Vikipediya Silinmeye Namized Sehifeler Orxan Memmedov - Wikipedia - Ureyim.az

• Deməli belə. Bir az uzun olacaq. Amma başqa variant yoxdur. Bu məqalə ilk dəfə 2022-nin fevralında indi ömürlük blokda olan E.İ. tərəfindən SNS edilib. Və silinməsi yönündə konsensus olmağına baxmayaraq çox müəmmalı şəkildə sonda saxlanılıb. 1 ay sonra, mart ayında eyni istifadəçi tərəfindən yenidən SNS edilib və bu dəfə nəhayət silinib. Hər 2 müzakirədə də kifayət qədər haqlı və əsaslı iradlar bildirilib. Sonra bu hadisələrdən 8 ay sonra daha əvvəl hər vəchlə məqaləni sildirməyə çalışmış eyni istifadəçi (E.İ.) bu dəfə məqaləni yenidən işləyib, qəşəycə bəzəyib, istinad və xarici keçidlərlə filan doldurub BNS edir. Müzakirəyə baxsaz görərsiz ki, haqlı olaraq məqalə bərpa edilmir. Çünki müzakirə nəticəsində konsensus əldə edilmir. Cəmi 1 ay sonra eyni istifadəçi tərəfindən məqalə yenidən BNS edilir. Halbuki bu 1 ay içində şəxsi ensiklopedik edə biləcək heç bir şey baş verməmişdi. Bu isrardan açıq aşkar hiss olunur ki, məqaləni SNS edən məlum istifadəçi məqaləni daha əvvəl hər vəchlə sildirib ki, sonra özü daha “gözəl” işləyib babat ödəniş alsın. Bundan da önəmlisi odur ki, son BNS müzakirəsində çox qəribə və müəmmalı şeylər olur. Belə ki, daha əvvəl “silinsin” deyənlər, “bərpa olunmasın” deyənlər, nətər olursa, bu dəfə fikirlərini 180 dərəcə dəyişir. Müzakirə zamanı babat səs ovçuluğu da olur. Amma niyəsə, əsasən, görməzdən gəlinir. Və uyğunsuz şəkildə məqalənin bərpasına qərar verilir.

İndi keçək şəxsin özünə. Şəxs İqtisadiyyat Nazirliyinin (İN) tabeliyindəki qurumlardan birinin rəhbəridir. Kim istəsə İN məqaləsindən baxa bilər ki, bu nazirliyin tabeliyində, tərkibində 5-10 belə qurum var. Bəyəm hər birinin rəhbəri ensiklopedikdir? Əlbəttə ki, yox. Əlavə olaraq şəxs Zirə FK-nın rəhbəridi. Hazırda Azərbaycanın Əsas Liqasında 10 klub var, tarixən isə bəlkə 100 klub olub. Bəyəm hamısının rəhbəri ensiklopedikdi? Əlbəttə ki, xeyr. Şəxs həm də federasiya rəhbəridir. Bu federasiya (minifutbol) əvvəla olimpiya idman növü deyil. Qeyri-olimpiya idman növləri arasında da məşhur deyil. Yəni şəxs bu baxımdan da ensiklopedik ola bilməz və deyil. samral ^müzakirə 14:32, 14 fevral 2025 (UTC)[cavabla]

• Ümumiyyətlə sözügedən müzakirələrdə əvvəlcə silinsin sonra da qalsın deyən istifadəçilərin bəzilərinin fəaliyyəti elə indi də çox şüphəlidir. Vikipediyaya çox vaxt ayıra bilmirəm amma bəzi istifadəçilərin şüphəli mövqeləri haqqında kiçik bir müzakirə başlatmağa çalışacam. Mövzudan kənara çox da çıxmaq istəmirəm. Şəxsə gəldikdə isə mənim fikirimcə Azərbaycan Minifutbol Federasiyasının prezidenti olması onu ensiklopedik edir. Patriot (müzakirə) 18:00, 14 fevral 2025 (UTC)[cavabla]

  @Patriot Kor, axı nə bu idman növü tanınmış bir idman növüdü, nə də federasiya. Bu idman növünün nə tanıdığımız bildiyimiz liqası var, nə yaç kateqoriyaları üzrə komandası. Azərbaycanda təzə gənclər idman naziri təyin olunana qədər bilirsiz nə qədər federasiya var idi? Və əlbəttə ki, bir o qədər də federasiya prezidenti. Bu ensiklopediklik üçün kifayət deyil axı. AFFA-dan danışsaq və ya boks, güləş, cüdo, şahmat kimi növlərin federasiyasından o başqa məsələ. samral ^müzakirə 18:37, 14 fevral 2025 (UTC)[cavabla]

  Deməzdim. Federasiya çox inkişaf edib. Azərbaycanda mini futbol üzrə çox peşəkar liqa təşkil olunur hazırda. Bununla yanaşı mini futbol üzrə milli komandanın da ölkə klublarının da uğurları da az deyil. Təbii ki, bunun şəxsə aidiyyatı yoxdur. KOBİA-dan çox bu sahədəki vəzifəsinə görə ensiklopedik hesab edirəm. Şəxsi fikirimdir. Patriot (müzakirə) 19:21, 14 fevral 2025 (UTC)[cavabla]

  @Patriot Kor, siz ola bilərmi ki, futzalla qarışdırırsız? Özünüz də qeyd etdiz zatən bu hal olsa-olsa federasiyanı ensiklopedik edə bilər, nəinki rəhbərini. samral ^müzakirə 19:22, 14 fevral 2025 (UTC)[cavabla]

  Yox elə mini futbolu nəzərdə tuturam. Patriot (müzakirə) 15:45, 15 fevral 2025 (UTC)[cavabla]

• Məncə, bütün icma bilir ki, siz bu məqaləni məqsədli və qərəzli olaraq namizəd göstərmisiniz. Amma müzakirənin mövzusu bu deyil deyə mən bu haqda yazmayacam və məqalənin özü haqda fikir bildirəcəm. Lakin təəssüf ki, elə məhz bu qərəzdən qaynaqlanaraq siz müzakirədə iştirak edən istifadəçiləri və faktları manipulyasiya etmək istəyirsiniz. Ola bilər ki, siz ümumiyyətlə bu mövzunu araşdırmamısınız, amma mən sizin üçün bəzi faktları ortaya qoyum. Qeyd edirsiniz ki, bu idman növünə Azərbaycanda o qədər qiymət verilmir, amma xeyr, idmanla az-çox maraqlanan hər kəs Azərbaycanın bu idman növü üzrə əldə etdiyi uğurları və bu idman növünün inkişafına ayrılmış diqqəti bilir. İlk növbədə Azərbaycanın bu idman növü üzrə peşəkar millisi var və hətta 2023-cü ildə millimiz minifutbol üzrə Avropa Çempionu olub. Bu uğurdan sonra cənab Prezident özü millinin üzvləri ilə görüşüb və onları bu uğur münasibəti ilə təbrik edib. Azərbaycan millisi Dünya Minifutbol Federasiyanın rəsmi reytinqlərində ilk sıralarda olub və 2024-cü ildə ikinci pilləyə qədər irəliləyib. Yaş kateqoriyalarına və komandalara gəlsək, təkcə bu idman növü üzrə U-23 komandasının 2024-cü ildə Xorvatiyada keçirilən Minifutbol üzrə U-23 Dünya Kubokunda ölkəni təmsil edərək 3-cü yerin sahibi olmasını qeyd etmək məncə yetərlidir. Liqa və professionallıq məsələsinə gəlsək, bir neçə ildir ki, beynəlxalq standartlara uyğun olaraq, peşəkar formada hər il Minifutbol üzrə Azərbaycan çempionatı keçirilir. Azərbaycan klubları beynəlxalq liqalarda da təmsil olunur və hətta 2024-cü ildə Çempionlar Liqasında iki klubumuz çıxış edib və məhz Azərbaycan klubu Çempionlar Liqasının qalibi olub. Klubların peşəkarlığını belə də izah edə bilərəm ki, həmin klubun baş məqçisi xarici futbol mütəxəssisidir. Məncə bu özü bu idman növünə olan yanaşmanın peşəkarlığını göstərir. Onu da qeyd edim ki, əksər klublarımızın nəyinki öz sponsoru, hətta ayrıca geyim sponsoru belə var. Ən əsası isə onu qeyd etmək lazımdır ki, 2025-ci ildə Minifutbol üzrə Dünya Kuboku məhz Azərbaycanda keçiriləcək. Minifutbolun Azərbaycan idmanındakı yeri haqda məncə bundan artıq danışmağa ehtiyac yoxdur. Və təbii ki, bütün bunlar hamısı Orxan Məmmədovun rəhbərliyi altında baş verib. Xatırlatma da edim ki, Orxan Məmmədov həm Federasiyanın təsisçisidir, həm də bundan əvvəl fəxri prezidenti olub. --Sura Shukurlu (müzakirə) 18:02, 15 fevral 2025 (UTC)[cavabla]

  @Sura Shukurlu, elə danışdız ki, sanki o federasiya və ya Orxna bəylə nəsə və ya hansısa formada əlaqəniz var. Nəysə. Minifutbol Dünyada ən az tanınan və ən az fanatı reytinqi olan qeyri-olimpiya idman növlərindən biridir. Bunu bütün Azərbaycan Xalqı da bilir, siz də, vikiicma da. Elə ona görədi də normal futbolda B liqasında öz qrupunda 1 qələbə belə qazana bilməyən, hər dəfə axırdan 1-ci olan Azərbaycan bu növdə Avropa çempionu oldu 😂. Yoxsa ölmüşdü Xankişi İspaniya, İngiltərə, İtaliya, Fransa, Almaniya filan qala-qala Azərbaycan gələcək Avropa çempionu olacaq? Surə xanım, mənə futbol filan öyrədirsiz? Mən 2003-cü ildə futbola, 2004-də futzala baxanda indi fəal olan əksər viki istifadəçiləri heç dünyaya gəlməmişdi. Siz nə danışırsız? Mən futbolu da bilirəm, futzalı da, minifutbolu da. Minifutbolu Azərbaycanda əksəriyyət elə futzal hesab edir. Çıxsın 50 jurnalist Azərbaycanda sorğu keçirsin ki, ən məşhur idman növləri hansılardı? Hətta soruşsunlar ki, 10 dənəsini sayın. Bir nəfər minifutbol deyər? Əlbəttə yox. Cənab Prezident qəbul edib. Lap yaxşı. Cənab prezident millətə Tərəqqi medalı verir. İndi hamısını ensiklopedik sayaq? Prezident bir sıra məktəblərin, yaşayış binalarının, bağçaların filan açılışını edir. Hamısına məqalə yazaq? Surə xanım, sizə keçən dəfə də dedim, özünüzü Vikipediyadakı YAP funksioneri kimi, hökumət/iqtidar nümayəndəsi kimi aparmayın, lütfən. Bilmirəm təzə işə düzəlmisiz, nə məsələdisə neçə aydı fəaliyyətinizdə mənfi yöndə dəyişiklik var. Heç xoş deyil viki qaydalara biləsiz. Sonda deyim ki, sadaladıqlarınız ən yaxşı halda “Azərbaycanda minifutbol”, “AMF”, liqası filan məqalələrini ensiklopedik edər. Nəinki fəxri prezidenti və ya prezidentini. Onsuz da hər yerindən duran federasiya yaradıb özünü də prezident təyin etməklə bu “prezident” sözünü lap urvatdan salıblar. Allah axırını xeyir eləsin. samral ^müzakirə 23:05, 18 fevral 2025 (UTC)[cavabla]

  Məqalənin tarixçəsi və müzakirələrdəki qəribə dəyişikliklər məsələsi çox diqqət çəkir. Burada qeyd etdiyiniz vəziyyətə əsasən, məqalənin əvvəlcə silinməsi yönündə bir çox əsaslı iradlar olsa da, sonra bunun "gözəl işlənmiş" formada geri bərpa edilməsi məsələsi mürəkkəb vəziyyət yaradır. Əgər əvvəlki silinmə müzakirələri zamanı əsaslı arqumentlər gətirilibsə və silinməsi qərara alınıbsa, həmin məqalənin sonradan bərpa edilməsi və bu qərarın necə alındığı barədə ciddi suallar ortaya çıxır. 109.239.17.141 19:56, 9 mart 2025 (UTC)[cavabla]

•   Qalsın: Qeyd edilən tərəfli ola biləcək şəxsin təftiş edilməsi ayrı nüansdır və edilməsinin tərəfdarıyam, lakin məqalə ensklopedikdir. Redivy (müzakirə) 12:31, 16 fevral 2025 (UTC)[cavabla]

Yekunlaşdırma: konsensus olmadığından saxlanılmasına qərar verildi. --Araz Yaquboglu (müzakirə) 04:24, 30 mart 2025 (UTC)[cavabla]