstərməyiniz başa düşülməzdir. Siz o Ermənistanı müdafiə edirsiniz ki, o taixi Azərbaycan torpaqlarında yaradılmış qondarma dövlətdir və Azərbaycan heç vaxt belə bir dövləti tanımayıb. Siz o Ermənistanı müdafiə edirsiniz ki, əsrlər boyu Azərbaycan torpaqlarını addım-addım işğal edib, Azərbaycan xalqına qarşı dəfələrlə dəhşətli soyqırımlar törədib, minlərlə Azərbaycan abidəsi erməni vandalizminin, erməni vəhşiliyinin qurbanı olub, I Qarabağ müharıbəsi dövründə erməni faşistləri tərəfindən ələ keçirilən yüzlərlə qız-gəlinlərimiz hələ bu gün də erməni əsarətindədir. Bu gün dünya muzeylərində minlərlə Azərbaycan eksponatı ermənilər tərəfindən dünya ictimaiyyətinə "erməni mənşəli" abidə kimi təqdim olunur. Ölkə başçısının da qeyd etdiyi kimi biz dostumuzla düşmənimizi tanımalıyıq. Tarix unudulanda o daha ağır səviyyədə təkrar olunur. Belə olmasaydı, təkcə XX əsrdə ermənilər xalqımıza qarşı dörd dəfə vəhşilik törətməzdi, 3,5 milyon azərbaycanlı ermənilər tərəfindən öldürülməz, əsir alınmaz, öz ata-baba torpaqlarından didərgin düşməzdi. Bu gün istər rəsmi sənədlərdə, istərsə də dövrü mətbuatda, eləcə də Vikipediyada yüzlərlə, minlərlə məqalələr, yazılar var ki, orada Qərbi Azərbaycan ifadəsi işlənir və bu adın hansı bölgəyə şamil edilməsi hər bir məktəbliyə də aydındır. Siz rus dilində Vikipediyada Azərbaycan, Dağlıq Qarabağ, Şuşa məqalələrinə bir nəzər salın, orada təkcə bu məqalələr deyil, təhrif edilmiş, erməniləşdirilmiş yüzlərlə məqalə var. Mən rus dilindəki Vikipediyada Azərbaycan məqaləsində təhrif olunmuş fikirləri tarixi faktlarla əvəzləməyə dəfələrlə cəhd etsəm də (eləcə də digər məqalələrdə) erməni idarəçilər tərəfindən həmin qeydlər dərhal silindi. Bir anlığa hər şeyi unudun, Vikipediyada rus dilində Azərbaycan məqaləsinin tarixcəsinə baxın, bu məqaləni tərtib edən yanları (erməniləri) nəzərdən keçirin. Onlar heç vaxt sahib olmadıqları tariximizi saxtalaşdırmaq üçün hər cür çirkin əməllərə əl atırlar, biz isə əcdadlarımıza məxsus tariximizi yaşatmaqda öz içimizdən olanların əngəlləri ilə qarşılaşırıq. Məqalə Qərbi Azərbaycan ərazisindəki abidələri əhatə edir. Burada heç bir inzibati bölgü və dövlətçilikdən heç bir söhbət getmir. İkincisi, bu siyahıya daxil edilən məqalələr müxtəlif dövrlərdə ayrı-ayrı Vikipediyaçılar tərəfindən yaradılan məqalələrdir. Üçüncüsü, bu məqalənin adında Qərbi Azərbaycan ərazisindəki abidələrin tarixi və milli mənsubiyyəti barəsində heç bir qeyd yoxdur, baxmayaraq ki, vaxt tapıb bu məqalələri nəzərdən keçirsəniz, onların 99 faizinin ermənilərin hələ bu torpaqlara ayaq basmadıqları bir dövrdə yaradılmış türk mənşəli xristian abidələrin olduğu barədə də məlumatları öyrənə bilərsiniz. Hörmətlə, Rəşid Nurməmmədov (müzakirə) 17:16, 22 iyul 2015 (UTC) 22:07 22 iyul 2015-ci il.

Cənab Rəşid Nurməmmədov sizin fəaliyyətiniz hər zaman Azviki üçün önəmli olub. Digər bir tərəfdən isə siz Azvikinin bu tip məqalələrlə zənginləşdirilməsinin mümkünsüz olduğunda qəbul etməlisiniz. Fərz edək ki, Yunanıstan indiki Türkiyə ərazisinə Şərqi Yunanıstan deyir və yunanca vikidə Şərqi Yunanıstanda olan tarixi və dini abidələrin siyahısı adlı bir məqalə yaradılır. Şəxsən mən düşünürəm ki, belə qeyri-ciddi vikimi olar. Bu tip məqalələri siz başqa bir vikidə yarada bilmərsiniz. Hər zaman mən başqa vikilərdə yaradıla biləcək məqalələrin bizim vikidə yaradılmasının tərəfində olmuşam. Bütün bunlar o demək deyil ki, biz ermənilərlə bağlı olan həqiqətləri dünyaya ifadə etməməli və susub oturmalıyıq. Məsələn envikidə Anti-Azerbaijani sentiment in Armenia adlı gözəl bir məqalə var. Məqalədə ermənilər tərəfindən azərbaycanlılara qarşı olan nifrət halları tarixi xronologiya ilə ifadə olunur. Bax bizədə belə məqalələr lazımdır. Ümüd edirəm ki, məni düzgün başa düşdünüz. Hörmətlə:--Baskervill ^müzakirə 17:53, 22 iyul 2015 (UTC)

Hörmətli Baskervill gərək müqayisələri düzgün seçək: Türkiyənin qərbi yunan əsilli əhali yaşayan yer olub fəqət Yunanıstan olmayıb. Məsələ ondadır ki, Səfər bəy cümlə daxilində də olsa iddia etdiki indi Ermənistan Respublikası olan ərazi guya Azərbaycan adlı tarixi ölkənin ən azı XIX əsrin II yarısına qədər tərkibi olmayıb. Söhbət ondan gedir ki, ER-sı tarixi Azərbaycan ərazisində qurulub ya yox. Qərbi Azərbaycan anlayışı Ermənistan adlı mövhum torpaqlarımıza sürüşəndən sonra yaranıb. Yaxşı bilinir ki, Armenia deyilən ərazi indiki ER-sına aid deyil. Süni şəkildə yaradılmış Şərqi Ermənistan anlayışına qarşı eyniçəkili "Qərbi Azərbaycan" anlayışı yaradılıb. "Qərbi Azərbaycan" məsələsindən öncə bəzi yoldaşlar açıqca deməlidir ki, ümumiyyətlə o ərazinin Azərbaycan olduğunu qəbul edir ya bütün tarixi sənəd və sübutları görməzlikdən gəlirlər.--Asparux Xan Bulqar (müzakirə) 18:29, 22 iyul 2015 (UTC)

Hörmətli Rəşid Nurməmmədov, bəli, mən Qərbi Azərbaycan adlı tarixi/elmi termin olmadığını deyirəm və dediklərimi sübut etməyə hazıram. Siyahının düzgün adlandırılmadığını düşünürəm, ya siyahı konkret hansısa ərazi/dövr/abidə qrupuna həsr edilməli ya da silinməlidir, çünki vikidə hansısa dövlətin ərazisindəki bütün abidələrin bu cür qarışıq şəkildə siyahılaşdırılması təcrübəsi yoxdu. Yuxarıda qeyd etdiyiniz faktların hamısı haqqında məlumatlıyam, lakin, indiki halda məni nə Ermənistanın, nə də Azərbaycanın mövqeyinin müdafiə edilməsi maraqlandırmır. Mənim üçün (eləcə də viki dəyərlərini üstün tutan bütün istifadəçilər üçün belə olmalıdır) əsas olan tərəfsizliyin təmin edilməsi və mümkün qədər neytral məlumatın verilməsidir. Siz burnumuzun dibində olan bir dövlətin ərazisini hansısa qondarma/heç bir tarixi əsası olmayan (bu ifadə ilə indiki Ermənistan ərazisində türklərin yaşamadığını iddia etmirəm, sadəcə istifadə etdiyiniz terminin elmi əsası olmadığını vurğulayıram) adla təqdim etməyə çalışırsız. Buna necə göz yummaq olar axı?! Hörmətlə --sefer azeri 18:10, 22 iyul 2015 (UTC)

Səfər bəy mümkünsə qısa və konkret yazın sizi "Qərbi+Azərbaycan" söz birləşməsində qane etməyən nədir: o ərazini Azərbaycan hesab edirsizmi ? Edirsizsə konkret yazın məni "qərbi" sözü qane etmir gəlin edək "şimali-qərbi" və ya ilaxır.--Asparux Xan Bulqar (müzakirə) 18:37, 22 iyul 2015 (UTC)

Hörmətli Asparux Xan Bulqar, siz məni yenə başa düşmürsüz. Məsələ nəyinsə məni ya da başqa adamı qane etməsində deyil. Biz nəsə yazarkən (xüsusilə yazdığımız məlumat mübahisəyə səbəb olursa) mütləq etibarlı mənbələrə istinad eləməliyik. Mənim həmin ərazini nə hesab etməyimdən asılı olmayaraq, hazırda həmin ərazi akademik elmi ədəbiyyatda Ermənistan adlandırır. Biz həmin ərazi üçün özümüzdən "Qərbi Azərbaycan" və ya "Şimal-Qərbi Azərbaycan" kimi terminlər uydurmamalıyıq. Bu məsələnin birinci tərəfi. İkinci tərəfi də odur ki, hansısa dövlət (lap elə tarixi vilayət və sair) ərazisindəki abidələr haqqında belə qarışıq siyahıların yaradılması düzgün deyil. Siz yarada bilərsiz "Ermənistandakı qalaların siyahısı", "Ermənistandakı məscidlərin siyahısı", "Ermənistandakı Azərbaycan abidələrinin siyahısı", "Ermənistandakı kilsələrin siyahısı", "Ermənistandakı heykəllərin siyahısı" və sair. Amma filan ölkənin abidələrinin siyahısı yaradıb qarışıq şəkildə bütün abidələrin bir siyahıya daxil edilməsi düzgün deyil. Ona görə də mən siyahının silinməsi tərəfdarıyam. Hörmətlə--sefer azeri 18:51, 22 iyul 2015 (UTC)

Hörmətli Baskervili. Xoş sözlərinizə görə minnətdarlığımı bildirirəm. Lakin bilməyinizi istərdim ki, Türklər heç vaxt İstanbulda və ya vaxtilə Bizans imperiyasının tərkibində olan müasir türk torpaqlarında yerləşən, Bizans memarlıq abidələrini inkar etməyiblər. Bu gün türk tarixində də Aya-Sofiya məbədinin Bizans imperatoru Yustinianın göstərişi ilə inşa edildiyi qeyd olunur. Bu faktın etiraf edilməsi üçün xalqın mədəni səviyyəsi olmalıdır. Dili, tarixi, mədəniyyəti digər xalqlardan oğurlanmış irs əsasında formalaşan ermənilər isə adımıza, dilimizə, tariximizə, mədəniyyətimizə və torpaqlarımıza iddialarından heç vaxt əl çəkməmişlər və əcdadlarının çirkin əməllərini bu gün də davam etdirirlər. Qəbul etməyinizi istərdim ki, siyahıya o abidələr daxil edilib ki, onların yaranmasında ermənilərin heç bir xidməti olmayıb və ola da bilməzdi. Çünki o zaman ermənilər müasir Türkiyə ərazisindəki Van gölü ətrafında - Kilikiyada yaşayırdılar və o zaman hələ Qərbi Azərbaycan ərazisinə erməni ayağı dəyməmişdi. Biz tarixi abidələrimizi onlara güzəştə getməklə düşmən dəyirmanına su tökmürükmü? Uzaq Şərqdən - Çindən və Monqolustandan İspaniyaya qədər uzanan nəhəng bir əraziyə səpələnmiş türk xalqlarına mənsub tarixi abidələrin araşdırılması və kataloqunun tərtib edilməsi də Sizin fikrinizcə, hazırda bu ərazidə yerləşən onlarla dövlətin suverenlik hüququnun pozulmasıdır? Qərbi Azərbaycan terminini uydurma hesab edənlərə görkəmli tarixçi alim Əziz Ələkbərovun bu məsələyə münasibətini xatırlatmaq istərdim: "Qərbi Azərbaycan məsələsi deyəndə bəzi adamlar elə başa düşürlər ki, bu bir region məsələsi, region davasıdır. Əslində, belə deyil. Qərbi Azərbaycan məsələsi əslində, azərbaycanlıların tarixi torpaqlarını itirməsi məsələsidir. Bu, bütün Azərbaycanın problemidir, ona görə də bu problemə dırnaqarası baxmaq olmaz". Hörmətlə: Rəşid Nurməmmədov (müzakirə) 18:59, 22 iyul 2015 (UTC)

Siyahı qalsa yaxşıdır. Problem adladır. “Qərbi Azərbaycan” uydurma bir ad deyil, hər bir azərbaycanlı bilir ki, bu Ermənistandır. Ancaq qeyri-azərbaycanlılar üçün “Qərbi Azərbaycan” Azərbaycan Respublikasında Ermənistan Respublikasının ərazilərini göstərmək üçün istifadə olunan irredentist siyası konsepsiyadır. Bu müzakirələrdə iddia olunduğu kimi nə isə qəbulolunmaz bir şey deyil, məsələyə tərəfsiz elmi baxışdır. Əlbəttə, kim ki, AzVikini milli formsayağı bir sayt kimi görür, onlar üçün siyahı adında “Qərbi Azərbaycan” olması heç bir problem deyil, ancaq AzVikini tərəfsiz görmək istəyənlər üçün daha yaxşısı elmi ədəbiyyatda istifadə olunan adın seçilməsidir. Məsələn, "Ermənistan ərazisindəki Azərbaycan mədəni irsinə aid abidələrin siyahısı". Müzakirə ilə bu məsələ həll olunan deyil, istifadəçilərin çoxu həqiqətən AzVikiyə Azərbaycanca Vikipediyaya kimi deyil, Azərbaycan Vikipediyası kimi baxır, ancaq bu düz deyil, nəinki Vikipediya prinsiplərini pozur, hətta AzVikidəki informasiyaların əhəmiyyətini də azaldır.--Melikov Memmed^⇒email 09:21, 23 iyul 2015 (UTC)

Hörmətli həmkarlar. Təkliflərinizi nəzərə alaraq məqalədə qeyd olunan abidələrin dini və tarixi bölmələr üzrə yerləşdirilməsini, Qərbi Azərbaycan ifadəsinin həm Azərbaycan, həm də rus dilində işlənildiyi elmi ədəbiyyat nümunələrindən bəzilərini (Mənbə), Qərbi Azərbaycan əraziindəki tarixi abidələrimiz və onların taleyi ilə bağlı müxtəlif saytlarda olan məlumatları (Xarici keçidlər) məqaləyə əlavə etdim. Müzakirədə iştirak edən hər bir şəxsə, (yanaşma mövqeyindən asılı olmayaraq) Öz minnətdarlığımı bildirirəm. Ümid edirəm ki, biz birlikdə Azərbaycan tarixinin erməni saxtakarlığından xilas edilməsi, Azərbaycan həqiqətlərinin dünya ictimaiyyətinə çatdırılması sahəsində hələ çox iş görəcəyik. Hörmətlə: Rəşid Nurməmmədov (müzakirə) 11:36, 23 iyul 2015 (UTC) 16:35. 23 iyul 2015.

Bütün demək istədiklərimizi Melikov Memmed qısa şəkildə ifadə etdi. Azviki Azərbaycan vikipediyası yox Azərbaycan dilində olan bir virtual ensiklopediyadır. Zatən 10 ildən çoxdur ki, burada Azərbaycanın maraqları qorunur. Digər bir tərəfdən isə biz elə də edə bilmərik ki, kənardan dayanıb bizə gülsünlər. Məqalənin silinməsinə qarşı bu qədər yoldaşın olması məqalənin silinməsini mümkünsüz edir. Təklif edirəm ki, məqalənin adı Melikov Memmed qeyd edən formada, yəni Ermənistan ərazisindəki Azərbaycan mədəni irsinə aid abidələrin siyahısı formasında olsun. Bununlada uzun müzakirələrə bir son qoymaq olar.--Baskervill ^müzakirə 07:35, 24 iyul 2015 (UTC)

Əgər "Qərbi Azərbaycan" adının istifadəsi bu qədər vacibdirsə, məqalənin daxilində, məsələn, izahat şəklində "Qərbi Azərbaycan ərazisindəki azərbaycanlılara aid tarixi və dini abidələrin siyahısı" yazılsın. --Melikov Memmed^⇒email 08:01, 24 iyul 2015 (UTC)

Nəticə olaraq Ermənistan ərazisindəki Azərbaycan mədəni irsinə aid abidələrin siyahısı kimi saxlanılsın. Məncə bu halda heç kim etiraz etməz. --Araz Yaquboglu (müzakirə) 09:33, 24 iyul 2015 (UTC)

Əgər etiraz yoxdusa adı dəyişək və müzakirələri bitirək. Nə deyirsiz Səfər bəy. --Araz Yaquboglu (müzakirə) 09:35, 24 iyul 2015 (UTC)

Yuxarıda mən də məqalənin saxlanılmasına qərar veriləcəyi halda adının dəyişdirilməsinin lazım olduğunu qeyd etmişdim. Əgər vikicəmiyyət məqalənin adının qeyd etdiyiniz şəkildə dəyişdirilərək saxlanılması qərarı verirsə mənim bir etirazım yoxdur. Hörmətlə --sefer azeri 09:38, 24 iyul 2015 (UTC)

Araz bəy deyən kimi olsun və bu uzun müzakirə tamamlansın.--Baskervill ^müzakirə 10:01, 24 iyul 2015 (UTC)

---

Qərar: Aparılan uzun müzakirələrin ardından Qərbi Azərbaycan ərazisindəki tarixi və dini abidələrin siyahısı adlı məqalənin adı Ermənistan ərazisindəki Azərbaycan mədəni irsinə aid abidələrin siyahısı formasında dəyişdirilmişdir. Qərar viki cəmiyyətin nümayəndələri tərəfindən aparılan müzakirələrdən sonra qəbul edilmişdir. Əgər bir əlavəniz varsa zəhmət olmasa (Müzakirə:Ermənistan ərazisindəki Azərbaycan mədəni irsinə aid abidələrin siyahısı) məqalənin müzakirə səhifəsinə yazın.--Baskervill ^müzakirə 12:57, 24 iyul 2015 (UTC)

Sizcə bu məqalə ensiklopedikdir? --Serk@nl@nd 17:58, 23 iyul 2015 (UTC)

  Silinsin:--Serk@nl@nd 17:58, 23 iyul 2015 (UTC)

Məlumatlandırmaya görə minnətdaram.--sefer azeri 17:59, 23 iyul 2015 (UTC)

Vikipediyada yüzlərlə məqalə var ki, müharibələrin, döyüşlərin, şülh müqavilələrinin, ayrı-ayrı sülalələrin, dünya xalqlarının, çayların, dənizlərin, göllərin, küçələrin, parkların, generalların, sərkərdələrin və s. siyahılarından ibarətdir. Sizcə, onların heç biri ensiklopedik məqalə deyil? Əgər doğrudan da Vikipediya qaydalarının bu qədər "keşiyində" durmusunuzsa, niyə heç biriniz rus dilli vikipediyada Azərbaycanla bağlı yüzlərlə saxtalaşdırılmış məqaləyə, həmin məqalələrə erməni idarəçilər tərəfindən nəzarət edilməsinə, yol verilən təhriflərin aradan qaldırılmasına, bu cür məqalələrin müdafiə etdiyiniz vikipediya qaydalarına zidd olduğuna münasibətinizi bildirmirsiniz. Azərbaycan əleyhinə müxtəlif qara qüvvələrin təbliğat cəhdlərinin (o cümlədən rus dilli Vikipediya səhifələrində) birləşdiyi bir dövrdə, hər bir Azərbaycan övladı Ermənistanın dostları qrupunda deyil, Azərbaycan həqiqətlərini dünya ictimaiyyətinə çatdırılması üçün mühüm əhəmiyyət kəsb edən bu ensiklopedik informasiya toplusu ətrafında birləşməlidir. Biz heç bir xalqın mədəniyyətinə, tarixinə şərik çıxmırıq, bizə məxsus olan mədəni və mənəvi irsin başqaları tərəfindən mənimsənilməsinə qarşıyıq. Rəşid Nurməmmədov (müzakirə) 20:01, 23 iyul 2015 (UTC) 00.40. 24 iyul 2015

Cənab Rəşid Nurməmmədov siz burada heç kimi nədəsə günahlandıra bilmərsiniz. Çox nadir şəxslər eyni anda bir necə vikidə aktiv fəaliyyət göstərə bilirlər. Rus, ingilis və digər vikilərdə Azərbaycanla bağlı fəaliyyət göstərəndə bəlli bir qrup şəxs var. Yəni biz indi qaydaların "keşiyində" dayanmayaq ki, xarici vikilərdə ermənilər azərbaycanlılardan dahamı aktivdir ? Ümüd edirəm ki, başqalarını bu qədər günahlandıran bir şəxs olaraq özünüzün digər vikilərdə çox zəngin fəaliyyətiniz mövcuddur. Hörmətlə:--Baskervill ^müzakirə 07:40, 24 iyul 2015 (UTC)

  Qalsın: Sosial şəbəkə üzərindən bir nəfər yoldaş ilə məqalə barədə uzun müzakirələr apardıq. Şəxsin ensiklopedik olmasını sübut edən bəzi ciddi dəlillər mövcuddur. Sadəcə olaraq məqalə qeyri-ensiklopedik formada hazırlandığından həmin dəlillər gözə batmır. Təklif edirəm ki, məqalənin bir balaca səhmana salınmasına icazə verilsin. Əgər yenə də şəxsin ensiklopedik olması viki cəmiyyəti qane etməsə, bax o zaman silinə bilər. --Baskervill ^müzakirə 10:04, 24 iyul 2015 (UTC)

  Qalsın: Vafkabaku səs vermə hüququ yoxdur

Fərid Mərd in səhifəsini qetiyyen onun ozu nede yaxinlari yaratmayib,Biz Ferid ve ferid kimi basqa musiqicilerle isleyirik, onlar arasindan Feridden Daha taninmisi var ancaq sirf Sou biznes Xarakterli calistigi ucun Megale Yerlestirmemisik. Ferid Azerbaycan Dovlet Televiziyasinin Solistidir,Hazirda Turkiyenin Enbe Orkestrinin Solistidir," defe ilin genci secilmisdir, GİCS elehine defelerle universitetlerde solo konsert vermisdir, Bunu asagidaki linklerden izleye bilersiniz,Beli Ferid Popular deyildir, Cunki o Pop musiqicisi Deyildir,Azerbaycan Genclik Marsini Hem bestelemisdir,Sozlerini yazmis ve ifa etmisdir,Biz Onun vikipediada Şexsi keyfiyyetlerinden behs etmirik, Çünki ferid heleki ancaq İşleriyle tanınır,Şexsiyyeti ile gündemde deyil, Boş boş megale yazilsa idi Biz tamamile razi idik silin, Bir cox Verilislerdeki İstirakindanda linkler asagida var.Turkiyede Bir cox Radio, ve Efirlerde de hemcinin yer almisdir, Pal fm Super fm , Metro Fm, İlac fm, kimi ondegeden radiolarin,2012-2013 Siyahilarina baxsaniz Feridin adini gore bilersiniz," Beli gebul edirik Ferid hazirda gündemde deyil,Ancag bu onun isteyidir,Eksi tegdirde daha Gundelik janra üz tutardiq. https://www.youtube.com/watch?v=VCk2nIlM-ls ( AZTV de yayimlanan verilisden GENCLİK MARSİ) https://www.youtube.com/watch?v=cigAFenNZOM ( GİCS e yox deyek adli konsertden) https://www.youtube.com/watch?v=BenuzB9bC-E https://www.youtube.com/watch?v=CYpjaMDbmO0 ( Cristall Hall Konsertinden) https://www.youtube.com/watch?v=0DUQgU7umMA https://www.youtube.com/watch?v=e8x_3e-3yF4 (Universitet konsertinden) https://www.youtube.com/watch?v=k-aXtbRjCy4 https://www.youtube.com/watch?v=aIhw36yBu34 https://www.youtube.com/watch?v=X45-fcvhB7A ( Cixdigi verilislerden AZTV,Xezer tv, Lider tv ve s) https://www.youtube.com/watch?v=xQgM9ZrTVAc https://www.youtube.com/watch?v=DTvc2jJLC1M https://www.youtube.com/watch?v=_0HT5AkPc_s ( Dovlet tedbirinden) https://www.youtube.com/watch?v=XoZCFKKctO4 ( Klipi) Sehife 2013 cu ilde yaradilmisdi, İyul ayinin 20 sinde Sehifeye Yenilik etmek megsedile, deyisdirildi yalniz bundan sonra silindi.Evvelki kimi yaratmaq mumkun olmadi, daha evvel çalışdıgımız başqa şexs hazirlamişdi ilk versiyani,Biz daha sade Versiya hazirladiq,ancaq oda silindi Eger Lazimdirsa, biz yene argument getirmeye davam edeceyik KİV lerden sitatlar getire bilerik. Kifayet edirmi? Sehifenin Qalmasi Üçün?

  Qalsın: Məqaləni oxudum. Ensiklopedik məqamlar var.--samral ^müzakirə 18:19, 25 iyul 2015 (UTC)

  Silinsin: - mənasız məqalədir. --Keete 37 (Farid Aliev) (müzakirə) 18:29, 25 iyul 2015 (UTC)

  Silinsin:--Şeyx Şamil Danış! 18:54, 25 iyul 2015 (UTC)

  Silinsin:--sefer azeri 18:55, 25 iyul 2015 (UTC)

  Qalsın:--mahmudvahabzade səs vermə hüququ yoxdur

Elbette sehife qalmalıdı,yazanlar ele yazir silinsin sebeb demirler heç, Feridi Kristall xoldaki konsertinnen taniyiram,istedadli musigichidir

  Silinsin: İndiki vəziyyətdə qətiyyən ensiklopedik şəxs kriteriyasına uyğun deyil. Mənbəsiz mənasız məqalədir.--Asparux Xan Bulqar (müzakirə) 19:12, 25 iyul 2015 (UTC)

Əvvala məqalədə dil qaydaları çox pozulub. Adam heç oxumaq istəmir. O halda məqalə saxlanıla bilər ki, bütün yazılanlara istinadlar göstərilsin. --Araz Yaquboglu (müzakirə) 04:27, 26 iyul 2015 (UTC)

  Silinsin: Qeyri ensklopedik şəxsdir. -- ■ Sultan ^mesaj 18:06, 29 iyul 2015 (UTC)

  Qalsın: AzVikidə minlərlə qeyri-ensklopedik şəxslər haqqında məqalələr olduğu halda, bu əsas alınaraq hansısa ayrı-ayrı şəxslər haqqında məqalənin silinməsi məncə ədalət prinsipinin pozulması deməkdir. Ya hamısı, ya heç biri--Melikov Memmed^⇒email 06:27, 3 avqust 2015 (UTC)

  Silinsin:--Azerifactory (müzakirə) 05:00, 22 avqust 2015 (UTC)

---

• Qərar: İstifadəçilərin uzun müzakirələrindən sonra səhifənin silinməsinə qərar verildi. --Araz Yaquboglu (müzakirə) 06:42, 27 avqust 2015 (UTC)