Xususi Daimikecid 8072663 - Wikipedia - Ureyim.az

Salam, @Nemoralis, @Gadir, @Sura Shukurlu. Səsvermənin bitməsinə 3 gündən az müddət qalıb, lakin hər birimiz 25 səsin altında nəticə toplamışıq. Təftişçi seçkiləri qlobal olaraq təsdiqlənir və nəticə bu cür hesablanır: "Namizəd 25-30 səs toplamalı və 75-80% dəstək səsi almalıdır". Əgər razısınızsa səsverməni 1 həftə uzadaq və növbəli şəkildə səsverməyə qatılaq. Yəni 4 namizəddən ən çox səs alan 2 nəfər qalsın və digər 2 namizədin səsverməsi dayandırılsın. Səsverməsi dayandırılan namizədlər isə bu səsvermə bitdikdən sonra hər ikisi yenidən namizəd olsun. Hazırda yuvarlaq hesablasaq az-vikidə 35 nəfər səsvermə hüququna malik istifadəçi var və görünən odur ki, onların səsi namizədlər üzərində mütəşəkkil olmadı. Əksinə səslər dağıldı. Sura Shukurlu, Gadir, əgər razısınızsa elə bu gündən tətbiq edim. Turkmen ^müzakirə 07:42, 25 fevral 2025 (UTC)Cavabla

Salam. Düzü, namizədliyimin davam etməsini istəyirəm. Müddəti 15 gün daha uzatmağı təklif edirəm. Düzdü, səs sırasına görə üçüncü yerdəyəm, amma aktivliyimi və fəaliyyətimi də nəzərə alaraq düşünürəm ki, təftişçi kimi fəaliyyət göstərməyim və üç təftişçi azviki üçün daha yaxşı olar, həm operativlik baxımından, həm də obyektivlik. Mən buradakı insanları hələ ki onlayn tanıyıram. Bu şəkildə uzatmaq olar, səs alarsam alacam, yoxsa onsuz da vaxtı uzatmaq heç nəyi dəyişməyəcək. Hörmətlə, Qədir (müzakirə) 08:18, 25 fevral 2025 (UTC)Cavabla

@Gadir, mən səsvermədən çəkilin demirəm. Bu səsvermə bitdikdən sonra ikinci namizədliyi nəzərdə tuturam. Turkmen ^müzakirə 08:21, 25 fevral 2025 (UTC)Cavabla

Bilirəm, sadəcə dediyim odur ki, onsuz da uzatmaq nəticə nə olacaqsa onu dəyişməyəcək. Namizədlikləri bir 15 gün də artırmağı təklif edirəm. Hörmətlə, Qədir (müzakirə) 08:24, 25 fevral 2025 (UTC)Cavabla

Ümumiyyətlə, burada Sortilegusun mövqeyi mənə qarşı qərəzlidir. Ortaya "altı boş" ittihamlar atıb, amma heç bir cavab yazmayıb. Bu barədə fikirləriniz maraqlıdır. Hörmətlə, Qədir (müzakirə) 08:32, 25 fevral 2025 (UTC)Cavabla

İstifadəçilər istəksiz görünür. Düşünürəm ki, növbəti səsvermə də oxşar nəticə verəcək. Sofia (müzakirə) 08:43, 25 fevral 2025 (UTC)Cavabla

@Gadir ikinci namizədlikdə daha çox aktivlik olacağını düşündüyüm üçün bunu təklif edirəm zatən. Dördlükdənsə iki-iki bölünmək daha yaxşı olardı. Təbii ki, bu mənim fikrimdir. Qərarınız qətidirsə problem yoxdur. Ayın 28-i 15 gün artıraram səsverməni. Turkmen ^müzakirə 08:44, 25 fevral 2025 (UTC)Cavabla

Turkmen, belə izah edim. İndi, məsələn, səs almışam və növbəti səsvermədə heç maraq olmayacaq, məncə. Yəni, ən azından bu şəkildə hər birini 15 gün artırsaq heç olmasa bir nəticə əldə edə bilərik deyə düşünürəm. Hörmətlə, Qədir (müzakirə) 08:47, 25 fevral 2025 (UTC)Cavabla

Razıyam. Nemoralis (müzakirə) 10:09, 25 fevral 2025 (UTC)Cavabla

@Turkmen, salam. Bəli, razıyam və dəstəkləyirəm. Seçkilərdə uğurlar Sura Shukurlu (müzakirə) 10:12, 25 fevral 2025 (UTC)Cavabla

@Nemoralis, @Sura Shukurlu, salam. Gadir razı olmadığı üçün bu təklifi həyata keçirmək mümkün olmayacaq. Yeganə yol ayın 28-dən sonra hər 4 namizəd üçün səsverməni daha 15 gün də uzatmaqdı. Turkmen ^müzakirə 10:25, 25 fevral 2025 (UTC)Cavabla

Vikini yox özünü düşündüyü üçün belədi. Neynəyək, az səs almısız @Gadir. Vikidə təftişçi olması üçün çalışırıq, fərqi var kim seçiləcək ya yox? 2 namizəd olanda ən azından seçicilərin səsi dağılmayacaq. Nemoralis (müzakirə) 10:32, 25 fevral 2025 (UTC)Cavabla

Özümü düşünmürəm, Vikipediyanı düşünürəm, ən azından fəaliyyətimdən bəllidir bu. Az səs almağım problem deyil, nəticə ala bilmək üçün səsvermə müddətini uzatmağı təklif etmişəm. Səsvermənin birini ləğv etsək nə dəyişəcək? Bir dəfəlik imtina etmək daha yaxşıdır, qaldı ki, bu seçkilərdən sonra təkrar namizədlik vermək. Aldığım ya da namizəd olduğum hüquqları maksimum istifadə etməyə çalışmışam, indi də aktivəm, ona görə bu sahə ilə də maraqlana biləcəyimi düşünərək namizəd olmuşam. Bilirsən ki, heç mənim bu barədə düşüncəm yox idi, səninlə danışandan sonra bu barədə düşünməyə başladım, bilə-bilə bu ittihamın xoş deyil. Hörmətlə, Qədir (müzakirə) 10:46, 25 fevral 2025 (UTC)Cavabla

Problem deyilsə onda zəhmət olmasa təklif ilə razılaşın. Nemoralis (müzakirə) 10:48, 25 fevral 2025 (UTC)Cavabla

Mən lap sizin lehinizə çəkilə də bilərəm, sadəcə dediyim odur ki, səsvermələri təxirə salmaq heç nəyi dəyişmir, müddəti uzatmaq daha effektivdir. "Səsi dağılmayacaq" nə deməkdir? Hörmətlə, Qədir (müzakirə) 10:54, 25 fevral 2025 (UTC)Cavabla

Turkmen-ə səs verib mənə səs verməyən, mənə səs verib sizə səs verməyən nə qədər istifadəçi var. Çünki insanlar 4 namizədin hamısına ayrılıqda səs verib beyinlərini yormaq istəmir. Nemoralis (müzakirə) 10:58, 25 fevral 2025 (UTC)Cavabla

Salam. Əziz və hörməli həmkarlar @Turkmen bəy dediyiniz 35 nəfər səs vermə hüququ olan istifadəçiləri hamısını qeyd etsəz yaxşı olar. Ola bilər ki, bəzilərinin heç xəbəri yoxdur. Hörmətlə, Vikotals (müzakirə) 11:18, 25 fevral 2025 (UTC)Cavabla

Səsvermənin vaxtının uzadılması daha məqsədəuyğundur. Əks halda narazılıqları normal qarşılamaq lazımdır. Hər səsvermədə 12 inzibatçıdan maksimum 5-i iştirak edib. Onlara təkrar bildiriş göndərə bilərsiniz. Əminəm ki, bəzilərinin məlumatı yoxdu. Səsvermə hüququ olmayan amma səsvermə müddətində bu hüququ yaranmış istifadəçilərin səsini bərpa edə bilərsiz. Belə halda 25 səs toplamaq çətin olmaz. İkinci səsverməni lazımsız hesab edirəm. Əgər səsvermə bir istifadəçinin təftişçi seçilməsinə uyğun gəlirsə qoy elə bir istifadəçi təftişçi olsun. Bir müddət sonra digər istifadəçilər yenə namizədliyini versin. Patriot (müzakirə) 13:54, 25 fevral 2025 (UTC)Cavabla

Yox, ən azı iki dənə olmalıdır ki, bir-birilərinə nəzarət edə bilsinlər. Hörmətlə, Qədir (müzakirə) 14:05, 25 fevral 2025 (UTC)Cavabla

Bununla qaydalardan tanışam. Sadəcə qayda da deyir ki, biri varsa mütləq ikincini seçməliyik. Biri seçilsin, ikinciyə başlamaq çətin deyil. Patriot (müzakirə) 14:15, 25 fevral 2025 (UTC)Cavabla

Metadakı qayda ilə tanış deyildim. Orada belə yazılır ki, əgər iki təftişçi üçün kifayət qədər səs yoxdursa, bu vikidə təftişçi olmayacaq. O zaman yenə də fikirimdə qalıram. Səsvermənin uzadılması iki istifadəçinin seçilməsinə şərait yarada bilər. Patriot (müzakirə) 14:19, 25 fevral 2025 (UTC)Cavabla

Hə, biri seçilmirsə o biri də ola bilmir. İkidən artıq olsa daha yaxşıdır, məncə. Yenə say birə düşsə o biri də gedir. Hörmətlə, Qədir (müzakirə) 14:22, 25 fevral 2025 (UTC)Cavabla

 Y @Nemoralis, @Gadir, @Sura Shukurlu, səsvermələr 15 gün uzadılır. Namizədlər olaraq özümüz də səs vermədə iştirak edə bilərik. Turkmen ^müzakirə 05:19, 28 fevral 2025 (UTC)Cavabla

@Turkmen siz mənə izah edə bilərsiniz konkret hansı kriteriya uyğun gəlmədi ki, səsvermə hüququm olmadı bu səsvermədə? Təşəkkürlər. Patriot (müzakirə) 12:01, 11 mart 2025 (UTC)Cavabla

@Patriot Kor, səsvermənin başlanğıc tarixindən əvvəlki 15 gün ərzində 5 redaktə olmalıdır. Turkmen ^müzakirə 12:34, 11 mart 2025 (UTC)Cavabla

Anladım😄 Patriot (müzakirə) 12:38, 11 mart 2025 (UTC)Cavabla

@Turkmen, davam edən səsvermədə başqa təftişçi seçilə bilməsə, sizin səsvermə qüvvədən düşür? — Bikar ^müzakirə 10:04, 15 mart 2025 (UTC)Cavabla

@Bikar, salam, elədir. Başlığın aşağısına müvafiq qeyd yerləşdirmişəm. Turkmen ^müzakirə 10:08, 15 mart 2025 (UTC)Cavabla

Tutaq ki sabah Gadir-ə səsvermə başladıldı. 25 səsi topladı, təftişçi seçildi. Sizə birbaşa hüquq veriləcək yoxsa sizin üçün də yenidən səsvermə olacaq? — Bikar ^müzakirə 10:11, 15 mart 2025 (UTC)Cavabla

Onu Meta ilə danışmaq lazımdır. Əgər hansısa 2-ci namizədə indi seçki keçiriləcəksə orada müraciət edib gözləmədə saxlamaq olar. Amma üzərindən bir müddət vaxt keçdikdən sonra, mümkün olmaz. Həm də özüm də doğru saymaram. Turkmen ^müzakirə 10:19, 15 mart 2025 (UTC)Cavabla

Mən bir müddət əvvəl bu barədə (səsvermədə sadəcə bir namizədin yetərli səsə çata biləcəyi barədə, o da ki, heç o da çata bilmədi, lehinə 25 səs gəlmədi) stüard ilə danışmışam, deyib ki, uğurlu tək namizədin nəticələri qısa müddət ərzində digər bir namizəd də yetərli səs alarsa qəbul edilir, amma çox uzananda yox. Turkmen, sizin seçki də uğursuz yekunlaşıb, 25 səs gəlib, amma bunlardan biri tərəfsiz, digəri də qarşı səs olduğu üçün tələb olunan 25 dəstək səs almamısınız (23 etibarlı lehinə səs var). Lütfən, ona düzəliş edəsiniz. Səsvermə müddətini də artıq bir dəfədən artıq uzatmaq çox da yaxşı praktika olmayacaq olmaya bilər deyə düşünürəm (baxmayaraq ki, stüard da uzadıla biləcəyimizin mümkünlüyünü demişdi), həm də yenə də icmanın bəzi üzvləri hazırda iştirakdan imtina etdilər. İl ərzində ya da ilin sonlarına doğru və ya gələn il yenidən seçkilər təşkil etmək olar. Ona kimi mümkün qədər qaydalar və "Vikipediya" ad fəzasındakı səhifələr üzərində işləmək lazımdır. Hörmətlə, Qədir (müzakirə) 10:32, 15 mart 2025 (UTC)Cavabla

@Gadir, minimum 25-30 nəfər iştirak etməlidir və namizəd həmin səslərin 70-80%-ni toplamalıdır. Mən 25 səsdən 90%-ə yaxın lehinə səs aldığım üçün seçilmişəm. Siz yəqinki cümlənin ardıcıllığını qarışdırmısınız. Həmçinin qaydalara görə səsvermə müddətini artırmağın praktika ilə əlaqəsi yoxdur. Qaydaya görə 3-cü dəfə mümkün deyil. Turkmen ^müzakirə 10:35, 15 mart 2025 (UTC)Cavabla

Turkmen, qlobal və lokal qaydalarda səsvermənin üçüncü dəfə uzadılmasına qadağa yoxdur, amma orada uzadıla biləcəyi də yazılmayıb. Deməli, uzadıla bilər, amma uzadılmayıb, bura qədər problem yoxdur. Amma siz tələb olunan 25-30 səs və 70-80% dəstək faizini almamısınız, çünki sizə 25 etibarlı lehinə səs gəlməyib, 25 lehinə, 1 qarşı və 1 tərəfsiz olsa idi, hə, siz deyən idi, 90%-dən artıq dəstək faizi və 25 etibarlı lehinə səs ilə nəticə uğurlu olacaqdı. Hazırda isə 25 səs əldə edilmədiyi üçün bu səsvermə də uğursuz yekunlaşdırılmalıdır. Hörmətlə, Qədir (müzakirə) 10:55, 15 mart 2025 (UTC)Cavabla

Problem yoxdur, buna aid nümunə varsa, dəyişərəm nəticəni. Amma hazırda əksini düşünürəm. Bu məsələ və müzakirə indidən dəqiqləşdirilsə yaxşı olar. Paralel qaydadakı cümləni də daha anlaşıqlı edərik. Turkmen ^müzakirə 13:00, 15 mart 2025 (UTC)Cavabla

Məntiqlə seçilmək üçün tələb olunan lehinə səs 25-30-dursa və dəstək faizi də 70-80%-dirsə, deməli, 25 dəstək səsindən söhbət gedir. Qaydada "25-30 səs və 70-80% dəstək faizi almalıdırlar" bölməsində, təbii ki, etibarlı lehinə səslər nəzərdə tutulur. Həmçinin stüard ilə də dəqiqləşdirmişəm. Hörmətlə, Qədir (müzakirə) 13:45, 15 mart 2025 (UTC)Cavabla

Səs sayı ilə bağlı suala Arbitraj Komitəsi cavab verməli idi, o da yoxdu. Ümid eliyirəm növbəti səsvermələrdə bu cür hal yaşanmaz. Mən də 25 ümumi səsin 70%i lehinə başa düşürəm. Qaydanı dəyişmək üçün yenə səsvermə olmalıdı.. — Bikar ^müzakirə 17:36, 16 mart 2025 (UTC)Cavabla

Bikar, Turkmen,

m:CheckUser_policy#Appointing_local_CheckUsers bölməsinə nəzər yetirin: After gaining consensus (at least 70%–80% in pro/con voting or the highest number of votes in multiple choice elections) in the local community, and with at least 25–30 editors' approval, the successful candidate, yəni toplam etibarlı səslərin 70–80%-i nəzərə alınır, amma minimum 25 etibarlı lehinə səs olmalıdır ki, sorğu uğurlu hesab edilsin. 20 lehinə, 5 əleyhinə səs alıb 80% dəstək faizi alan istifadəçiyə təftişçi statusu vermirlər, çünki faiz tamam da olsa, 25 dəstək səsi yoxdur.

VP:TSQ-də qlobal siyasətə istinad olunaraq belə qeyd olunub: Qlobal təftişçi siyasətində də qeyd edildiyi kimi, təftişçi seçiləcək istifadəçilər icma tərəfindən minimum 25-30 səs və 70-80% dəstək faizi almalıdırlar., burada almalı olduğu səs dəstək səsidir, ehtiyac varsa, ora da "dəstək" ifadəsini qeyd edə bilərik, amma onsuz da faizdən sonra qeyd edilib, bu ikisi də üçündür. Əks təqdirdə, seçilmək qeyri-mümkündür.

Başa düşürəm, ola bilər ki, elə başa düşmüsünüz, amma izah etdim. Göründüyü kimi, qəliz heç nə yoxdur. Bikar, qaydada boşluq görmürəm, ən son səsvermədə bunu müzakirə etdik. Konkret problemlər varsa, bildirə bilərsiniz. Olmayan Arbitrajdan danışmağın mənası yoxdur, qayda elə ona uyğun tərtib olunub. Arbitrajın hərəkətə keçməsi üçün qaydalar hələ tam hazır deyil, daha var. Tələsmək lazım deyil, tələssək bu halda heç o qurumun qərarları da düzgün olmayacaq. Arbitrajın üzvlərini də tərəfsiz istifadəçilərdən seçmək lazımdır. Təftişçi baş verən kukla insidentlərinə və Metadan asılılığı azaltmaq üçün lazımdır (idi).

Qlobal qaydaların əksinə getmək olmur, məsələn, Almanca Vikipediyada 3-cü namizəddən sonra 4-cü namizədin seçilməsi üçün ən azı 50 səs tələb olunur. Polyakca Vikipediya təftişçi üçün 25 səs və 85% dəstək tələb edir. Təbii ki, bu, onların öz lokal qərarlarıdır. Statusu bəzi layihələr kimi müddətli də etmək olar (ən azından bir müddətlik), bu seçkilərin bir az tələsik olduğu ilə razılaşıram. Geniş və ətraflı müzakirə etmək olar, maraq olsa. Mən fikrimdə qalıram, mən olmasam da, minimum 3 təftişçi fikrimdə qalıram.

Turkmen, səsverməni arxivləşdirə bilərik? Sözügedən düzəlişi etsəniz, səhifənin adını Vikipediya:Təftişçi namizədliyi/Arxiv/2025 şəklində edərdik. Hörmətlə, Qədir (müzakirə) 22:03, 16 mart 2025 (UTC)Cavabla

Arxivləşdirmə aparacam amma bu məsələdə təəssüf ki, konkret nümunə ortaya qoymadınız. İndi arxivləşdirirəm, stüard ilə danışacam onun qeydinə əsasən lazım gəlsə nəticəni də düzəldəcəm. Siz hansı stüarddan soruşmusunuz bu barədə? Turkmen ^müzakirə 05:55, 17 mart 2025 (UTC)Cavabla

Hər şey açıqdır axı, nə nümunəsi? Sadə bir sual, 20 lehinə 5 əleyhinə səs və 80% ilə sizcə, təftişçi ola bilərsiz? Nümunə axtarmadım, ehtiyac da görmürəm. Mən deyən düzdü, yenə də EPIC ilə də danışmışam. Hörmətlə, Qədir (müzakirə) 09:31, 17 mart 2025 (UTC)Cavabla

Əvvəl deyirsən ki, metaya görə 25 lehinə səs olmalıdı, ümumi səslərin də 70%-i müsbət olmalıdı, sonra Polyakca Vikipediyadan nümunə gətirirsən ki, 25 lehinə səs, ümumi səslərin də 85%-i müsbət olmalıdı. Belə çıxır ki, metadakı siyasət lokal vikilərdə olduğu kimi təsdiq olunmuya bilər (əslində metadakı tələblərdən daha yüksək tələblər lokal olaraq qəbul oluna bilər, daha aşağı yox. Bu məntiqlə lokal təftişçi qaydamız "qeyri-qanuni"di). Qaydada boşluq qalıb, hələ çox müzakirələrə səbəb olacaq. Sadəcə düzəldmək lazımdı. Sədəcə müzakirə açırsan səs verilər, qutarır gedir. — Bikar ^müzakirə 09:58, 17 mart 2025 (UTC)Cavabla

Bəli, minimum şərtlər qəbul edilməlidir, ondan aşağısı ola bilməz. Lokal siyasəti qəbul olunmayan layihələr bu seçkilərdə qlobal qaydaları rəhbər götürəcək. Xeyr, qanunsuz filan deyil, bu fikrinizi əsaslandıra bilərsiz? Bizdə minimum şərtlər qəbul olunub, ona düzəliş edilməsi artıq başqa müzakirə mövzusudur. Hörmətlə, Qədir (müzakirə) 10:58, 17 mart 2025 (UTC)Cavabla

Bizim lokal şərtlərimiz, metadakı şərtlərdən daha aşağıdı da. Meta deyir minimum 25 müsbət səs olmalıdı. Lokalda deyirik minimum 25*70/100= 17.5 (18) müsbət səs olmalıdı. Qaydada bir söz problem yaradır və düzəlməsi əvəzinə deyirsiz başqa müzakirə mövzusudu. (müzakirəni davam etmək fikriniz varsa arxindən çıxarın) — Bikar ^müzakirə 11:16, 17 mart 2025 (UTC)Cavabla

Qaydada açıq-aşkar 25 lehinə səs tələb edildiyi yazılıb. 25 səsdən sonra dəstək faizinə baxılır (baxılır ki, 70-i keçib yoxsa yox). Başqa müzakirə mövzusu minimum şərtlərin dəyişdirilməsidir. Sadəcə burada Turkmen yekunlaşdırmanı düz etməyib, ona nəzər yetirsə problem qalmayacaq. Qayda ilə bağlı boşluqlar olduğunu düşündüyünüz məqamlar barədə və ya başqa təklifləriniz varsa, bu barədə müzakirə aça bilərsiniz. Mən problem görmürəm, amma fərqli fikirləri dinləməyə də etiraz etmirəm. Hörmətlə, Qədir (müzakirə) 11:38, 17 mart 2025 (UTC)Cavabla

25 lehinə səs tələb edildiyini açıq-aşkar qaydaya yazın. Turkmen də, mən də bu formada başa düşürəmsə deməli problem qaydadadı. — Bikar ^müzakirə 11:48, 17 mart 2025 (UTC)Cavabla

Qaydanın köhnə versiyasında 25 nəfərin iştirak etməli olduğu yazılıb. Deyəsən həmin əlavəni edən səhv başa düşüb. Yeni versiyada isə daha açıq olaraq 25–30 səs və 70–80% arası dəstək tələb olunduğu qeyd olunub. O bir sözü əlavə etmək müzakirəsiz də olar, texniki məsələdir, lokal qaydalar minimal qlobal siyasətə uyğun olmalıdır. Onsuz da 25 lehinə səs almamış bu status bizə verilən deyil. Başqa problemli gördüyünüz nüansları, varsa, qeyd edə bilərsiniz. Hörmətlə, Qədir (müzakirə) 12:50, 17 mart 2025 (UTC)Cavabla

Texniki məsələ deyil — Bikar ^müzakirə 13:13, 17 mart 2025 (UTC)Cavabla

Okey, təklif edirsən ki, səsvermə olmalıdı, mən isə deyirəm ki, bunu müzakirə səhifəsində də həll etmək olar. İstənilən halda, 25 dəstək səsi tələb edildiyi üçün yekunlaşdırmanı indi düzəltmək olar, çünki bu şəkildə (25-dən aşağı səslə) şərt qəbul etmək mümkün deyil. Qaydanı yazanda/yeniləyəndə belə bir ehtimalı düşünmüşdüm, amma mənə maraqlıdır ki, "25-30 səs almalıdır" dedikdə siz niyə ümumi başa düşürsünüz? Yaxşı, "25-30 səs və 70-80% dəstək faizi" yazılıb, amma almalı olduğu minimum səsin necə düşünə bilərsiniz ki, hamısı dəstək səsi olmasın? Hörmətlə, Qədir (müzakirə) 14:29, 17 mart 2025 (UTC)Cavabla